هزيمة الأرهاب في الفلوجة

[Lighthouse]

..

الاخ بتاعه حكومة الظل اللي مس لايت هاوس حاطه الموقع بتاعه ده نصاب .. بيستغل الوضع السياسي وعامل موقع بيدعي انو مناهض عشان ياخد تبرعات بال باي بال  ..فمتاخديش دي في بالك

ايه ياسنايبر

موقع ايه اللى بتقول اني حاطاه ده :blink:

بص في مداخلتي كويس ووريني الموقع فين clwn:

ty:)

[El-Masri]

الموضوع ده غرضه الإستفزاز مش أكتر. يعنى إسطوانه الديمقراطية دى كان ممكن تتبلع أيام كلنتون، بس بعد الأحداث دى كلها، مفتكرش حد بيحس بأقل من إشمئزاز من أعوان الشيطان.

[SnipeR]

مس لايت هاوس

غلطة ..معلش العتب ع النظر يافندم.. sorry

[se_ Elsyed]

بصراحة ومن غير لف ولا دوران أنا لم أقرأ جميع الردود الموجودة ما شاء الله في الثلاثة صفحات المكتوبة حتى الآن رداً على رأي الزميلة الجديدة " انا حرة "

ولكن ما أردت قوله هو إن الواحد من خلال خبرته المتواضعه في عالم النت .. إكتشف بإن هناك أشخاص معينين غاويين يلعبوا لعبة خالف تُعرف .. او يشوف الناس ماشية كلها يمين يروح هو لوحده مختار الطريق الشمال .. لا لشء سوى لفت الإنتباه او معارضة لمجرد المعارضة عشان الناس تفتكر إسمه .. واظن قابلنا منهم الكثير هنا في مجتمع المحاورات .. فمنهم من يدخل للهتاف للريس ولأعماله المجيدة وكفاية إنه معيشنا في رخاء ورغد من العيش ... ومنهم من يرى وحده إن ما يحدث في العراق هو منتهى الديمقراطية وياريت يبقى عندنا من ده في مصر ...

وعلى فكرة برضوا هاقول لكم معلومة ظريفة .. إن ماتفتكروش إن دول ناس جدد ومنضمين لنا حديثاً .. بالعكس معظمهم كان موجود معانا هنا ولم يعد لأي سبب سواء منه هو او من الإدارة ... وعلى فكرة برضوا إن منهم من لا يتوانى على إنه ينتحل صفة وإسم أُنثى .. لا لشيء برضوا إلا عشان يعمل شغب ...

بس عزائنا الوحيد إنهم ما بيعمروش وإرجو كده لتاريخ مثل تلك النوعية من المشاركات ..

لكن كل اللي نقوله إن ربنا يهدي الجميع لما فيه الخير .

[عقل حر]

من انجازات ارهابيي الفلوجة

حكم الزرقاوي عليه بالذبح وحرره الحرس الوطني

بغداد - الصباح :

كشف ضابط في الشرطة قصصاً مثيرة عن ظروف اختطافه بين ايدي جماعة من الارهابيين في الفلوجة دامت 32 يوماً.وقال الرائد حيدر محمد علي، من اهالي الرمادي، انه نجا من الذبح باعجوبة، حتى الايام الاخيرة عندما تقرر ذبحه قبيل سقوط الفلوجة بأيدي القوات العراقية والاميركية، حيث تم تحريره مع من بقي حياً من المخطوفين معه.

وقال انه التقى الزرقاوي ولكنه لم يستطع رؤيته بعينيه، حيث تم عصبهما عندما نقل الى مكان اخر بدا فيه المتحدث انه ابومصعب الزرقاوي. يقول الرائد حيدر ان الزرقاوي طلب مني ان اتعاون معهم واقوم بتفجير احد الامكنة في بغداد، لكنني رفضت.. فقال الزرقاوي: اذبحوه.

