كنت سأحصل على لقب مرحوم اليوم بسبب السياسة

[محمد عبدالعزيز]

بداية ياريت مفيش حد يطلب منى الدليل لأن الواقعة دى حدثت معى شخصياً, فمن لا يصدقنى هو حر فى رأيه.

ما حدث أننى تعرضت للسباب والشد والجذب وكدت أن أضرب اليوم من سلفيين حولوا خطبة الجمعة فى مسجد التقوى -وهو تابع للأوقاف- إلى دعاية لانتخابات مجلس الشورى.

فبعد خطبة لمدة تقارب الساعة, نصفها كان عبارة عن دعاية انتخابية وهجوم على الخصوم السياسيين وما أن انتهت الصلاة قمت وقلت: صلاة الجمعة للمسلمين جميعاً وليست للسلفيين أو الإخوان فقط, فلا يجب أن تتحول لدعاية انتخابية, من يريد عمل دعاية انتخابية فليقم بها بعد الصلاة...

وعينك ماتشوف الا النورbsh:)... تجمع حولى العشرات من السلفيين منهم من يسبنى ويقول أن أخلاقى سيئة وأننى أحقد عليهم ومنهم من يحاول جذبى من ملابسى والإحاطة بى لضربى, وقام بعضهم بطردى من المسجد!

ولما اعترضت على ذلك وقلت: ده بيت ربنا مش بيتك عشان تطردنى منه, تجمعوا حولى ودفعونى للخارج بطريقة مهينة ولولا ستر الله ووجود بعض الأفراد الذين أنقذونى من بينهم أنا وابنى ذو ال 4 أعوام لكانوا قد فتكوا بنا.

أعرف أن كل السلفيين ليسوا على شاكلة واحدة, ولكن لم أتوقع أن يقابل اختلافى معهم فى الرأى بهذه الطريقة. , ولن أسامح كل من أهاننى وتعدى على بالقول وروع ابنى وطردنى من بيت الله, وسنقتص منهم يوم القيامة.

حسبى الله ونعم الوكيل

[م تيمور المراغي]

اتمنى تديني اسم المسجد والعنوان وتسمح لي انشر القصه على مباشر عشان افضح السفله دول ,,

[م تيمور المراغي]

وتحيتي لرجولتك يا استاذ محمد واكيد ابنك حيطلع راجل زي ابوه

والحمد لله انك سليم وبخير ,,

[لماضة مصرية جدا]

السلام عليكم و رحمة الله و بركاته

حمدلله علي سلامة حضرتك

مكنتش احب المواجهة تحصل بالطريقة دي و لا في التوقيت ده

و تحصل كمان في الجامع

طب معلشي انا مش بحرض حضرتك

بس اعتقد المفروض ترجع لامام الجامع و تبلغه غضبك او اعتراضك من اللي حصل دوت

يعني ايه بقي

مش هينفع هتصلي في الجامع دوت غير لما تبقي موافق علي كل كلمة تتقال فيه

مش من حق حد

و مش من حق حد يعمل الجامع ( و لا الكنيسة)منبر للسياسة

و لو اخدت الخطيب الحماسة السياسية كمواطن مصري و ابتدي يتكلم في السياسة يبقي معلشي بقي ينزل من ع المنبر و نعمل حلقة نقاش بعد الصلاة

عندي نفس المشكلة مع خطيب المسجد المقابل للبيت

و مشكلتي طبعا متضاعفة كوني بنت

بس بفكر جديا اني احاول ااقابله و اقوله رايي بصراحة...و مش عارفة ممكن رد الفعل يكون ايه؟؟؟

بس هتفاءل خيرا باذن الله

[عبير يونس]

الحمد لله على سلامة حضرتك و ابنك

مؤكد ما نقدرش نعمم الواقعة دي على كل السلفيين

بس لازم حضرتك تشتكي و تفضحهم باسم المسجد و عنوانه

زي ما قال تيمور

عشان ما يروحش العاطل مع الباطل

[لماضة مصرية جدا]

اتمنى تديني اسم المسجد والعنوان وتسمح لي انشر القصه على مباشر عشان افضح السفله دول ,,

:protest:

ظللت لحضرتك اللفظ باللون الشفاف

انشر واقعة

اعرضها

بس من غير ما تجرح حد

دي وجهة نظر

[Ahmed Anwer]

علي فكرة دي مصيبة !!!

دلوقتي مع الحرية بعد الثورة

و زوال التضييق الأمني علي السلفيين و الأخوان

خلاص مش هتلاقي مساجد إلا و مسيطر عليه من الأخوان أو السلفيين

دي كارثة الفكر الديني في مصر مهدد

و ده مش أقل أهمية من أي بند في مصر

يا ريت تكتب نوت علي الفيس و نشير وراك

[الدكتور ياسر]

أنا أصدقك بالطبع يا أستاذ محمد , وما حدث معك سلوك مرفوض شكلا وموضوعا

وأرجو أن تتقدم بشكوى أو بلاغ في وزارة الأوقاف ..

وحمدا لله على سلامتك..

[محمد عبدالعزيز]

م تيمور وأستاذة لماضة ومدام عبير...

أشكركم على الاهتمام والحمد لله عدت على خير.

أنا بس باستجمع قوايا وأشوف ممكن أعمل إيه

إمام المسجد المعين مش هو اللى كان بيخطب, ده كان شيخ من شيوخ السلفيين, وأعتقد هو ده اللى استفز أتباعه -أغلبهم من العرب على فكرة- لأنهم زى ما يكونوا مش متخيلين إن فى حد ممكن يتناقش مع الشيخ ويعارضه.

