آخر أخبار محمد .. وأسرته الكبيرة فى المحاورات

[c'est la vie]

الحمد لله . . .

خرج محمد من غرفة العناية المركزة اول امس . . .

ويقرر الأطباء استقرار الحالة . . .

أتم الله شفاؤه بإذن الله..

يارب أشف كل مريض ,انت الشافي يا أكرم الأكرمين...

rs: rs: rs: rs: rs:

تم تعديل 9 يناير 2005 بواسطة c'est la vie

[egyptforever]

الف حمد لله على سلامه محمد

و ان شاء الله عقبال الفرحه الكبيره و خروجه من المستشفى بخير و سلام

اللهم لك الحمد على ما انعمت به و تفضلت

[bentmasria]

rs: :D :P

h): rs: rei::

انا جيت نورت المحاورات والبيت

ازيكم كلكم يا اهلى واخوالى واعمامى وكل الاحباب

وصلت بالسلامة بيتنا الصغنن الساعه 4 ظهرا

والدكتور قاللى انت بقيت كويس

وممكن تلعب وترقص

ادعوا بتمام الشفاء

والف مليون حمد وشكر لله ومن بعده كل اللى حبونى وسالوا عليا وساعدونى ووقفوا جنبى ولو بكلمة ودعوة حلوة

انا دلوقتى ابنكم الصغنن

ميرثىىىىىىىىىىىىىىىىىىىىىىىىىى

مادا :) :P

[Mohammad Abouzied]

h): rs:

الف الف الف الف الف الف الف الف حمد الله على الســـــــــــــــــــــــلامــــــــة

[أسد]

ألف ألف مبروك

وحمد لله على السلامة

[سقراط المصري]

حمد لله على سلامتك يا محمد

[راضي]

الحمد لله

ntw:

[Tamsite]

ألف حمد لله على سلامتك يا محمد

ربنا يا رب يتمم شفاءك على خير

و اتجدعن كده و شد حيلك و أنا اجيب لك عروسة كمان يا عم

ألف مبروك لمحمد يا أم محمد و حمد لله على سلامته ، و ربنا يحفظه و يبارك لك فيه و دايما تفرحي بيه على طول ، قادر يا كريم

تحياتي و تقديري ، و أرق أمنياتي ...... rs: rs: rs:

[yasovinas]

الف حمد وشكر ليك يارب يا ارحم الراحمين

اللهم تم عليه الشفا والسعاده

الف مبروك يا ام محمد ربنا يفرحك بيه ويسعدك بيه يارب

كلنا كنا متابعين اخبار محمد امودي باشا

يللا يابطل نشوفلك عروسه بقى وماما تبدي تطبق شغل الحناوات عليها مندلوقت

تحياتي يا ام محمد

[محمد شلبى]

الف الف مليون مبروك والف الف حمدلله على السلامة يا بطل rs: rs: rs: rs: :D rs: rs:

ربنا يا رب يخليك ويبارك فيك يا مودى يا عسول rs:

[abofasad]

الحفيد الغالي محمد

نورت بيتك يا محمد

ويارب يكون منور على طول

وتعيش وتكبر وتشاركنا بأفكارك في المحاورات

[ســيد مرزوق]

الأخت الفاضلة .. أم محمد

الحمد لله والشكر لله على سلامة محمد , وربنا يتم شفاه ويبارك لك فيه ويجعله قرة عينك

والله بالرغم مما أنا فيه كنت أدخل يوميا للإطمئنان على محمد فقط , وكنت أدعو له بالشفاء والحمد لله ربنا إستجاب لدعواتنا جميعا

الحمد لله

[bentmasria]

rs: rs: rs:

الحمد والشكر لله ان رزقنى محمد لاتبين من محنتنا ان القلوب عطاءة رائعة وان التعاطف والود والتراحم لم يذهبا من عالمنا رغم ماديته

كم اسعدنى اصواتكم على الهاتف تطمئن على طفلى عفوا بل طفلكم جميعا كم اسعدتنى كلماتكم ودعواتكم ومشاركتكم فى ختم القرءان والدعاء

وكذلك الاخوة الكرام الذين تواجدوا معى بشخصهم او باتصالاتهم من مختلف الدول وايضا كل من ساهم ماديا ومعنويا وشد من ازرى فى هذا الامر

والله سبحانه وتعالى يعلم كم كان شاقا لكنه يسر لنا الامور جميعا من مجرد حلم الى حقيقة وواقع جميل تضيئة ابتسامة محمد

اسألكم الدعاء ان يتم الرحمن شفائه بارك الله فيكم وجزاكم كل الخير

[حشيش]

الحمد لله الذى بنعمته تتم الصالحات ... ياربنا لك الحمد كما ينبغى لجلال وجهك وعظيم سلطانك ... الأخت العزيزة بنت مصرية لقد كانت فرحتنا بشفاء محمد وعودته إلى حضنك سالماً معافاً لا توصف ... أسئل الله العلى القدير أن يتم شفائه ويقر عينك به وأن ينعم بفضله وكرمه وجوده بالشفاء والعافية على كل طفل مريض وأنتهز هذه الفرصة الطيبة لكى أشكر كل من رفع أكف الضراعة لله سبحانه وتعالى سائلاً المولى عز وجل أن يعافي محمد فى بدنه وفى دينه وفى دنياه ... أجمل ما فينا كمصريين وعرب أننا مهما إختلفنا فإننا دائماً نتفق ونتوحد فى المحن والشدائد rs: rs: rs: rs: rs: :D

