بحث إلغاء العلمي والأدبي بالمرحلة الثانوية

[se_ Elsyed]

الجمهورية 23/11

تنفيذاً لتوجيهات الرئيس:

بحث إلغاء العلمي والأدبي بالمرحلة الثانوية

وزير التعليم: تخفيض مواد السنة الأولي من 17 إلي أقل عدد ممكن

العربي واللغات إجباري..والباقي اختياري..في ثانية وثالثة

كتب سيد جاد:

أكد الدكتور أحمد جمال الدين وزير التربية والتعليم أن الوزارة بدأت تنفيذ توجيهات الرئيس مبارك فيما يتعلق بتطوير العملية التعليمية بدءا من رياض الأطفال حتي الثانوية العامة.

قال الوزير في تصريحات خاصة ل "الجمهورية" إن تطوير التعليم الثانوي سوف يشمل المنهج والنظام معاً حيث انتهت لجان تقييم المناهج من أعمالها تمهيدا لوضع مناهج جديدة لجميع صفوف الثانوي.

أضاف أن أهم ملامح التطوير تتضمن توحيد المناهج في الصف الأول الثانوي بالثانوي العام والفني بحيث يتم دراسة نفس المواد لجميع الطلاب مع تخفيف عدد المواد التي يتم دراستها بالصف الأول الثانوي من 17 إلي أقل عدد ممكن من المواد مع إتاحة الفرصة للاختيار أمام الطالب لدراسة ما يراه مناسبا لإمكاناته واقتصار الاجبار علي مواد اللغة العربية واللغات الأجنبية.

أكد الوزير أنه من المقترح إلغاء نظام العلمي والأدبي من المرحلة الثانوية. والاقتصار علي إتاحة الفرصة أمام طلاب الصفين الثاني والثالث الثانوي لاختيار ما يرغبون في دراسته من مواد تؤهلهم للالتحاق بالكليات التي يتطلعون إليها.

أشار الوزير إلي أنه سيتم زيادة أعداد المرشدين التربويين في جميع المدارس الثانوية لمساعدة الطلاب علي اختيار المواد التي تناسبهم.

وفيما يتعلق بمحاربة الدروس الخصوصية قال الوزير إنه ليس هناك إجراء فوري يمكن اتخاذه في هذا الشأن ولكن الهدف الأساسي من تطوير المناهج والنظام في النهاية هو القضاء علي الدروس الخصوصية..وأعلن الوزير أن العمل في مجال التطوير يسير بخطي واسعة. وبمجرد الانتهاء منه سيتم عرضه علي مجلس الوزراء. ثم اتخاذ الإجراءات القانونية وعرضه علي مجلس الشعب. وذلك بعد مناقشته باستفاضة أمام الرأي العام. والنقابات المهنية وأولياء الأمور والمدرسين.

مش قولت لكم إن رؤساءنا أشبه ما يكونوا بسوبر مان والشخص اللي بيفهم في كل حاجة حتى التعليم من كي جي 1 لحـــــــــــد الثانوية العامية .... وبعدين لما يلغوا الأدبي والعلمي .. الطالب يبقى تخصصة إيه ؟ شمبرلاح ؟!!!

يعني اجي أسأل إبني إنت علمي ولا أدبي يا حبيبي .. يقولي أنا شمبرلاح يا بابا ... وده يدخلك فين يا حبي ؟ ده يدخلني على الحمام عِدل يا بابا .

انا بأقول نرجع نظام الكتاتيب أحسن أهو لعيل يلحق يتعلم له حاجة مفيدة .. والبنات نعلمهم تريكو وإقتصاد منزلي وقشطه على كده وتقعد البنت من دول تستني عدلها يجيلها

[Cleo]

سياسة وزارة التعليم خلال العشرين سنة الأخيرة تتبع المنهج العالمى المعروف ب"إشرب من قلة دى ما تشربش من قلة دى فالاد"... :angry:

[فــيــروز]

مش قولت لكم إن رؤساءنا أشبه ما يكونوا بسوبر مان والشخص اللي بيفهم في كل حاجة حتى التعليم من كي جي 1 لحـــــــــــد الثانوية العامية ....

