الفوضى الرياضية هي الحل

[نوران]

- رصد | عاجل | هروب 27 سجين من قسم المرج و اصابة ظابطين بعد اطلاق النار المسلحين على القسم

- رصد | مصر | مجهولون يقتحمون محطة مترو الدقى ويتلفون محتويات مكتب الشرطة.. وضبط 3 منهم

- رصد | الدقهليه | المنصوره : مهاجمة مديرية الأمن بالطوب

- ارتفاع عدد الشهداء في السويس إلي أربعة و 57 مصابا بطلق ناري جراء الإشتباكات

تم تعديل 3 فبراير 2012 بواسطة نوران

[متعب]

عندى سؤالين لو سمحتم

هو مجمع الضرائب ال اتحرق عن بكرة ابيه ده مش من منشأت الدوله ؟

وزارة الداخليه ال بيتم عليها الهجوم الان مش من منشأت الدوله ؟

اين شباب الاخوان من حمايتهم الان لهم

ولا الحمايه خاصه بمجلس الشعب وكراسى البرلمان فقط

[نوران]

رصد | السويس | أحد الاصابات بطلقة خرطوش بالسويس #RNN

http://www.youtube.com/watch?v=mUIgsNHZGHc&feature=player_embedded

[نوران]

- رصد | المحلة الكبري | اطلاق الغاز المسيل للدموع من قبل قوات الشرطة بقسم ثان المحلة الكبرى ومحاولة تفريق المتظاهرين بالمدرعات وحالات من

الكر والفر بالشوارع المؤدية لميدان الشون

- رصد | عاجل | محيط وزارة الداخلية : اشتعال الحريق فى عمارة سكنية الان والسكان محاصرين داخل العمارة .. والمطافىء تصل للمكان الان

تم تعديل 3 فبراير 2012 بواسطة نوران

[نوران]

رصد | تويتر | د هبة رءوف عزت: الخلاصة : المشير ليس من يحكم مصر #RNN

[نوران]

رصد | عاجل | اللواء عادل رفعت مدير أمن السويس: 3 أشخاص قتلوا بنيران مسلحين مجهولين وليس بنيران قوات الامن

رصد | عاجل | اللواء عادل رفعت مدير أمن السويس: لا توجد حالات محاصرة داخل المستشفي الميداني بالقرب من مديرية الامن بالسويس، شعب السويس اولادي وابنائي ولا يمكن ان نطلق طلقة رصاصة واحدة عليهم

رصد | عاجل | اللواء عادل رفعت مدير أمن السويس: مديرية الامن تتعرض لاطلاق النار من قبل مسلحين مجهولين

[نوران]

رصد | عاجل | اللواء عادل رفعت مدير أمن السويس: 16 مصاباً من الشرطة برصاص مجهولين في محيط مديرية الامن بالسويس

[نوران]

رصد | توصلت لجنة تقصى الحقائق برئاسة نائب حزب النور أ.أشرف ثابت والمشكلة من قبل مجلس الشعب للتحقيق فى أحداث بورسعيد إلى شاهد كشف عن

معلومات هامة وتفاصيل وكواليس التحضير لمجزرة بورسعيد.

وأشار مصدر إلى أن البلطجى اعترف لأعضاء اللجنة بأن نشر الفوضى والبلطجية داخل الاستاد كان عملا منظما ومنهجيا وبعيداً تماما عن أهالى بورسعيد.

وقالت المصادر إن أهالى مدينة بورسعيد ناشدوا أعضاء لجنة تقصى الحقائق التواصل مع النائب العام لإصدار قرار بمنع قيادات الوطنى فى بورسعيد

من السفر ، والتحفظ عليهم، والتأكد من ثبوت تورطهم من عدمه فى الأحداث.

