متابعة للجرائم الغريبة التي تحدث في المجتمع المصري منذ أيام

[aimen]

سطو مسلح على بنك HSBC . المتهمين فى سيارة جيب شيروكى تحمل لوحات ب ى د 531 سوداء اللون. سبعة أشخاص لسيارة الآن بنطاق القاهرة الجديدة

منطقة التجمع الخامس شهدت اليوم عملية هجوم مسلح على البنك الأهلي سوسيتيه جينرال وذلك بعدما قام مجموعة من الملثمين باقتحام مقر البنك وتمكنوا من الاستيلاء على كمية من الأموال وفروا هاربين ،يأتي هذا عقب يوم واحد من الاستيلاء على 6 ملايين جنيه من أحد فروع بنك مصر.

اللواء محسن مراد مدير أمن القاهرة تلقى إخطارا من شرطة النجدة تؤكد قيام مجموعة من الملثمين يرتدون الجلباب بإقتحام مقر بنك "HSBC" وسرقة ملايين الجنيهات من البنك ،فأصدر تعليماته إلى اللواء أسامة الصغير مدير الإدارة العامة لمباحث القاهرة بسرعة القبض على الجناة وإعادة المبالغ المستولى عليها ،تم عمل خطة أمنية استهدفت جمع المعلومات عن شخصية الجناة وتتبع خط سيرهم أثناء وبعد خروجهم من البنك ,وبالإستعلام عن المبالغ المستولى عليها قدرتها إدارة البنك ب 7 مليون و500 ألف جنيه ،تم عمل أكمنة وجاري عمل التحريات وتكثيف التواجد الأمني لضبط المتهمين والسيارة الشيروكي المستخدمة في الواقعة.

يأتي هذا عقب تعرض سيارة تابعة لشركة لنقل الأموال تابعة لبنك مصر لعملية سطو مسلح وذلك بعد تسلمها 6 ملايين جنيه من فرع البنك الكائن داخل مقر الشركة القومية للأسمنت ،المتهمين قاموا باعتراض السيارة أثناء خروجها من فرع البنك داخل الشركة القومية للأسمنت مستخدمين في ذلك الأسلحة الآلية.

http://www.youtube.com/watch?v=PKwf6GWuzFo

[se_ Elsyed]

يا حلاوه !!!!!!!!!!!!!!!

حوادث غريبة لم نكن نسمع عنها مطبقاً

وتخاذل أمني رهيب بالرغم من الإجراءات اللي بيتم إتخاذها

واللي من ايام العيسوي بنتكلم إن الموضوع يتحل بجرة قلم ..

وقولت إحنا مش دولة 500 الف بني أدم .. ولا 5 مليون

إحنا 85 مليون ... كان من ضمنهم مليون ونصف عسكري وظابط أمن مركزي لحماية النظام

ولا مؤخذه لو كنا أخذنا منهم 100 الف مجند كده كده بيقضي الخدمة بس ونطورناهم في كل حته كان زمان الليلة خلصت

بالإضافة إلى إن الحمد لله ولا مديرية أمن إتعرضت للحرق او التخريب وبالتالي كل المسجلين دول معروفين بالإسم

وهناك حوادث من رابع المستحيلات تتم عن طريق ناس هواة وقالوا يالله نسرق بنك .. أو نسرق مكتب صرافة في شرم الشيخ زي ما حصل اول إمبارح

بمناسبة شرم الشيخ ... اللي راح شرم الشيخ عارف شرم القديمة ... وعارف السوق القديم اللي له زي بوابة قديمة كده عاملة زي اللي بوابات مصر القديمة ....

ومنطقة ملمومة تماماً ولو حطيت إتنين عساكر هنا وإتنين عساكر الناحية التانية .. خلصت الليلة

والله يا جمعة سنة 2006 تقريباً نزل بسيارتي أنا وأخويا ونسيبي وحودنا على شرم كام يوم كده مع نفسنا .. وكانت شنطتنا زي ما هي فوق العربية .. بمجرد ما دخلنا شرم إتبهدنا أسألة وتفتيش من الرايح واللي جاي سواء أمن الدولة أو الشرطة العادية ...

