تفاصيل ''رقصة الموت'' لإفشال الثورة وقلب نظام الحكم

[أبو العز]

هل الخبر ده صحيح أم فبركة اعلامية من روز اليوسف

القاهرة- كشف مصدر بالبيت الأبيض عن وجود 4 مجموعات تتكون كل مجموعة من 6 ضباط مدربين ينتمون لدول أجنبية قاموا باغتيال 26 شاباً مصرياً سقطوا شهداء ضمن من سقطوا فى أحداث شارع محمد محمود وأحداث مجلس الشعب الأخيرة.

وأوضح المصدر بحسب ما نقلته صحيفة -روز اليوسف- أن هذه المجموعات لديها تعليمات باغتيال عدد كبير من النشطاء السياسيين المصريين يأتى على رأسهم أسماء محفوظ وبثينة كامل وإسراء عبدالفتاح وزياد العليمى وعلاء الأسوانى وهشام الجخ، ويرجع سبب استهدافهم لإحداث فوضى بإلصاق تهمة قتلهم إلى قوات الشرطة والجيش.

وبحسب التقرير نجحت المخابرات المركزية الأمريكية فى اختراق ورصد رسائل بريد إلكترونى وصفحات إلكترونية مشفرة، ورصدت محادثات هاتفية من جهات إيرانية وعربية وخليجية وشامية لأعضاء تلك المجموعات عن طريق الأقمار الصناعية تحتوى على تعليمات عمليات الاغتيال، ومن ضمن الأسماء المستهدفة بالاغتيال من جانب هذه المجموعات عدد من السلفيين والإخوان المسلمين.

وقالت التقرير: المثير أن الإدارة الأمريكية قد أبلغت كلاً من السلفيين والإخوان بالأسماء المستهدفة بالاغتيال أثناء محادثاتهم التى تمت فى الفترة الأخيرة، ترتيباً على هذه المعلومات التى أبلغتها الإدارة الأمريكية للسلفيين والإخوان تباعدوا عن أماكن وتجمعات التظاهر.

يبرز فى هذا الإطار أن تقرير المخابرات المركزية الأمريكية عن خطة قلب نظام الحكم فى مصر، قد صدر فى 19 من الشهر الجارى ويتضمن فصلاً كاملاً من 9 صفحات موثقاً بالصور لعمليات اغتيال 26 شاباً مصرياً من ضمن الشهداء الذين سقطوا فى الأحداث الأخيرة.

ويلاحظ كما أكد مصدر البيت الأبيض أنه قد قتل عدد من العناصر التى تم تجنيدها من قبل مجموعات الاغتيال قبل وقوعها فى أيدى الشرطة حتى لا يكشفوا المعلومات الخاصة بعمليات التجنيد والتمويل والأهداف المكلفين بها.

وأضاف التقرير: فى نفس السياق، قامت مجموعات الاغتيال بخطف وسرقة عدد من جثث الشهداء وألقوا بها فى عدة أماكن نائية بهدف إثارة مشاعر الناس وإحداث هياج عام ضد الشرطة والجيش، وأظهر تقرير المخابرات المركزية الأمريكية أن فريق الاغتيال يمتلك العديد من الأسلحة الخاصة والحديثة جداً منها المسدسات الكاتمة للصوت وصغيرة الحجم على شكل أقلام وكاميرات إعلامية عادية تطلق الرصاص من مسافات قصيرة جداً، وللتغطية على عمليات إطلاق الرصاص من هذه الأسلحة الصغيرة والحديثة، تقوم هذه الفرق بترك ذخائر الشرطة والجيش المصرى التى تمت سرقتها فى فترة سابقة لإلصاق التهمة بهما.

وأطلق مصدر البيت الأبيض على خطة قلب نظام الحكم اسم «خطة رقصة الموت» تنفذها منظمات إيرانية وخليجية انتقاماً من دور مصر.

وحدد المصدر حجم التمويل، فيما يخص خطة تقويض الحكم فى مصر بمبلغ مليار و800 مليون دولار منها 575 مليون دولار دفعتها منظمات إيرانية تم تهريبها كأموال سائلة لعناصر التنفيذ فى مصر، و600 مليون دولار دفعتها منظمات خليجية على دفعات آخرها تم تسريبه الأسبوعين الماضيين و300 مليون دولار من منظمات سورية.