[متعب]

http://www.youtube.com/watch?v=bYiYb9yT7bA

[ام سلمي]

6 ابريل اعلنت عدم مشاركتها في احداث محمد محمود

التراس الاهلي اعلن عدم مشاركته، وصفحته حد اخترقها علشان يوقعوا بينهم وبين الامن و هما رجعوا كدبوا الكلام وقالوا انهم ما راحوش محمد محمود خالص

حتي القنوات بدئت تقاطع تصوير الاحداث دي لما حست ان الناس كلهم كارهين اللي بيحصل

لو في اي مواطن شريف في المتظاهرين دول المفروض يرجع بيته ، ولو ما رجعش و اتضرب بالنار يبقي هو اللي جني علي نفسه

"الحياة" تقاطع أحداث "محمد محمود" غدًا

أعلنت شبكة تليفزيون الحياة مقاطعتها لأحداث شارع محمد محمود ورفع كاميراتها الموجودة هناك وعدم بث الأحداث الجارية حول محيط وزارة الداخلية على الهواء التى تقوم برامجها الإخبارية بتغطيتها المباشرة منذ اندلاع الأحداث عقب مجزرة ستاد بورسعيد .

وقال أحمد الخطيب رئيس تحرير برنامج الحياة الآن الإخبارى والمسؤول الأول عن التغطية المباشرة للشبكة إن إدارة تليفزيون الحياة قررت العودة من الغد السبت إلى الخريطة البرامجية المعتادة ومقاطعتها لتغطية أحداث محمد محمود فيما عدا الأوقات المخصصة لبث البرامج الإخبارية المعتادة وذلك انطلاقاً من مسؤولية الشبكة تجاه المجتمع بعدم المشاركة فى الأحداث.

وأضاف الخطيب" أن إدارة الحياة قررت وقف متابعة الأحداث بعدما استشعرت أن هناك نفوراً عاماً لدى المواطنين من أحداث العنف التى يختلقها البعض لصالح أهداف سياسية مشبوهة خاصة أن القوى السياسية الوطنية بالإضافة إلى روابط الألتراس وأسر وأهالى جميع شهداء ثورة 25 يناير ومحمد محمود وماسبيرو والمجمع العلمى وبورسعيد أعلنوا عدم علاقتهم بما يجرى الآن حول وزارة الداخلية .

وأشار إلى أن قرار المقاطعة جاء تلبية لجموع المشاهدين الذين ضاقوا ذرعاً بأحداث العنف الدائرة حالياً لاسيما أن شبكة تلفزيون الحياة تفرق بين ما حدث فى بورسعيد من أحداث مؤسفة قامت بتغطيتها تغطية مباشرة وبين ما يحدث الآن فى شارع محمد محمود والثورة والثوار مما يحدث براء.

اقرأ المقال الأصلي علي بوابة الوفد الاليكترونية الوفد - "الحياة" تقاطع أحداث "محمد محمود" غدًا

[محمد عبدالعزيز]

س: هي الشباب عند وزارة الداخلية ليه؟

ج: عشان غضبانة من القتل المجاني

س: أيوه يعني ناويين يعملوا ايه؟

ج: محدش عارف، هما نفسهم مش عارفين، هما عارفين الموت و الغضب بس

س: طيب ليه متقولهمش يروحوا التحرير؟

ج: عشان التحرير فشل يجيب حق اللي مات بدل المرة عشرة

س: طيب متقولوهم ... ؟

ج: أقولهم ايه بس، حد فيكم عنده حل بجد؟ أروح أضحك عليهم ولا أقولهم كلام شعارات؟

س: أصل مش عايزين دم؟

ج: القاتل مش مستنيك تروحله عند وزارته، بيخطفنا من الشوارع و يقتلنا في ماتش كورة، تفرق في ايه بقى!

س: طيب هما عايزين ايه يعني؟

ج: عايزين عيش و حرية و عدالة اجتماعية و كرامة انسانية، عايزين حق الشهيد، عايزين يفهموا ليه عواجيز بتخطط لمستقبل و أطفال بتكتب وصيتها

س: ايوه بس عايزين ايه دلوقتي حالا؟

ج: ولا أعرف، دي مش مظاهرة رافعة مطالب، بس هما بيهتفوا ضد المشير تعرف تجيبلهم المشير؟

س: سيبنا التحرير ليه؟ التحرير واسع!

ج: لا التحرير بقى ضيق قوي، كله مشاكل و خناقات و مخترق من التحريات و فيه ناس بتركب على المنصات و تزعق و ناس بتعمل حفلات تعذيب و ناس بتفرض ارضية على البياعين و ناس ثانية بتضرب البياعين و أخوان بتشارك بمطالب عكس مطالب الجماهير و ماخوانش نازلة عشان تتخانق مع الأخوان مش مع اللي بيقتلنا، انتم ازاي مش شايفين ده كله؟

س: طيب معلش و النبي مشيهم كفاية دم!

