حركة مصرنا: جمعة الرئيس أولاً

[محمد عبدالعزيز]

الهدف: المطالبة باحترام نتائج استفتاء مارس وانتخاب رئيس الجمهورية في شهر أبريل

ثلاث مسيرات: الأولى نقطة التجمع أمام مسجد مصطفى محمود، والثانية نقطة التجمع أمام مسجد الاستقامة بميدان الجيزة، والثالثة نقطة التجمع أمام مسجد النور بميدان العباسية بعد صلاة الجمعة مباشرة.

التفاصيل: جمعة الرئيس أولاً

[محمد عبدالعزيز]

لمزيد من التفاصيل: أسئلة وأجوبة حول حملة: "الرئيس أولا"

مقتطفات من الأسئلة والأجوبة:

هو إيه مطلبكم بالضبط؟

مطلبنا هو فتح باب الترشح لانتخابات الرئاسة في نهاية شهر فبراير بعد انتخاب أعضاء مجلس الشورى مباشرة (واللي مينفعش يتلغي لأن الشعب استفتى على بقاؤه ووافق)، وبكده ممكن مصر يكون عندنا رئيس منتخب في أول شهر أبريل.

المجلس العسكري أعلن إن الترشح لانتخابات الرئاسة هيكون في 15 أبريل .. مش قادرين تصبروا ليه؟ ما نصبر ونشوف وبعدين لو الانتخابات محصلتش في يونيو هننزل كلنا معاكم!

لو إنت مهندس ولقيت المقاول بيقول لك إن العمارة العشرين دور اللي لسه مبدأش فيها هيخلصها في شهر، هل هتقول هاصبر الشهر؟ أكيد لأ لأن الشرط مش منطقي .. المجلس العسكري أعلن بوضوح في تصريح خاص باللواء الفنجري إن خارطة الطريق هي: الشورى ثم الدستور ثم الرئاسة. وده معناه إن اللجنة التأسيسية تتشكل والدستور يتكتب ويتوافق عليه قبل انتخابات الرئاسة في يونيو، ودي عمليا فكرة شبه مستحيلة، وحتى لو فيه إمكانية ضعيفة جدا لتنفيذها فده معناه إن دستور مصر بعد الثورة هيتكروت وهيتعرض على الناس بدون حوار حقيقي بين الشعب والقوى الوطنية. ده غير لو ربطا الدستور بالرئاسة ممكن في حالة عدم موافقة الشعب على الدستور الجديد (وده على أي حال مستبعد لكنه وارد) ده هيتسبب في تأجيل انتخابات الرئاسة.

وايه المشكلة لما انتخابات الرئاسة تتأجل؟ صبرنا سنة مش هنعرف نصبر كام شهر كمان؟

فيه مشكلة كبيرة جدا، وهي إن استقرار مصر السياسي والاقتصادي بيعتمد على إن المرحلة الانتقالية تنتهي. مصر مؤخرا في أحد التقارير الاقتصادية لمؤسسة "موديز" تم تخفيض تقييمها كدولة قادرة على الاقتراض والوفاء بالقروض، وكان السبب الرئيسي هو استمرار الفترة الانتقالية وعدم وضوح الرؤية السياسية. زائد إننا متفقين إن مصر خلال السنة دي محصلش فيها أي علاج حقيقي للمشاكل اللي بسببها الناس نزلت الثورة، واتغيرت كذا حكومة وده دليل على عدم الاستقرار. كل يوم بيعدي زيادة في المرحلة الانتقالية بيضر باقتصاد مصر وبيبطأ من فرصة إننا ننهض بالبلد. ونقطة تانية مهمة وهي إن خروج المجلس العسكري من السياسة هو لمصلحة الجيش المصري ولحماية المؤسسة الوطنية اللي كلنا حريصين عليها.

