دعوة للقاء حشيش و سى السيد معا !!

[عادل أبوزيد]

الأفاضل

تسكننى الكآبة منذ مدة و ألوم نفسى لو أمضيت بعض الوقت أمام التليفزيون فى موضوع "هايف"

ما سبق كان إستهلالا لابد منه

اليوم تصفحت أحد الموضوعات فى باب دعوة للإبتسام و الموضوع بقلم حشيش و أظنه - تقريبا - عبدالله النديم الحديث و قد ينازعه فى هذا اللقب سى السيد.

بصدق و أكرر بصدق لقد ضحكت من الأعماق و كان الضحك مغموسا بلمسة من شيء لاذع ... لاذع

أدعو الجميع و خاصة الفاضل إخناتون لتصفح باب دعوة للإبتسام

و إعتراف من جانبى هذا إعلان غير مدفوع الأجر على مسئوليتى الشخصية.

[yasovinas]

والله يا اخ عادل هذان الرجلان ليس لهما شبيه

مش عارف ممكن يكون في انسان بكل خفة الدم وكل هذا الخيال الواسع اللازع

كلامهم كبير ويوجع فعلا مش كلام خفيف ولا تهريج ده نقد سياسي لازع جدا ربنا يستر عليهم

[se_ Elsyed]

والله يا جماعة ده شرف كبير لي ... وعلى فكرة أنا اعرف ناس كثي هنا يمتلكوا مواهب نقدية وكوميدية كبيرة بس للأسف ما بيعبروش عنها .. وده اللي عامل فرق .. ناس بتكتب اللي بتحسه .. وناس بتكسل وبتكتم في قلبها .

[Lighthouse]

والله يا جماعة ده شرف كبير لي ... وعلى فكرة أنا اعرف ناس كثي هنا يمتلكوا مواهب نقدية وكوميدية كبيرة بس للأسف ما بيعبروش عنها .. وده اللي عامل فرق .. ناس بتكتب اللي بتحسه .. وناس بتكسل وبتكتم في قلبها .

وممكن برضه ياس س يكونوا مش عايزين مداخلاتهم تتحذف

:blink:

[حشيش]

أستاذى الفاضل عادل أبو زيد....الأخ العزيز ياسوفينس

لا أجد الكلمات التى أعبر بها عن شكرى وامتنانى لكما على هذه الكلمات التى أعطتنى أكثر مما أستحق....كلمة شكر وعرفان أقدمها أيضاً لجميع الأخوة والأخوات الذين أمتعونا بتعليقاتهم وتشجيعهم على موضوع (يوميات مشرف فى المنتدى) بباب دعوة للإبتسام الذى شاركنى فيه أخى ورفيق دربى خفيف الظل سى السيد (طيب الله ثراه) mc:...أود أيضاً أن أتوجه بالشكر والإمتنان إلى جميع السادة المشرفين على سعة صدرهم وتقبلهم للنقد حتى ولو كان لاذعاً بعض الشئ وعدم التدخل بالحذف أو التعديل فيه بأى شكل من الأشكال ....تحياتى لكم جميعاً :huh: mfb: mf-:

حشيش

أديب ومفكر :blink:

[عم الطيب]

حشيش اوعى تكون لسه زعلان

[حشيش]

حشيش  اوعى تكون لسه زعلان

ربنا ما يجيب زعل ياعم الطيب ياعسل :blink:

[yasovinas]

[حشيش

أديب ومفكر   

اديب وفهمناها

مفكر دي جت لك من ايه

لاحول الله كان طيب وابن حلال

فجاه كده يفكر

بص اتفرج على مسلسل امراءة من نار والتاني بتاع الوليه فنانة المهابيل وانت تبقى كويس ويروح منك الفكر ده

[se_ Elsyed]

وممكن برضه ياس س يكونوا مش عايزين مداخلاتهم تتحذف

mfb:

وإيه اللي هايخليها تتحذف يا ميس لايت ؟

طب ماهو حشيش ساعات بيكتب حاجات زي الدبش وسط الحاجت الحلوه ... فبنقوم شايلين الدبش وسايبين الحاجت الحلوه حفاظاً على روحه وحياتهم

إكتبي إنت بس وبعدين نقرر الكلام هايتحذف ولا لأ ... وممكن يا ستي تبعتيلي الحاجات اللي عايزه تنشريها ( كلام ، غسيل ، ملايات سرير ) وأعملها فلترايزيشن وبعدين ندخلها على الدراي كلين .

[yasovinas]

[) وأعملها فلترايزيشن وبعدين ندخلها على الدراي كلين .

يا سلااااام والله العلم برضة حلو شايفين الكلام الكبير فلترالللل ايه اسمها ايه

امال راجل مشرف كبير

ربنا يبعد عنك العين والحسد يا سي السيد

[Modest]

كان لي شرف لقاء س س على الطبيعة لكن يا خسارة الوقت مَر بسرعة و أتمنى اشوفه تاني و تالت و رابع و إلخ إلخ إلخ ... علشان ما شبعتش منه

و دلوقتي نفسي قبل ما أموت أشوف أديبنا الفذ حشيش ... أوعى تموتني و نفسي في حاجة يا حشيش

[Farida]

فعلا لفته جميله من الأستاذ عادل ابو زيد و الله انه يفتح الموضوع ده فعلا حشيش الأديب و الفنان و سى السيد دمهم خفيف و بيشيلوا هموم كتير من ع الواحد ربنا يسعدهم دايما بس برضه عايزة اذكر بالخير سكوربيون برضه روحه مرحه و اسلوبه جميل هو و ابن مصر و خصوصا فى عصابة حساس ...انا متأكده ان معظم المصريين عندهم روح الفكاهه و المرح بس الله يجازى اللى غم نفسنا و جاب لنا الأكتئاب

[yasovinas]

امين يا فريده

قولي ورايا امين

بلاش انت ياعوف قول لا مش امين

[se_ Elsyed]

برضه عايزة اذكر بالخير سكوربيون برضه روحه مرحه و اسلوبه جميل هو و ابن مصر و خصوصا فى عصابة حساس ...انا متأكده ان معظم المصريين عندهم روح الفكاهه و المرح بس الله يجازى اللى غم نفسنا و جاب لنا الأكتئاب

والله إنت بنت حلال يا دكتورة فريده ... تصدقي بالله .. إنا لما قريت موضوع فيروز بتاع بشارة وكيم اللي كانت بتقول فيه " الكلام إليك يا جارة " عن كيلو اللحمة أبو 700 ج في إيطاليا .. راح وحل التأليف نازل على دماغي وروحت رازع قصة مالهاش حل من سلسلة مغامرات عصابة حساس وسمتها " عصابة الحمير " ..

ما حدش يفهمني غلط .. الحمير مش اعضاء العصابة ... لأ دول يعني تخصص سرقة حمير ..

لكن للأسف جت أحداث العراق وفلسطين المتلاحقة وروحت مقطع القصة وضربت كرسي في الكلوب وقعدت اعيط ...