يا جماعه بطلوا افترا بقى هو مش كان طالب زينا فى يوم من الايام وطبيعى يكون له راى فى نظام التعليم وكيفية تحسينه

[Sherief AbdelWahab]

مواضيع التعليم تستحق ضمها كلها لدعوة للابتسام!

الابتسام من الغيظ طبعاً..

من حق..أين أعضاء مجلس الشعب الذين يفتون في كل شيء من تجديد الخطاب الديني إلى خطة المدرب في كرة القدم؟..آه صحيح..نسيت إن فيه بعض الشئون العامة التي يعرفها العامة من الناس تبدو بالنسبة لهم أعقد من تقارير الجهاز المركزي للمحاسبات التي لا يستطيع معظم الشعب فهمها ومع ذلك نجدهم يتحدثون عنها مثل البرابند!..

آه يا بلد!

خلص الكلام

[emmyyy]

عموما موضوع المواد المؤهله لدخول الجامعه فعلا احسن بالنسبه لاي طالب يعني الي بيحب يدخل هندسه يدرس رياضه و فزياء وكمياء الي يحب طب يدرس فزياء وكمياء و احياء وهاكذا مع وجود بعض المواد الاجباريه لكن ليه مثلا ادرس جولوجيا(مع تعطيش الج) واناهدخل كليه التجارة هو تضيع وقت وفلوس وخلاص gra:-

بس المشكله عندنا ان محدش هايعرف يطبقالنظام ده صح يعني العيب في التطبيق مش في النظام :huh:

[Modest]

عموما موضوع المواد المؤهله لدخول الجامعه فعلا احسن بالنسبه لاي طالب يعني الي بيحب يدخل هندسه يدرس رياضه و فزياء وكمياء الي يحب طب يدرس فزياء وكمياء و احياء وهاكذا مع وجود بعض المواد الاجباريه لكن ليه مثلا ادرس جولوجيا(مع تعطيش الج) واناهدخل كليه التجارة هو تضيع وقت وفلوس وخلاص gra:-

بس المشكله عندنا ان محدش هايعرف يطبقالنظام ده صح يعني العيب في التطبيق مش في النظام :huh:

ده كلام جميل و النظام ده موجود بالفعل في مصر و معظم دول العالم (نظام الـ I.G.C.S.E) تحت إشراف جامعة كامبريدج و توجد أيضاً أنظمة تعليمية أخرى مشابهة ... أي نعم سمعت إن المدرسين قلبوا هذا النظام في مصر زي الثانوية العامة من ناحية الدروس الخصوصية و الـ Centers اللي بنسمع عنها و لكنه فعلاً أفضل بمراحل من دراسة ما ليس له علاقة بتهيئة الطالب لإختيار مستقبلٌه.

ابني بدأ السنة دي في دراسة الأي جي (اختصارها كده علشان مفيش وقت ) و باختصار يُتاح للطالب اختيار 8 مواد أساسية من ضمن عشرات المواد الموجودة هنـــــا و يسمى هذا المستوى O-Level و طبعاً ده يعتمد على المدرسة و مدى توفر تدريس هذه المواد بها .. و يمكن تقسيمهم من حيث أداء الامتحان على سنتين و بعدها (أو خلالها حسب قدرة الطالب) يأتي ما نطلق عليه في الثانوية العامة (المستوى الرفيع) أو A & AS Level و مواده متعدده يمكن الاطلاع عليها هنــــــــا و تعتمد في اختيارها أولاً على رغبة الطالب في استكمال تعليمه في مجال معين و قدرته على اختيار أكبر عدد من المواد لزيادة مجموعه النهائي و بالطبع تعتمد أيضاً على توفٌر المواد التعليمية و المدرسين القادرين على شرحها.

للإطلاع على الموقع الخاص بهذا النظام إضغط هنـــــــا

لا أرى أي مانع في تطبيق مثل هذا النظام أو أي نظام شبيه له في مصر إلا إذا كانت هناك موانع مصلحية (من تداخل المصالح) اللي هي العامل الرئيسي و الاساسي و يكاد يكون الوحيد في تطبيق أي نظام.

