يوم الثورة دة يوم عيد وعصام ميلادة سعيد

[ابو محمود]

فى هذا اليوم السعيد الذى يوافق ال25 من يناير قامت مصر على اصوات الشعب العظيم واطلقت ثورتها المجيدة التى غيرت الليل الى نهار واطاحت بالطاغية مبارك

ومن حسن الصدف ان يكون اليوم هو يوم ميلاد الاخ العزيز عصام ابو الفتح

كل سنة وانت طيب يا عصام وتهنئة لك بمناسبه عيد ميلادك واطلاله السنة الاولى على ميلاد الثوره فعيدنا اليوم عيدان اعادة الله علينا وعليك بالسعادة وراحة البال عيد ميلاد سعيد وعقبال 100 سنة

[م تيمور المراغي]

كل سنه وانت طيب يا عصام

ويارب محقق كل امانيك

[عماد حمدي]

كل عام و حضرتك بخير يا أستاذ عصام

و عقبال 1000 عام في طاعه الله

أرق تحيـــــــاتي ،،

[rewsha]

كل سنه وانت طيب يا استاذ عصام

(الناس كلها بتعمل عيد ميلاد واحد في السنه وانت بتعمل اتنين عيد ميلاد في شهر واحد) ;)

بس اهم مافي الموضوع

ماتنسانيش في حتة المكرونه بالبشاميل. :)

[pink rose]

كل سنة و حضرتك طيب يا باشمهندس عصام

يا رب تكون سنة سعيدة و خير على حضرتك

و يا رب تحقق كل احلامك

[raouf]

عصاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

كل عام وانت بخير وعقبال 1000 سنة ولما ارجع السعودية هاكلمك

واهنيك بشكل شخصى

واحشنى والله يا عصام

[الدكتور ياسر]

كل عام وانت بخير يا أستاذ عصام..

أطال الله عمرك في طاعته وعقبال مائة عام.

[Mr MAGED]

كل سنة وانت طيب يا باشمهندس .. وعقبال مليون سنة

:clappingrose: :clappingrose:

تم تعديل 25 يناير 2012 بواسطة Mr MAGED

[التونسى]

عيدك ثوره اخى الفاضل عصام

[عبير يونس]

كل سنه وانت طيب يا استاذ عصام

(الناس كلها بتعمل عيد ميلاد واحد في السنه وانت بتعمل اتنين عيد ميلاد في شهر واحد) ;)

بس اهم مافي الموضوع

ماتنسانيش في حتة المكرونه بالبشاميل. :)

اه فعلا يا روشة يا ختي

هو احنا مش كنا قلنا هناك

نهايتو

(وشي و انا باتصعب و امصمص شفايفي)

:closedeyes:

اتفضل يا أستاذ عصام

و كل سنة وحضرتك طيب ...تاني

:)

[نوران]

كل عام وحضرتك طيب يا باشمهندس عصام

وعمر مديد في طاعة وصحة وسعادة

[عصام أبوالفتح]

كل سنة وانتى طيبة يا مصر وانتوا طيبين يا مصريين

الاخت الكريمة ريهام : اشكرك على رسالتك الجميلة على البروفيل وكل سنة وانتى طيبة واسعد الله ايامك ولياليكى

الاخ ابومحمود : وانت طيب وبارك الله فيك ورزقك من حيث لا تدرى وجزاك الله كل خير على كل كلمة صدق وحق قلتها

الاخ تيمور : وانت طيب وحقيقى انت خسارة فى 6 ابريل وكنت اتمنى ان تسخر ايجابيتك المهولة فى الاتجاه الذى اظنه صحيحاً

الاخ عماد : وانت طيب والاخوان طيبين وربنا يوفقهم لخدمة مصر وشعبها وان شاء الله السنة الجاية نحتفل بانجازاتهم ويعم الخير الذى وعدوا بحمله للبلاد

الاخت الفاضلة روشة : احنا مش دافنينه سوا ... لكن مولودين سوا تقريباً ... كل سنة وانتى طيبة تانى وتالت ورابع وعاشر ونايبك محفوظ ومصون كل سنة مرتين :)

