يا اهل اسكندرية ........... حان الوقت وانا اولكم !

[egyptforever]

للاسف هاتكلم عن اسكندريه من واقع التليفزيون و حكايات الاصدقاء فانا مشفتهاش

الاسكندريه اول ما شفتها كانت في مسلسل الرايه البيضاء

بصراحه كان الكورنيش عباره عن خطين رفيعين يسما شارع

و كان بصراحه شكل الكورنيش مايلقش بمدينه زي اسكندريه

كنت دايما اسأل هي ليه اسكندريه و اسكندريه بالذات مش زي اخواتها من مدن البحر المتوسط

ليه اسكندريه اقل من بيروت و تونس و اثينا

و كنت اسمع من اصحابي الاسكندريه ازاي هما بيطفشوا من اسكندريه و بقت سهراتهم كلها في الكنج او العجمي قبل طبعا ما العجمي يروح عليها و ينتقلوا الى الساحل الشمالي

سمعت عن المحجوب و خطته للحصول على اموال من تجار محطه الرمل باعلانه انشاء مول في محطه الرمل و حصوله على ميون جنيه لمنع المول المزعوم

سمعت عن اسكندريه و عن الصرف الصحي اللي للاسف هيصب في البحر و اصيب الناس بالامراض

سمعت عن هروب الناس من اسكندريه و بدء تحولها الى مدينه اشباح طبعا المصطافين مش اهلها

و بعد كده سمعت عن المحجوب

و شفت صوره لكوبري ستانلي

و شفت صور لاسكندريه على الكورنيش بعد المحجوب

سمعت عن غزواته و جولاته لمطارده المخالفين

سمعت عن التعامل الحضاري مع الناس في اسكندريه

سمعت برضه عن تقنين الرشوه خالف بس ادفع

بس بصراحه اسكندريه دلوقتي لا تقل عن اي مدينه اوروبيه

و طبعا انا اقصد اسكندريه الكورنيش

فانى لي ان اعرف اسكندريه ما وراء الكورنيش

لاول مره من حوالي 15 سنه اسمع عن رحلات اضافيه للخطوط الجويه الكويتيه الى اسكندريه رأسا

اول مره اسمع عن ان اسكندريه دخلت في برنامج الكويتيه و الامارتيه السياحي

البريتش اير وايز عامله برنامج سياحي في مصر

بيشمل الاقصر و اسوان و شرم الشيخ و القاهره و الاسكندريه

لاول مره

[egyptforever]

اما بالنسبه للاسكندرانيه

و من غير زعل

دايما باحس ان الاسكندرانيه اقوى من الاسكندراني

شخصيتها قويه و ده ليه سبب في رأيي ( بس مش هاقوله )

اما مواطني الاسكندريه ففعلا بيحبوا مدينتهم بشكل غريب ( يمكن تأثرا بقصه السمك و الميه )

و منهم كتير اوي دمهم خفيف

بس كلهم فيهم حاجه مشتركه

فشارين شويه :lol: ( وش واحد هينضرب )

كنت دايما احب اسمع منهم القصص عن

دانا كنت هاعمل و اسوي و اروح و اجي و ايوووووووووووووو

و بحب كلامهم زي ركبت و لبست و شربت بالفتح على اول كل حرف

[G.G]

معرفتش اعتر على اغنية محمد قنديل "يا اهل اسكندرية يا غاليين عليا" فجبت بدالها اغنية الحجار ....

مع تحياتى لحبايبنا الاسكندرانية ...

شكرا يا أفيونا على الأغنية و لو أني اتخضيت خضة!!! ,,كتن استمع لأم كلثوم و فجأة لقيت حول على علي الحجار,,

قلت يا سلااامم ,,تسجيل الأغنية بايظ بس شوف الصدف أغنية لأسكندرية و أنا أقرا موضوع عن أسكندرية برضه :lol: mfb: يا سلاااااااااااااامم

(أسمها سميحة عبد العال و أبوها أسمه ماعرفش ايه... mfb: ...لو عندك أغنية التيتر بتاع زيزنيا يبقى هايل كمان..

المهم..

ياريت تقولوا ايه موضوع المنوفية ده بجد ,,و إن شاء الله من غير زعل لأن هذه أقوال متوارثة ربما ليست قائمة حتى الأن..