تم تعديل 25 نوفمبر 2004 بواسطة Modest

[فــيــروز]

لكن يا جماعه هذه الطريقه فى التعلم تجعل طالب العلمى لا يفقه اى شئ عن شئ مثل الفلسفه مثلا !! او المنطق حتى .. وكذلك طالب الادبى تيجى تساله عن شئ رياضى بسيط تلاقيه بيقول لك انا كنت ادبى لمجرد انه ظل سنه او سنوات لا يدرس رياضه !! اظن مفروض يكون فيه مواد ممكن اعتبارها مواد تثقيفيه لا غنى للانسان عن تعلمها سواء كان ادبى او علمى او علمى متأدب :huh:

[emmyyy]

ده كلام جميل و النظام ده موجود بالفعل في مصر و معظم دول العالم (نظام الـ I.G.C.S.E) تحت إشراف جامعة كامبريدج و توجد أيضاً أنظمة تعليمية أخرى مشابهة ... أي نعم سمعت إن المدرسين قلبوا هذا النظام في مصر زي الثانوية العامة من ناحية الدروس الخصوصية و الـ Centers اللي بنسمع عنها و لكنه فعلاً أفضل بمراحل من دراسة ما ليس له علاقة بتهيئة الطالب لإختيار مستقبلٌه.

انا كنت IGCSE برده بس سنه1993-1994 واحسن حاجه اتعلمتها ان المذكره مش حفظ وصم كتب لا اني افهم وحاجه كمان حلوة اوي ان مش لازم اجيب %90 علشان اجيب A في حاجه اسمها Grading curve يعني لو الامتحان كان صعب بيعملوا اعاده تقيم للGrading يعني مثلا ةالسنه الي انا امتحنت Physics كان الامتحان صعب اوي و A was starting from 77% جبت A الحمد الله لكن العيب بقي لما انتشرت ال IGCSE في مصر الطلبه والأهالى تعاملوا معها مثل الثانويه العامه دروس و صم كتب من الجلده للجلده لدرجه ان الطلبه المصريين بقوابيقفلوا الامتحنات لدرجه ان new garde was set A* وده عيب مش ميزه لان المفروض ان الناس تفهم انها المفروض تتعلم ازاي تفكر and have the skills for problem solving مش هم كلمتين اكبهم علي الورق و بس

الخلاصه لازم الناس تغير فكرتها عن التعليم مش شرط اجيب 99% ولكن اجيب 80% بس اكون فهما جبتهم ازاي و ياما طلبه كتير دخلوا طب وهندسه ب 99% لكن سقطوا في الجامعه

[emmyyy]

  لكن يا جماعه هذه الطريقه فى التعلم تجعل طالب العلمى لا يفقه اى شئ عن شئ مثل الفلسفه مثلا !! او المنطق حتى .. وكذلك طالب الادبى تيجى تساله عن شئ رياضى بسيط تلاقيه بيقول لك انا كنت ادبى لمجرد انه ظل سنه او سنوات لا يدرس رياضه !! اظن مفروض يكون فيه مواد ممكن اعتبارها مواد تثقيفيه لا غنى للانسان عن تعلمها سواء كان ادبى او علمى او علمى متأدب

دي ملهاش دعوه علي ما اعتقد يافيروز لان انا مثلا بكره الفلسفه وحتي لو كنت درستها و لا كان هيفرق حاجه برده لو حد سالني مش هافهم وناس زي كتير علي عكس التاريخ مثلا انا بموت فيه و مدرستهوش برده لكن جبت كتب وعرفت الي انا عايزاه و برده ناس زي كتير عملوا كده

[عادل أبوزيد]

العيب بقي لما انتشرت ال IGCSE في مصر الطلبه والأهالى تعاملوا معها مثل الثانويه العامه دروس و صم كتب من الجلده للجلده لدرجه ان الطلبه المصريين بقوابيقفلوا الامتحنات لدرجه ان new garde was set A* .

