ايه اللى بيحصل قدام ماسبيرو هل دول فعلا ثوار

[أبو العز]

ياجماعة انا عارف كم الهجوم على بس شوفوا الفيديو ده وقولولى هل دول ثوار ولا حاجة تانية

يرجى الحذر هالفيديو كله الفاظ خارجة يرجى اغلاق الصوت

أنا مش قادر ارفق الفيديو بس ممكن تعمل بحث فى اليوتيوب على

المتظاهرين امام ماسبيرو يشتمون بالفاظ خارجة والجيش المصرى ملتزم ضبط النفس

وياريت ماحدش يحرف الموضوع ويقول لى جبت الفيديو منين والمجلس والاخوان والكلام ده عايز اجابة واضحة هل هؤلاء ثوار

ولو لاقدر الله حصل صدام وسقط قتلى ح نقول عليهم شهداء ونطالب بحقهم

[متعب]

ياسلالالالالالام

اولا العيال دى شكلهم باين للاعمى النظر والقلب انهم بلطجيه

ال هما نفسهم كانوا من كام ساعه بيضربوا المتظاهرين بالزجاجات الحارقه اكتر من مرة اليوم

والخطه كاتاتى

يروحوا نفس الشويه الهمج بتوع العسكر مرة تانيه ويعملوا ثورجيه ويقولوا نفس ال عرضته سعاتدك فى الفيديو ده

حتى تلاحظ فى اخر الفيديو وهما بيشتموا

المعتصمين بيرددوا وراهم . مش هنيشتم . مش هنيشتم

ده فى اخر الفيديو ال لم يذاع على اى قناه واتصور خصيصا عشان الحبايب تشتغل عليه فى الانترنت

قديم قوى الشغل ده

تشويه الثوار ده فشل فشل زريع من خلال اللجان اياها

ياريت يغيروا بس الاساليب

يجيبوا جديد يعنى

[Abu Reem]

يا فندم همه من الصبح نفسهم اي حد يحتك بهم ،،، ومش بعيد لما يزهقوا يتفقوا مع شوية بلطجية علشان يدخلوا امامهم في خناقة

والقنوات الفضائية تشتغل وتاكل عيش،،، انت مش ملاحظ ان الفضائيات اياها خلاص مش لاقية حاجة تتكلم فيها

- على العموم انا مش عارف ايه علاقة ماسبيرو بالاعتصامات والمطالب

وايه علاقة الالفاظ البذيئة بنداءات تحقيق المطالب

وبصراحة انا مش عارف الملايين اللي كانت في 25 يناير ليه لم تنزل معهم الان طالما ان مطالبهم مقبولة من الناس

فين الملايين اللي كانت بتهتف يسقط يسقط حكم العسكر ؟؟

[ابو محمود]

http://www.youtube.com/watch?v=uq_75oGTzIc

[متعب]

عشان الحبايب تشتغل عليه فى الانترنت

مع نفسيكوا بقه

مجمعيين عند النبى

غنوا بقى وردوا على بعض

[الدكتور ياسر]

http://www.youtube.com/watch?v=uq_75oGTzIc

أيا كان هؤلاء الذين يستخدمون تلك الألفاظ المسفة والإشارات البذيئة ..

ثوار أو بلطجية أيا كانوا فإنى أحيي هؤلاء الجنود على صبرهم و ثباتهم أمام هذا الإسفاف و الإستفزاز ..

[Abu Reem]

http://www.youtube.com/watch?v=uq_75oGTzIc

كتر خيرك يا ابو محمود على وضع الفيديو

بصراحة انا صعقت من هذه القذارة وهذه الاشارات البذيئة وللاسف برده شاهدة واحدة او اثنين واقفين وسط هؤلاء الحثالة ويشاركونهم هذه البذائة

الف لعنة عليهم....اي خير نرجوه ان يأتي من وراء هذه التصرفات

والله الشعب لو نزل ضربهم بالجزم يبقى برده خسارة فيهم الجزم

[se_ Elsyed]

