هل يُمكن أن تكون الثورات وجهة نظر ؟

[se_ Elsyed]

هاقتبس جزء من مداخلات الزملاء في موضوع الموجة الثانية للثورة

أحمد أنور كتب

اللي مصمم يقف ضد الثورة هوا حر بقه !! بس يخاف علي الأقل من حكم التاريخ

الزميل ماستر كتب

استاذى الفاضل,

اسمح لى ان اختلف معك قليلا فى هذة الجملة,

الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة

تعالوا نطلق لخيالنا العنان كده

حد كان يقدر يفتح بؤه بعد ثورة يولية ويقول " بنحبك يا فاروق " أو أبناء فاورق " أو إحنا أسفين يا فاروق ... او يعمل إستفتاء يدل على الحنين لعهد الذل زي اللي عمله مجلس العصابة ويسألة الناس هاتنزلوا التحرير ولا العباسية ويبعت لهم هناك فرق موسيقية تدق صاجات ؟

وهل حد يجرؤ في اوروبا نفسها يحن لعهد هتلر أو يشكر في الهولوكوست الخرافي ؟

حتى الأن .. سمعنا عن حد بيقول إحنا أسفين يا بن علي ولا يا قذافي ؟

أو يسمع وزير خريج مدرسة الذل والمهانة زي المستشار محمد عطية وهو كان رئيس محكمة تخيلوا ؟ وهو يُلقي بيان الحكومة من يومين امام مجلس الشعب ويتحدث عن شهداء ومصابي ( أحداث يناير )

أحداث واخدين بالكم ؟

حاجه كده زي هوجة عرابي أو إنتفاضة الحرامية ... او حاجه كده والسلام

إذن ... طالما اعتبرناها ثورة فلا يجب ان نسمح بوجود صوت يشكك فيها او يسب الثوار أو يشكك في ثورة قضت وخلعت على الفساد

وإلا ... كل متعاطف مع المخلوع أو أيامه .. فعليه أن يذهب إليه ويظل بجانبة .. وبالمرة يزور الفاسدين في السجن .. وبالمرة يخليه جوه قد كام سنة معاهم عشان الفراق وحش برضوا

[ماستر]

عزيزى س س,

اسمح لى ابدأ باقتباس من احدى مداخلاتك الرائعة:

من رضع من ثدي الذل دهراً.. رأى في الحرية خراباً و شراً

- هذا هو الصنف الشائع الان وهو من يعادى الثورة ويحقد عليها

- الصنف الاخر هم المنتقعون واصحاب المصالح

هؤلاء ظهروا يا سيدى عندما اممطى المجلس العسكرى ( اللهم عجل برحيلة بايدينا وايدى المصريين جميعا) الثورة وسرقها, واليوم جاء يوم رد الجميل ورحيل هذا الكاذب اللص واسترداد الثورة مرة اخرى,

- لن يعود الزمان الى الوراء ولله الحمد ثورة مصر قيض الله لها رجال كلما خفت ضوئها اشعلوها بدمائهم ونور اعينهم

[م تيمور المراغي]

تخيل يا س ان فيه ناس بتكره الثورة عشان ( منفسنيين ) !

يعني انا لما نزلت مصر قابلت ( عديلي ) وهو رب اسره محترم و كبير في السن والمركز مش طايق سيرة الثوره والثوار لمجرد انه ما اشتركش فيها لان طبعه محافظ من البيت للشغل والعكس

واحد تاني تلاقي ابن خالة جوز عمته كان امين شرطه فزعلان على المساواه اللي حصلت بين الشعب والشرطه بعد ماكانوا ( اسياد البلد )

واحد تالت عشان بيكره فلان و فلان بالتالي اي تيار ينتمون اليه فهو خاطئ وده حصل معايا فيه ناس كرهت 6 ابريل بسبب اركيتكت لما كان مبهدل الدنيا الله يمسيه بالخير بقى مطرح ماهو موجود :happy:

ولي عوده ,,