حين سألوا غازي الياور (الرئيس المعين للعراق من جانب الإحتلال) عن الزرقاوي أجاب "الزرقاي هادا كيف ما بيجولوا العنقاء" يقصد أنه أسطورة

في أحد تقارير البنتاجون قدر (بضم القاف) عدد أتباع العنقاء أقصد الزرقاوي ب عشرين إلى ثلاثمائة.... و القوات الأمريكية تعلن مقتل ما يزيد عن الألف من المسلحين (و لم يذكروا عدد المدنيين العزل )

يعني بالبلدي شماعة الزرقاوي دي بقت قديمة....

بكرة يعلنوا إنه في الجبل و يطلعولنا الحمراوي و بعدين الخضراوي.....

[SnipeR]

صورة تعود لاواخر الثمانينات .. اعتقد ان الصورة بتتكلم عن نفسها ..

[nolimits2000]

بسم الله الرحمن الرحيم

وصلتنى رسالة ع الميل هذا مفادها

لماذا بكى مقاومو الفلوجة وهم يدمرون الدبابات الأمريكية ؟

[خـاص]

كشف قيادي ميداني في الفلوجة لمراسل 'مفكرة الإسلام' عما وصفه بـمأساة حرب الشوارع التي استخدم فيها النساء والأطفال كدروع بشرية لحماية الغزاة وتحدث القيادي عن مأساة بدأت فصولها منذ الثلاثاء الماضي وكانت قبلها غير موجودة وهي تترس الدبابات الأمريكية بالأطفال والنساء على نحو يقول عنه القيادي بأن [هذه الدولة] تعيش في همجية لم يعرفها التاريخ من قبل وحكى القيادي بأسى بأننا 'كنا نسمع صراخ الأطفال واستغاثة النساء من فوق رتل دبابات كان يمضي في شارع الثرثار يوم الثلاثاء الماضي وكان المقاتل منا يغمض عينيه وهو يصوب ويبكي

أنتهت الرسالة بـــ حسبنا الله ونعم الوكيل - هذه هى أمريكا - اللهم كما دمرت أصحاب الفيل دمر أمريكا وإسرائيل

و تعقيبى على كلام الأخت انا حرة

لا تتخيلى أن تحريرك من العذاب و الويل اللى حاسة بيهم ف مصر ممكن يكون عن طريق أمريكا و لو عايزة حرية فعلا روحى عيشى هناك بس هما وافقوا عليكى الأول و لأنهم مش هيوافقوا عليكى إلا بشروط خاصة فأنتى هتفضلى ف العذاب اللى أنتى حاسة بيه معانا على طول و هما ممكن يوافقوا عليكى ف حالة واحدة أن بلدك يكون فيها حرب أهلية زى السودان مثلا أو أوغندا أو كوت ديفوار و ساعتها بس هيوافقوا عليكى بس برضه بشروط , أنك تخدمى ف الجيش الأمريكى الأول و تتدربى لفترة عندهم و بعدين يشحنوكى ع العراق أو أفغانستان عشان تمسكى سلاحك و تموتى أخواتك الأرهابيين هناك و أعتقد ساعتها إنك هتحسى بالأمان و الديموقراطية , هتحسى بالأمان لما كل 5 دقايق تسمعى صوت قنبلة دبابة أو صاروخ طيارة نازل على بيت واحد عراقى , هتحسى بالديموقراطية لما تيجى طيارة أباتشى تضرب رصاص على الإرهابيين الملفوفين حوالين مدرعة أمريكية محروقة و هما فرحانين و فجأة يموت منهم 10 أو 15 لمجرد أنهم فرحانين ف الأمريكان و فيه منهم أطفال إرهابيين برضه ما كملوش 14 سنة , هى ديه الديموقراطية اللى بتحلمى بيها , و أوعى تفتكرى أنهم لما يعلنوا عن اللى حصل ف سجن أبوغريب أنها الديموقراطية العظيمة ديه و لا مؤاخذة ف اللفظ يتقال عليها قلة أدب و وساخة عشان هما عملوا زى المثل اللى بيقول يقتل القتيل و يمشى ف جنازته و معناها أيه أنى أهين أدميتك و أنسانيتك و أدمرك نفسيا و بعدين أطلع على الملأ و أقول أنا عملت و أهنت , ديه فعلا مش ديموقراطية ديه إهانة لك عربى مسلم غيور , أنا أصحابى عراقيين و لسة راجعين من هناك ف رمضان اللى فات و عارفة بيقولولى أيه , بيقولولى الوضع لا يحتمل أحنا كل يوم بنشوف الموت 5 أو 6 مرات على الأقل حتى و أحنا قاعدين ف بيوتنا و على فكرة 90 % من الإرهابيين - الطبيعى أننا نقول عليهم أبطال المقاومة مش نردد كلام أمريكا الأحتلالية بس أنا هنا بردد كلامك انتى عنهم و أنا بأسف أنى بقول عليهم إرهابيين لأنهم فعلا أبطال - عراقيين و 10 % بس أجانب مسلمين بيساندوا أخواتهم الإرهابيين ف حربهم ضد قوى الخير المتمثلة ف أمريكا و أخواتها , لو تفتكروا الحادثة اللى مات فيها مراسل قناة العربية صاحبى كان واقف وقت الحادثة ديه و هى كانت ف شارع حيفا ف بغداد و عارفين ايه اللى حصل أنا هحكيلكم