الاخ رؤوف : كل سنة وانت طيب وترجع بالسلامة ونتقابل قريب ان شاء الله

الدكتور ياسر : وانت طيب يا دكتور .. جزاك الله كل خير

الاخ ماجد : وانت طيب وبخير وسعادة اخى الفاضل

الأخ محمود البصيلى : كل سنة وانت شاعر رقراق المشاعر وتورتة رائعة تسلم ايديك

الاخت الفاضلة عبير : كل سنة وحضرتك طيبة وتحققى كل ما تتمنيه

الاخت الفاضلة نوران : وحضرتك طيبة وربنا يكتر من امثالك ويبارك فيكى

الأخوة والاخوات الكرام .. بارك الله فيكم جميعا وكل عام وانتم بخير ومصر الى الافضل ان شاء الله

من الجميل ان تتواجدوا فى هذا الموضوع لأستأذنكم فى الانسحاب بشكل نهائى من المنتدى لظروف أعتبرها شخصية وخاصة

لكم ولجميع المحترمين والمحترمات بالمحاورات كل التحية من اتفقت معهم ومن اختلفت

وللادارة وللمشرفين اقول : كتر الله خيركم

للتواصل مستقبلاً

http://www.facebook....bulfatth.PMP.PE

هذه اخر كلمات حياتى بالمنتدى .... حياةٌ بعدالةٍ وكرامةٍ ... أو لا قيمة للحياةِ

عصام أبوالفتح

25 يناير 2012ٍ

[ابو محمود]

لا حول ولا قوة الا بالله

لية كدة يا عصام لقد ألمتنى بجد كنت اتمنى الا تذهب وتترك المحاورات والان تتركنا وفى يوم احتفاءنا بمولدك وموضوع اعددتة خصيصآ لذلك وبيدى على العموم اتفهم موقفك تمامآ لكنى رجوتك الا تترك الساحة التى تظلم بها الا منتصرآ وتثبت للجميع انك على حق لكن ليتأكد الجميع ان الاعضاء المحترمين يغادرون المحاورات بفعل فاعل اتمنى الا يكون هذا الفاعل لة عمر بيننا هنا والا سنجد كل قلم وفكر محترم يخرج ويترك لمن يريد ان يكون الصالون الثقافى المحترم محاورات المصريين لة لون واحد ويصبغ بالانانية والاقصاء والأكاذيب الملفقة اسفى اعلنة وعزائى ان هناك الكثير من المحترمين لا يرضى ابدآ بان تقصف الافكار كما تقصف الاقلام اننا نعيش عصر جديد من الحرية فى التعبير اعتقد انها ستأتى الى المحاورات حتمآ ولهذا ارجو الصبر والتريث لاننا فى الطريق الى فضح كل من يقصف فكر ويخطف أمل ويكدر صفو تجمعنا لاسباب شخصية

تم تعديل 26 يناير 2012 بواسطة ابو محمود

[لماضة مصرية جدا]

السلام عليكم و رحمة الله و بركاته

كل سنة و حضرتك بكل الصحة و السعادة....(كلاكيت تاني ....معلشي كتبتها لحضرتك ع البروفايل ساعتها لان مكنشي فيه توبيك و اتكسفت الصراحة افتح واحد....و اسفة علي اقتحامي مساحة خصوصيتك:)

بس هو حضرتك ليه ماشي

هو اينعم انا كنت لاوية بوز شبرين علشان حضرتك مرة قولتلي في توبيك مش عارفة فين "يا افندية" و انا استغربت ان اول مرة حد يقولي كده و تخيلت منظري و انا لابسة الطربوش و عاوجاه علي قبة عيني :blink:

بس قولت اكيد حضرتك عندك وجهة نظر برضه

اللي حابة اقوله لحضرتك

مع اختلافي الشديد اوقات كتيرلوجهة نظر حضرتك....(الطربوش و خلافه)....بس بحترم وجود حضرتك جدا و بشوف فيه شكل من اشكال التنوع و الثراء

اتمني ان حضرتك تاخد بريك و تاكل كيت كات....

قصدي...تاخد هدنة و تبص علي الامور من زاوية تانية

تحياتي لشخص حضرتك الكريم

و كل سنة و انت في ثورة....:)

كان معك

لماضة أفندي :P (مسامحة و الله...بس شوية نكش كدهوت:)