ج: و الله العظيم ما أعرف أمشيهم، محدش يعرف يمشيهم.

س: طيب لما أنت مش عارف موجودين ليه، و مش عارف عايزين ايه، و ملكش كلمة عليهم واقف معاهم ليه؟

ج: عشان اتعلمت في الثورة أقف مع دائما مع اللي بيتحدى الرصاص، مع اللي بيرفض السلطة، مع اللي يبدوا ضعيف و هو قوي، اتعلمت أن اللي بيوجع أكثر مش جرح الرصاص لكن جرح الغدر و البيع من على المنصات و الفضائيات، اتعلمت أني لو مش المكان اللي ممكن أتصاب أو اتقتل أو اعتقل فيه و فيه غيره بيتصاب أو بيتقل أو بيعتقل يبقى بعمل حاجة غلط. لو مش فاهم ده مش هعرف أفهمك.

س: طيب أنا أعمل ايه دلوقتي؟

ج: متشتمش اللي قدام الرصاص حتى لو أنت مش فاهمه، بلاش تنظير ما تقولش بلطجية ولا مندسين، متتكلمش كأنهم خراف في حد بيسوقهم، الشباب دي مش فاضله الا الارادة، اتاخد منه العمر و الحلم و الأخ و الصديق و العين و الرجل و الروح و نادي الكورة و الميدان و الثورة و كل حاجة و أي حاجة، مش فاضله الا الارادة، أنه هو اللي بيقرر يعمل ايه و محدش متحكم فيه، و قمة الارادة هي أنك تختار هتموت ازاي و تعيش ازاي.

س: اه بس أنا عايز أعمل حاجة ايجابية؟

ج:انزل اقف معاهم، مش لازم تشارك في الاشتباك بس انزل شم من نفس الغاز اللي بيشموه و افهم يعني ايه رش و خرطوش، انزل اتطوع في مستشفى ميداني أو وزع عليهم خل أو أكل.

س: مش عاجبني المواجهة مش عايز أنزل هناك؟

ج: خلاص انزل اتظاهر قدام وزارة الدفاع، أو في ميدان التحرير، أو شارك في مسيرات تسليم السلطة، أو انزل قدام ماسبيرو، أو اعمل عرض كاذبون، أو شارك في حملة حاكموهم، أو اشتغل على المحاكمات العسكرية، أو انزل سلاسل الثورة، أو انضم للجان الشعبية. المهم اعمل حاجة.

س: و لحد امتى هيفضل الحال ده؟

ج: لحد ما يسقط النظام

منسوب لعلاء عبدالفتاح

[محمد عبدالعزيز]

انا مش فاهم ليه بعض الناس بتوجه كلامها للشعب وبتقوله حافظوا علي البلد وماتخربوهاش وحافظوا علي سلميه الثوره

طب ماتقولوا للمجلس العسكري يحافظ علي البلد ومايخربهاش ويسمع مطالب الشعب ويسيب السلطه. !!

منسوب لعمرو خالد

[ام سلمي]

انا مش فاهم ليه بعض الناس بتوجه كلامها للشعب وبتقوله حافظوا علي البلد وماتخربوهاش وحافظوا علي سلميه الثوره

طب ماتقولوا للمجلس العسكري يحافظ علي البلد ومايخربهاش ويسمع مطالب الشعب ويسيب السلطه. !!

منسوب لعمرو خالد

صفحة عمرو خالد علي الفيسبوك ما عليهاش الكلام ده ، وانا ماليش في تويتر

لا اتوقع ان عمرو خالد يقول كدة لأنه انسان غير صدامي ، ولا يشجع علي المواجهات اللي بالشكل ده

وعلي العكس الفيديو اللي قاله بعد احداث بورسعيد ، كان بيخاطب فيه العقلاء وقاللهم خللوا صوتكم يعلو علي صوت الهمج ، او علي الاقل ما تشاركوهمش

http://www.youtube.com/watch?v=lze6b8mbP0c&sns=em

[محمد عبدالعزيز]

انا مش فاهم ليه بعض الناس بتوجه كلامها للشعب وبتقوله حافظوا علي البلد وماتخربوهاش وحافظوا علي سلميه الثوره

طب ماتقولوا للمجلس العسكري يحافظ علي البلد ومايخربهاش ويسمع مطالب الشعب ويسيب السلطه. !!