أنا أعرف أن الرئيس بتاعنا منوفي ..متهيألي هذا يكفي ,,و لا في كلام تاني,,,,,,

[Cleo]

رغاية مووووت  :D ;)

متأسف للخروج عن الموضوع .. لكن أنا قولت أشارك يعنى  :lol:

(بلاش ضرب على رأى ناس)

vmp:

أسكت؟؟ mfb:

يعنى أسكت؟؟

أنا هاسكت أهو..

أدينى سكت خلاص...

مش كنت عاوزنى أسكت... !!!

أرجو إن من الإدارة حذف مداخلة إسو عشان فيها خروج عن الموضوع وهو مخالفة لقوانين الكتابة فى المحاورات فى البند مش عارفة كام..

إنتى عارف دى عقوبتها كام..!!! mfb:

lo::

[yasovinas]

ما هو اصل انا مش قادر اسكت لساني بياكلني قصدي كي بوردي بينقح عليه هقول بناء على طلب فيروز وجيجي

بيقولك ايه

المنوفي لا يلوفي ولو اكل لحم الكتوفي

وايه كمان لو اخذت من الكلب صوف تبقى تاخد من المنوفي معروف

ايه تاني ايوة

ضرب البروجي في تلا

طلعت منوف تلاتات

سمعت قويسنا الخبر

استدعت الاجازات

طلعت سوزان من الذرا

قالت با بها,,,,

الجمع مش بالبلغ

الجمع بالبيادات

وعجبي

الم هدومي وامشي

[yasovinas]

شوف كدا ميامي بتاعة البشوات زمان حولها الى حي شبرا وكل من هب ودب ودفع عمله عمارة 16 دور مخالفة ومنع الشمس والهواء

منك للله يا محجوب

غير سهرات الديسكو على الشواطى والشاي والقهوة ابو 12 جنية وسلملي على ترام الرمل

والمحجوب احسن من ثلاثة محافظين سابقين .

هدم لنا زكريات الطفولة على شاطىء استنانلى الرائع

طيب يعني هي اسكندريه بس شاطيء استانلي ولا ميامي انت شفت ميدان محطة مصر وميدان المنشية وكل الميادين والنوافير والجداريات اللي اتعملت وشفت ميدان جميله ابو حريد ومحرم بيك

الراجل بيعمل اللي علية احنا لينا الظاهر

للعلم انا واحد من الناس اللي زعلان جدا على الشواطيء اللي راحت امثال سيدي جابر وكليوباترا بس بصراحه اللي اتعمل في اسكندريه جميل جدا

[amir]

دايما باحس ان الاسكندرانيه اقوى من الاسكندراني

شخصيتها قويه و ده ليه سبب في رأيي ( بس مش هاقوله )

بس كلهم فيهم حاجه مشتركه

فشارين شويه  rs: ( وش واحد هينضرب )

egyptforever

انت شربات ( بالنطق الاسكندرانى )

انت ساكن فين بالظبط ... لأن فى جماعه عايزينك فى موضوع صغير و مستنينك على الامه !

fsh::

[yasovinas]

[فشارين شويه  rs: ( وش واحد هينضرب )

انت ساكن فين بالظبط ... لأن فى جماعه عايزينك فى موضوع صغير و مستنينك على الامه !

fsh::

هيكون ساكن فين يعني اكيد في التجمع الخامس ولا التاسع فوق في الهيش بس برضه بسيط نزرعوا حواليه فدانين ذرا ونلبدولوا فيهم هيروح مننا فين

[فــيــروز]

المنوفي لا يلوفي ولو اكل لحم الكتوفي

وايه كمان لو اخذت من الكلب صوف تبقى تاخد من المنوفي معروف

ايه تاني ايوة

ضرب البروجي في تلا

طلعت منوف تلاتات

سمعت قويسنا الخبر

استدعت الاجازات

طلعت سوزان من الذرا

قالت با بها,,,,

الجمع مش بالبلغ

الجمع بالبيادات

وعجبي

أمثله جارحه جدا :blink:

يا ترى هل هناك تفسير تاريخى لسبب اطلاق هذه الامثله؟ :blink:

[egyptforever]

متهيألي موضوع زياره الاسكندريه هيتأجل حبتين

يعني 10 – 20 سنه لغايه ما تصفى النفوس

هو انت طلعت اسكندراني

انا قلت هنضربوك يعني هنضربوك

[yasovinas]

أمثله جارحه جدا  :blink:

