هل ستتغير الخريطة السياسية لمصر يوم 11 فبراير ؟

[se_ Elsyed]

لم يعد لدي أدنى شك في إن أي نظام غبي هو من يلف الحبل حول رقبته بدون أن يدري .. لإنه ببساطة " غبي "

فبعد مجرزة بورسعد المسئول عنها مسئولية مباشرة وحصرية المجلس العسكري .... ستكون هي بمثابة قاصمة الظهر له بإذن الله كما كانت موقعة الجمل قاصمة الظهر لمبارك اللي قبلها بيوم تباكى ملايين المصريين الطيبين بطبعهم وقالوا : حرام عليكم ما تسيبوه 6 شهور يسلم السلطة ويموت في مصر ....

ولن أنسى منظر زوجتي وهي تشاهدني أكتب على اللاب توب بمنتهى العصبية وأحذر من كلام الثعبان وارفض ان يجلس في الكرسي ولو لحظة واحده وهي تبكي وتقول لي : حرام عليك .. ده راجل كبير سيبوه بقى وبطلوا خراب في مصر وقول للناس تروح وكلها لحد شهر 8 .... وكأني حابس الناس في عشه ولما اقول لهم روحوا هايروحوا .....

فأجبتها في كلمتين : لو سيبناه يوم واحد ... هايعلقنا كلنا في السقف .. وإنتي عارفه أنا صاحب عيا وما أستحملش ....

وقد كان .... فغباءة وغباء عصابته أورده مورد التهلكة بعد أقل من 24 ساعة وحدث ما حدث في موقعة الجحش ...

كذلك يفعل المجلس العسكري اللي فاكر إنه يقدر يكسر روح الثورة في الشباب .. وفاكر إنه لما يحوط نفسه ببعض العجائز ماركة " صُنع عند مبارك " فاكر إنه هايخوفنا بالمدابح اللي بيعلمها في ماسبير ومحمد محمود ومجلس الوزرا او في بورسعيد ....

ولأنه غبي .. فهو لا يعلم إن الجيل ده عنيد ودماغة زي ضخور الجرانيت ... وإن الجيل ده منظر الدم بيخليه أكثر إصراراً على تحقيق اهدافه وأحلامه بمجتمع محترم ( عيش .. حرية .. عدالة إجتماعية )

وهو جيل مالوش في دهاليز السياسة .. وشيلني وأشيلك .. او إديني كرسي وأظبطك يا مُرسي ......

وهو جيل لا يقبل بمبدأ " الخروج الأمن " .. لان يا سادة ... من يطلب اليوم الخروج الامن ... فغداً سيطلب " البقاء الأمن " يعني أقعد ويبقى لي وضع أمن ونصيب في السبوبة ...

وبالتالي من يومين ظهرت دعوات وأستجابات سريعة وبصراحة غير متوقعة من إتحاد طلاب كثير من جامعات مصر منها الحكومية والخاصة والمرتاحه قوي قوي بإضراب عام يوم 11 فبراير في ذكرى تحطيم الصنم وسيستمر الإضراب والعصيان المدني حتى يتم تسليم السلطة فعلياً إلى سلطة منتخبة محترمة ....

اما عن مخاوف العو وإنه ممكن يخرب البلد ويسلمها لنا نار وجمر .... فلن يحدث بإذن الله لأن مصر أكبر من 19 حرامي ....

وشباب مصر الصغير ده ومنهم اللي دبحوه في بورسعيد قادر بأصابعه وبصدوره العارية إنه يقابل دبابات أي معتدي على هذا الوطن .. وأنا عارف أنا بأقول إيه ...

فهو ده نفس الشباب اللي لم ترهبة الطلعات الجوية على إرتفاع منخفض لما كانوا في التحرير بينادوا بتحطيم الصنم

وهو نفسه اللي نام تحت جنازير الدبابات اللي حاولت تدخل تفضي الميدان

وهو اللي بيرمي نفسه على فنابل الغاز والرصاص المطاطي والخرطوش وبيكتب وصيتة قبلها ...

[ابراهيم عبد العزيز]

أتوقع أن الدعوة للإضراب العام يوم 11 فبراير ستنجح نجاح كبير جدا

وستشكل عامل ضغط قوي جدا على المجلس العسكري

وبإذن الله هذا الأسلوب السلمي للضغط سيشكل نقطة تحول في سير الأحداث

وكما صنع الشباب الحدث طوال الأشهر الماضية بأفكارهم المبدعة والمتجددة

فهم من سيصنعون الحدث يوم 11 فبراير بهذه الدعوة إن شاء الله

[ذهبية]

انا مع اى طريقة للتعبير السلمى

هنقول لا باعلى صوتنا لا كفاية كدة

عدت سنة و الشباب اللى بيدفع التمن لوحدة

عدت سنة و الخسائر لم تتوقف لحظة

كفاية عليكم كدةةةة

لقد نفذ رصيدكم

لو عندكم دم علشان حافظوا على اخر نقطة احترام ليكم امشوا

عايزة اشوف فى مصر راجل راجل يطلع يتكلم بصوت عالى

البيت عايز راجل

البيت عايز راجل بجد

[عطر الجنة]

البلد لن تهدأ الا باعدام عصابة الخمسة

1 - مبارك

2 - العادلى

3 - احمد عز

4 - زكريا عزمى

5 - صفوت الشريف

بعدها الفئران ستدخل الجحور

[نوران]

طلاب الأكاديمية البحرية يعلنون الإضراب يوم ١١ فبراير

http://www.almogaz.com/politics/news/2012/02/4/177266

تم تعديل 5 فبراير 2012 بواسطة نوران

[نوران]

جامعات مصرية تعلن الإضراب يوم 11 فبراير

تم تعديل 5 فبراير 2012 بواسطة نوران

[نوران]

اتحاد طلاب جامعة العاشر يعلن الإضراب

[نوران]

طلاب مودرن أكاديمي يعلنون الإضراب

تم تعديل 5 فبراير 2012 بواسطة نوران

[نوران]

[نوران]

طلاب جامعة دمنهور يرفعون راية العصيان المدني

[نوران]

بيان جامعة (العلوم الحديثة والآداب) بمدينة 6 أكتوبر.. ينعي فيه طلاب الجامعة شهداء الحركة الطلابية المصرية ويعلنون الإنضمام للإضراب المفتوح من 11 فبراير لحين تحقيق كامل أهداف الثورة

[نوران]

اتحاد طلاب جامعة القاهرة يعلن الإضراب العام ١١ فبراير والاعتصام حتى رحيل العسكري

[نوران]

اضراب طلاب جامعة الإسكندرية

تم تعديل 5 فبراير 2012 بواسطة نوران

[نوران]

ومدينة الثقافة والعلوم

[نوران]

اتحاد طلاب طب طنطا يعلن انضمامه للإضراب العام

تم تعديل 5 فبراير 2012 بواسطة نوران

[نوران]

[نوران]

بيان طلاب جامعة الأهرام الكندية

[نوران]

وكلية التجارة عين شمس

http://www.facebook.com/#!/events/375271175833269/

تم تعديل 5 فبراير 2012 بواسطة نوران

[نوران]

اتحاد طلاب كليه هندسة البترول والتعدين يعلن الإضراب العام بدءاً من 11 فبراير

[م تيمور المراغي]

اتوقع ليلة 11 فبراير ستصدر قرارات مصيريه

ان شاء الله ,,