هل أنت راضِ عما حدث اليوم من رد فعل البرلمان على أحداث مجزرة بور سعيد ؟

[se_ Elsyed]

انا غير موافق ولم يشف ذلك غليلي ولا يبرد ناري على الدم اللي سال كالبحور

وزاد الطين بله رد الفعل البارد المتلج من المجلس العسكري وزودها التشنج بتاع الأخ اللي ما غيرش هدومه من أمبارح .. او وزير الداخلية اللي وصل المجلس .. ولحد أخر الجلسة لم يتم الإستماع إليه ولا سؤالة عما حدث ... طب كان جاي ليه أساساً ؟؟؟؟؟؟؟؟؟؟؟؟؟

[se_ Elsyed]

مجلس الشعب أعطى لجنة تقصي الحقائق أسبوع عشان تطلعه بالتحقيق

تفتكروا الناس هاتصبر أسبوع ؟

والشباب هاتصبر إسبوع ؟

والاهالي هاتصبر إسبوع ؟

اعتقد إن طنطاوي لف حبل المشنقة حوالين رقبته لأ ولتساهيل ربنا ويارب ما يحصل عنف ولا خراب لكن الامور تتجه للضغط الشعبي فقط ... للعلم بكره وبعده وبعده اجازة .,.. وأشرب يا طنطاوي

[hanzalah]

[eslam elmasre]

الحاجة الوحيدة اللي كانت هاترضيني انهم كانو يستدعو المسؤول السياسي عن هذه الجريمة وهو المجلس العسكري ويحاكموه في المجلس ويسألوه ما هو الذنب الذي اقترفه هؤلاء الشباب اللذين قتلو في ستاد بورسعيد ولماذا لم توفر لهم الامن والامان ولماذا يتم تغيبك ويفعل المجرمون فعلتهم وانت نائم على روحك

للاسف لم اجد فرد من الاغلبية الصامتة في مجلس الشعب تتعرض لمثل هذا الموضوع

لذلك انا غير راض

[waaaf]

حسبنا الله ونعم الوكيل

تم تعديل 2 فبراير 2012 بواسطة waaaf

[ابراهيم عبد العزيز]

غير راضي بالطبع يا أخي سي السيد

وقرارات هزلية جدا لا تفرق كثيرا عن القرارات التي كان سيتخدها برلمان 2010 لو كان في نفس الموقف

كلها قرارات من نوعية قرارات نظام مبارك

تاتي فقط لإمتصاص غضب الشارع دون رغبة حقيقية في تحديد الجاني عن هذه الأحداث ومعاقبته وفي نفس الوقت إتخاذ القرارات التي تحول دون تكرار نفس هذه الأحداث في المستقبل

ولن تفلح محاولات دغدغة مشاعر المواطنين بخطب عصماء

الخطب والكلمات البراقة الحماسية في مثل هذه المواقف يقوم بها مرتادي مواقع الإنترنت أو بعض الصحفين على وسائل الإعلام أو مقدمي البرامج أو بعض أئمة المساجد أو بعض المواطنين على المقاهي

أما البرلمان دوره هو ترجمة هذه الخطب والكلمات الى أفعال على الأرض

لم يقم البرلمان بإستدعاء أحد أعضاء المجلس العسكري بصفته رئيس البلاد حاليا لمجرد لسؤاله فقط حول الواقعة لا أكثر

لم يقم حتى ذرا للرماد في العيون بسحب الثقة من وزير الداخلية !

الشىء الوحيد الذي يُحسب له هو أنه حدد فترة زمينة مقدارها اسبوع للجنة تقصي الحقائق ولم يترك التوقيت مفتوح

سننتظر ونرى بعد ظهور النتائج ماذا سيفعل نواب الشعب .

تم تعديل 2 فبراير 2012 بواسطة ابراهيم عبد العزيز

[se_ Elsyed]

أحلى وأدق وصف قرأته لما حدث في جلسة برلمان اليوم كان من شخصين :

1- بلال فضل في اخر تويته له حيث قال : أداء برلماني يليق بمقتل 76 فرخه وليس 76 إنسانا في ريعان الشباب .. حضر المتدينون في هذا البرلمان وغابت أهم قيم الدين وهي كلمة حق عند السلطان الجائر.

الله عليك .. بالفعل الكل بيلف ويدرو إلا من رحم ربي وعرفناهم مين .. وما بيجيبوش سيرة الالهة المقدسة في المجلس العسكري .. وكأن المجلس مش هو اللي عين العيسوي ولا هو اللي عين بعده محمد إبراهيم او هو اللي عين شرف ومن بعده الجنزوري ... والوضع بيزداد سوءاً وعداد الشهداء والضحايا بيعد ...