يا ترى هل هناك تفسير تاريخى لسبب اطلاق هذه الامثله؟  :blink:

اكيد يا فيروز لكل شيء سبب

والسبب ان اهل المنوفيه اغلبهم او لنقل مافيش بيت في المنوفيه مافيهوش واحد على الاقل متطوع في الجيش وكمان ما فيش كتيبة ولا سرية في الجيش المصري ما فيهاش صول او عريف منوفي وللاسف اسوء متطوع في الجيش هو المنوفي في معاملته مع الجميع خصوصا المجندين وعلى الاخص المؤهلات العليا تحسي انه بيتعامل مع عدوه

وعلى فكرة مش هنقول الجيش كله كده لان في صولات وصف ظباط متطوعين من محافظات اخرى وتحسي تلقائياً بالفرق وانه مش منوفي سبحان الله

في مثل قاله لي واحد منوفي كان متجند معايا ايام الجيش اسمه احمد عطوة وده انا بقوله على مسؤوليته هو (المنوفي الاصيل زي البياده التفصيل)

[afiona]

G.G. كتبت:

شكرا يا أفيونا على الأغنية و لو أني اتخضيت خضة!!!  ,,كتن استمع لأم كلثوم و فجأة لقيت حول على علي الحجار,,

قلت يا سلااامم ,,تسجيل الأغنية بايظ بس شوف الصدف أغنية لأسكندرية و أنا أقرا موضوع عن أسكندرية برضه يا سلاااااااااااااامم

طب ده كده انا لازم اعتذر عن قطع الارسال عن كوكب الشرق حتى لو كان باغنية للحجار وهو صوت مميز.

فيروز كتبت:

بخصوص موضوع الصعايده .. انا شخصيا مقتنعه تماما انه تهريج .. واعتز جدا باصولى الصعيديه  اينعم انا لا اسير بيافطه مكتوب عليها "خلف اليافطه توجد واحده صعيديه"

fr1:: lo:: .

مرة فى الكتيبة ايام الجيش الميمونة... العقيد كان حينزل بتوع القاهرة فقط لسبب لا يعلمه احد. واحد بلدينا جه قاله:"انا من الجاهرة" ..

مكنش محتاج يفطة ... :)

بيقولوا ايه بقى على بتوع المنوفيه

اللى انت قريته اعلاه ...

الذ حاجة ان احنا معندناش اى مانع للعنصرية بيننا وبين بعض ...

زى مايكون مثلا اهل المنوفية عندهم جينات مختلفة او من اصل هندى مثلا ....

او يكون عندهم اوبئة تنشر الندالة و خسة الاصل. .....

عموما خلونا فى موضوعنا ....

[Sharkiah]

المنوفي لا يلوفي ولو اكل لحم الكتوفي

وايه كمان لو اخذت من الكلب صوف تبقى تاخد من المنوفي معروف

ايه تاني ايوة

ضرب البروجي في تلا

طلعت منوف تلاتات

سمعت قويسنا الخبر

استدعت الاجازات

طلعت سوزان من الذرا

قالت با بها,,,,

الجمع مش بالبلغ

الجمع بالبيادات

وعجبي

أمثله جارحه جدا lo::

يا ترى هل هناك تفسير تاريخى لسبب اطلاق هذه الامثله؟ fr1::

طب مش كان من العدل إنك تكمل أمثله مدن مصر كلها ؟؟؟؟؟ rs: :) :D

يعنى زى مابيقولوا المنوفى لايلوفى ولو أكل لحم الكتوفى

بيقولوا الآتى ـ ها أقول إللى أعرفه ولو حد عارف يكمل:

على الإسكندرانيه

ميه مالحه ووشوش كالحه (من غير زعل)

على الدمنهوريه

ميت نورى ولادمنهورى

على الشراقوه (يعنى أنا وإنتى ياكليو ، واخده بالك :) )

شرقاوى كاورك عبيط (تختصر أحيانا ش ك ع)

فى حاجات تانيه بس مش متذكرها دلوقت

[yasovinas]

شرقية

(ش ك ع) ممكن تبقى شرقاوي كريم عظيم

وبيقولو على الدماهره صباغين الحمير

وعلى اهل كفر الشيخ انهم فعلا كفروا الشيخ

تم تعديل 1 ديسمبر 2004 بواسطة yasovinas

[Cleo]

على الشراقوه (يعنى أنا وإنتى ياكليو ، واخده بالك :lol: )

شرقاوى كاورك عبيط (تختصر أحيانا ش ك ع)

و سى السيد كمان....

