متابعة فعاليات موجة الثورة الثانية .. 25 يناير 2012

[Alattar]

من أجمل الصور اللي شفتها في الميدان..من تصوير أحد أصدقائي

بجد..لو ده مبدأ كل اللي موجودين في الميدان..يبقي بإذن الله ستيغير الحال تماما للأفضل..وفي وقت بسيط جدا بأمر الله

[احمد رضوان]

الموضوع مش حيخلص الا باقتحام ماسبيرو او اعتصام حول وزارة الدفاع

غير كده العسكر مصدرين الطرشه والاخوان بتوع الحنكه والحكمه ايديكم منهم والقبر

وراضيين بالنموذج التركي اللي العسكر هناك قوامين عليهم

ماسبيرو في ذاته ... ليس هدفاً ... هو مؤسسة فاسدة كما الكثير من مؤسسات الدولة وفضيحته بجلالجل والشعب لم يهضم ما يقدمه من اكاذيب

وزارة الدفاع في ذاتها ليست هدفاً ... ,وإنما رمز لكرامة كل عسكري فما المتوقع من إذلال رمز العسكريين ورمز الجيش المصري وكل مصري

يجب الإلتزام بالأهداف وعدم الإنجرار وراء أشياء قد تؤدي لتصادم نحن في غنى عنه في هذه اللحظة الفارقة ... الشعب مع الثوار الآن ونحن لسنا في حاجة لخسارته ، المجلس يترنح ولسنا في حاجه لدفعه لمواجهة دموية من خلال المطروح بأعلى لأن العسكري عنده يموت ولا يحصل اللي فوق ده

لنركز على أهدافنا : نقل السلطة أو فتح باب الترشح لرئاسة الجمهورية فوراً

ملاحظة الحشد الموجود حالياً سيتفرق غداً للرجوع للأعمال والجامعات والمدارس والمصانع ، لذ يجب التركيز على أهداف محددة اليوم لأنه لو لم يحدث إستجابة اليوم يمكن إستثمار كل تلك الحشود إسبوعياً

ملحوظة شخصية لا داعي للإعتصام بعد فض الحشد وإنما عمل مليونيات حاشدة كل يوم جمعة سيفي بالغرض لعدم تكرار احداث محمد محمود وماسبيرو ، الشعب في جانب الثورة لا داعي لخسارته مرة أخرى لأنه اهم مكاسب اليوم

[ام سلمي]

اللي مصمم يقف ضد الثورة هوا حر بقه !! بس يخاف علي الأقل من حكم التاريخ

استاذى الفاضل,

اسمح لى ان اختلف معك قليلا فى هذة الجملة,

الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة

الاستاذ الفاضل ماستر

حضرتك كدة حكمت علي كل اللي مصدق ان المجلس العسكري حيسلم السلطة في اخر يونيو ولذلك مش مقتنع بفايدة للثورة التانية، او حتي اللي مش متأكد انه

حيسلمها بس بيفضل الانتظار انه بيسمم المنتدي والافضل انه ما يقولش رأيه و كفاية يسمم بيه نفسه واتمنيت له الموت كمان علشان يريحكم !!!

يا استاذ ماستر المشكلة ان احنا دلوقتي مش في الثورة الاولي كان لا يختلف عليها اتنين واللي مش عايزها كان اكيد فلول

انما الثورة التانية وضع مختلف ، كتير من المصريين مش شافيين انها كان ليها لازمة وكان ممكن نستني كام شهر

دي وجهات نظر وما يصحش ان كل من يختلف معاك في وجهة نظرك تقول عليه كدة

تحياتي لحضرتك

[م تيمور المراغي]

تنبيه واجب ,,

ما اكتبه في هذا الصرح الكريم انما يعبر عن موقفي انا السياسي تجاه الاحداث وآرائي الشخصية و لا يعبر بالضروره عن الموقف الرسمي لحركة شباب 6 ابريل ,,

[م تيمور المراغي]

المسيرات المتوجه للاعتصام امام وزارة الدفاع ستتجمع بعد صلاة الجمعه امام مسجد النور ان شاء الله ,,

