هل ستشارك في إنتخابات مجلس الشورى ؟

[se_ Elsyed]

انا عن نفسي لم أُشارك وتصويت المصريين بالخارج في المرحلة الاولى أنتهى النهاردة ومازلت مصمماً إن في المرحلة الحالية مجلس الشورى ليس له أي دور وكل التشريعات هاتتم في مجلس الشعب .... وما أكد قرار هو إن إعطاء الحق لرئيس الجمهورية بتعيين ثُلث اعضاء مجلس الشعب قد أستغنى عنه المشير وترك الخيار للرئيس المقبل الذي من المفروض ان يأتي بالإنتخاب

وكما توقعت إن هاتلاقي ناس تتعد على الأصابع اللي هاتشارك .. وأتوقع أيضاُ سيطرة بنسبة تزيد عن 90 % من الاخوان والسلفيين لأن الأحزاب الأخرى ليس لديها إمكانات مادية تستطيع أن تستكمل بها إنتخابات مجلسي الشعب والشورى معاً

[ابراهيم عبد العزيز]

في الحقيقة أنا لا أعلم وغير مهتم أن أعلم شيئا عن هذه الإنتخابات الخاصة بمجلس الشوري

فلا أعرف من هم مرشحي دائرتي , ولا أعرف حتى هل بدأت أم لا , ولا أعلم في أي مرحلة أستحق التصويت

فهي إنتخابات مضيعة للمال والجهد

ورفاهية ديموقراطية لا نملكها في مصر في الوقت الحاضر

[engmido]

ده برده رأيى ولكن هاحاول انتخب برده

وربنا يوفق البلاد والعباد الى ما يحب ويرضى

[se_ Elsyed]

هل تتخيلوا إن الليلة بتاعت مجلس الشورى هاتكلف اللي جابونا مليار جنية ؟

[محمد عبدالعزيز]

كنت مقرر أن لا أشارك, ولكن بعد ما حدث معى من مرشح حزب النور وأتباعه, أفكر أن أشارك لأصوت ضده وأدعو كل من أعرفه لأن يصوت ضده.

[Om Zayd]

مضطرة اشارك عشان منسيبهاش للفلول

[نوران]

هشارك إن شاء الله في المرحلة الثانية

[Ahmed Anwer]

هأشارك إن شاء الله

و هأروح بكره اللجنة

[أبو يمنى]

شاركت بالفعل بفضل الله.

[ام سلمي]

انا شاركت الحمد لله يوم الخميس اللي فات

وزي ما قالت الفاضلة ام زيد لأني مش عايزة اسيبها للفلول

مجلس الشوري مهم جداً في الفترة دي لان الاعضاء اللي حننتخبهم حيشاركوا في انتخاب اللجنة التأسيسية للدستور

[الدكتور ياسر]

إذا لم أشارك وأهتم بتلك الإنتخابات في هذا العام فمتى سأشارك و متى سأهتم ؟!

بصرف النظر عن جدوى مجلس الشورى , هناك أعضاء سيترشحون عن دائرتى و سيتحدثون بإسمي فلماذا أترك صوتى و أسمح

لمن لا يستحق أن يمثلنى؟!

تعلمنا من الثورة الإيجابية و المشاركة , وكا ذكرت الأخت الفاضلة أم سلمى مجلس الشورى سيكون له دور إن شاء الله

في تأسيس الدستور الذى سيحكم البلاد فالمشاركة الآن مهمة وحيوية ..

[عماد حمدي]

شاركت بفضل الله .. صوتي أمانه ،،

و مش أنا اللي أقول مجلس الشروى مهم أو لا ..

المطلوب مني أنتخب و أدلي بصوتي ، لأني هتحاسب عليه ..

ممكن لعل و عسى مجلس الشوري يحصل في تطوير و يكون ليه دور كويس ..

مش هدي الفرصه للفلول أبداً .