هههههههههه

متجمعين عند النبي وفي فرص افضل إن شاء الله ... منورين الموضوع والله

كل سنة وإنتم طيبين

[الدكتور ياسر]

ياسلام على الأخلاق

[se_ Elsyed]

ياسلام على الأخلاق

أتفق معك يا دكتور ياسر

فرفع الحذاء في وجه ماخور الإعلام الفاسد أمر واجب .. فلم نشعر بأي فرق بين ماسبيرو قبل 25 يناير 2011 .. وبين ماسبيرو بعدها

ده حتى يا راجل بيغطرشوا عن محاصرة مكتب لواء الشرطة الوزير احمد أنيس وزير الإعلام اللي كان عاوز التليفزيون يذيع أشرطة تسجيلية عن طائر اللقلقاق وأنثى الهدهد في ذكرى الثورة .....

فكل هؤلاء يجب ضربهم بالحذاء خصوصاً إنهم حضرتك مورطين البلد في 20 مليار جنيه ديون راحت على الهلس وأخترناه أخترناه وليالي التليفزيون السودا

[ابو محمود]

هذة الانواع من البشر سيتم أن شاء الله كنسها ورميها فى مزبلة هم يستحقون ان يكونو بها هم ومن يؤيدهم وستظل مصر نظيفة من تلك الأوساخ وسيتم التعامل معهم بطريقة مثلى تعرف بالرمى داخل الباكبورتات وهذة الطريقة هى المثلى لكل من يؤيد ويساعد على الاحتقان وتعطيل الشرعية والقفذ على مكاسب الثورة التى انشأها الشعب وأرتضى ان يستكمل مشوارها بالشرعية

[متعب]

هههههههههه

متجمعين عند النبي وفي فرص افضل إن شاء الله ... منورين الموضوع والله

كل سنة وإنتم طيبين

هههههههههههههه

انته كمان هرشت الليله

سبوووووووووووووبه

محدش بقى يجى يمتهم خالص بقى

سيبهم هما هيظبطوا الليله ويلموا الكراسى

[se_ Elsyed]

وبعدين ما كنتوا تشرفونا شوية في الموضوع بتاع الملايين اللي خرجت يوم 25 لمدة 3 أيام للتأكيد على إستمرار الثورة .. ولا هي ماجتش على هوا البعض وكان فعلاً محبط ومتضايق إن ده حصل بالشكل الحضاري ده ؟

[se_ Elsyed]

هذة الانواع من البشر سيتم أن شاء الله كنسها ورميها فى مزبلة هم يستحقون ان يكونو بها هم ومن يؤيدهم وستظل مصر نظيفة من تلك الأوساخ وسيتم التعامل معهم بطريقة مثلى تعرف بالرمى داخل الباكبورتات وهذة الطريقة هى المثلى لكل من يؤيد ويساعد على الاحتقان وتعطيل الشرعية والقفذ على مكاسب الثورة التى انشأها الشعب وأرتضى ان يستكمل مشوارها بالشرعية

أتفق مع الكلام ده تماماً

خصوصاً موضوع البكبورتات ... كل الناس دلوقت عارفة البكابورت مصير مين ت .....

فعلاً الموضوع ريحته فاحت قوي وما بقاش ينفع معاه شفاط ولا معطرات جو ... ولازم نشد عليه السيفون عشان الجو ينضف .

[ابو محمود]

انما الأمم الاخلاق

[Abu Reem]

ياسلام على الأخلاق

ياريت كل اللي يقدر ينشر الفيديو. ده في كل مكان على الاقل احسن من الفيديوهات بتاعة قنابل الفسفور. وبلطجية المتحف اللي ماشفناهمش يوم 25 يناير يمكن اتحنطوا داخل المتحف

- حد يا جماعة يجيب واحدة بعباية بكباسين بسرعة علشان نصلح الموقف المحرج ده

لحسن كده الثوار الشرفاء شكلهم بقى وحش قوي

وسمعنا هأو ياعم زعبلة

تم تعديل 29 يناير 2012 بواسطة Abu Reem

[الدكتور ياسر]

انتصرت الثورة منذ عام وأسقطت الطاغية مبارك حين انتصرت الأخلاق و شهد العالم كله بنظافتها ..