[ماستر]

اللي مصمم يقف ضد الثورة هوا حر بقه !! بس يخاف علي الأقل من حكم التاريخ

استاذى الفاضل,

اسمح لى ان اختلف معك قليلا فى هذة الجملة,

الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة

الاستاذ الفاضل ماستر

حضرتك كدة حكمت علي كل اللي مصدق ان المجلس العسكري حيسلم السلطة في اخر يونيو ولذلك مش مقتنع بفايدة للثورة التانية، او حتي اللي مش متأكد انه

حيسلمها بس بيفضل الانتظار انه بيسمم المنتدي والافضل انه ما يقولش رأيه و كفاية يسمم بيه نفسه واتمنيت له الموت كمان علشان يريحكم !!!

يا استاذ ماستر المشكلة ان احنا دلوقتي مش في الثورة الاولي كان لا يختلف عليها اتنين واللي مش عايزها كان اكيد فلول

انما الثورة التانية وضع مختلف ، كتير من المصريين مش شافيين انها كان ليها لازمة وكان ممكن نستني كام شهر

دي وجهات نظر وما يصحش ان كل من يختلف معاك في وجهة نظرك تقول عليه كدة

تحياتي لحضرتك

الفاضلة ام سلمى,

الكلام اعلاة يختلف تمام عن ما اقول, يبدوا ان حضرتك فهمتى شئ مختلف,

شوفى فى فرق بين الى لية رأى بيعبر عنة بأدب واحترام الحوار المتبادل وفى نفس الوقت مقنتع برأية ولا يشوة الثورة والثوار والصنف دة على العين والرأس لانه جزء من الشعب المصرى وفى النهاية بردة هم اخوانا واخواتنا, ولكن ما قصدته هو ان هناك اشخاص دائما ما يتعمدون ان يشوهوا ويسبوا الثورة والثوار فى كل مكان فى مصر ومنهم اعضاء هنا فى المنتدى, وامثال هؤلاء من السهل ان تعرفيهم بنفسك,

سيدتى الفاضلة مفيش تسامح ولا اختلاف فى الرأى مع اى حد هيشتم الثورة مهما كان, الى عايز يتناقش ويعبر عن رأيك لا يشتم او يشوة او يسب من هم افضل منا والسبب فى استرداد حريه مصر وكرامة الشعب المصرى

تم تعديل 27 يناير 2012 بواسطة ماستر

[م تيمور المراغي]

[aimen]

وائل قنديل يكتب: هذا الشعب الخط الأحمر

لإنها مليونية سقوط الأكاذيب والأوهام.. هو يوم أظهر أجمل وأروع ما فى الشخصية المصرية، وأعاد إلى المصريين نقاءهم الذى حاولوا القضاء عليه بكل الأسلحة، الإعلامية والاقتصادية والأمنية.

لقد روعوا الشعب ومارسوا ضده أبشع الحروب النفسية لكى يكفر بثورته وينصرف عنها، ومارسوا عليه كل أشكال الترهيب لكى ينسى.. قالوا له مبكرا إن 25 يناير سيكون يوما داميا وعنيفا.. لقنوه أن مؤامرات خارجية وداخلية جاهزة للتنفيذ ضده فى هذا اليوم.. وأن مخططات لزعزعة الاستقرار وتمزيق أشلاء الوطن ستكون فى انتظار من يخرجون لإحياء الثورة واستكمالها.. جيشوا إعلامهم ليطلق عليهم الفزاعات لكى لا يخرجوا.. وإن خرجوا فلكى يحتفلوا ويلعبوا ويرقصوا فى ملاهى عيد الثورة.

لكن الشعب الذى خرج بالملايين كان أكثر وعيا وذكاء ونبلا وأعلنها مدوية فى كل ميادين مصر: إنه مع ثورته حتى تكتمل.. ومع حقوق الشهداء والمصابين حتى تعود.. ومع الأهداف والغايات النبيلة حتى تتحقق.. باختصار برهن المصريون مرة أخرى على تحضرهم ونبلهم وشهامتهم.

