هل ستشارك في إنتخابات مجلس الشورى ؟

[محمد عبدالعزيز]

إذا كان إجمالى نسبة المشاركة فى هذه الانتخابات -بعد انتهائها بالكامل- قليل فأنا أعتبر هذا بمثابة استفتاء شعبى على عدم جدوى مجلس الشورى ويجب أن يوضع ذلك فى الحسبان عند كتابة الدستور الجديد.

[se_ Elsyed]

إذا كان إجمالى نسبة المشاركة فى هذه الانتخابات -بعد انتهائها بالكامل- قليل فأنا أعتبر هذا بمثابة استفتاء شعبى على عدم جدوى مجلس الشورى ويجب أن يوضع ذلك فى الحسبان عند كتابة الدستور الجديد.

إحنا كل إعتراضنا يا محمد إن مالوش لازمه في الوقت الحالي ...

بدليل

إن المشير ترك إختيار ثلث الأعضاء المتبقين للرئيس القادم لما يُنتخب

[محمد عبدالعزيز]

إذا كان إجمالى نسبة المشاركة فى هذه الانتخابات -بعد انتهائها بالكامل- قليل فأنا أعتبر هذا بمثابة استفتاء شعبى على عدم جدوى مجلس الشورى ويجب أن يوضع ذلك فى الحسبان عند كتابة الدستور الجديد.

إحنا كل إعتراضنا يا محمد إن مالوش لازمه في الوقت الحالي ...

بدليل

إن المشير ترك إختيار ثلث الأعضاء المتبقين للرئيس القادم لما يُنتخب

بس كمان الاعتراض على الشكل والوظيفة والوضع الحالى, بما فيه تعيين ثلث الأعضاء وكونه ليس له دور واضح فى التشريع إلا بعض الشكليات, يعنى كان أيام المخلوع الله يجحمه لازم القوانين المكملة للدستور تاخدلها لفة على مجلس الشورى الأول وبعدين تروح مجلس الشعب. وبتوع مجلس الشورى بقى يقولولك طب نزود نقطة فى آخر المادة يا جماعة ولا نزود فاصلة؟ ويقعدوا يتكلموا فى مواضيع شبه كده وبعدين يوافقوا ويرموا على مجلس الشعب.

شوف إيه هى اختصاصات مجلس الشورى حتلاقيها ما بين يؤخذ رأيه ويقترح ويدرس, أعتقد لجان مجلس الشعب تكفى فى السياق ده.

اختصاصات مجلس الشورى

ده حتى فى مادة بتقول:

المادة (201)

رئيس مجلس الوزراء ونوابه والوزراء وغيرهم من أعضاء الحكومة غير مسئولين أمام مجلس الشورى.

يعنى لا رقابة ولا تشريع, يبقى نوفر القرشين بتوعه أحسن فى حاجة تنفع وكفاية علينا مجلس الشعب.

تم تعديل 29 يناير 2012 بواسطة محمد عبدالعزيز

[متعب]

انا عاوز افهم بس حاجه بالصلاتو على النبى بس

مجلس عسكرى بيقول انا حامى الثورة

ومن اول موقعه الجمل الى الان بيتم الاعتداء على الثورة

يبقى بيحميها من مين !!!!!!!!!!!!

تفتكروا مجلس من النوع ده بيقود البلطجه عينى عينك

هيقدم لمصر انتخابات نزيهه

هو الكيلوا العبط وصل كام دلوقتى

انا مامعييش اجيب كيلو

ممكن بجنيه هبل على نص جنيه عبط

[Om Zayd]

الحمد لله .. انتخبنا

أنا و زوجي

و زيد طبعا

:closedeyes:

أغلبنا مش مقتنع بدور مجلس الشورى.. بالذات في هذه الفترة.. و بالاخص بعد ان اعلنوا عن التكلفة الهائلة لها

لكن اقبال الفلول و العصبيات على الترشح لها يجعل من المهم الا نتركها لهم

و الله الموفق

[متعب]

