كنت سأحصل على لقب مرحوم اليوم بسبب السياسة

[ماستر]

حمد لله على السلامة يا استاذ محمد,

يا رجل يا طيب لازم تعرف مع من تتكلم وكيف توصل له المعلومة, حضرتك عملت الصح بس الاسلوب هو الى متهور شوية, اظن ان كان من الافضل انك تاخد الخطيب على جنب وتنصحة وتقول لية كلام هادئ وبسيط عن عدم اقحام الدعاية الانتخابية فى الخطبة وبعد كدة تبعت ايميل للحزب الى هو بيدعو لية تعرفهم غلطهم,

على الرغم من سلبية الموقف دة بس كويس خلي السلفيين والاخوان يندمجوا اكتر فى العمل السياسى ومع الوقت هيتعلموا اصول الدعاية وعدم استخدام المساجد,

اى حد عايز ينصح سلفى على الملاء او يتكلم معاه لازم يكون معاك مجموعة كبيرة من اصحابه او ينصحة منه ليه بهدوء, غير كدة يجهز نفسه لعلقة سخنة لانه ببساطه هيعتبره عدو وبينتقدة على الملاء

[عماد حمدي]

حمد لله على السلامة يا استاذ محمد,

يا رجل يا طيب لازم تعرف مع من تتكلم وكيف توصل له المعلومة, حضرتك عملت الصح بس الاسلوب هو الى متهور شوية, اظن ان كان من الافضل انك تاخد الخطيب على جنب وتنصحة وتقول لية كلام هادئ وبسيط عن عدم اقحام الدعاية الانتخابية فى الخطبة وبعد كدة تبعت ايميل للحزب الى هو بيدعو لية تعرفهم غلطهم,

على الرغم من سلبية الموقف دة بس كويس خلي السلفيين والاخوان يندمجوا اكتر فى العمل السياسى ومع الوقت هيتعلموا اصول الدعاية وعدم استخدام المساجد,

اى حد عايز ينصح سلفى على الملاء او يتكلم معاه لازم يكون معاك مجموعة كبيرة من اصحابه او ينصحة منه ليه بهدوء, غير كدة يجهز نفسه لعلقة سخنة لانه ببساطه هيعتبره عدو وبينتقدة على الملاء

مُتفق مع بعض كلامك و الذي يتعلق بالنصيحه .. و المُظلل بالأحمر

تعمدني بنصحك في انفرادي

وجنبني النصيحة في الجماعة

فإن النصح بين الناس نوعً

من التوبيخ لا ارضي سماعه

وإن خالفتني وعصيت امري

فلا تجزع إذا لم تعط طاعة

(الامام الشافعي)

تحيـــــــــــــاتي

[محمد عبدالعزيز]

هذا رابط ما حدث وبه تفاصيل أكثر نشرته على فيسبوك:

الاختلاف فى الرأى قد يؤدى إلى...

[نوران]

حمدا لله علي سلامة حضرتك يا أستاذ محمد وعلي سلامة ابنك

وأرجو أن تتم محاسبة من تعدي علي حضرتك

تحياتي

[محمد عبدالعزيز]

ألف سلامة لحضرتك يا أ.محمد عبد العزيز

زمان لما كنت أكلم حد عن أن زوال الحزب الوطني مش حل سحري لمشكلات مصر، كان يقول لي يا محمد انت مش واخد بالك وأي حد غير الحزب الوطني ح يكون كويس ومؤدب

كانت وجهة نظري عن تجاوزات الحزب الوطني هي أن جزء كبيرا منها نابع من طبيعة مجتمعية (موظف لجنة انتخابية يسود بطاقات انتخابية لصالح مرشح قريبه)

أو مسؤول حكومي يحابي أقاربه ومعارفه دونا عن غيرهم

الآن انقلبت الآية وأصبحت مخالفة الصمت الانتخابي مثلا تتم من أحزاب "إسلامية" بحجة مثلا أن الأمر بالمعروف والنهي عن المنكر لا يجوز إيقافه وأحدهم قال: هات من الكتاب والسنة إن الصمت الانتخابي ده حلال.

ما تعرضت له حضرتك هو أمر طبيعي جدا بالمناسبة، بس أنا مستغرب محدش من المتواجدين حاول الفض بينكم أو ردع الصبيان المتجاوزين ضد حضرتك.