ما بالنا بإن الجيش هو كمان موجود على الأرض ؟

وإذا كانت البنوك ومحلات الدهب والمرافق الهامة مش هايتحط أمامها حراسة ... ونشيلها للبنك يا سيدي مش هايقول حاجه ما هم ياما دفعوا .... يبقى إن شاء الله هانودي الاعداد دي كلها فين ؟

أضف إلى ذلك .. إن المناطق الجديدة زي التجمع والشروق والعبور وبدر متصممه بطريقة مداخل ومخارج محددة مش سايحه على بعضها ومش معروف أولها من أخرها ...

يعني عربية أمن ظريقة تقف على مدخل ومخرج كل مدينة .. هاتخلص الليلة ..

وأظن 9 أشخاص بجلاليب ... وفي سيارة جيب .... اظن منظرهم ملفت للنظر

ولا فالحين تتشطروا على الغلابة ؟

أنا ضربت مثل بطريق بلبيس الصحراوي في إلتقاءه بطريق مصر الإسماعيلية أو جسر السويس يعني ..... وقولت إن الطريق مالوش مخرج ولا منفذ يعني سهل السيطرة عليه وعلى كل من هو قادم او ذاهب لمحافظة الشرقية وإن كان هناك كمين ثابت كان بيشيل بلاوي

كذلك الكمين الاخر الثابت في طريق مصر الإسماعيلية لكل من هو قادم من العاشر من رمضان وبورسعيد والإسماعيلية واللي مستحيل نملة واحده تعدي من الطريق ده إلا لما تعدي على الكمين ..

فين ده كله يا جماعة والشرطة بتعمل إيه ؟.

وفين قانون الطواريء اللي إحنا رافضينه بتاع البلطجة ..

طب طبقه يا سيدي على البلطجية إحنا موافقين

يبقى لا ده ولا ده ؟

[se_ Elsyed]

لسه ما كملناش الكلام

السطو على سيارة نقل اموال في حلوان والإستيلاء على 8 مليون جنية

[احمد رضوان]

يا ترى اللى صور الفيديو ده ... بلغ الشرطة ولا لأ

أصل من الواضح انه واقف بيصور قبل الناس ما تخرج من البنك وفيه واحد بسلاح في الشارع

ومين هو اصلا ولحق ينزله ازاى على الإنترنت

على العموم موقع المبنى اللى منه التصوير واضح انه امام البنك والصوت واضح ممكن الشرطة لو عندها نيه تعرف تقدر توصل له وتاخد منه معلومات اكتر

ملحوظة هو ليه دلوقتي بالذات اكتر من حادثة من نفس النوعية ... هل هو تشابه ام ترتيب لتغيير نكهة الأحداث الحاصله في مصر

[م تيمور المراغي]

الحراميه دول اوفياء اوي

.. فى ذكري الانفلات الامنى وفتح السجون لتهريبهم بيحتفلوا بسرقه بنك لازق فى اكاديميه الشرطه ! gsm::

كم انت عظيم ايها البلطجى

[aimen]

الحراميه دول اوفياء اوي

.. فى ذكري الانفلات الامنى وفتح السجون لتهريبهم بيحتفلوا بسرقه بنك لازق فى اكاديميه الشرطه ! gsm::

كم انت عظيم ايها البلطجى

[mahmoh]

يا حلاوه !!!!!!!!!!!!!!!

حوادث غريبة لم نكن نسمع عنها مطبقاً

وتخاذل أمني رهيب بالرغم من الإجراءات اللي بيتم إتخاذها

واللي من ايام العيسوي بنتكلم إن الموضوع يتحل بجرة قلم ..

وقولت إحنا مش دولة 500 الف بني أدم .. ولا 5 مليون

إحنا 85 مليون ... كان من ضمنهم مليون ونصف عسكري وظابط أمن مركزي لحماية النظام

ولا مؤخذه لو كنا أخذنا منهم 100 الف مجند كده كده بيقضي الخدمة بس ونطورناهم في كل حته كان زمان الليلة خلصت

بالإضافة إلى إن الحمد لله ولا مديرية أمن إتعرضت للحرق او التخريب وبالتالي كل المسجلين دول معروفين بالإسم

وهناك حوادث من رابع المستحيلات تتم عن طريق ناس هواة وقالوا يالله نسرق بنك .. أو نسرق مكتب صرافة في شرم الشيخ زي ما حصل اول إمبارح

بمناسبة شرم الشيخ ... اللي راح شرم الشيخ عارف شرم القديمة ... وعارف السوق القديم اللي له زي بوابة قديمة كده عاملة زي اللي بوابات مصر القديمة ....