وبعدين ماتنساش إن احنا اللى عزمنا القطر (وش واحد مش لاقى ياكل) :lol:

[Sharkiah]

على الشراقوه (يعنى أنا وإنتى ياكليو ، واخده بالك :lol: )

شرقاوى كاورك عبيط (تختصر أحيانا ش ك ع)

و سى السيد كمان....

وبعدين ماتنساش إن احنا اللى عزمنا القطر (وش واحد مش لاقى ياكل) :lol:

ماهو علشان دى بالذات طلعت علينا سمعه ش ك ع :lol: wst::

أنا سمعت إن الحكايه ـ أو الأسطوره الشعبيه ـ إن القطار تعطل وقت الإفطار فى رمضان فالأهالى طلعوا كل بما إستطاع تدبيره لتقديم الإفطار للركاب الصائمين

لو الحكايه دى حقيقيه ففعلا شئ مشرف

[فــيــروز]

شرقاوى كاورك عبيط (تختصر أحيانا ش ك ع)

يا شماتة س.س. فيا

يعنى ايه كاورك؟

[ابو يوسف]

تابعت الموضوع متأخر ...

لكن مت من الضحك على أختنا كليو اللى وقعت نفسها فى عش الدبابير ...

ايه بس اللى وداكى عند المالح ...؟؟؟ :)

الجميل ان الموضوع أخذ منحيات ( لولبية )

وعدى بينا زى القشاش على محافظات مصر ذات الشهرة اللى تكسف !! :lol:

و أعتقد ان اللى اتقال عن الاسكندرانية و المنوفية و الشرقية و غيرها مش اشاعات مغرضة .. – زى ما انا كنت فاكر زمااان – لكن الغريب ان الكلام ده حقيقة !!!!

يعنى مثلاً .... احيانا تتعامل مع سواحلى (بصفة عامة) تلاقيه مكشر و كاره نفسه و نفسه يتخانق معاه

تتكلم مع ابو عربى البورسعيدى .... تلاقيه فشار فشر .....

تدخل بيت منوفى ... تخرج من عنده كاره العيشة و اللى عايشنها !!!

تتعامل مع الشرقاوى ... تلاقيه كريم لدرجة العـ .... او لدجة تكرهك فى حياتك !!!

نسينا مين تانى ...

الدمياطى .... بينافس أخوه المنوفى ...

فاكرين عبارة ...

تشرب شاى و الا انت مش كييف ؟؟

تتعشى و الا تنام خفيف ...

بس بالدمياطى ..

و ربنا يستر عليا !!! fsh::

[Cleo]

تابعت الموضوع متأخر ...

لكن مت من الضحك على أختنا كليو اللى وقعت نفسها فى عش الدبابير ...

ايه بس اللى وداكى عند المالح ...؟؟؟  :D

الدمياطى .... بينافس أخوه المنوفى ...

فاكرين عبارة ...

تشرب شاى و الا انت مش كييف ؟؟

تتعشى و الا تنام خفيف ...

بس بالدمياطى ..

و ربنا يستر عليا !!!  fsh::

ماتصدقش إسو أبو 700 مداخلة ده... :P

ولا دبابير ولا حاجة... القصة كلها إنى محبتش أتمادى فى الهزار أولا عشان الموضوع مايوسعش والناس تزعل من بعش ثانيا عشان ما أوقعش نفسى فى غلطة باخدها على كتير من الزملاء، وهى الانجراف وراء الهزار و النكات مما يحيد عن الموضوع flrt:

وقبل كل حاجة أنا يسعدنى أكون سبب فى رسم بسمة على شفاة أى زميل أو زميلة هنا... :angry: (وده طبعا لأن الضحك ببلاش (بما إن فيا عرق دمياطى برضه :P )

ربنا يسعدكم جميعا يا رب... rs:

[ابو يوسف]

أحييك على سعة صدرك

وبعدين ربنا ما يجيب زعل ...

و فى الآخر كلنا من أسوان لحد السلوم مصريين بتجمعنا أرض واحدة غصب عن عين التخين !!! :angry:

بس ازاى شرقاوية و عرق دمياطى ؟؟؟؟؟

دى مش فاهمها !!!

flrt: