أرجو الأفاده في موضوع مهم

[معتصم]

السلام عليكم بصراحه مكنتش عارف اروح فين وقلت أكيد إللي هتفيدوني في شركه إسمها شركه المعادي وده عنوانها / 1/7 تقاطع شارع النصر مع شارع اللاسلكي عماره مؤمن - المعادي -القاهره

بصراحه أنا مقبل علي شراء فيلا منها ودفعت المقدم طبعاً بعد ما سألت عنها والناس شكرت فيها وإنهارده روحت الموقع إللي فيه الفيلا الحارس قاللي إنهم ناس نصابين المهم أنا أتمني إني يكون حد فيكوا عارف الشركه دي فياريت ميبخلش علينا بمعلومه عنها عشان أنا والله محتار وخياف يكون إتنصب عليا ولكم جزيل الشكر :unsure:

[معتصم]

ايه يا جماعه مفيش اي رد خالص

[ramy basha]

انا ماعرفش حاجة عنها لكن لو حضرتك عايز تشتري فيلا ممكن تروح لشركات كبري ودي اعلاناتها مالية الجرايد عموما حاول ماتدفعش حاجة تانية غير لما تتأكد من أوراق ملكية الشركة والتزامها بالجدول الزمني ولو حسيت ان فيه اخلال وعدم مصداقيه اسحب فلوسك ومش شرط تصدق كل واحد لأن الحارس ممكن يكون عامل مشكلة علي راتب او اي مشكلة مع الشركة وبيطفش منها الناس ، أما وجهة نظري الشخصية أن الشقق تشتري من خلال الشركات أما الفيلل تشتري ارض وتبنيها احسنلك ودي وجهة نظري لكن عموما ماتقلقش وتصرف بهدوء وابحث عن مستندات الملكية ده حقك .

[خالد التهامى]

لا تشترى

انا ساكن فى المعادى واعرف غالبية الشركات التى تقوم بتجميع مقدمات الحجز من اكثر من شارى للوحدة لقلة السيولة لديها

بسعر رخيص نوعا ما عن السوق ثم تقوم بالبناء بعد مدة طويلة وتقوم بالبيع بالسعر النقدى السارى فى هذا الوقت

وتقوم برد المقدمات التى حصلت عليها من الاخرين على دفعات كثيرة

بعض من الشركات ليست مالكة للارض او تقوم بالتسويق نيابة عن الغير

انصحك بعدم الشراء

[معتصم]

انا ماعرفش حاجة عنها لكن لو حضرتك عايز تشتري فيلا ممكن تروح لشركات كبري ودي اعلاناتها مالية الجرايد عموما حاول ماتدفعش حاجة تانية غير لما تتأكد من أوراق ملكية الشركة والتزامها بالجدول الزمني ولو حسيت ان فيه اخلال وعدم مصداقيه اسحب فلوسك ومش شرط تصدق كل واحد لأن الحارس ممكن يكون عامل مشكلة علي راتب او اي مشكلة مع الشركة وبيطفش منها الناس ، أما وجهة نظري الشخصية أن الشقق تشتري من خلال الشركات أما الفيلل تشتري ارض وتبنيها احسنلك ودي وجهة نظري لكن عموما ماتقلقش وتصرف بهدوء وابحث عن مستندات الملكية ده حقك .

أشكرك أخي علي ردك أنا فعلاً هروح لشركه معروفه يبقي أحسن لي

[معتصم]

لا تشترى

انا ساكن فى المعادى واعرف غالبية الشركات التى تقوم بتجميع مقدمات الحجز من اكثر من شارى للوحدة لقلة السيولة لديها

بسعر رخيص نوعا ما عن السوق ثم تقوم بالبناء بعد مدة طويلة وتقوم بالبيع بالسعر النقدى السارى فى هذا الوقت

وتقوم برد المقدمات التى حصلت عليها من الاخرين على دفعات كثيرة

بعض من الشركات ليست مالكة للارض او تقوم بالتسويق نيابة عن الغير

انصحك بعدم الشراء

شكراً جداً يا أستاذ خالد وكويس إنك قلت لي فعلاً الشركه دي بقالها أكتر من سنتين بتبني في فيها حسب ما الحارس قاللي وكمان أنا كنت باشوفها علي طول والمشكله كمان إني لما إتصلت برقم الشركه إللي محطوط علي اليافطه قالولي إن دي شركه الأسراء ومقرها في الدقي وقالوا لي علي رقم الرخصه هو هو إللي علي اليافطه وإللي معاي في صوره رخصه البناء هحاول أسحب الفلوس ويارب ميكونش في مشاكل وأكرر شكري مرة أخري