وده عيب مش ميزه لان المفروض ان الناس تفهم انها المفروض تتعلم ازاي تفكر and have the skills for problem solving مش هم كلمتين اكبهم علي الورق و بس.

الخلاصه لازم الناس تغير فكرتها عن التعليم مش شرط اجيب 99% ولكن اجيب 80% بس اكون فهما جبتهم ازاي و ياما طلبه كتير دخلوا طب وهندسه ب 99% لكن سقطوا في الجامعه

لقد تم تحويل ال IGCSE فى مصر و باكستان و الهند إلى عملية تسابق محموم من أجل درجات الإمتحان التى بدورها تمثل الفيصل فى القبول بالجامعة.

فى ظل هذا السباق يسقط بالكامل هدف التعلم و يكون الهدف معرفة كيفية الإجابة فى الإمتحان فقط

و كان وزير التربية و التعليم السابق يفخر بإرتفاع درجات خريجى الثانوية العامة و يعتبرها أحد مؤشرات نجاح العملية التعليمية.

ما سبق كان إستهلالا لابد منه

فى الفترة الأخيرة بح صوتى مع كل طالب أو أب ألتقى به أدعوهم لضرورة التعلم و ليس التفوق و تعلمون أن هناك فرق.

الطالب يقضى فى التعليم 18 سنة فى التعليم و عليه و على أسرته التأكد من جودة المحتوى التعليمى.

يتخرج كل عام الألوف من الجامعات أكاد أجزم أن أقل من خمسة بالمائة يحصلون على فرصة عمل مميزة ذات مستقبل و الباقى يعملون - أو لا يعملون - فى أعمال تتطلب ممارسة عملية واحدة متكررة يمكن أن يقوم الحاصل على الإعدادية بها .

و قبل أن تتهموا هؤلاء المميزين بإستخدام الوساطة أو غيره أستطيع أن أؤكد أنها فى 90% من الحالات هى الكفائة و المهارات و المحتوى العلمى الحقيقى .

و أستسمحكم فى بعض الإستطراد ..

أذكر فى الخمسينات أن ظهرت بيننا - كطلبة - فكرة حفظ نماذج من موضوع الإنشاء أو الخطابات باللغة الإنجليزية .

و لكنى كما أذكر و أسرتى كنا نستهجن هذا الأسلوب و نعتبره مرادفا للغش لأن معرفتنا باللغة الإنجليزية هى محل الإمتحان و لا يجوز التحايل على ذلك بالحفظ بدلا من إستيعاب اللغة الإنجليزية و المهارات المطلوبة لكتابة موضوع إنشاء .

و أذكر أن زوجتى كانت تفرض على ولداى ليس مجرد حفظ المفردات اللغوية الجديدة و لكن أيضا كان عليهم إستخدام كل مفردة فى جملة مفيدة .

لم أعمد أبدا مع ولداى إلى حثهم على الإجادة فى الإمتحان أو الإستعداد له و لكنى كنت دائما أفرح بأى علامة أو مناقشة تبين مدى إستيعابهم للمادة العلمية التى يدرسونها .

و قبل أن تسألونى فقد دخل ولداى هندسة عين شمس و لم يكونوا متفوقين و رسب أحمد سنة و محمد سنتين و تخرجوا و إلتحقوا بوظائف مميزة بشركات كبرى و ظائف و مرتبات يتمناها كل أقرانهم. و إذا تناقشت مع أى منهم - ولداى أقصد - لن تتصور أبدا أنهم خريجى عين شمس و غير متفوقين أيضا.

[فــيــروز]

دي ملهاش دعوه علي ما اعتقد يافيروز لان انا مثلا بكره الفلسفه وحتي لو كنت درستها و لا كان هيفرق حاجه برده لو حد سالني مش هافهم وناس زي كتير علي عكس التاريخ مثلا انا بموت فيه و مدرستهوش برده لكن جبت كتب وعرفت الي انا عايزاه و برده ناس زي كتير  عملوا كده

طيب يا ايمى ممكن اعرف لماذا تكرهين الفلسفه؟ خاصة انك لم تدرسيها اصلا فكيف تكرهين شئ لا تعرفيه؟ وكذلك الفلسفه كانت مجرد مثل ممكن استبداله بالتاريخ او الجغرافيا او اى ماده لا يدرسها طلبة العلمى بينما هى ماده هامه !! دى حتى اللغات بعض طلبة العلمى يظنون انها غير هامه لهم !!