وكان ردة الإمام ايه خصوصا كما فهمت أنه من الشيوخ الكبار وليس مجرد إمام عادي؟

كنت أفضل إن حضرتك تخاطب إمام المسجد بينك وبينه لأن ناس كتير بتشوف تصرف الخطيب عادي (وما تنساش إن بنسبة الانتخابات ح تلاقي 60% من المصلين مؤيدين للإمام:)).

أنا عموما شايف المشكلة في تصرف الناس تجاه حضرتك هي مشكلة ثقافية في كيفية التعامل مع الرأي الآخر.

أنا كتبت تفاصيل أكثر فى نوت على الفيسبوك ياباشمهندس عبد المطلب, بالفعل كان فى ناس بتحاول تفض ولم يكن المعارضين لى صبيان -بمعنى صغار السن- بل كانوا رجال كبار وشباب.

وكما كتبت على فيسبوك, لم ألحظ أى رد فعل للإمام بسبب تجمع ناس كثير حولى, ولكن أعتقد لو كان له رد فعل كان يجب أن يهدئ أتباعه ويناقشنى بالحجة والعقل, ولكن ذلك لم يحدث.

شكراً لاهتمامك

تحياتى

[محمد عبدالعزيز]

ألف سلامة على حضرتك

و حضرتك عملت الصح انك انتظرت بعد الصلاة و اوضحت وجهة نظرك

من اعترضوا بهذه الطريقة التي لا يقبلها أحد .. كنت اتمنى ان يذكروا موقف الرسول صلى الله عليه و سلم مع من قاموا بما اعتبره الكل اعتداء على حرمة المسجد

لا زال الطريق طوييييلا

الله يسلمك يا أختى الفاضلة

طريقة الاعتراض كانت دليل على عدم تقبلهم أى اختلاف فى الرأى وعدم قبولهم أى نقد لشيخهم, وادعائهم بأننى من الإخوان وفعلت ذلك لكى أفسد عليهم الدعاية الانتخابية دليل آخر على أن التسرع فى التخوين وإلقاء التهم مرض أصاب الجميع.

[محمد عبدالعزيز]

حمد الله علي السلامة يا أستاذ محمد ، و الحمد لله إنها جت سليمة

المهم ان حضرتك بخير ..

تحيــــــــاتي ،،

الله يسلمك يا أستاذ عماد

شكراً لاهتمامك

تحياتى

[محمد عبدالعزيز]

ألف سلامة لك يا أستاذ محمد

يبدو أن إدارة الدولة لها رغبة في حدوث ذلك ( الدعاية داخل دور العبادة ) على الرغم من انها ممنوعة بحكم القانون ويتم تطبيقها على السياسيين ولكنها تغض الطرف عندما يتعلق الأمربالسلفيين والإخوان.

الله يسلمك يا أستاذ محمد

المشكلة إن الموضوع بنتكلم فيه كتير ولكن مفيش فايدة ومفيش أى خطوات للحد منه, وعند الاعتراض يتم اتهامى فى أخلاقى وفى دينى.

شكراً لاهتمامك

تحياتى

[محمد عبدالعزيز]

حمد الله على سلامتك يا بشمهندس

للأسف مازلنا فى فترة النقاهة واللى اعتقد انها حتمتد فترة كبيرة

الله يسلمك يا باشمهندس أيمن, ربنا يعديها على خير وسلام.

شكراً لاهتمامك

تحياتى

[محمد عبدالعزيز]

احييك اخي الفاضل على شجاعتك

انت صح وهما غلط

شكراً للتحية ولاهتمامك يا أستاذ إسلام

تحياتى

[محمد عبدالعزيز]

المشكله ثقافيه اكثر منها دينيه او سياسيه

حدث نفس الموقق معايا لم كنا فى دعوة لاعضاء مجلس الشعب

ولاسف تاخرو عن الميعاد اكثر من ثلاث ساعات

المشكلة أكيد فيها جانب ثقافى وجانب دينى تربوى كمان, لا يجب أن يقابل الاختلاف فى الرأى بهذه الطريقة وبهذه الحدة ولا أن تصل للطرد من بيت الله, كل تلك التجاوزات لا تمت للإسلام بصلة.