المقاومة رصدت رتل أمريكى مكون من كذا مدرعة و كام دبابة و عربيتين نقل جنود و أصتادوهم ف شارع حيفا و كان فيه مقاومين ف أول الشارع و ف أخره و ف النص و أتحاصر الرتل كله و بدأ الضرب و الرتل كله أتدمر ف 20 دقيقة لأن الضرب على الرتل من كل إتجاه و كلها بمدافع الأر بى جى و كان رد الأمريكان عشوائى و بعدها بنص ساعة جت تعزيزات أمريكية كبيرة جدا حاصرت المكان عشان تنقل الضحايا الأمريكان و سابت دبابة واحدة عشان كانت محترقة بالكامل و كان صعب نقلها و الكلام ده كان حوالى الفجر و ف الصباح الناس صحيت و نزلوا و شافو الدبابة محروقة و كانوا واقفين جنبها فرحانين و مراسل العربية واقف بيغطى الحدث و فرحة العراقيين الإرهابيين بتدمير الدبابة و فجأة جت طيارة أباتشى ضربت نار عليهم عشان تفرقهم و مات حوالى 20 عراقى و المراسل ف الحادثة ديه و صاحبى كان واقف معاهم و قاللى أنه شاف الطيارة نزلت لمستوى منخفض جدا و كانت شايفة اننا معناش سلاح و كنا بنهلل من الفرحة و قاللى أنه أول ما شافها قعد يجرى من الخوف و حمد ربنا أنه ماحصلوش حاجة ف الحادثة ديه بس مات 2 من أصحابه , هى ديه الديموقراطية اللى بتحلمى بيها , أنهم يعلنوا و يقولوا أنهم مات منهم 1 أو 2 و الحقيقة أن اللى مات مش أقل من 15 أمريكانى و على فكرة الحادثة ديه مات فيها مش أقل من 50 أمريكانى بس هما بيعلنوا اللى هما بس عايزين يقولوه و تقوليلى ديموقراطية و إذا كان اللى بيتكلم مجنون ف المستمع عاقل , يطلعوا يقولوا أنه تم تدمير مدرعة أمريكية و نجاة طاقمها طب أزاى نجوا و المدرعة محروقة ع الأخر , كدب و خداع و تقوليلى ديموقراطية , ملعون أبو الديموقراطية اللى تيجى على جثث أخواتى و أصحابى

و السلام عليكم و رحمة الله و بركاته

[Handicraft]

nolimits2000

بارك الله فيك.

[ابو يوسف]

قلتها من قبل و أكدها الأخ سى السيد ...

هناك مداخلات تأتى من منطلق خالف لكى تعرف ...

الاخت (أنا حرة) لم تحاول حتى اقناعنا بوجهة نظرها و تأتى باستدلالات علمية من الواقع ؟؟ حتى يتحول الطرح الى طرح موضوعى يختلف البعض عليه و يتفق آخرون

أقول لها ...