ومنطقة ملمومة تماماً ولو حطيت إتنين عساكر هنا وإتنين عساكر الناحية التانية .. خلصت الليلة

والله يا جمعة سنة 2006 تقريباً نزل بسيارتي أنا وأخويا ونسيبي وحودنا على شرم كام يوم كده مع نفسنا .. وكانت شنطتنا زي ما هي فوق العربية .. بمجرد ما دخلنا شرم إتبهدنا أسألة وتفتيش من الرايح واللي جاي سواء أمن الدولة أو الشرطة العادية ...

ما بالنا بإن الجيش هو كمان موجود على الأرض ؟

وإذا كانت البنوك ومحلات الدهب والمرافق الهامة مش هايتحط أمامها حراسة ... ونشيلها للبنك يا سيدي مش هايقول حاجه ما هم ياما دفعوا .... يبقى إن شاء الله هانودي الاعداد دي كلها فين ؟

أضف إلى ذلك .. إن المناطق الجديدة زي التجمع والشروق والعبور وبدر متصممه بطريقة مداخل ومخارج محددة مش سايحه على بعضها ومش معروف أولها من أخرها ...

يعني عربية أمن ظريقة تقف على مدخل ومخرج كل مدينة .. هاتخلص الليلة ..

وأظن 9 أشخاص بجلاليب ... وفي سيارة جيب .... اظن منظرهم ملفت للنظر

ولا فالحين تتشطروا على الغلابة ؟

أنا ضربت مثل بطريق بلبيس الصحراوي في إلتقاءه بطريق مصر الإسماعيلية أو جسر السويس يعني ..... وقولت إن الطريق مالوش مخرج ولا منفذ يعني سهل السيطرة عليه وعلى كل من هو قادم او ذاهب لمحافظة الشرقية وإن كان هناك كمين ثابت كان بيشيل بلاوي

كذلك الكمين الاخر الثابت في طريق مصر الإسماعيلية لكل من هو قادم من العاشر من رمضان وبورسعيد والإسماعيلية واللي مستحيل نملة واحده تعدي من الطريق ده إلا لما تعدي على الكمين ..

فين ده كله يا جماعة والشرطة بتعمل إيه ؟.

وفين قانون الطواريء اللي إحنا رافضينه بتاع البلطجة ..

طب طبقه يا سيدي على البلطجية إحنا موافقين

يبقى لا ده ولا ده ؟

ماينفعش يطبق عليهم قانون الطوارئ لان دول حرامية مش بلطجية

واراهنك على اللى انت عايزة ان كل دا

علشان يتوهوا بعد ما اتعرف ان طنطاوى بيقفشلة 3 مليون جنية كل شهر مرتب

دا غير الجنزورى

وباقى المجلس العكسرى والوزرا

[لماضة مصرية جدا]

السلام عليكم و رحمة الله و بركاته

غريبة جدا اوي خالص

يعني محدش جاب سيرة الثورة في الموضوع يعني....احمدك يا ربي انه محصلشي في التحرير و لا ماسبيروعلشان منسمعشي الجملة اللي هتتكتب في تاريخ سنة ستة ابتدائي....(حرام عليكو خربتوا البلد)

اخويا قالي تعليق لطيف جدا...(اصلا جوز العساكر اللي بيقفوهم ع البنوك لو حد شنكلهم هيغمن عليهم...بيتكلم ع البنك بتاعه)

الحراسة علي البنوك شكلها ازاي؟؟؟

تفتكروا الداخلية هتقبض ع الجناة في ظرف قد ايه....!!!!

مش عايزة اعمل حالة ذعر

بس احنا في الصعيد اتعدينا موضوع البنوك دوت بمراحل

و فيه عصابات منظمة لخطف البني آدمين و طلب فدية

حتي هذه اللحظة انا بشوف انها اشاعات...بس نفسي و مني عيني قبل ما اتخطف....(يا ساتر يا رب)....مصدر مسئول واحد يطلع يقولنا هو ايه اللي بيحصل

حد بس يفهمنا...و لا ده مقصود يعني محدش يفهم حاجة

و ربنا يوفق وزارة الداخلية.....