الفلول كده كده ليهم دور فى المسرح والحفله دى

انهم يكونوا فزاعه للناس لصالح طرف معين يقوم بنفس الدور وهو التيارات المتأسلمه

نخش على المسرح

ونجول تانى

المظاهرات السلميه بيقرها القانون والدستور

ومع ذالك بتتعامل بكل انواع البلطجه والمجلس بيضرب السلميه ال اقرها القانون والدستور بالنار

وبيسمها بالحوواشى وبيحرق المجمع العلمى الثروة القوميه فى مصر

بلاش دى

السلميه المجلس بيضربها بالاسلحه المحرمه دوليا ولا يجرء على استخدام ده مع الاسرائيليين ال كل شويه ينطولنا على الحدود

يعنى طظ فى الدستور وطظ فى القانون وطظ فى حقوق الانسان ونعم لعمل سور حول السفارة الاسرائيليه لحمايتها

ونعم للجاسوس الاسرائيلى ال شكر الحكومه غلى حسن معاملتها له

دى ناس هتعمل انتخابات نزيهه

هنروح المووووووووووووووولد وارقص ياعم صابر

وبالصلاه على النبى ضهرنا أتحنى

يعنى لامخبرين ولا كمين

قول يابنى قول

قوووووووووووووول

ياباشا الصياعه قدب والشقاوة صمت

يعنى تكتم فى نفسك

بقولك ضهرنا اتحنى احنا مبنبتشى فى تخشيبه ولو حتى عملنا الف مصيبه

ولو عندك تلاتين قضيه يوسف باشا يروحك فى العربيه

رقصونى بقه . سفينه هيرقص

يعنى الشوائب والاتربه . اوعى ياه انته وهو ياه

هو ده . سبونى بأه

وقول يابنى قووووووووووووول

[أحمد محمد]

أنا عن نفسي مش هشارك في ألانتخابات لمجلس الشوري لأني لا أري أن لة فائدة و أنة مضيعة للوقت و ألاموال و خلاص

و أتمني تكون ألانتخابات دي بمثابة أستفتاء شعبي لوجود مجلس الشوري

[سكر]

اتمنى من الله ان يوفق القائمين على مصلحة البلاد بالغاء الانتخابات الشوري

الضرب فى الميت حرام والشعب قال مش عايز من دة

[ام سلمي]

مستغربة جدا من عدم اهتمام الناس بانتخابات مجلس الشوري اللي حتحسم اختيار 180 عضو حيختاروا مع اعضاء مجلس الشعب لجنة تأسيس الدستور

شوفوا الخبر ده في رصد

رصد | برلمان الثورة | القاهرة | عاجل : تم العثور على احدى الناخبات تدلي بصوتها بلجنة مدرسة الحلمية في صباح تاني ايام انتخابات الشورى , في ندرة شديدة للناخبين بجميع لجان عين شمس والحلمية

[الدكتور ياسر]

[Om Zayd]

أنتخابات الشوري التي أبهرت العالم كأول أنتخابات عدد مرشحيها أكبر من عدد ناخبيها.

:closedeyes:

فعلا.. الفردي كان كشكول مش كراسة

[Ahmed Anwer]

أظرف حاجة في الإنتخابات دي

بس الصناديق البلاستيك الجديدة اللي جابوها

أنضف كثير من الصناديق الخشب الثقيلة ، الحقيرة

[engmido]

طيب اللى ما انتخبش فيه مشكلة ؟؟؟

انا كنت بعدى على لجان .. شكراا العساكرنشفوا من البرد من قلة الزباين

تم تعديل 30 يناير 2012 بواسطة engmido

[se_ Elsyed]

طيب اللى ما انتخبش فيه مشكلة ؟؟؟

انا كنت بعدى على لجان .. شكراا العساكرنشفوا من البرد من قلة الزباين

مش هاتصدق

النيابة تسلمت أسماء كل من لم يشارك في إنتخابات مجلس الشعب عشان تتعمل له قضية ويدفع غرامة 500 ج