ليس صعباً على أى عضو فى المنتدى ... أن يطرح موضوعاً بعنوان (أحب اسرائيل ) !!! أو (أعشق شارون) أو (ماما أمريكا حبيبتى )

قطعاً ستتعدى الردود عشرات الصفحات ..

قطعاً سيكتسب شهرة بين الأعضاء ..

و لكنه بذلك ....

ألن يخسر نفسه !!!

ألن يخسر احترام الشرفاء !!!

و يالها من خسارة !!!

[Seafood]

يعنى إسطوانه الديمقراطية دى كان ممكن تتبلع أيام كلنتون، بس بعد الأحداث دى كلها، مفتكرش حد بيحس بأقل من إشمئزاز من أعوان الشيطان.

طب الحمد لله إن " كيري " لم يفز في الإنتخابات وإلا كنـَّا بلعنا الإسطوانة ..

بالمناسبة أنا تعجبني هذه الآراء المتطرفة للأستاذة " حرة " ولا أرفض تواجدها , بل أصبح يسعدني سماعها , لأنها أصبحت تـُجمِّع آراءنا المختلفة وتوحدها في خندق واحد , فهي تساعد في توضيح الصورة التي كانت باهتة في الماضي , ثم أصبحت بفضل الأحداث الجارية وبفضل الآراء المماثلة لرأي الأستاذة " حرة " , أصبحت ساطعة الوضوح وعرَّفت أغلبنا أين الحق وأين الباطل .. ويكفي أننا كلنا تقريباً إتفقنا على رفض " الديموقراطية على الطريقة الأمريكية " .. وعقبال الديموقراطية الفرنسية .. ( لا ديموكراسي أ لا فرانسيز ) ...

فلا يـُظهر الحق إلا الباطل , أما "نصف الحق ونصف الباطل" , فإنه القناع الذي يتخفـَّي خلفه الباطل , وهو الغمامة التي تـُخفي الحق وراءها .. ولو خيرت بين أن أكون في مواجهة الباطل أو في مواجهة نصف الباطل , لأخترت الباطل بلا تردد ..

تم تعديل 26 نوفمبر 2004 بواسطة Seafood

[nolimits2000]

بسم الله الرحمن الرحيم

نسيت أقول كمان أن أخواتنا الحلوين بتوع الحرس الوطنى الأمريكى يوووووه قصدى العراقى اللى بيساعدوا قوى الخير لتحرير العراق من الإرهابيين , دول بقى هما المرتزقة و تجار المخدرات و القوادين و البلطجية و الحرامية و النصابين اللى بايعين ضميرهم و اللى كانوا مسجونين أيام صدام و بعده , أمريكا الطيبة عملت معاهم أيه بقى , قالتلهم تعالوا هنخرجكم من السجن و هنشغلكم شغلانة شريفة و هتاخدوا منها مرتبات كويسة جدا , انتوا هتقتلوا أخواتكم و ولاد بلدكم الإرهابيين , فا طبعا عشان هما ماعندهمش ضمير وافقوا على الصفقة و بدأوا تدريبات القتل و عشان كدة كل يوم و التانى نلاقى أن فيه كام واحد طيب من بتوع الحرس الوطنى الأمريكى - ليه كدة بتغلط تانى ليه - قصدى العراقى بيموتوا على يد الإرهابيين الكفرة و نرجع أحنا بطيبتنا الجميلة نقول أزاى الناس بتاعت المقاومة يقتلوا أخواتهم بتوع الحرس أتمنى تكونى عرفتى السبب كويس - أقسم بالله أن الكلام اللى بقولوا كله حقيقى و على لسان صديقى اللى عايش الأحداث هناك -