زادت مرتباتهم...و هما قاعدين

قلت ساعات الشغل و هما قاعدين

سرقوا البنوك و هما قاعدين

(ده اعلان ركبوا الشيفروليه و هما قاعدين)

و خليكوا قاعدين

انا ماشيين ان شاء الله

[aimen]

الكاتب والناقد عصام زكريا: طيب...الخيبة بتاعة مخطط حرق مصر فشلت. اللعب بكارت الفتنة الطائفية وحرق الكنائس فشل. الغاز والبنزين والدقيق واللعب على الاقتصاد فشل. النهاردة فجأة البلد كلها بقت جرائم على طريقة شيكاغو: بنوك بتتسرق ومطاردات في الشوارع وبلطجية بيتقتلوا ويتعلقوا على الشجر وجريمة قتل في شارع جامعة الدول...وكله متصور وعلى الهوا ما شاء الله...إيه الذكاء المخابراتي ده كله!!

معرفش ان كان عند حضراتكم علم ان هناك مشكلة بين المسلمين والمسيحين فى منطقة العامرية بالاسكندرية

الحكاية مسيحى على علاقة مع مسلمة وتم تصويرها فى شكل غير لائق وطبعا باقى الحكاية معروفه

الكلام دا من ثلاث ايام ومازال العرض مستمر

تم تعديل 30 يناير 2012 بواسطة aimen

[متعب]

ياعمونا بنك ايه بس وزعبله ايه

ياعمنوا احنا مش فضيين لده

احنا فاضيين لنوارة نجم بس وشويه من بتوع الثورة

وسبحان الله

عمرنا ماشفنا بلطجى او حرامى من ال على الساحه ده بيسرق حد من الفلول ولا من امن الدوله ولا من العسكر

حرميه وطنيين بالنون يعنى

مع الرغم ان اقل واحد من دول عنده شىء وشويات يعنى اقل واحد فيهم عنده ارصده تعادل ارصده دول

بس مشفناش حد فيهم او سمعنا عن سرقه حصلت للناس دى ابدا

السرقه بس فى البنوك ال خاصه بالدوله واقتصادها

السرقه بس للآمنين فى الشوارع والبيوت ال دخلهم اصلا عايشيين ببركه ربنا مش بالكام ملطوش

ولا عمرنا شفنا بلطجى بيعتدى بالملوتوف على حد من القائمين على الحكم فى مصر او يكون تابع ليهم

فى اى دوله من دول العالم بتحصل فيها حاله واحده من الانفلات الامنى بيقال على الفور فيها وزير الداخليه

احنا بقى ال هنا فى مصر بيقال الشعب مش الحكومه

ومش عوزينى اقول ياحلولى

هأو

[م تيمور المراغي]

يا ولاد اللعيبه !

طبعا الصورة دي بتوضح ان موضوع السرقه كان حقيقي .. وان اللي سرق البنك دا تحديدا مكانش يقصده لانه حرامي ومش فاهم انه كدا هايوقف ضخ الاستثمارات دي

انتوا نيتكوا وحشه كدا ليه .. كل حاجه تقولوا الشرطه والمجلس ... مع انها واضحه زي الشمس اهه ان المجلس هو اللي عاملها .. تييييييييت يا مجلس :)

[aimen]

امس كان يوم غريب

حادثة سطو مسلح فى شرم الشيخ لمحل صرافة وجرأة لم نعهدها

http://www.youtube.com/watch?v=jVK53fw3ZkU

تم تعديل 31 يناير 2012 بواسطة aimen

[se_ Elsyed]

امس كان يوم غريب

حادثة سطو مسلح فى شرم الشيخ لمحل صرافة وجرأة لم نعهدها

http://www.youtube.com/watch?v=jVK53fw3ZkU

تصحيح يا أيمن

الحادثة تمت يوم 28 يناير يعني من 4 أيام

اللي إتسرق حوالي 300 الف جنية

خد دي بقى ...