فاخواننا بتوع قال الله وقال الرسول منتظرين لجنة حقائق تيجي تقول لهم إن فعلاً في مدبحة حصلت .. وفعلاً في تقصير في الامن .. وفعلاً في تعامل هزيل من جميع المسئولين .. وفعلاً كلمة المشير أمبارح الهزيلة وضحت وأكدت من هو السلطان الجائر ..

ومع ذلك الاغلبية تخاف من الفراغ الامني والفوضى لا حول ولا قوة إلا بالله

الكلمة الثانية ... عند رفع الجلسة ونهايتها .. مش عارف الميكرفون كان مفتوح أمام مين من الأعضاء وقال باعلى صوت : تاني .... تاني ... تاني هانرجع رنضرب في البردعه ونسيب الحمار وإحنا عارفينه ؟

[hanzalah]

يا اخي برلمان الثورة ذو الاغلبية الاسلامية تشعر انه في دولة غير دولة مصر

لايشعر بغليان الناس ولا بأوجاعها

انا خايف يكون الحزب الوطني ومركب دقن

برلمان تافه وهزيل وكلام معاد مكرر

وبصراحه الوحيد الذي يشفي الغليل هو الصاوي

الباقي بيحسس

وكمان مش تحسيس عميان

كنا نقول معذور

:closedeyes:

[se_ Elsyed]

ألبس يا معلم جنزوري ياللي بتخرف

أنا كتبت الكلام ده العصر وقولت اي إقالة أو تدخل في شئون إتحاد الكرة هايعرضنا لبلاوي نحن لن نتحملها

وماحدش يقول لي تغور الكرة في داهية .. أنا باتكلم حتى عن المستقبل وعن قطاع يعمل فيها ملايين ...

حتى لما نغضب .. لازم نغضب صح عشان ما يبقاش موت وخراب ديار

قرر مجلس إدارة اتحاد الكرة برئاسة سمير زاهر تقديم شكوى للاتحاد الدولى "الفيفا" ضد قرار الدكتور كمال الجنزورى رئيس مجلس الوزراء بإقالة مجلس الإدارة اليوم بعد أحداث مباراة المصرى والأهلى.

علم "اليوم السابع" أن زاهر أجرى اتصالات مكثفة عقب إعلان القرار بجميع أعضاء المجلس، واتفقوا على تصعيد الأمر للاتحاد الدولى، على اعتبار أن الفيفا يمنع أى تدخل حكومى فى شئون الاتحادات الرياضية.

وقرار الفيفا هايبقى في ثواني ويوقف كل الأندية والمنتخبات المصرية لحين تعديل القرار

وبالتالي كان المفروض البيه الجنزوري يججيب بتوع إتحاد الكرة ويعلقهم من رجليهم ويحطم في السجن لحد ما يقدموا إستقالتهم بالتراضي ....

[طبيبة بالخارج]

في حدود ما أعرفه من صلاحيات مجلس الشعب فنعم راضية حتى الآن عما كان من المجلس و في انتظار نتائج لجنة تقصي الحقائق

1- كيف نطلب من مجلس الشعب سؤال افراد المجلس العسكري و أصلا قانونا ليس مسموح له طلب مسائلة رئيس الجمهورية و آخره رئيس الوزراء؟

2- كيف نطلب منه سحب الثقة من الحكومة الحالية و نحن لا نملك أدلة دامغة ضدها و بعدين نجيب منين في الوقت الضيق ده وزراء جدد و لا هي سمك لبن تمر هندي؟ سهل كده نشيل حكومة و نحط غيرها و ندخل انتخابات و الاقتصاد واقع و الأمن واقع و الدنيا خربانة و بعدين حكومة من داخل مجلس الشعب حتعجب اللي أصلا رافضين المجلس من أساسه؟ لا أظن.

3- كيف نطلب منه مطالبة المجلس العسكري بترك السلطة فورا؟ هل يملك شرطة او جيش عشان يجبروا المجلس العسكري بالتنحي؟ هل يملك سلطة شعبية ثورية (كافية) لإجبار المجلس العسكري بترك السلطة؟ و ماذا لو طالب العسكري بذلك و لم يستجب هل يعتصم داخل قبة البرلمان و بعدين؟ كده يبقى مجلس شعب الثورة اتحرق و فقد شعرة معاوية بينه و بين العسكري

اللي بيحصل طبعا مؤامرة ضد شعب مصر و خيانة عظمى و المحاكمات العسكرية مطلوبة الآن لكل المتهمين و أولهم حسني مبارك و أرجو من المجلس العسكري القيام بذلك بسرعة

[أسد]

أعضاء مجلس الشعب

مبتدئين

لا يليقون بتمثيل شعب قام بثورة عظيمة ضد طاغية كبير

[aimen]