شكراً لاهتمامك

تحياتى

[احمد رضوان]

حمداً لله على السلامة ... تصرف إيجابي جداً منك

مصر دخلت معركة التعلم بالمواجهات والتجربة والخطأ ... فتوقع اكتر من كده فخد بالك واختار الشخص والمكان والأسلوب لإن الوضع الآن محتاج شغل كتير من الجميع

الف حمد لله على سلامتك

[الباشمهندس ياسر]

حمدا لله علي سلامتك

يبدوا انك راجل مؤدب فوق الحد و عشان كدخ مكنش فيه منعه ليك لما اعترضت

انا فاكر ان حصل حاجة كده ايام الاستفتاء و لو حد نطق بنص كلمة انا كنت علقتهم

بره الجامع اكيد

[ذهبية]

دة كان اعتراضى من الاول و هو خلط السياسة بالدين

اعتقد ان فية كتير هيختلفوا معايا

لكن اعتقد الاخوان و السفلفين هيكونوا نسخة تانية من الحزب الوطنى لكن على اشد و اصعب

لان معهم الدين و سلاح الدين الذى يغلق الباب امام اى حوار عقلانى

يعنى ممكن جدا تتهم بالكفر و يقيم عليك الحد فجاة

اعتقد ان الامور هتاخذ فى مصر صورة اشد وطاة من كسر الحريات واستغلال الدين فى الوصول لاى غاية

حمد الله على سلامة حضرتك اولا و اخيرا

واللى حصل لحضرتك دة انا ابعتبرة حاجة مضغرة من اللى هيحصل فى مصر

واعتقد ان الامور هتاخد مجرى اخرررر بمجرد هدوء الاوضاع الان و سوف ينكشف الوجهة الحقيقى للاخوان

الذى هيكون صدمة كبيرة للكثير

تم تعديل 27 يناير 2012 بواسطة ذهبية

[عطر الجنة]

اولا حمدا لله على سلامتك

طبيعى ما حدث اليوم

لان لو رأيت ما يفعله الاخوان لكى يحصدوا مكاسب كنت عذرت اولئك السلفيين و لكن ليس معنى ذلك انى اؤيد اى احد يستخدم صلوات الله فى الدعاية لاى من كان

لكن ما يحدث الان على الساحة نتاج 60 سنة حكم غير ادمى فعادى ما نرى من تخبط

فافضل كلمة سمعتها فى الايام الماضية تعليقا على توليفة مجلس الشعب ان تلك النسب المكونة هى نجاح للدين و ليس للافراد فضل فيه

فطبيعى الناس تجنح ناحية الاسلاميين متوهمين ان جميعهم على الحق فلن يشجعوا السرقات او المحسوبيات او .... بعدما رأوا من النظام السابق

ايضا بعدما راينا على شاشة التلفزيون كيف يريد الاخوان السيطرة على لجان مجلس الشعب و كيف اجلوا ذلك ليتفاوضوا من تحت التربيزة مما اثار حفيظة الاحزاب الاخرى و منهم بالطبع السلفيين

لكن كل اصلاح لابد ان يأخذ وقت و قريبا سنكتشف من هو على الحق و من على الباطل و شيئا فشيئا تتعدل الاوضاع و تتكشف الحقائق لكنى اخشى ان تنكشف عيوب الذين إلتحفوا بالدين و يسير الناس فى الاتجاة العكسى ....

تحياتى

[عماد حمدي]

اولا حمدا لله على سلامتك

طبيعى ما حدث اليوم

لان لو رأيت ما يفعله الاخوان لكى يحصدوا مكاسب كنت عذرت اولئك السلفيين و لكن ليس معنى ذلك انى اؤيد اى احد يستخدم صلوات الله فى الدعاية لاى من كان

لكن ما يحدث الان على الساحة نتاج 60 سنة حكم غير ادمى فعادى ما نرى من تخبط

فافضل كلمة سمعتها فى الايام الماضية تعليقا على توليفة مجلس الشعب ان تلك النسب المكونة هى نجاح للدين و ليس للافراد فضل فيه

فطبيعى الناس تجنح ناحية الاسلاميين متوهمين ان جميعهم على الحق فلن يشجعوا السرقات او المحسوبيات او .... بعدما رأوا من النظام السابق

ايضا بعدما راينا على شاشة التلفزيون كيف يريد الاخوان السيطرة على لجان مجلس الشعب و كيف اجلوا ذلك ليتفاوضوا من تحت التربيزة مما اثار حفيظة الاحزاب الاخرى و منهم بالطبع السلفيين

لكن كل اصلاح لابد ان يأخذ وقت و قريبا سنكتشف من هو على الحق و من على الباطل و شيئا فشيئا تتعدل الاوضاع و تتكشف الحقائق لكنى اخشى ان تنكشف عيوب الذين إلتحفوا بالدين و يسير الناس فى الاتجاة العكسى ....