لم يكن هناك أى تعمد لاستفزاز قوات أمن بإشارات أو سباب فج كالذى نراه في هذه الأيام ..

ولم تزد هتافات الثائرين عن : الشعب يريد إسقاط النظام - إرحل ..إرحل - ثورة ثورة حتى النصر , ثورة في كل شوارع مصر ...إلخ

لازلت أذكر تلك الهتافات التى كانت تدوى في ميادين مصر .. وبالرغم من بساطة الهتافات إلا أنها أسقطت الطاغية .. هل تعلمون لماذا ؟؟

لأن الملايين التفتوا حولها واجتمعوا عليها بمختلف انتمائاتهم وبمختلف أيديولوجياتهم ..

الآن نرى أسلوبا جديدا على الثورة النظيفة .. أسلوب يقوم على الإستماتة في استفزاز قوات الجيش بقبيح الكلام و الإشارات ورفع الأحذية !!

على امل تكرار توريط الجيش لتكرار أحداث مجلس الوزراء و محمد محمود ..

وأحيي في الحقيقة جنود الجيش على ثباتهم أمام هذه السلوكيات المشينة..

تم تعديل 29 يناير 2012 بواسطة الدكتور ياسر

[م تيمور المراغي]

[م تيمور المراغي]

مشاعرك المرهفه اتدايقت اوي من الشتايم

ولم تتمعر وجوهكم للشهداء والمعتقلين و المصابين !

بهم فابدأ يا جبريل ,,

[se_ Elsyed]

انتصرت الثورة منذ عام وأسقطت الطاغية مبارك حين انتصرت الأخلاق و شهد العالم كله بنظافتها ..

..

مش صحيح يا دكتور ياسر ...

الله يكرمك إرجع شويه بالذاكرة كده وأفتكر إن الناس في أول الثورة كانت تستخدم شعار أو إتنين في منتهى الأدب

لكن لما الحاكم يطنش ويعمل نفسه عبيط .. يبقى لا مانع من تصعيد الموقف ... وأظن إنت فاكر " إرحل يعني إمشي ياللي ما بتفهمشي " والشعب يريد إعدام الرئيس

نفس النهج تكرر مع العسكر

أنا كنت في احدى مظاهرات شهرة يولية .... وسائني إستخدام شعار " يسقط يسقط حكم العسكر "

وقولت مالوش لازمه .. ده على أساس إني كنت عبيط وفاكر إنهم هايسلموا السلطة في شهر 9 ويرجعوا مساكنهم

لكن ماذا حدث ؟

ومن بدأ بالتصعيد ؟

تصعيد إيه .. ده عيب نسمية تصعيد .. فإذا كان الثوار يستخدمون ألفاظ فقط .. فالعسكر أستخدموا النار حضرتك وقتلوا المئات وأصابوا الألاف .. وأعتقلوا الألاف وكأنها لا كانت ثورة ولا يحزنون

ناهيك عن التخبط وسوء الإدارة اللي الجنين في بطن أمه بيشهد بذلك

ناهيك عن التطنيش وأتخاذ قرارات غريبة تستفز الشعب كله

يبقى مش عاوز الناس تطلع من هدومها

وأخر مثال ... أديك شوفت يمكن مصر كلها نزلت من 4 أيام في الميادين مرة اخرى تنادي بأنهاء حكم العسكر .... وبنفس طريقة رد فعل المخلوع .. نفس التطنيش والودن التقيلة وكأن ما يحدث الأن يحدث في المريخ أو في مجرة أخرى من المجرات .

بالمناسبة يا دكتور ياسر ... وإثباتاً لحُسن نية العسكر ...

كام مصيبة من اللي حصلت وعملوا فيها لجان تقصي الحقائق ... تفتكر كم حقيقة ظهرت لنا او كام حقيقة عرضها علينا الكاذبون .. قصدي المجلس العسكري ؟