انا غير موافق ولم يشف ذلك غليلي ولا يبرد ناري على الدم اللي سال كالبحور

وزاد الطين بله رد الفعل البارد المتلج من المجلس العسكري وزودها التشنج بتاع الأخ اللي ما غيرش هدومه من أمبارح .. او وزير الداخلية اللي وصل المجلس .. ولحد أخر الجلسة لم يتم الإستماع إليه ولا سؤالة عما حدث ... طب كان جاي ليه أساساً ؟؟؟؟؟؟؟؟؟؟؟؟؟

بجد وزير الداخلية محدش استمع اليه ولا استجوبه زى ما كان متوقع

تخيل ان حسين ابراهيم اللى هو زعيم الأغلبية بيقول دى حاجه تاريخية لأول مرة يتم استجواب وزير امام البرلمان - الكلام ده قاله على الجزيرة مباشر

من النهاية سينما اونطة

[bodi]

انا فتحت موضوع من حوالي اسبوعين كنت بتسأل فيه هل هناك فرق بين الاخوان و الحزب الوطني

كان راي ان الفرق هو ان اعضاء الاخوان في البرلمان قد يكونوا انظف يدا من الحزب الوطني

لكن كل نواقص الوطني موجودة في الاخوان و اهمهم الانتهازية

اليوم اثبت الاخوان و بعض المنسبين لحزب النور انهم مثلهم مثل نواب الوطني

البداية كانت من الكتاتني هذا الشخص الذي لا يليق ان يكون استاذ جامعة فاذا به يدير برلمان مصر

هذا الشخص يشخط و ينطر في النواب المعارضين لرايه و كانه يتلبس دور فتحي سرور و هو من يومين كان جالس امام طنطاوي زي الطالب اللي الخايب

الظريف انه ما كنش عايز يذيع الجلسات ليه طبعا علشان ما يحرجش ولي نعمته طنطاوي

اتوقع ان الشعب مستني البرلمان هيعمل ايه ولو لم تكن قرارته علي المستوي المطلوب فيتصرف الشعب بنفسه

سؤال الي مشجعين الاخوان في المنتدي بذمتكم نواب الاخوان دول ناس محترمين. يرضيوكوا ان مصطفي النجار و محمد ابو حامد و الصاوي المحسوبين علي التيار الليبرالي يكون اكثر اتساقا مع صحيح الدين من اقامة العدالة و الوقوف في وجه الحاكم الظالم

[وطني حر]

أعضاء مجلس الشعب

مبتدئين

لا يليقون بتمثيل شعب قام بثورة عظيمة ضد طاغية كبير

الشعب اختارهـــــــــــم . ولا اضن العيب فيهم ؟ . ؟

لكن الامــر يحتاج الي اعاده النقاش مره اخري من قبل اعضاء المجلس . .. فالجلسات اللاحقــه تبحث باقي الملفات .. وكان من الاولي سؤال وزير الداخليه عن الاحداث السابقه ما ذا تم بشان مرتكبيها . او تحديد يوم اخـــر الاسبوع القادم للاطلاع علي ما حدث من تطورات في الجريمــــــــــــــه . وان لا يكتفي بهذه الجلســه

[محمد عبدالعزيز]

الكلمة الثانية ... عند رفع الجلسة ونهايتها .. مش عارف الميكرفون كان مفتوح أمام مين من الأعضاء وقال باعلى صوت : تاني .... تاني ... تاني هانرجع رنضرب في البردعه ونسيب الحمار وإحنا عارفينه ؟

ده كان مصطفى الجندى نائب الثورة مستمرة, والمنسق بتاع الدبلوماسية الشعبية اللى كانوا بيروحوا دول أفريقيا عشان مشكلة المياه.

الراجل امبارح مع هالة سرحان كان متخوف من اللى حصل النهارده.

شوف بقى ممدوح إسماعيل من الجماعة الإسلامية قال إيه

أعرب عن عدم رضائي عن جلسة اليوم و أبدي قلقي من ظهور إتفاق بين حزب النور و الحرية والعدالة علي تقسيم الأدوار حيث تأخرت الجلسة ساعتين بدون مبرر واضح

وتم توزيع كلمات محددة بين الحزبين و أعطيت الكلمة لباقي النواب بأسلوب انتقائي و لم تعطي لي الكلمة بالرغم من أني من أوائل الذين تقدموا بطلب الكلمة

كما أنه كان هناك قرار بعدم إذاعة الجلسة لولا اعتراضي وبعض النواب وربما هذا السبب في عدم إعطائي الكلمة

كان الأمل ان يكون المجلس ثورياً و لكنه يبدو نمطياً || النائب ممدوح اسماعيل

واضح إنه مش فارق كتير عن المجالس بتاعة مبارك.