منسوب لعمرو خالد

صفحة عمرو خالد علي الفيسبوك ما عليهاش الكلام ده ، وانا ماليش في تويتر

لا اتوقع ان عمرو خالد يقول كدة لأنه انسان غير صدامي ، ولا يشجع علي المواجهات اللي بالشكل ده

وعلي العكس الفيديو اللي قاله بعد احداث بورسعيد ، كان بيخاطب فيه العقلاء وقاللهم خللوا صوتكم يعلو علي صوت الهمج ، او علي الاقل ما تشاركوهمش

http://www.youtube.com/watch?v=lze6b8mbP0c&sns=em

خلاص أنا آسف, ومع ذلك أنا مقتنع بالكلام ده حتى لو مش عمرو خالد اللى قاله.

وإذا كان اللى بيقول كده فى رأى حضرتك همجى وصدامى يبقى أنا همجى وصدامى وأفتخر.

[ام سلمي]

انا مش فاهم ليه بعض الناس بتوجه كلامها للشعب وبتقوله حافظوا علي البلد وماتخربوهاش وحافظوا علي سلميه الثوره

طب ماتقولوا للمجلس العسكري يحافظ علي البلد ومايخربهاش ويسمع مطالب الشعب ويسيب السلطه. !!

منسوب لعمرو خالد

صفحة عمرو خالد علي الفيسبوك ما عليهاش الكلام ده ، وانا ماليش في تويتر

لا اتوقع ان عمرو خالد يقول كدة لأنه انسان غير صدامي ، ولا يشجع علي المواجهات اللي بالشكل ده

وعلي العكس الفيديو اللي قاله بعد احداث بورسعيد ، كان بيخاطب فيه العقلاء وقاللهم خللوا صوتكم يعلو علي صوت الهمج ، او علي الاقل ما تشاركوهمش

http://www.youtube.com/watch?v=lze6b8mbP0c&sns=em

خلاص أنا آسف, ومع ذلك أنا مقتنع بالكلام ده حتى لو مش عمرو خالد اللى قاله.

وإذا كان اللى بيقول كده فى رأى حضرتك همجى وصدامى يبقى أنا همجى وصدامى وأفتخر.

الاستاذ الفاضل محمد عبد العزيز

حضرتك مش محتاج تتأسف لانك نقلت الخبر وقلت انه" منسوب " لعمرو خالد يعني قد لا يكون صحيح ،

وكمان الخبر موجود فعلا علي صفحات كتير يعني حضرتك ما الفتهوش ،

والحقيقة انا ما اتهمتش حد في كلامي انه همجي وصدامي ، انا فقط اتكلمت عن شخصية عمرو خالد ونقلت كلامه

وباعتذر لك لو فهمت من كلامي اتهام لحضرتك

تحياتي

[ام سلمي]

اعتقد ان اللي بيضربوا علي الناس خرطوش المرة دي مش الشرطة دول بلطجية ، لان الشرطة نفسهم اتضرب عليهم خرطوش

لواء من قوات الأمن المركزي يفقد عينه اليمنى خلال أحداث وزارة الداخلية

أصيب اللواء شرطة أحمد مختار من قوات الأمن المركزي المكلفة بتأمين مقر وزارة الداخلية بانفجار في مقلة العين اليمنى خلال الاشتباكات التي وقعت الليلة الماضية بين المتظاهرين وقوات الأمن بمحيط مقر الوزراة. وقال مصدر أمني إنه تم نقل اللوا مختار إلى مستشفى الشرطة لتلقي العلاج ويرقد حاليا بغرفة الرعاية الفائقة.