يمكن طبعا لاى انسان ان يقرا فيما لا يدرس كنوع من التثقيف الشخصى .. لكن لا تنسى ان هناك مواد تحتاج ان يدرسها الانسان فى مدرسه ليتعلم فيما بعد كيف يقرا فيها او يبحث عنها برغبته الشخصيه ..

[emmyyy]

طيب يا ايمى ممكن اعرف لماذا تكرهين الفلسفه؟ خاصة انك لم تدرسيها اصلا فكيف تكرهين شئ لا تعرفيه؟ وكذلك الفلسفه كانت مجرد مثل ممكن استبداله بالتاريخ او الجغرافيا او اى ماده لا يدرسها طلبة العلمى بينما هى ماده هامه !! دى حتى اللغات بعض طلبة العلمى يظنون انها غير هامه لهم !!

ما درستهاش نعم لكن جربت اقراء عنها و فيها مشدتنيش و حسيت انها مش مهمه بالنسبه لي لكن زي مقولتي دراسة اللغات مثلا مهمه جدا مع العلم ان بكره العربي مثلا لكن لازم اتعلمه و التربيه الدينيه اعتقد انها لازم تبقي ماده اجباريه

يمكن طبعا لاى انسان ان يقرا فيما لا يدرس كنوع من التثقيف الشخصى .. لكن لا تنسى ان هناك مواد تحتاج ان يدرسها الانسان فى مدرسه ليتعلم فيما بعد كيف يقرا فيها او يبحث عنها برغبته الشخصيه ..

لكن ليه يتفرض علي ماده انا مش هستفيد منها ده الي مش بفمه

غير كده الطالب لما بيوصل مرحله الثانوي بيبقي خلاص عرف هو بيحب يدرس ايه و ايه الكليه الي عايز يدخلها ميتفرضش عليه مواد مش مفيده في المجال ال ي بيحبه و كمان ممكن تقلل فرصة في دخول الكلي الي هو عايزها

تم تعديل 26 نوفمبر 2004 بواسطة emmyyy

[فــيــروز]

جميل .. انا شخصيا باقتنع ان لكل علم مفاتيحه التى يمكن ان تمكن الهواه من تذوقه و القراءه فيه .. فقط لو اتيح لهم ان يعرفوا كيف السبيل الى هذا .. و اتصور ان المدرسه هى انسب مكان لها .. بالطبع ليس بطريقة التعليم او التدريس الحاليه لكن لو كنا نتكلم باعتبار ما هو المفروض او ما هو الشئ المثالى يعنى ..

لكن ليه يتفرض علي ماده انا مش هستفيد منها ده الي مش بفمه

المشكله هى الحكم على هل سنستفيد من هذه الماده ام لا !! من الذى يمكنه ان يقول هذه ماده مفيده او غير مفيده !! هناك اشياء عديده تعلمناها ونحن صغار دون ان نسال لم نتعلمها وما هى فائدتها وصرنا نستخدمها اليوم دون ان نفكر فى اى ماده او اى عام درسناها مثل جدول الضرب مثلا !! وبالتاكيد هناك امثله اخرى كثيره قد لا تخطر على البال ..

كذلك الا يحتمل ان الطالب الذى يدرس فقط ما يظن انه يؤهله للالتحاق بالكليه التى يريدها ان يعجز عن الالتحاق بها لاى سبب من الاسباب !! ساعتها اعتقد يكون افضل يكون لديه بدائل اخرى تعفيه من اعادة الدراسه الثانويه من البدايه ليدرس تلك المواد المؤهله ..