الخطير بحيب التقرير- أن مبنى الإذاعة والتليفزيون جاء على رأس الأهداف المكلف بها جماعات الاغتيال للاستيلاء عليه، وأن ما حدث فى أحداث ماسبيرو الأخيرة لم يكن إلا بروفة لكشف مدى قوة القوات الحارسة للمبنى ودراسة كيفية التغلب عليها وعلى نوعيات أسلحتها.

وفى نفس الإطار استهدف المخطط شراء 30 طناً من الأسلحة المتنوعة تمهيداً للبدء فى حرب أهلية فى شوارع القاهرة، وقد ضبطت الأجهزة المصرية أطناناً من الأسلحة خلال الفترة الماضية.

وأظهر التقرير وجود حرب نفسية ومعلوماتية متكاملة تتم عن طريق وسائل الإعلام لبث الكراهية والعداء بين الجيش المصرى والشعب ولتعبئة الأجواء واستعداداً لإحداث انفلات أمنى وحرب أهلية.

رابط الخبر

http://www.masrawy.com/News/Egypt/Politics/2012/january/30/4771377.aspx?ref=extraclip

[se_ Elsyed]

آه وماله

ده لو 24 سوبرمان قدروا يعملوا ده كله من غير ما حد يشوف شعره منهم .... يبقى لازم ننتخب الناس دي لحكم مصر ..

على فكرة الاخ عمر سليمان في إعترافاته أكد إن 70 أجنبي دخول امصر واندسوا في وسط ثوار التحرير وهما اللي موتوا الناس دي كلها وإنهم حاولوا يقبضوا عليهم لكن الثوار كانوا بيحموهم ...

أقترح برضوا الـ 70 دول اللي دخلوا وخرجوا من غير ما حد يحس بهم ... للـ 24 اللي فوق ويبقوا كونسلتو يحكم مصر وانا متأكد إنهم هايسوا الهوايل

كاتب التحقيق أو الموقع اللي نشر الموضوع نسي يقول إن اللي حصل على كوبري قصر النيل وسقوط أكبر عدد شهداء في يوم واحد كان الجناة أجانب ..

وإن نفس الأجانب راحوا السويس والإسكندرية والعريش والدقهلية والصعيد وبرضوا قتلوا الثوار

حتى الواد المحبوس دلوقت بتاع جدع يا باشا طلع أجنبي هو كمان

[Alshiekh]

بركاتك ياشريفة ياشيخة ماجدة

إنتي أول واحدة اكتشفتيهم وشوفيهم وكلموكي وكلمتيهم

أمال إيه ده أنتي بركة.

هي الشريفة الشيخة ماجدة تقرب للشريفة روزا؟

[mahmoh]

آه وماله

ده لو 24 سوبرمان قدروا يعملوا ده كله من غير ما حد يشوف شعره منهم .... يبقى لازم ننتخب الناس دي لحكم مصر ..

على فكرة الاخ عمر سليمان في إعترافاته أكد إن 70 أجنبي دخول امصر واندسوا في وسط ثوار التحرير وهما اللي موتوا الناس دي كلها وإنهم حاولوا يقبضوا عليهم لكن الثوار كانوا بيحموهم ...

أقترح برضوا الـ 70 دول اللي دخلوا وخرجوا من غير ما حد يحس بهم ... للـ 24 اللي فوق ويبقوا كونسلتو يحكم مصر وانا متأكد إنهم هايسوا الهوايل

كاتب التحقيق أو الموقع اللي نشر الموضوع نسي يقول إن اللي حصل على كوبري قصر النيل وسقوط أكبر عدد شهداء في يوم واحد كان الجناة أجانب ..

وإن نفس الأجانب راحوا السويس والإسكندرية والعريش والدقهلية والصعيد وبرضوا قتلوا الثوار

حتى الواد المحبوس دلوقت بتاع جدع يا باشا طلع أجنبي هو كمان

الاحتراف مش فى الكورة بس يا سين سين

علشان تبقى عارف ان الاجانب دول ماضيين عقود احتراف مع الشرطة والجيش

علشان هما اللى يقتلوا الثوار ويبقى ايد الجيش والشرطة

نضيفة لا بثابونة ولا ليفة

[متعب]

شفوا ازاى

يعنى ظلمنا العسكر والحرميه

واكيد ظلمنا مبارك

احنا قابضين ياريس

[أحمد محمد]

وااااااااااااااو

أية دا

لأ بجد كدة يبقي أحنا ظلمنا مبارك و العدلي هما كمان

و طلع عمر سليمان عندة حق لما شهد في المحكمة و قال أن اللي قتل الثوار في 25 يناير 2011 عناصر خارجية من أيران و حماس

بركاتك ياشريفة ياشيخة ماجدة

إنتي أول واحدة اكتشفتيهم وشوفيهم وكلموكي وكلمتيهم

أمال إيه ده أنتي بركة.