[ام سلمي]

اعتقد انه مبدئيا مرضي الي ان نري تقرير لجنة تقصي الحقائق،

واسبوع ليس بالكثير بالنسبة للشهور الطويلة للجان تقصي الحقائق السابقة واللي في

نهايتها ما بنعرفش مين المسئول

لان مش معقول اتهام اي حد من غير دليل

وبالنسبة لوزير الداخلية كان نفسي اسمع رده ، لكن اعتقد انهم لم يسمحوا له بالكلام لان المجلس بالفعل وافق علي اعتباره متهم وحيتحقق معاه

وبالنسبة للامن فقد تم فعلا اقالة مدير الامن ومحافظ بورسعيد بقرار الجنزوري

اما بالنسبة للمجلس العسكري ، فطبعا في احتمال كبير يكون متورط ، لكن ده اللي المفروض لجنة تقصي الحقائق تثبته

وما ننساش برضه ان مصر فيها اعداء كتير حاليا ممكن يكونوا هما المحرضين

من اول انصار مبارك ، والحزب الوطني ، و الامن ، وايضا رؤساء العصابات اللي اتقبض علي كتير من افرادها الفترة اللي فاتت ،

و امريكا مثلا خاصة بعد الخلافات بينها وبين مصر بسبب منع امريكان من السفر وموضوع تفتيش المنظمات الامريكية في مصر ،

وبعض رجال العمال اللي خايفين علي مصالحهم ، وبعض اعداء البرلمان اللي مش مقتنعين بشرعيته وعايزين يثبتوا فشله وخاصة ان احنا شفنا في الجلسة

السابقة الكتاتني وهو بيقر ان في نواب من داخل البرلمان حتي اهانوا اعضاء البرلمان وقالوا كلام فيه تهييج للمتظاهرين اللي كانوا معتصمين عند

البرلمان ، وده يعد مخالف للوائح لكن هو تغاضي عنها

واخيرا انا عندي ثقة في البرلمان وده نابع من ثقتي في ال 27 مليون مصري اللي ادوه اصواتهم ، واعتقد انهم حيتصرفوا التصرف الصحيح باذن الله

تم تعديل 2 فبراير 2012 بواسطة ام سلمي

[se_ Elsyed]

عيب ... دده الفاكس مالحقش يوصل إلا وجه رد الفيفا على التخبط بتاع الجنزوري

في بيان رسمي.. الفيفا يدعم اتحاد الكرة ضد قرار الجنزوري

[eslam elmasre]

عيب ... دده الفاكس مالحقش يوصل إلا وجه رد الفيفا على التخبط بتاع الجنزوري

في بيان رسمي.. الفيفا يدعم اتحاد الكرة ضد قرار الجنزوري

ما يلغو كرة القدم ولا حتى تتحرق

رياضة ايه دي اللي بسببها اتنحر 74 شاب من خيرة شبابنا

انا كرهت كرة القدم خلاص ويا ريت توقع علينا عقوبات يتمنع اي نادي من اي لقاءات دولية ولا تقولي ناس بتاكل عيش على جثث المصريين

كمان كام سنة كده وعليك خير لما نقدر نحمي متفرجين في ماتش كورة يبقة نفكر ساعتها اننا نعيدها تاني

[hanzalah]

برغم ان الصورة قديمة

لكنها توضح في بلاغة

حال برلمان الثورة مع النظام الذي ثار الشعب المصري عليه و أسقطه وسيظل ثائر عليه برغم المذابح

لان مثل هذا ليس لديه الشجاعة ان يموت من أجل ما يؤمن به لانه لا يؤمن بشيء

[raouf]

عندى سؤال ومحتاج اجابة

هل المجلس العسكرى بالغباء انه يعمل حركة زى كده ويهيج الناس زيادة ؟

طيب هل ما يحدث فى محمد محمود الان وللمرة الثانية وسقوط وفيات وجرحى الان سببها المجلس العسكرى ؟

يعنى هو مثلا بيدفع لناس تروح تانى محمد محمود وتعيد نفس الحركة علشان يضربها هناك

يا شباب محدش عايز خكم العسكر وباقولها معاكم يسقط يسقط حكم العسكر ولكن مش بالظريقة اللى الناس عايزينها

هو لو الناس بطلت مظاهرات هيبقى ايه حجة المجلس ؟

ازاى هيقتل ولا يسجن ولا يعمل اى حاجة

احنا بندى ليه فرصة ويطلع لسانه كمان

احنا بندى البلد على طبق من ذهب لكلاب مبارك

ادينا بنضيع جلسات هامة فى ايام هامة فى مجلس الشعب فى قضية كان يمكن تلافيها ويمكن الا تكون موجودة بالاساس

اليس اولى بهذا الوقت مناقشة قضية الشهداء او لجنة اعداد الدستور او غيرها

والله احنا اللى بنضيع نفسنا ويندى المجلس والفلول فرصة يصفونا ويلعبوا بينا

تم تعديل 2 فبراير 2012 بواسطة raouf