نفس المحل إتسرق من شهر ونصف وشوفت الفيدو إمبارح بس كانت الضربة جامدة أكتر من مليون جنية والهجامين كانوا ماشيين في المول عادي جداً وملثمين ولابسين بلاطي - جمع بالطو - على الجلابية ولا كأنهم رايحين البيسين

وكل سنة وإنت طيب

[aimen]

امس كان يوم غريب

حادثة سطو مسلح فى شرم الشيخ لمحل صرافة وجرأة لم نعهدها

تصحيح يا أيمن

الحادثة تمت يوم 28 يناير يعني من 4 أيام

اللي إتسرق حوالي 300 الف جنية

خد دي بقى ...

نفس المحل إتسرق من شهر ونصف وشوفت الفيدو إمبارح بس كانت الضربة جامدة أكتر من مليون جنية والهجامين كانوا ماشيين في المول عادي جداً وملثمين ولابسين بلاطي - جمع بالطو - على الجلابية ولا كأنهم رايحين البيسين

وكل سنة وإنت طيب

انا اسف والله بس انا ما اخدتش بالى من موضوع التاريخ خصوصا ان الفيديو دا ظهر امس فقط على تويتر

ايضا امس حصلت الحكاية دى ...اللى اعتقد انها التطور الطبيعى جدا لعدم وجود الامن

هناك فيديو مشابه لما حدث فى كرمايا بلبنان لو حد فاكرها على الرابط الخاص بالموضوع

سيطرت حالة من الحزن الشديد على أهالى قرية "هرية رزنة" التابعة لمركز الزقازيق بمحافظة الشرقية صباح اليوم، الاثنين، بعد قيام الآلاف من أهالى القرية (شبابا وشيوخا ونساء وأطفالا)، بتشييع جنازة أحد شباب القرية، الذى لقى مصرعه فى ساعة متأخرة من مساء أمس، الأحد، متأثرا بإصابته بطلق نارى بالصدر، بعد مشادة كلامية نشبت بينه وبين مجموعة من الخارجين عن القانون لتدخله لفض مشاجرة نشبت بينهم وبين سائق توك توك بالقرية، طلب منه أن ينقذه منهم، حيث حاولوا إجبار سائق التوك توك على توصيلهم إلى مكان متطرف، فرفض سائق التوك توك خوفا من سرقته.

استغاث سائق التوك توك، بالشاب، وعندما تدخل لفض المشاجرة، قام أحد الخارجين عن القانون بإطلاق النار عليه، فاستقرت رصاصة فى صدره، توفى بعدها فى الحال.

عقب سماع أهالى القرية بما حدث ومصرع الشاب، هرع جميعهم رجالا وشبابا وأطفالا، وتمكنوا من ضبط 2 منهم، وقام جميع الأهالى بتوثيقهم بأعمدة الإنارة بميدان عرابى بالقرية وشنقهم أمام جميع الأهالى، حتى يكونوا عبرة.

تفاصيل الواقعة بدأت بتلقى اللواء محمد ناصر العنترى مساعد الوزير مدير أمن الشرقية، إخطارا من اللواء عبدالرءوف الصيرفى مدير الإدارة العامة لمباحث الشرقية، يفيد وصول كل من: " حازم .ف. عبد المقصود " (28 سنة ـ حاصل على بكالوريوس تجارة) ومقيم بقرية هرية رزنة مركز الزقازيق جثة هامدة، إثر إصابته بطلق نارى بالصدر،و" ع. م. سعد " (36 سنة ـ نجار) ومقيم الحريرى قسم أول الزقازيق، جثة هامدة على إثر إصابته بطعنات متعددة بجميع أنحاء الجسم، و "أ. إ. عبدالله" (32 سنة) خال الثانى جثة هامدة.

وتحرر المحضر رقم 4054 جنح مركز الزقازيق وتم إحالته للنيابة العامة لمباشرة التحقيق بمعرفة إسلام حسين رئيس مركز الزقازيق، وبإشراف المستشار أحمد دعبس المحامى العام الأول لنيابات جنوب الشرقية.

أفادت التحريات الأولية والتحقيقات التى قام بها الرائد أحمد نصار رئيس مباحث مركز الزقازيق، أنه أثناء خروج " مدبولى سعد محمد " (63 سنة) ومقيم الحريرى وبرفقته سيدة من فرح بقاعة نصار بالقرب من القرية، استقل توك توك قيادة "محمود شحتة حسن " (18 سنة) من قرية هرية رزنة.