كما ان نظام التعليم يمكن ان يتغير و يفرض على الطلبه النجاح فقط فى المواد التثقيفيه دون اضافة درجاتها للمجموع .. او ان يكون الاختبار فيها عباره عن بحث تطبيقى .. اى طريقه تضمن استفادة الطلبه من هذه المواد استفاده حقيقيه دون ان تؤثر على التحاقهم بالكليه التى يريدونها

[emmyyy]

نبص للموضوع من ناحيه تانيه لو حللنا كلم ابتدائي يعني وضع اساس او مبادئ يتم البناء عليها اعدادي من الاعداد لكل ماهو قادم ثانوى تعني الثانوي او ما يزيد عن الحاجه في ابتدائي بناخد كل حاجه من مبادئ الرياضه الكتابه القراءه في اعدادي بيزيد حاجات تانيه هنحتاجها فيما بعد ثانوي بيبقي دراسه ما يتوافق مع ميول الطالب

في نظم تعلميه عندها Core courses و دي بتبقي الفلسفه و الادب..ect و كل طالب عليه انه يختار عدد معين من المواد( الي يميل ليها) وبكده يبقي اخد موادتثقيفيه زي ما بتقولي

بزمتك جدول الضرب مش مهمممم gsm::

[فــيــروز]

حد سمعنى جبت سيرة دراع مرسى فى الموضوع gsm::

انا قلت ان جدول الضرب مش مهم !! cr((: ما قصدته كان العكس تماما

ما قصدته ان هناك امور نتعلمها ولا ندرك فى حينها ما الفائده من وراء تعلمها رغم اننا نستخدمها دون وعى فى حياتنا اليوميه

ما اسميتيه ال core courses هو ما عنيته .. وبالطبع سيتكون من باقه مختلفه ومتنوعه من المواد التى يختار الطالب منها بصرف النظر عن علاقتها بما سيدرسه .. ببساطه لانه سيدرسه بتعمق فى الجامعه وما بعدها ..

[emmyyy]

يبقي كده اتفقنا ys):

[hamo90]

يا أخوانا بصراحة أنا رأي أن الثانوية العامة ترجع للنظام القديم بتاع علمي علوم وعلمي رياضة وأدبي وتكون سنة واحدة أرحم من الافكار الغريبة الي بيفكروا يعملوها ومش هتجيب فايدة

وأنا بأتكلم من منطلق أني شفت الكلام ده بعيني

فأنا بلا فخر من دفعة فئران التجارب

فقد تم تطبيق نظام سنة خمسية أول مرة علي دفعتنا

وأيضا نظام الثانوية العامة الجديد في أول سنة برده علي دفعتنا حيث كنا ندرس للمادة الواحدة كتابين أو ثلاثة فقد تم تطبيق النظام علينا بدمج مواد تانية وتالتة مع بعض بدون عمل مقرر واحد بدلا من مقررين و كنا نمتحن 4 مواد للمادة الواحدة بطريقة أعلي score وطبعا كل ده كان مالوش أي معني وكنا نختار مواد ونترك مواد وأنا عن نفسي لم أدرس مادة الرياضة في سنة تانية وسببت لي مشكلة في الكلية ومستمرة معي حتي الان وهي أني لم أفهم ماهي المصفوفات ولم أدرسها في ثانوي ودماغي تربست منها لدرجة أني سبت سؤالها في أمتحان الرياضة في الكلية وده علي سبيل المثال

وكان السبب في كل الي حصل فينا ده التسرع في تطبيق نظام غريب وجديد علينا بدون دراسة أو مراعاة للفروق الثقافية والاجتماعية والتعليمية و الاقتصادية للمصريين وبين الدولة الي نسخوا النظام منها

وطبعا كلكم عارفين السبب الرئيسي للتسرع الي حصل وهو تنفيذ توجيهات الرئيس بضرورة تحديث التعليم لكي يواكب العصر ويتمشي مع سياسة الدولة ( يتمشي معها فين مش بالذمة قلة أدب ) للنهوض بمصرنا الحبيبة في كل المجالات وذلك في ظل القيادة الحكيمة وفي عهد الديمقراطية والسلام حيث لم يكسر قلم ولم ............................ mfb:

مع تحياتي

حمو