[محمد عبدالعزيز]

ومين قال إن وجهة نظر الرئاسة قبل الدستور دي هي اللي صح؟ ليه عايزين تفرضوا رأيكم؟

مفيش فرض رأي خالص، بالعكس، مطلب الرئاسة قبل الدستور وبعد انتخابات الشورى مباشرة ده مش مطلبنا، دي خارطة الطريق اللي أكتر من 14 مليون مصري وافقوا عليها في استفتاء 19 مارس. التعديلات الدستورية كانت على 8 مواد منهم 5 بيتكلموا عن رئيس الجمهورية وآلية اختياره، حتى المستشار طارق البشري رئيس لجنة التعديلات الدستورية واللي يعد هنا بمثابة المفتي اللي لازم كلنا نرجعله كتب مقال مطول عن إن التعديلات بتنص على إن الرئاسة قبل الدستور. ايه معنى إن المجلس العسكري يسألنا عن جنسية زوجة الرئيس لو كان أساسا مش هننتخبه قبل كتابة الدستور الجديد. حتى قبل الاستفتاء ما يحصل، اللواء ممدوح شاهين مسؤول الشؤون القانونية في المجلس العسكري صرح في حوار مع منى الشاذلي إن خارطة الطريق بكل وضوح هي انتخابات البرلمان والشورى ثم انتخاب الرئيس ثم كتابة الدستور، ومنى الشاذلي سألته يعني المجلس العسكري مش هيكون موجود أثناء كتابة الدستور فقال لها طبعا لأن المجلس عايز تسليم السلطة لرئيس وبرلمان ثم يأخذ الدستور وقته وللأسف الكلام ده حاليا اتغير والمجلس بقه مُصر على كتابة الدستور قبل انتخابات الرئاسة.

وهو ايه مصلحة المجلس العسكري في كتابة الدستور قبل الرئاسة؟

لو نفتكر مع بعض الجدل اللي حصل حول وثيقة السلمي، المجلس العسكري وقتها طلب من الدكتور علي السلمي (حسب شهادته) إنه يضيف مادتين في المواد فوق الدستورية. المواد دي بتخلي "اختصاص المجلس العسكري دون غيره بالنظر في كل ما يتعلق بالشؤون الخاصة بالقوات المسلحة ومناقشة بنود ميزانيتها على أن يتم ادراجها رقما واحدا في موازنة الدولة، وأن يختص دون غيره بالموافقة على اي تشريع يتعلق بالقوات المسلحة قبل إصداره". وبكده المؤسسة العسكرية، اللي بنكن ليها كل الاحترام والتقدير كمؤسسة وطنية تحمي حدود الوطن من كل المخاطر الخارجية، أصبحت خارج إطار المراقبة والمحاسبة من أعضاء برلمان الشعب شأنها شأن أي مؤسسة وطنية أخرى. وجود المجلس العسكري في السلطة أثناء كتابة الدستور بيديله قوة الضغط على أعضاء اللجنة التأسيسية وكمان بيخلي دستور مصر ما بعد الثورة بيتكتب تبعا لرغبة 19 واحد (هما أعضاء المجلس) على عكس ما اتفق عليه 14 مليون مصري وافقوا إن الدستور يتكتب بعد انتخابات الرئاسة.

[محمد عبدالعزيز]

بس إزاي ننتخب رئيس قبل كتابة الدستور؟ احنا كده بنصنع فرعون تاني!

الشعب المصري مش هيتقبل فكرة الفرعون تاني خلاص، والمجلس العسكري خلال السنة دي كان معاه أقوى سلطات مصر اللي مكانتش مع أي رئيس مصري في تاريخ البلد، سلطة البلد التشريعية (لأنه كان بيسن القوانين وبيقوم بمقام مجلس الشعب) وسلطة البلد التنفيذية (لأنه بيقوم بمهام رئيس الجمهورية) وسلطة البلد القضائية (لأنه كان بيستخدم المحاكمات العسكرية). ومع ذلك المجلس العسكري مقدرش يبقى فرعون ويفرض رأيه على الشعب، وكان بالضغط عليه في قضايا كتير بيستجيب وبينفذ مطالب الشعب. ومش فاهم إزاي نستخدم المنطق ده على رئيس جمهورية انتخبه الشعب ومش على المجلس العسكري وهو اللي تم تفويضه لإدارة شؤون البلاد ولم ينتخبه الشعب في استفتاء أو انتخابات؟

وبعدين الرئيس القادم، صلاحياته هتتغير بمجرد كتابة الدستور، وهو كرئيس مالوش أي صلاحيات يقدر يمارسها على اللجنة التأسيسية فيما يتعلق بكتابة الدستور، وكمان مالوش صلاحية حل مجلس الشعب زي ما كان موجود في دستور 1971.