تحياتى

لا تعليق و أفكر سيادتك بموضوع ( لو الاخوان مسكوكي يا مصر هسيبك و أمشي ) ..

الموضوع ما زال موجود باسم حضرتك .. ع أي حال دا رأيك يُحترم بالطبع :)

و حمد الله ع السلامة يا فندم

تم تعديل 27 يناير 2012 بواسطة عماد حمدي

[باهى الطائر الحزين]

حمدا لله ' على سلامتك

متعت اخى بالحياه ' ودامت فرحتك

[عادل أبو عمر]

بداية ياريت مفيش حد يطلب منى الدليل لأن الواقعة دى حدثت معى شخصياً, فمن لا يصدقنى هو حر فى رأيه.

ما حدث أننى تعرضت للسباب والشد والجذب وكدت أن أضرب اليوم من سلفيين حولوا خطبة الجمعة فى مسجد التقوى -وهو تابع للأوقاف- إلى دعاية لانتخابات مجلس الشورى.

فبعد خطبة لمدة تقارب الساعة, نصفها كان عبارة عن دعاية انتخابية وهجوم على الخصوم السياسيين وما أن انتهت الصلاة قمت وقلت: صلاة الجمعة للمسلمين جميعاً وليست للسلفيين أو الإخوان فقط, فلا يجب أن تتحول لدعاية انتخابية, من يريد عمل دعاية انتخابية فليقم بها بعد الصلاة...

وعينك ماتشوف الا النورbsh:)... تجمع حولى العشرات من السلفيين منهم من يسبنى ويقول أن أخلاقى سيئة وأننى أحقد عليهم ومنهم من يحاول جذبى من ملابسى والإحاطة بى لضربى, وقام بعضهم بطردى من المسجد!

ولما اعترضت على ذلك وقلت: ده بيت ربنا مش بيتك عشان تطردنى منه, تجمعوا حولى ودفعونى للخارج بطريقة مهينة ولولا ستر الله ووجود بعض الأفراد الذين أنقذونى من بينهم أنا وابنى ذو ال 4 أعوام لكانوا قد فتكوا بنا.

أعرف أن كل السلفيين ليسوا على شاكلة واحدة, ولكن لم أتوقع أن يقابل اختلافى معهم فى الرأى بهذه الطريقة. , ولن أسامح كل من أهاننى وتعدى على بالقول وروع ابنى وطردنى من بيت الله, وسنقتص منهم يوم القيامة.

حسبى الله ونعم الوكيل

حمد الله على سلامتك يا باشمهندس

شايف الكلمتين اللي بالاحمر دول ... هما دول سبب المشكلة ... و الموضوع في نظري مالوش دعوة بالسياسة و لا بالسلفيين .. الموضوع له علاقة فقط بعلو الصوت داخل المسجد ... قبل ما حد يفهم إني بدافع عن اللي حصل .. أقول لك يا باشا موقفين كنت فيهم و كانوا في خطبة جمعة

الموقف الأول في شهر أغسطس ... المسجد كان مليان و في ناس صلت برة .. بعد الصلاة دخل واحد المسجد و عمل زيك كدة بس عن موضوع تاني و قال يعني مفيش رحمة إحنا واقفين في الشمس و إنت يا عم الشيخ مش عايز تخفف ... نفس اللي حصل معاك يا ريس الناس زعقت له و مسكوه و طلعوه برة .. الراجل عمال يزعق ومش ساكت يا اخوانا انا عندي سكر " ربنا يعافيه و يعافي جميع مرضانا " واحد من المصلين يقوله إيه طب و ايه اللي جابك ما تصلي في البيت .. الراجل كان هيموته يقوله و إنت مالك إنت .. مفيش فايدة الناس خرجوه ..