[omtmam]

الف الف الف حمد لله على السلامة يا محمد ربنا يخليك و يبارك فيك و يتم لك شفاك و حمد لله على سلامة محمد يا ام محمد ربنا يخليه ليكى يارب rs: rs:

[disappointed]

نحمد الله على سلامة محمّد , و نبارك لأم محمّد , و نهنّئ أنفسنا

و إدّى دول لمحمّد يا أم محمّد

[bentmasria]

rs: rs: :D rs:

ربنا يسعدكم ويبارك فيكم جميعا والهدايا وصلت بالحب اللى ف قلوبكم صحيح يا اديبنا الكبير الشدة توحد القلوب وتنسينا مشاكلنا الصغيرة

حقولكم حاجة غريبه

الدكتور لما اتفق معانا على الجراحة قال ستين الف جنيه فعلا واتاخر مرة واتنين وما جاش سبحان الله وبعدين وصل وقال الجراحة 82000 غير ما قد يزيد واختكم قالت يارب سلم واذا بى افاجأ بوجود تبرعات وصلت 93000 لمحمد بدون علمى فالمحاسب يتولى الامر وانا سلمته بعض المبالغ التى ارسلت الى مباشرة وقبل الخروج بيوم واحد كلمنى وقال الحساب 96000 وصمتت سبحان الله هل سيكون هناك مشكله وفى صباح خروجنا كلمنى قائلا لديكم فائض حوالى الف جنيه فقد قام احدهم بايداع الباقى ويمكنك الاستفاده بالزياده فى متابعة الحالة

هل تصدقون

كم جاد الرحمن تعالى برحمته على هذا الصغير

ومنحه قلوبا تحبه

وتهتم لامره

الحمد لله الحمد لله الحمد لله

محبط اسعدتنى زهورك وهداياك (بس برضه محمد عاوز دبدوب بجد وزيارة اول ماتنزل مصر عشان يتعرف على اخواته)

لازالت القلوب بخير

وشعاع الحب يدفىء القلوب حتى اسألوا مدام فرح الاخت الغالية الكريمة

كنت فى اللوبى وفوجئت بعوف يتصل ليسأل عن محمد ودخلت لاجد عزيزنا دكتور رجب يطمئن وصديقنا الجميل ميتاليكا الذى لم يفارق بطوط كما يطلق عليه

واستاذنا الفاضل عادل ابوزيد والذى بعثت كلماته المشجعه فى القوة جزاه الله كل خير

غير ما ابلغت به من المئات من المكالمات القلقه على طفلكم محمد حتى نشوى فى محنتها لم تنس محمد دعواتكم لها والغالية مسلمة سلفية ولا اريد ان انسى احد منكم فالجميع احاطنى بالود والرعاية واغدق علينا بحبه وتراحمه

بوركت قلوبكم واعمالكم

وارجو ان تبلغوا تحيتى لسكوب فكم اود ان اطمئن عليه وجدو ابوفصاد ربنا يخليك لحمودى rs:

ام محمد

البنت المصرية جدعة بيكوا وحمودى صابر ولا ميت راجل يارب تم له الشفاء واشف مرضانا جميعا يارب

اللهم اعننى على ان اكون اختا لكم ربما تستطيع يوما ان توفى جميلكم حقه rs: rs:

تم تعديل 13 يناير 2005 بواسطة bentmasria

[c'est la vie]

حمد الله ع السلامه ....يأبو أجمل إبتسامه rs:

الحمد لله , ربنا يخليهولك يا أم محمد يارب , وانا حاجزة علي فكرة يعنى اللي يتكلم عليه قوليلهم محجوز, هات حتة شيكولاته يامحمد clp::

تم تعديل 13 يناير 2005 بواسطة c'est la vie

[bentmasria]

الله يسلمك يا تانتو

انا دلوقتى بعرف اقول باه وماه واوباه وبلا بلا بلا وبس

وكمان عندى فصين لولى

وبعرف ارقص بس الدكتور قاللى ماتتعبش نفسك اليومين دول

بس لو سمح لى ف عيد ميلادى حرقص

وانا اصلى حنفذ تعاليم الدين يعنى حتجوز اربعه ممكن اخلى العروسة اللى عندك واحدة منهم ;) ;) :P

الف حمد وشكر لله ان منح طفلى الصحة والعافيه واثاب الرحمن كل من ساعده او اهتم لامره

ايام الاعياد اقتربت اللهم اجعل ايامكم كلها اعيادا وخيرا وبركة

ام محمد h): h):

[Cleo]

الحمد لله الرحمن الرحيم القدير الذى كتب لمحمد النجاة...

اللهم أتم عليه الشفاء ومتعه بالصحة و العمر المديد وارزقه العمل الصالح يارب العالمين...