حاجة تانية بس أنا هتكلم المرة ديه بالمسميات الحقيقية عشان ما نزيفش الحقايق , فيه أخ قال أنك ما بتقريش التاريخ كويس و المشكلة الأكبر أنك كمان مش بتقرى الأحداث كويس , الناس الوحشين اللى بيدبحوا الناس الناس الحلوين بطريقة غير إنسانية , لو تابعتى الأحداث كويس هتلاقى أن المقاومة الشريفة أفرجت عن ناس أجانب على سبيل اللى أفتكرهم البنتين الإيطاليتين و الراجل الفلبينى و فيه كام واحد كمان مش فاكرهم دلوقتى , المقاومة بتدبح بس الناس اللى بيثبت تورطهم مع الأمريكان و اللى بيثبت أنه جاسوس للأمريكان و الحكومة العراقية و اللى بيثبت عليه عكس ده بيفرجوا عنه و المثال قدامنا واضح البنتين بتوع إيطاليا , إيطاليا مشتركة ف الحرب بجنود إيطاليين و المقاومة خطفتهم عشان يضغطوا على الحكومة الإيطالية عشان تخرج من العراق - أعتقد أن ده حق مشروع ف بلد محتلة - و الحكومة رفضت و أصرت ع الرفض بس عشان البنتين كانوا فعلا مش عملاء للأمريكان تم الأفراج عنهم و كان أول حاجة قالوها عند وصولهم إيطاليا أن الخاطفين عاملوهم معاملة حسنة تليق بأداب الإسلام و المسلمين و نفس الحكاية مع الراجل الفلبينى بس الحكومة الفلبينية رضخت للضغوط و سحبت قواتها و أمريكا بلد الديموقراطية قررت بديموقراطية حذف أسم الفلبين من قائمة الدول اللى أمريكا بتساعدها عشان سحبوا جنودهم من العراق , أما الباقى فتم إعدامهم و على فكرة المقاومة دبحت واحد مصرى بس ده ما حدش يزعل عليه لأنه كان جاسوس للأمريكان , كانوا بيدولوا شرايح إليكترونية عشان يرميها ف البيوت اللى فيها المقاومين و تطلع الطيارة الأمريكانى ترصد البيت و تدمره باللى فيه و اللى فيه ده ممكن يكون معاهم ستات و أطفال و شيوخ و كمان كان قواد للجنود الأمريكان و كان بيوديلهم البضاعة لحد عندهم , بالذمة ده ما يستحقش الدبح و الراجل الكورى اللى أتدبح كان رايح عشان حملات التبشير و غيره و غيره

فيه حاجة تانية عشان بتقولى انك عايزة الأمريكان يحرروا مصر زى العراق و أفغانستان , أنا أسف ف اللى هقوله بس أنا عايزيك تتخيليه بس و مش قصدى حاجة عليكى أنتى شخصيا , أنتى عارفة المساجين اللى ف حجز أى قسم بيعملوا ايه ف اللى داخل جديد عليهم أنا مش هقولك و هسيبيك تتخيلى أو أقولك أتفرجى على فيلم سوق المتعة بتاع محمود عبدالعزيز عشان تعرفى أن فيه نوعية من البشر ما ينفعش التعامل معاهم غير بالطرق اللى أحنا بنقول عليها وحشية و غير أدمية لأنهم فعلا ما يستهلوش غير كدة و هو فعلا أوقات كتير بيكون فيه ناس مظلومين بس المثل بيقول أن الحسنة بتخص و السيئة بتعم و أن كان على تحرير مصر على إيد أمريكا فا أحنا متشكرين قوى مش عايزين , بنقرف يا ستى فيها حاجة ديه , و تخيلى لما أمريكا تيجى تحررك و يموت فيها حد من أخواتك أو قرايبيك هل ساعتها هتهتفى بحياة جورج بوش و تقوليلوا كمان أقتل تانى ؟

لو التحرير هيجى لمصر فا هيجى من نفوس ناسها مش من الأمريكان

و السلام عليكم و رحمة الله و بركاته

[disappointed]

هزيمة الأرهاب في الفلوجة, انتصار القوات المتعددة الجنسيات

مممممم...

طب مش تصبرى على رزقك؟؟؟!!!

هزيمة إيه و إنتصار إيه؟؟؟؟!!!!

ده...

لسّه.....

فيه.....