إن الذين نظموا وخططوا لعملية القضاء على جذوة الثورة داخل وجدان المصريين تصوروا أن هذا الشعب من السذاجة بما يجعل منه فريسة سهلة لقناصة الفزاعات الأمنية والاقتصادية، وهجانة الإعلام «المتعسكر» وتوهموا أن الجماهير استجابت وتفاعلت مع عمليات محو الميدان من وجدانها.. وأن الناس كرهت الثورة وقررت أن تخلد للنوم خوفا من عفاريت المخططات الأجنبية، وطمعا فى أنهار اللبن والعسل التى قالوا لهم إنها ستتدفق إذا نسوا حاضرهم الثورى وولوا وجوههم شطر المستقبل الغامض المبنى على أسس مهترئة.

لقد دعوا الجماهير للاحتفال فى استاد القاهرة، ووعدوا بهدايا تخرج من تحت الأرض وتنهمر من الطائرات المحلقة فى السماء.. وروجوا شائعات عن أشباح ستندس بين المتظاهرين وتعمل فيهم القتل وتخرب المنشآت وتحرق مصر، لكن المصريين اختاروا الميدان وأتوا إليه من كل فج عميق، وتبخرت قطعان البلطجية والمواطنين الشرفاء، وذابت بحيرة العباسية الآسنة أمام فيضان نهر الثورة الطاهر.

وأزعم أن السادة الذين ظنوا أن المصريين اكتفوا بهذا القدر من الثورة عليهم أن يقفوا أمام المرآة ويواجهوا أنفسهم بكثير من الأسئلة: لماذا خاب مسعاهم فى تكفير الشعب بالثورة وإلهائه عنها، بالفزاعة الأمنية تارة، وأخرى بالحصار الاقتصادى، واعتبار البرلمان وكأنه عصا موسى التى تستطيع أن تلقف الثورة تارة ثالثة؟

عليهم أن يحاسبوا أنفسهم قبل أن يحاسبهم أحد: ماذا فعلوا بمن ائتمنوهم على الثورة واعتبروا أنهم وهم «إيد واحدة» فى البواكير؟

ماذا عن أغلبيتهم الصامتة المزعومة.. وماذا عن فلولهم التى أحاطوها بكل أشكال الرعاية والاهتمام والتسهيلات فأسقطهم الشعب وأطاح بهم خارج المشهد الانتخابى؟

إن الإجابة كانت فى الميادين أمس: عاشت مصر وعاش الشعب الخط الأحمر.. وسقطت دولة «العكشنة».

بقلم وائل قنديل ..

[الغريب]

عرفنا ليه الإخوان يرفضون تسليم السلطة لرئيس مجلس الشعب

[م تيمور المراغي]

شابو لوائل قنديل

****

سيد البدوي:''العسكري'' حمى الثورة وحقن الدماء وسيخرج بشكل مشرف ! \\ الرباط الخاص بي

تم تعديل 27 يناير 2012 بواسطة Folana
أسلوب غير لائق

[م تيمور المراغي]

عرفنا ليه الإخوان يرفضون تسليم السلطة لرئيس مجلس الشعب

طيب ما يتركوا مجلس الشعب بالمره ويبقوا ارتاحوا من النقد خالص !

اداء الاخوان في مجلس الشعب اتوقع انه حيبقى زي محاكمة مبارك كده

يعني شكلي وكلام انشاء وخلاص

لا حيهش ولا حينش

[م تيمور المراغي]

مسيرة العباسية 6000 شخص تحركوا من جامع النور إلى كلية الطب ، الهتاف يسقط يسقط حكم العسكر

[se_ Elsyed]

اللي عنده دم .. احسن من اللي عنده عزبة

يعني إحساس المشير طنطاوي إيه دلوقت ومئات الالاف في كافة المحافظات تطالب بإعدامة مثلما كانت تفعل مع مبارك ؟

وليه حط نفسه في الموقف الزبالة ده هو واللي معاه ؟

وما كانش من الافضل والأشرف إنهم ينزلوا يحتفلوا مع الناس بعد مُضي عام ونحن محققون أهداف الثورة أو بدئنا في تحقيق أهدافها ؟

[aimen]

مسيرة العباسية 6000 شخص تحركوا من جامع النور إلى كلية الطب ، الهتاف يسقط يسقط حكم العسكر

تم تعديل 27 يناير 2012 بواسطة aimen

[عماد حمدي]

دا اللي بيحصل دلوقتي ..