تحيـــــــاتي ،،

[eslam elmasre]

انا هانزل انتخب عشان خايف من الغرامة

دول خمسميت جني يا عم والواحد في عرض مليم اليومين دول

ومش عارف طبعا هانتخب مين عشان كده اول واحد يقابلني عند اللجنة ويمليني الاجابة هادخل واكتب على طول

[ام سلمي]

كلنا خالد سعيد :

قد نتفق أو نختلف على أهمية دور مجلس الشورى بسبب الميراث السيء للمجلس ده طوال العقود السابقة، لكن مجلس الشورى الحالي بالتعاون مع مجلس الشعب هايكونوا المسئولين عن تشكيل لجنة كتابة الدستور، وكمان من حق أي مرشح للرئاسة إنه يحصل على توقيع 30 عضو من مجلسي الشعب والشورى للترشح، يعني فيه دور كبير وهام لأعضاء المجلس ده في عملية كتابة الدستور وكمان اختيار الرئيس القادم.. عشان كده لازم كلنا ننزل ننتخب في مجلس الشورى ونختار أفضل النواب اللي يمثلونا، وده واجب وطني ما ينفعش نتخاذل عنه أبداً..

الانتخابات بدأت النهاردة في محافظات (القاهرة والإسكندرية والمنوفية والغربية والدقهلية ودمياط والفيوم وأسيوط وقنا والوادى الجديد وشمال سيناء وجنوب سيناء والبحر الأحمر)..

انزل

[elzahraa]

انا نزلت انتخبت خلاص

مجلس الشورى حيبقى له صوت في المجلس التأسيسي

مش حسيبو للفول هم اللي يحطو الدستور

و بالنسبة للمرشحين

مفيش دعاية عندنا في الدائرة تقريبا

بس انا سألت وعرفت و انتخبت الافضل (من وجهة نظري)

و الحمد لله :)

[se_ Elsyed]

يرضي ربنا اللي بيحصل ده ؟

بعض اللجان حتى الأن عدد المرشحين اللي جم من الصبح حوالي 4 أو 5 أفراد فقط ؟

يعني ملايين تتصرف ووقت يضيع عشان حد ينجح يا جماعة بألف صوت مثلاً في دائرة عدد الناخبين فيها ملايين ؟

[se_ Elsyed]

أنا أسمع عن نتيجة بتقول " لم ينجح أحد "

لكن نتيجة تبقى " لم يذهب أحد " .. دي ما شوفتهاش بصراحة

[elzahraa]

يرضي ربنا اللي بيحصل ده ؟

بعض اللجان حتى الأن عدد المرشحين اللي جم من الصبح حوالي 4 أو 5 أفراد فقط ؟

يعني ملايين تتصرف ووقت يضيع عشان حد ينجح يا جماعة بألف صوت مثلاً في دائرة عدد الناخبين فيها ملايين ؟

لوم القوى السياسية اللي فرطت في فرصة ذهبية لمعادلة اللجنة التأسيسة لوضع الدستور

لان اقناع الناخب بموازنة صوته في الشورى اسهل بكتير

ولوم مدمني الانتصارات الرمزية اللي رافضين ينزلو للارض و يشتغلو بجد

عموما لو كسب مرشحي العسكري ووضعو له وضع مميز في الدستور

على هؤلاء الا يبكو فهم من فرطو في هذة الفرصة

و لم يقدمو شيئا بل اكتفو في محاولة تثبيط من يعمل على الارض

و شكرا لك

[عماد حمدي]

رأي الشارع حول انتخابات مجلس الشورى

www.youtube.com/watch?feature=player_embedded&v=D7G_XzsH39E

الإخوان والسلفيين في بني سويف بيوصلولنا العيش واسطوانات الغاز لحد البيت

تم تعديل 29 يناير 2012 بواسطة عماد حمدي

[Ahmed Anwer]

أنا روحت و أنتخبت

اللجنة فاااضية ،،

حتي الأخوان مش مهتمين بيها أووي مفيش تواجد ليهم قدام اللجنة