هي الشريفة الشيخة ماجدة تقرب للشريفة روزا؟

مدد يا شيخة ماجدة مدد

[se_ Elsyed]

أحلى جزء في الفيلم ... لما عصابة الـ 24 قتلوا الشباب في محمد محمود وفي مجلس الوزرا وفي كل مكان صحرا إن كان أو بستان وبعدين يروحوا شايلين الجثث بقى ورميينها في اماكن نائية ..

يعني تلاقي واحد بيجري في التحرير وهو شايل جثة ومنظرة يبقى ملفت للنظر بقى وتيجي تسألة : what's this ?

يروح يرد بالعربي المكسر عشان ما يتكشفش ويقول لك : هذا في واحد خروف صديج ..... ماااااااااااااااااء ...

ويكمل جري ويروح بقى المناطق النائية زي المعادي وحلوان وعين الصيرة ويروح رامي الجثة هناك عشان يستثير مشاعر الناس ضد المجلس العسكري .. وياخد اتوبيس 35 بشرطة اللي بيروح التحرير ويرجع ياخد جثة تاني وهكذا دواليك دواليك وكدهوت

وأطلق مصدر البيت الأبيض على خطة قلب نظام الحكم اسم «خطة رقصة الموت» تنفذها منظمات إيرانية وخليجية انتقاماً من دور مصر

لأ دي كده لازم نسميها " رقصة المجنونة " يابا يابا عالمجنونة

[se_ Elsyed]

أنا خلاص ... هاشتغل ناقد سينمائي يا رجالة

بُصوا الحته دي كمان

هما لما الاجانب ضربوهم بالأقلام الصغيرة والكاميرات الصغيرة ... اللي كل ده بيضرب نار في الخباثة ... ليه بقى الاجانب سابوا الطلقات والذخائر جنب جثث اللي ماتوا عشان يثبتوا إن الجثث ديكهيت ماتت بالطلقات دي ؟

إيه ده يا عم ستيفن سبيلبرج ...؟ حضرتك لما خليت الاجانب سرقوا الذخائر بتاعت الجيش المصري ورموها جنب الجثث .. طب هما رمواالمقذوفات سليمة جنب الجثث ولا مضروبة على عينها ؟

أصل لو رموها سليمة زي ما سرقوها ... تبقى عبيط هههههههههههههه ... يعني في جثة بتموت بطلقة سليمة ما أنضربتش ؟

طب نفترض إن الاجانب سرقوا الذخائر وضربوها في ميدان الرماية وراحوا لمين الفوارغ بعد ما أنضربت وحطوها جنب الجثث .... طب ما هو حضرتك أي طبيب شرعي متخرج أول أمبارح هايثبت إن الجثة ديكهيت ما ماتتش بالمقذوف ديكهوا ؟

ههههههههههههههههه

شوف لك حبكه تانية وما تعملش زي أفلام أميتاب باتشان اللي كانت الرصاصة تنضرب عليه يروح ماسكها بإيده وهي طايره في الجو

بيتهيألي إن القصة بتاعت إن العساكر اللي قتلوا المتظاهرين في التحرير في أحداث محمد محمود قالوا عليها يونانيين .. كانت ممكن تبقى أوقع ومحبوكه بس محتاجه شوية رتوش

يعني لو كان حد من المجلس العسكري كلف نفسه وراح كارفور وأشترى قد إتنين تلاتة كيلو زيتون كالاماتا ونطورهم في ميدان التحرير بعد الحادثة ... كنا ممكن نصدق ... يونانيين ولا مش يونايين يا ظلمة ؟

فالبعرة تدل على البعير ... والكلاماتا يدُل على اليونايين

كمان كنا ممكن نجيب كام كومبارس زي بتوع احداث مجلس الوزرا و ونسألهم : إسمك إيه يا خبة عيني ؟

هايرد يقول : مانولي يا خبيبي

ويبقى كده يوناني أصلي

وبروضوا في تصوير الاحداث دي كانوا ممكن في الخلفية يشغلوا الموسيقى التصويرية بتاعت فيلم زوربا

وبكده نثبت بما لا يجعل مكان من الشك إنهم يونانيين يونايين وتقفيل أثينا كمان

رُفعت الجلسة