وقت إضافى.....و.... ضربات جزاء

rs: rs: rs:

مش قلت ليكى ما تستعجليش على رزقك؟؟

و قلت ليكى لسّه فيه وقت إضافى... و ضربات جزاء ؟؟؟

طب إسمعى بقى الخبر ده :

جيش أنصار السنّه يقوم بعمليّة إستشهاديّة كبيرة إستهدفت القاعدة العسكريّة الأمريكيّة فى الموصل و حصدت 22 جندى أمريكى كحصيلة أوّلية

http://www.aljazeera.net/NR/exeres/58D0898...1FA1E069224.htm

الـلــــــه أكــــــبــــر

إددددييييللللللووووووووو

هوّه ده الكلام

هوّه ده الضرب فى المليان

الهدف : قاعدة عسكريّة للغزاة الغاصبين الأمريكان فى الموصل

الضحايا : جنود و عسكر من جحافل تتار العصر و بعض من الخونة و المرتزقة الذين باعوا شرفهم و وطنهم و تعاونوا مع سارقى أرضهم و عرضهم و إرتضوا بالتخندق معهم فى قواعدهم العسكريّة

العدد : ما شاء الله...........22 مغتصب من عسكر الأمريكان كحصيلة أوّلية و العدد مرشّح للزيادة

هوّه ده الكلام

هيّه دى المقاومة

هوّه ده الجهاد

عمليّه نضيفه 100 الميّه

ولا إرهاب..... ولا دياولو

ربّنا يزيد

ربّنا يبارك

و لندعو إلى الله أن يكون أوّل الغيث قطرة , و أن نرى أشلاء مغول العصر تتمزّق على أسوار بغداد حتى يعلموا أن ثمن طغيانهم و تجبّرهم سيكون غالى....غالى......غالى

و خذى بقى سلّى نفسك و إتفرّجى على شويّة ضربات الجزاء دول rs:

هههههههههه

تم تعديل 21 ديسمبر 2004 بواسطة disappointed

[حشيش]

عزيزى محبط

لقد أثلجت صدرى بنبأ هذا النصر المؤزر من الله تعالى......أقوى جيوش العالم يتهاوى أمام المجاهدين الذين لا يحملون معهم إلا إيمانهم بالله واسلحة أقل ما يقال عنها أنها بدائية وقد صدق الله تعالى إذ يقول: (وما رميت إذ رميت ولكن الله رمى).....رحم الله شهدائنا فهم فى الجنة وقتلى الغاصبين ومن والاهم ومن شد على أيديهم فى النار

[Proud Muslim]

السلام عليكم ..

ما يبهرني في هذا المنتدى فعلا ..

انني أغيب و أغيب .. و أرجع ألاقي ناس جديدة تماما .. و أفكار غريبة تماما .. و أفكار تطير بعيدا عن أي سرب .. أو لنقل أنها تنجذب لأسراب الطيور الأخرى تطفلا أو جبنا .. الله أعلم .

بس الغريب أن تلك الأفكار فعلا تصطدم بقوة مع التيار العام للمنتدى و الذي يمثل شريحة تقترب من الواقعية من المجتمع المصري .. و لا يمكن أن تكون تلك الأفكار أكثر من زبد السيل و يذهب الزبد و يبقى ما ينفع الناس في الأرض ..

موضع الأستاذة أنا حرة لا يمكن أن نتكلم فيه .. لأن الموضوع لا يمكن ان يخرج عن كونه مجرد استفزاز و خلاص ..

لكن ما يهمني بصراحة هو ردود الأفعال التي قرأتها و التي يمكن وصفها إن الشعب المصري و الحمد لله رب العالمين بخير ..

و إن كان توقيع أستاذنا الفاضل disappointed يفي بكل كلام يمكن أن يقال في هذا الحوار ...

إن أخشى ما أخشاه أن تصبح الخيانة يوما .. وجهة نظر

و كذلك تعليق أستاذنا الحبيب Seafood الذي لخص قيمة هذا الحوار في الأسطر التالية :

بالمناسبة أنا تعجبني هذه الآراء المتطرفة للأستاذة " حرة " ولا أرفض تواجدها , بل أصبح يسعدني سماعها , لأنها أصبحت تـُجمِّع آراءنا المختلفة وتوحدها في خندق واحد , فهي تساعد في توضيح الصورة التي كانت باهتة في الماضي , ثم أصبحت بفضل الأحداث الجارية وبفضل الآراء المماثلة لرأي الأستاذة " حرة " , أصبحت ساطعة الوضوح وعرَّفت أغلبنا أين الحق وأين الباطل .. ويكفي أننا كلنا تقريباً إتفقنا على رفض " الديموقراطية على الطريقة الأمريكية " .. وعقبال الديموقراطية الفرنسية .. ( لا ديموكراسي أ لا فرانسيز ) ...