وفى الطريق وبالتحديد أمام محل زيوت بالقرية ملك المتوفى الأول، حدثت مشادة كلامية بين سائق التوك توك، ومدبولى، عندما طلب من سائق التوك توك توصيله لمكان متطرف، فرفض السائق، خوفا من سرقة التوك توك، فحدثت مشادة كلامية بينهما، فقام مدبولى بالتعدى على السائق، فاستغاث بالأهالى فأسرع "حازم " لنجدته منهم، فحدثت مشادة كلامية قام على أثرها مدبولى بالاتصال بأبنائه " ع. و.ن"، وحضر معهما خالهم وعندما حضروا بادروا بإصابة حازم بطلق نارى بالصدر فتوفى بالحال، وبعدها وجه والدهم العديد من الألفاظ الخارجة لأهالى القرية.

تمكن أهالى القرية من ضبط "ع"، وخاله، فى حين تمكن "ن" من الهرب، وقاموا بتوثيقهما وتعليقهما، وتمزيقهما بالأسلحة البيضاء على أعمدة الإنارة بميدان بالقرية.

انتقل المستشار محمود زيدان رئيس النيابة الكلية بالزقازيق لمكان الحادث لمعاينة الواقعة، وأمر بانتداب الطب الشرعى لمناظرة الجثث لبيان سبب الوفاة، وصرح بالدفن عقب الانتهاء من الصفة التشريحية، وأمر بتحريات المباحث حول الواقعة وظروفها وملابستها، وتمكن رجال مباحث الزقازيق من ضبط المتهم "ن" والسلاح المستخدم فى الجريمة.

وأكد خالد عبد النبى مفتش الصحة لـ "اليوم السابع"، أن إصابات المتوفيين الثانى والثالث عبارة عن جروح طعنية نافذة بجميع أنحاء الجسم، وسحجات وكدمات نتيجة سحلهم على الأرض.

وانتقل "اليوم السابع" إلى قرية هرية رزنة، وبمجرد وصولنا القرية احتشد الجميع لتشييع جنازة الشاب حازم وسط دموع وأحزان الأهالى، وعبر العديد من الأهالى عن أسفهم لهروب المتهم الثالث، وعدم تمكنهم من الفتك به، حتى يكونوا عبرة لكل من يحاول التعدى عليهم .

http://www.youm7.com/News.asp?NewsID=590488&

[ام سلمي]

القبض على اثنين من مرتكبى السطو على بنك HSBC في منطقة جبلية بالصف

تمكنت أجهزة الأمن بالجيزة بالتعاون مع قطاع الأمن العام، من القبض على اثنين من المتهمين بارتكاب واقعة السطو المسلح على بنك (HSBC) بالتجمع الخامس بالقاهرة الجديدة.

وذلك بعد أن تمكنا بالتعاون مع آخرين من سرقة ما يقارب من ستة ملايين جنيه فى وضح النهار من البنك، فى جريمة سطو مسلح لم تستغرق أكثر من عشر دقائق.

وكانت منطقة التجمع الخامس وبالتحديد شارع التسعين، قد شهدت أمس جريمة سطو مسلح قام بها 7 أشخاص ملثمين يرتدون ملابس بدوية، وتمكنوا من الهرب بعد أن تركوا السيارة الجيب الشيروكى التى استخدموها فى ارتكاب الواقعة، والتى تمت سرقتها فجر يوم الحادث من داخل نطاق القاهرة الجديدة، وهربوا من خلال سيارة ميكروباص كانت بانتظارهم في أثناء ارتكاب الواقعة ولجأوا إلى دروب صحراوية بمناطق جبلية بالصف.

ونجحت أجهزة الأمن بالجيزة بالتعاون مع قطاع الأمن العام، من القبض على اثنين (شقيقين)من المتهمين، وتبين أن الأول يدعى راضى أبو هيكل (40 سنة) وشقيقه تامر (30 سنة) بعد مطاردة مع أجهزة الأمن بالدروب الصحراوية بالصف، وتبين أنهما من منطقة عرب الحصار بالصف، وأنهما سبق وأن قاما بإطلاق النار على رئيس مباحث مدينة 15 مايو، وقاما أيضا بارتكاب واقعة تهريب المساجين من داخل سيارة ترحيلات بالطريق الدائرى بالقرب من التجمع الخامس، وتواصل أجهزة الأمن العام جهودها لضبط باقى المتهمين الهاربين.