تجدر الإشارة إلى أن وزارة الداخلية كانت قد أعلنت الليلة الماضية ارتفاع حصيلة المصابين في صفوف ضباط وجنود الأمن المركزي المكلفين بتأمين مبنى وزارة الداخلية جراء الاشتباكات بينهم والمتظاهرين بمحيط الوزراة إلى 211 ضابطا ومجندا من بينهم 16 مجندا مصابين بطلقات خرطوش في الوقت الذي أعلنت فيه وزارة الصحة ارتفاع أعداد المصابين في صفوف المتظاهرين إلى 2532 حالة، تم إسعاف 1234 مصابا في مكان الأحداث من خلال سيارات الإسعاف المتواجدة وإسعاف 237 حالة بالعيادات المتنقلة المتمركزة بالقرب من ميدان التحرير فيما تم تحويل 437 حالة لمستشفيات وزارة الصحة وخرج معظمهم بعد استقرار حالتهم.

[ابراهيم عبد العزيز]

طلاب العلم في مصر يقولون كلمتهم /

تم تعديل 4 فبراير 2012 بواسطة ابراهيم عبد العزيز

[Abu Reem]

طول ما اعوان مبارك وزوجته طلقاء وطول ما اعوان العادلي في اماكنهم ستبقى الفوضى قائمة وستتزايد الدماء

وسنهتف يسقط يسقط حكم الرئيس المدني ايا كان اسمه وايا كان التفافنا حوله

هل يستيطع المجلس في ادانه هؤلاء او التخلص ممن هم في موقع المسئولية ومازالوا يأتمرون بأمر اعوان مبارك

لا اعتقد ان المجلس يستطيع ذلك ،،، ولذلك الحكم المدني قد يستطيع. ذلك لانه لن يخاف من اي ملفات تفتح ضده من مبارك وفلوله

ولكنه لن يستطيع ذلك الا بمساعدة الجيش

لذلك قلت مرارا رتكرارا لابد من خروج مناسب للعسكر من الحكم ودون اتهامات بالتخوين. لان اي حكم مدني سياتي لن يستطيع بمفرده من مواجهة نفس اعمال البلطجة

يارب يكون كلامي مقنع لاني تعبت من المناقشات التي تتكلم عن مشاكل فقط دون دراية بالواقع ودون وضع حلول قابلة التطبيق

تم تعديل 4 فبراير 2012 بواسطة Abu Reem

[se_ Elsyed]

للمرة المليون

نلوم مين ؟

ومين اللي بيحكم الأن ؟

ومين المسئول

- حتى الان 12 قتيل و2500 جريح ..

- من الأمس .. إقتحام وحرق قسم المرج وتهريب 27 مسجون .. وحرق باقي المساجين وتفحمهم .... ومحاولة لٌإقتحام مديرتي أمن الأسكندرية والدقهلية والسويس ... ومنذ دقائق محاولة لأقتحام قسمي شرطة المطرية .. ومدينة السلام

لا أظن ولا أصدق أنها محاولات ممنهجة ومنظمة ... لكن هي محاولات من طبقة وفئة موجودة في المجتمع من زمان وهم البلطجية الذين أحسوا بتراخي قبضة الامن على المجرمين .. وبطشها بالأبرياء بل وتوجيه تهمة قلب نظام الحكم لمن يقول يسقط حكم العسكر .... وبالتالي هي فرصة ذهبية لكل أقارب ومعارف أي مسجون في أي قسم إنه يهربه ... عملية بسيطة جداً ..

وكتبنا من سنة ... وليس جديداً ... إذا كان عندك حوالي 2000 قسم شرطة مثلاً على مستوى الجمهورية ... هل صعب ترشق 10 جنود أمام كل قسم شرطة ... وإذا ما كانش عندك .. ما تعمل إستدعاء من الملايين اللي في فترة الإحتياط ؟ وهل معجزة إنك ترقب كاميرا خارج وداخل كل قسم عشان تعرف مين اللي بيهاجم وشكله إيه ؟

[انت عمرى]

بكره الست سوزان هتغنى علينا وتقول :

البلطجيه اشتكوا من كثر ملاعيبى

والبلطجيه هيشتكوا ويقولوا :

ايام مبارك والعادلى كانت ارحم

كان الشغل خفيف شويه عن الايام دى

احنا بقينا نشتغل طول ايام السنة بدون اجازات

ونشتغل طول اليوم والاضافى مش مكفينا