.

.

.

رجاء قراءة باقى الأسئلة والأجوبة ففيها الكثير من التفاصيل المهمة: أسئلة وأجوبة حول حملة الرئيس أولاً

تم تعديل 1 فبراير 2012 بواسطة محمد عبدالعزيز

[ماستر]

شكلهم عايزين يكروتوا الدستور فى اسبوعين ويارطسو الشعب, بس الحمد لله لسة فى ناس صحية وبتعمل توعية,

موقف العسكرى فى كدة عادى بيحمى مصالحة, لكن المريب فى الامر هو موقف التيارات الاسلامية الى هللت لنعم على استفتاء 19 مارس, لسة فاكر كويس ازى كانو بيرسموا الخريطة ويقولوا الانتخابات اولا,

[محمد عبدالعزيز]

شكلهم عايزين يكروتوا الدستور فى اسبوعين ويارطسو الشعب, بس الحمد لله لسة فى ناس صحية وبتعمل توعية,

موقف العسكرى فى كدة عادى بيحمى مصالحة, لكن المريب فى الامر هو موقف التيارات الاسلامية الى هللت لنعم على استفتاء 19 مارس, لسة فاكر كويس ازى كانو بيرسموا الخريطة ويقولوا الانتخابات اولا,

المدهش فعلاً إنهم بيتعاملوا مع الاستفتاء ده كأنه حدث من التاريخ السحيق وبنقرأ عنه فى الكتب بقى وكل مؤرخ بيحكى من وجهة نظره ومش عارفين نوصل للحقيقة!

الاستفتاء ده قتلنا خياراته بحثاً ونقاش وجدل من 10 شهور بس, وكلنا فاكرين كويس الصور بتاعة مسار لا ومسار نعم وقعدنا نعد الانتخابات بتاعة كل مسار وطول الفترة بتاعته.

الراجل رئيس لجنة التعديلات نفسه لسه عايش وقال إيه هى فلسفة التعديلات والترتيب الصحيح اللى اللجنة كانت تقصده من التعديلات.

ورغم كل ده بيستعمونا ويقولوا كلام تانى وبرضه بحجة حماية الإرادة الشعبية.

[ماستر]

شكلهم عايزين يكروتوا الدستور فى اسبوعين ويارطسو الشعب, بس الحمد لله لسة فى ناس صحية وبتعمل توعية,

موقف العسكرى فى كدة عادى بيحمى مصالحة, لكن المريب فى الامر هو موقف التيارات الاسلامية الى هللت لنعم على استفتاء 19 مارس, لسة فاكر كويس ازى كانو بيرسموا الخريطة ويقولوا الانتخابات اولا,

المدهش فعلاً إنهم بيتعاملوا مع الاستفتاء ده كأنه حدث من التاريخ السحيق وبنقرأ عنه فى الكتب بقى وكل مؤرخ بيحكى من وجهة نظره ومش عارفين نوصل للحقيقة!

الاستفتاء ده قتلنا خياراته بحثاً ونقاش وجدل من 10 شهور بس, وكلنا فاكرين كويس الصور بتاعة مسار لا ومسار نعم وقعدنا نعد الانتخابات بتاعة كل مسار وطول الفترة بتاعته.

الراجل رئيس لجنة التعديلات نفسه لسه عايش وقال إيه هى فلسفة التعديلات والترتيب الصحيح اللى اللجنة كانت تقصده من التعديلات.

ورغم كل ده بيستعمونا ويقولوا كلام تانى وبرضه بحجة حماية الإرادة الشعبية.