تم تعديل 31 يناير 2012 بواسطة ام سلمي

[se_ Elsyed]

الداخلية نفت الخبر يا ام سلمى للأسف

يمكن قبضوا على ناس سارقين بنك تاني ؟ هههههههه

لأ كده لازم الداخلية كلها تنزل الشارع وتعلن الإستنفار العام

ولن يرتدع الكلاب دول إلا بمحاكمات عاجلة وعادلة وعلنية

وحط تحت علنية مليون خط

وجبة اليوم يا سادة

5 ملثمين يقتحمون مكتب بريد حلوان ويستولون على 150 ألف جنيه

الثلاثاء، 31 يناير 2012 - 16:08

فى أقل من 48 ساعة، توالت أعمال السطو المسلح فى القاهرة، حيث اقتحمت مجموعة مسلحة اليوم الثلاثاء، فى وضح النهار، مكتب بريد حلوان بمنطقة حدائق حلوان، واستولوا منه على مبلغ 150 ألف جنيه، وذلك بعدما أشهروا الأسلحة النارية فى وجه المارة والعاملين بالمكتب، وعقب ذلك استقلوا سياراتهم، ولاذوا بالفرار هاربين.

[ام سلمي]

الداخلية نفت الخبر يا ام سلمى للأسف

يمكن قبضوا على ناس سارقين بنك تاني ؟ هههههههه

هو الخبر فعلا مش موجود اللا علي بوابة الاهرام

بس الحقيقة وزير الداخليةالجديد قايم بمجهود يشكر عليه

عصابات خطيرة اتقبض عليها من ساعة ما اتعين

الحمبولي اللي قبضوا عليه من كام يوم كانت الداخلية ايام العيسوي بتقول استحالة يتقبض عليه لان عندهم اسلحة قد اسلحة الداخلية نفسها

[ام سلمي]

الخبر علي اليوم السابع

وزير الداخلية: حددنا مقتحمى "HSBC" وضبطنا أحدهم و250 ألف جنيه

أعلن وزير الداخلية اللواء محمد إبراهيم، أن الأجهزة الأمنية بوزارة الداخلية تمكنت من تحديد هوية المتهمين السبعة الذين اقتحموا أمس الاثنين، بنك "HSBC" بالقاهرة الجديدة، واستولوا على مبلغ مليون و100 ألف جنيه، موضحا أنه تم التوصل لأحد أوكار التى يختبئ فيها المتهمين، وتم على الفور استهدافه وتم ضبط أحد المتهمين ومبلغ 250 ألف جنيه، كان بحوزته، مؤكدا أنه جار مواصلة الجهود لملاحقة باقى المتهمين.

[ابراهيم عبد العزيز]

تكرر أحداث السطو المسلح مؤخرا وفي وضح النهار أحيانا أصبح أمر مثير للقلق

وبروز هذه الظاهرة بهذا الشكل وهي التي لم تكن موجودة في مصر من قبل , بالإضافة الى توقيت ظهورها الأن بالتحديد على الرغم من أننا لم نسمع بهذا النوع من الأحداث في الأشهر الأولى التي أعقبت الثورة حيث كان جهاز الشرطة وقتها يعمل بأقل من نصف طاقته نتيجة لأحداث الثورة وما صاحبها من تعدي على أقسام شرطة وحرق سياراتها , فكيف تظهر هذه الأحداث الأن على الرغم من أن جهاز الشرطة عاد للعمل بنسبة تقارب المعتاد قبل الثورة

كل هذه الأمور تطرح علامة إستفهام عن هذه الظاهرة ؟

تم تعديل 31 يناير 2012 بواسطة ابراهيم عبد العزيز

[ابراهيم عبد العزيز]

صفحات الثورة على فيسبوك تداول سؤالا بخصوص هذا التفشي لظاهرة السطو المسلح :

هل هناك علاقة بين تزايد حوادث السطو المسلح فجأة و بعد 5 أيام فقط من قرار إلغاء "الطوارئ".. ؟