[aimen]

انطلقت منذ قليل مسيرة حاشدة بدمنهور جابت شوارع المدينة ، فى الذكرى الاولى لجمعة الغضب بثورة 25 يناير .

وبدأت المسيرة من جامع عطا مرورا بشارع قباء ، ثم توجهت المسيرة الى منزل الشهيد بهاء الدين زغلول الجروانى أول شهيد بدمنهور ، حيث توقفوا اسفل منزله مرددين الهتافات التى تندد بالنظام السابق ، ومطالبين بسرعة محاكمة قتلة الشهداء والثأر لدم الشهيد .

وتتجه المسيرة حاليا الى ميدان الساعة بدمنهور لتنظيم وقفة كبرى للمشاركة فى ذكرى جمعة الغضب .

مسيرة شبرا ومتجهة إلى مسره الأن، لا خوف ولا رعب السلطة ملك الشعب، جيشنا فوق الراس مرفوع والمجلس تبع المخلوع، العدد 10.000 متظاهر،

مسيرة المنصورة تتجه لشارع الجلاء وعددها يزيد عن الألف ومازال هناك خمس مسيرات أخرى تجوب الشوارع للحشد...

مسيرة مصطفى محمود دلوقتى فى شارع محى الدين ابو العز و الهتاف: مش حفلة دى ثورة ..

انطلاق مظاهرة بور سعيد من أمامجامع مريم بأعداد كبيرة جدا

باشر 6 ابريل | الاسكندرية

الاعداد تتزايد والهتاف الان يسقط يسقط حكم العسكر . ايوه بنهتف ضد العسكر

Marching in Dokki st #giza yfrog.com/gy59avjnj

تم تعديل 27 يناير 2012 بواسطة aimen

[م تيمور المراغي]

دا اللي بيحصل دلوقتي ..

لا وانتش صادق

ده اللي بيحصل دلوقتي ,,

[م تيمور المراغي]

د. محمد البرادعي علي تويتر

التسلسل المنطقى :

1- رئيس مؤقت منتخب من مجلس الشعب

2- تشكيل لجنة الدستور فوراً

3- دستور يحدد شكل النظام و يضمن مدنية الدولة والحقوق والحريات

4- انتخاب رئيس معروفة صلاحياته طبقاً للدستور

5- انتخاب برلمان على اساس الدستور الجديد. بعد عام من التخبط حان الوقت للتوافق على تصحيح المسار

[aimen]

#jan27 #noscaf #tahrir #Giza أهالى الدقى يلوحون بعلم مصر من البلكونات للمتظاهرين القادمين فى مسيرة الجيزة

‎#egypt #jan27 #tahrir تضامن أهالى الدقى بعلامات النصر من البلكونات مع مسيرة الجيزة القادمة من مسجد الاستقامة

[عماد حمدي]

دا اللي بيحصل دلوقتي ..

لا وانتش صادق

ده اللي بيحصل دلوقتي ,,

د / غاده ونشطاء حركه 6 ابريل >> ياعيني ع الوطنيه ;)

http://www.youtube.com/watch?v=YRqaNkE0Q0w&feature=player_embedded

كتير من الناس ال قالبة الدنيا على كلمة الاحتفال (باهداف الثورة التى تحققت) وبيقول

ازي تحتفل ودم الشهداء لسه ما نشفش !!

هما ال احتفلوا بالكريسماس في ميدان التحرير ,,,, وعجبي!!!!!!!

الصورة لإحتفالات رأس السنة في ميدان التحرير

تم تعديل 27 يناير 2012 بواسطة عماد حمدي