بس إن شاء الله لازم أكلم إمام المسجد وأبلغه اعتراضى.

المسجد هو مسجد التقوى (أو مساكن ال 800) فى برج العرب الجديدة اسكندرية

[abdulmuttaleb]

ألف سلامة لحضرتك يا أ.محمد عبد العزيز

زمان لما كنت أكلم حد عن أن زوال الحزب الوطني مش حل سحري لمشكلات مصر، كان يقول لي يا محمد انت مش واخد بالك وأي حد غير الحزب الوطني ح يكون كويس ومؤدب

كانت وجهة نظري عن تجاوزات الحزب الوطني هي أن جزء كبيرا منها نابع من طبيعة مجتمعية (موظف لجنة انتخابية يسود بطاقات انتخابية لصالح مرشح قريبه)

أو مسؤول حكومي يحابي أقاربه ومعارفه دونا عن غيرهم

الآن انقلبت الآية وأصبحت مخالفة الصمت الانتخابي مثلا تتم من أحزاب "إسلامية" بحجة مثلا أن الأمر بالمعروف والنهي عن المنكر لا يجوز إيقافه وأحدهم قال: هات من الكتاب والسنة إن الصمت الانتخابي ده حلال.

ما تعرضت له حضرتك هو أمر طبيعي جدا بالمناسبة، بس أنا مستغرب محدش من المتواجدين حاول الفض بينكم أو ردع الصبيان المتجاوزين ضد حضرتك.

وكان ردة الإمام ايه خصوصا كما فهمت أنه من الشيوخ الكبار وليس مجرد إمام عادي؟

كنت أفضل إن حضرتك تخاطب إمام المسجد بينك وبينه لأن ناس كتير بتشوف تصرف الخطيب عادي (وما تنساش إن بنسبة الانتخابات ح تلاقي 60% من المصلين مؤيدين للإمام:)).

أنا عموما شايف المشكلة في تصرف الناس تجاه حضرتك هي مشكلة ثقافية في كيفية التعامل مع الرأي الآخر.

تم تعديل 27 يناير 2012 بواسطة abdulmuttaleb

[Om Zayd]

ألف سلامة على حضرتك

و حضرتك عملت الصح انك انتظرت بعد الصلاة و اوضحت وجهة نظرك

من اعترضوا بهذه الطريقة التي لا يقبلها أحد .. كنت اتمنى ان يذكروا موقف الرسول صلى الله عليه و سلم مع من قاموا بما اعتبره الكل اعتداء على حرمة المسجد

لا زال الطريق طوييييلا

[عماد حمدي]

حمد الله علي السلامة يا أستاذ محمد ، و الحمد لله إنها جت سليمة

المهم ان حضرتك بخير ..

تحيــــــــاتي ،،

[محمد عبدالعزيز]

علي فكرة دي مصيبة !!!

دلوقتي مع الحرية بعد الثورة

و زوال التضييق الأمني علي السلفيين و الأخوان

خلاص مش هتلاقي مساجد إلا و مسيطر عليه من الأخوان أو السلفيين

دي كارثة الفكر الديني في مصر مهدد

و ده مش أقل أهمية من أي بند في مصر

يا ريت تكتب نوت علي الفيس و نشير وراك

أنا كتبت على الفيسبوك ما حدث باختصار زى المكتوب هنا. بس بإذن الله ناوى أكتب ماحدث بالتفصيل لتحرى الأمانة والموضوعية فى نقل ماحدث.

وسأضع الرابط هنا لمن يريد أن ينشره

[محمد عبدالعزيز]

أنا أصدقك بالطبع يا أستاذ محمد , وما حدث معك سلوك مرفوض شكلا وموضوعا

وأرجو أن تتقدم بشكوى أو بلاغ في وزارة الأوقاف ..

وحمدا لله على سلامتك..

أشكرك يا دكتور ياسر على اهتمامك ورفضك لما حدث معى.

بالنسبة لتقديم بلاغ لوزارة الأوقاف, أخشى أن يتضرر منه إمام المسجد وهو رجل أحبه وأقدره, سوف أتناقش معه فيما حدث لأنى لم أره ولا أعرف رأيه فيما حدث حتى الآن.

تحياتى لك

[م تيمور المراغي]

ومحمد عبد العزيز ايه اللي وداه هناك ! :closedeyes:

[Alshiekh]

ألف سلامة لك يا أستاذ محمد

يبدو أن إدارة الدولة لها رغبة في حدوث ذلك ( الدعاية داخل دور العبادة ) على الرغم من انها ممنوعة بحكم القانون ويتم تطبيقها على السياسيين ولكنها تغض الطرف عندما يتعلق الأمربالسلفيين والإخوان.

[aimen]

حمد الله على سلامتك يا بشمهندس

للأسف مازلنا فى فترة النقاهة واللى اعتقد انها حتمتد فترة كبيرة

[eslam elmasre]

احييك اخي الفاضل على شجاعتك

انت صح وهما غلط

[سكر]

المشكله ثقافيه اكثر منها دينيه او سياسيه

حدث نفس الموقق معايا لم كنا فى دعوة لاعضاء مجلس الشعب

ولاسف تاخرو عن الميعاد اكثر من ثلاث ساعات

[ابراهيم عبد العزيز]

حمدا لله على سلامتك أخي محمد عبد العزيز

وتصرف خاطىء تماما ممن فعلوا معك هكذا

وكل الإحترام لك على إيجابيتك , وجهرك بالحق

تحياتي

تم تعديل 27 يناير 2012 بواسطة ابراهيم عبد العزيز