الموقف التاني

من تلات جمع .. شيخ تاني غير الأولاني مسك الخطبة عن احتفال الناس بالكريسماس و حرمة ذلك و عن حرمة تهنئة النصارى ... و بعد الصلاة المسجد واحد قام و قال ده كلام غلط ... و عينك ما تشوف إلا النور .. بس النور بتاع الإمارات .. لأن يا غالي الموقفين كانوا في الإمارات ... و الغريبة إن الاتنين اللي اتكلموا دوننا عن كل الجنسيات في المسجد ... كانوا مصريين .. بس صراحة مكانش معاهم ولادهم

لو أخويا تيمور عاوز اسم المسجد موجود و جاهز تحت الطلب

صراحة الموضوع هنا كالعادة اتفرع و اتربط بمستقبل مصر الغامق و السنين اللي مالهاش لون اللي لسة هتشوفها .. بس نقول ايه ... نقول صبر جميل ..

وبمناسبة خطبة الجمعة النهاردة سمعت خطبة الجمعة للدكتور علي جمعة في الغردقة ... و اتصدمت .. يعني يمكن لو كنت في المسجد كنت عملت زيك كدة يا هندسة ..

تخيل المفتي خلى الخطبة عن المولد النبوي وما جبش سيرة الذكرى الأولى لثورة يناير بأي شكل وقعد يتكلم عن جواز الاحتفال بالمولد وأيضا بالعيد القومي للمحافظة ( الغردقة ) .. و أنا أقول في نفسي يا رب يتكلم يا رب يفتكر و فجأة ...... أقم الصلاة .. و خلاص

بعد الصلاة حصل حاجة غريبة ... لأ لأ .... أكتر من اللي إنت عملته

المفتي يتعرض للرشق بالحجارة أثناء مظاهرات في الغردقة تطالب بإنهاء حكم «العسكر»

شق محتجون سيارة مفتي الجمهورية، الشيخ علي جمعة، بالحجارة بعد انتهاء صلاة الجمعة في مسجد الميناء الكبير بمنطقة السقالة بالغردقة، بعد خطبة ألقاها المفتي تجاهل فيها تمامًا ذكرى ثورة يناير 2011.

وفي أقل من 30 دقيقة، تحدث المفتي عن التقوى وذكرى مولد الرسول، وجواز الاحتفال بالأعياد القومية للمحافظات، والدعوة للتكافل الاجتماعي بين المؤمنين.

وفور انتهاء المفتي من أداء الصلاة، الذي كان بصحبته محافظ البحر الأحمر، التف مئات المصلين حوله لـ«تقبيل يده ومصافحته»، واضطرت الأجهزة الأمنية لإحاطة المفتي ومنع المصلين من التزاحم حوله، خرجوا به إلى ساحة المسجد.

فيما قابل العشرات من أعضاء الحركات السياسية والثورية، الذين تظاهروا أمام ساحة المسجد، بترديد الهتافات التي تدعو إلى تسليم السلطة للمدنيين.

وهتفوا للمفتي أثناء استقلاله السيارة «قول ماتخفشي العسكر لازم يمشي»، و«يسقط يسقط حكم العسكر»، فيما ردد العشرات من المصلين على المتظاهرين «الجيش والشعب إيد واحدة».

وحدثت مشادات كلامية بين المتظاهرين من الطرفين من المؤيدين للمجلس العسكري ومعارضيه، ليستغل أحد المجهولين من المتواجدين التزاحم والفوضي ويرشق موكب المفتي والمحافظ بكمية من الطوب الصغير، فيما قام الأهالي والأمن بمطاردته لإلقاء القبض عليه.

http://www.youtube.com/watch?v=7CU5YIdie70&feature=player_embedded

المصدر

[أبو يمنى]

سلامات يا استاذ ابراهيم. بالطبع ما حدث لا يليق ولا يجوز والبعض يسئ الى منهجه من حيث يظن انه يدعو اليه. وتاكد ان هذه ليست اخلاق المنهج السلفي والذي يدعو ابناؤه الى الرفق والتسامح ودماثة الخلق.

[أبو يمنى]

على الهامش

اليس في عنونتك للموضوع : "كنت ساحصل على لقب مرحوم" شيئا من المبالغة؟

هذا يوحي بانك تعرضت لما هو اعظم بكثير مما قصصته. الا اذا كنت تقصد الدعابة :)