و تحياتي للجميع ..

و اللي يعيش ياما يشوف . rs:

[bodi]

الله ينور عليك يا سي فود

[إبن مصر]

اجمل ما فى هذا الموضوع ........

انى شفت براود مسلم..

الحمد له على السلامه يا براود

سى فود جزاك الله كل خير

محبط يا مدرسه نصر الله بك دينه كيف يشاء.

الحمد لله .

اللهم ارنا الحق حقا وارزقنا اتباعه

[montaser]

لقد أعجبت كثيرا بكل رد كتب على المقالة الرئيسية ، ولا يوجد ما أكتبه أكثر مما كتب سوى أن أقدم التحية لأعضاء المنندى وإن كان هناك بعد الأراء المخالفة فهذا شىء لا بد منه ، لأنه لا بد من وجود الحق والباطل ، وجود الشر والخير وإلا لما دامت الحياة .

ولكن حديثي هنا هو : توجيه التحية والشكر لأعضاء المنتدى الذين يقولون كلمة الحق ولا يخافون في الله لومة لائم . الذين يقفون بجوار الشعب العراقي في محنته التي يمر بها والتي لا نملك أن نقدم لهم سوى الدعاء بأن ينصرهم الله على أكبر شياطين الإنس وأعوانهم وأعوانهم وأعوانهم في الداخل والخارج في هذا الزمان . فمن دواعي سروري وعظيم سعادتي أن أبعث إليكم بأطيب التحيات لكل كلمة قرأتها في الردود الموجوده وأقدم أخلص التهاني القلبية لكم جميعا .

ولن أكتب الأسماء خوفا من النسيان .

فتحية لكم يا أعضاء المنتدى جميعا مصري أو غير مصري ، تحية لكم يا أبناء مصر البررة ، يا أبناء مصر القوية بإيمان شعبها تحية لكم يا من قال عنكم رسول الله صلوات الله وسلامه عليه خير جنود الله في الأرض ( وإن كان البعض يقول بأنه حديث ضعيف )

تحية لكم يامن أحييتم الجهاد في قلبي من جديد ، فتحية وألف شكر لكل أعضاء المنتدى بدون استثناء ومعهم أيضا ( أنا الحرة ) لأنني لا أعرف ماذا تقصد وما هي نواياها ، وهل هذا هو اعتقاد لديها أم أنها تقول خالف تعرف .

النيـل العظيـم عـن السواقـي عـن الغيـطـان تمرحـهـا مـراحـا

عن أليدي التي صبـرت وعانـت ولــم تـسـأم قـراعــا أو كـفـاحـا

فمن شق السويـس ومـن رواهـا ومن حمل التـراب ومـن ازاحـا

ومـن عبـر القنـاة ومــن حمـاهـا ومــن رد البـغـاة ومــن أطـاحـا

فشعبـك ليـس يعـرف مستحـيـلا فمـا تـرك الجـهـاد ومــا أشـاحـا

فمصر هي اختصار الكون حتى غـدت لحضـارة الأزمـان ساحـا

بـلا مـصـر تشـيـخ بـنـا الليـالـي ويـغـدو الـدهـر أيـامـا شـحـاحـا

عروبتـنـا بـــلا أمـجــاد مـصــر حـصـان طـائـر فـقــد الجـنـاحـا

تركت النيـل حيـث تركـت قلبـي شـراعـا فـوقـه يـهـوى الريـاحـا

ولمـا أن رجعـت وجـدت قلـبـي بـأضـلاعـي فـأغـرانـي نـواحــا

والبقية تأتي ......................

تم تعديل 22 ديسمبر 2004 بواسطة montaser