لا وانت الصادق دول بتعملوا مع الاستقتاء الى الملايين قالت نعم علية كأنة لم يحدث,

انا مش عارف الناس دية من اى طينة يقولوا الكلام وبعدين يكذبوا ويقولوا تفاسير تانية خالص كأن محدش شايف ولا سامع حاجة,

بس بصراحة حركة مصرنا عملينا شغل رائع جدا فى التوعية والاجابات بتاعة الاسئلة الى المشككين هيحاولوا يدخلوا بيها

تم تعديل 1 فبراير 2012 بواسطة ماستر

[متعب]

النظام قائم حتى لو تغيرت كل مؤسساته والقائمين عليها

سياساته لاتتغير وسيبرمج الجديد على نفس سياسات الماضى اى ان كان الوضع

المطلوب اسقاط هذا النظام وسياساته وبعدها هاتوا اى منجد بلدى يقود اى مؤسسه

كم وزارة تبدلت والحال كما هو وليس وزير

كم وزير داخليه ووزيراعلام تبدل ونفس السياسات قائمه

وهل لو تغير النائب العام هل سيأتى غيره ينفرد بسياسه منفرده له ام سيتبع نفس الاوامر

الموضوع سياسه نظام تربى وترعرع على تلقيه الاوامر من الخارج وان يكون متبوع فقط

مصر متسلمه على المفتاح ومش مهم مين ال هيمسكها سيان اخوان مسلمين او ملحدين

التصريحات والخطب الرنانه ستتصدر المواقف ولا تبديل لكلمات النظام

مصر عائمه على امواج الوهم فقط بالكلمات

فكم رئينا من مناضل خطب رنانه وتحريم وتبديل فى الحال عندما يصل الى سياسه النظام

فينقلب على رجليه وكتفيه ليكون هو الاخر بوق من ابواق النظام

سجن جبيب العادلى سيريح الشارع واقاله النائب العام ايضا على نفس المنوال

ولا العادلى سيحاكم ولا النائب العام سيقيل

الوهم سيطر على ارجاء المحروسه

وكل يتهم الاخر لصالح نفس النظام ونفس السياسه

الحقيقه الوحيده فى مصر الان هؤلاء الشباب الذين ينعونهم صباحا ومساء بالعماله وكوكتيل الخيانه

الباقى تصريحات لاترقى الى حتى القراءة لها او الالتفاف له باى صور واشكال

[محمد عبدالعزيز]

أى مقترحات تخلصنا من المجلس العسكرى السفاح أنا موافق عليها

[Scorpion]

النظام قائم حتى لو تغيرت كل مؤسساته والقائمين عليها

سياساته لاتتغير وسيبرمج الجديد على نفس سياسات الماضى اى ان كان الوضع

المطلوب اسقاط هذا النظام وسياساته وبعدها هاتوا اى منجد بلدى يقود اى مؤسسه

كم وزارة تبدلت والحال كما هو وليس وزير

كم وزير داخليه ووزيراعلام تبدل ونفس السياسات قائمه

وهل لو تغير النائب العام هل سيأتى غيره ينفرد بسياسه منفرده له ام سيتبع نفس الاوامر

الموضوع سياسه نظام تربى وترعرع على تلقيه الاوامر من الخارج وان يكون متبوع فقط

مصر متسلمه على المفتاح ومش مهم مين ال هيمسكها سيان اخوان مسلمين او ملحدين

التصريحات والخطب الرنانه ستتصدر المواقف ولا تبديل لكلمات النظام

مصر عائمه على امواج الوهم فقط بالكلمات

فكم رئينا من مناضل خطب رنانه وتحريم وتبديل فى الحال عندما يصل الى سياسه النظام

فينقلب على رجليه وكتفيه ليكون هو الاخر بوق من ابواق النظام

سجن جبيب العادلى سيريح الشارع واقاله النائب العام ايضا على نفس المنوال

ولا العادلى سيحاكم ولا النائب العام سيقيل

الوهم سيطر على ارجاء المحروسه

وكل يتهم الاخر لصالح نفس النظام ونفس السياسه

الحقيقه الوحيده فى مصر الان هؤلاء الشباب الذين ينعونهم صباحا ومساء بالعماله وكوكتيل الخيانه

الباقى تصريحات لاترقى الى حتى القراءة لها او الالتفاف له باى صور واشكال

ليس كي اعقب علي ما ذكرته حضرتك هنا .. و لكن كي ابدي تعجبي كيف لمن يملك امكانية عرض فكره بهذه الطريقة المثالية .. ان لا يستخدمها و يكتفي ان يسجن افكاره في اطار من تعبيرات تفقد محتواها الكثير من جديته ..

الا تستحق زمالتنا لحضرتك ان تجهد نفسك قليلا في استخدام اسلوب مماثل لما كتبته الان ..

تحياتي