عاجل : وزير الداخلية يُقر توزيع عصابة طُره على 5 سجون مختلفة

[se_ Elsyed]

وعندك كمان قفا يا معلم

والله ما عارف قفانا هايستحمل إيه ولا إيه

فبعد الفيلا الدوبلكس اللي أخدها جمال وعلاء تمليك في طره

هههههههههههههه

صرحت وزارة الداخلية إن زكريا عزمي وصفوت اللاشريف وفتحي سرور لن يتم نقلهم من سجن مزرعة طره عشان صحتهم ما تسمحش ولا سنهم يسمح

أه وكتاب الله

فيا ترى يا هل ترى لو عملنا مسح عُمري للمساجين اللي في مصر .. هانلاقي برضوا بيتعاملوا لحنية كده ؟

أسيبكم تفكروا وتصبحوا على خير

[محمد حامد الغنام]

اكثر شئ يعجبنى هنا فى المحاورات فى المناقشات

هو كثرة خيال الأعضاء الذى فاق الوصف

[hanzalah]

على سيرة سنهم ميسمحشي يا استاذ احمد

انتشرت مقوله على النت مفادها التالي

بعد شهرين سيتم الحرامي المخلوع 85 عام من الاستبداد

وعند بلوغه هذه السن لا يمكن الحكم عليه بالاعدام بنص القانون

هل من تأصيل لتلك المعلومة لنعرف لماذا التسويف الجبار والموت عليه من جهات بعينها

---------------------------------------------

وفيه قفا جديد

لما انتشر الكلام عن استبعاد النائب العام لانه السبب في بوظان اوراق القضايا امام المحاكم

كما امات وحفظ في درجة مئات البلاغات التي لم يفتح فيها تحقيق اصلا

خرج علينا رجال القانون بالمعلومة التالية

النائب العام لايمكن عزله من منصبه

حتى رئيس الجمهورية لايعزله

هو ممكن يتنحى فقط ويقول اشعر بالحرج

لو عايز يروح الحمام يعني

لكن لو اجتمع عليه من بأقطارها لايزحزحوه من كرسيه وكله بالقانون يامعلم

والف مبروك للعروسين

طب برلمان التشريع ساكت عن قوانين الخيبة دي ليه لغاية دلوقت

برضه مش عارف

[se_ Elsyed]

النائب العام لايمكن عزله من منصبه

على أساس إنه بيتعامل زي القضاة .. ففعلاً لا يُمكن عزل القاضي

[se_ Elsyed]

والله والله والله لن ينصلح حال مصر طول ما في ظلم وطول ما العدل غايب .. وطول ما بنسحل الفقير لو سرق عشان يا عيني فقير ولازم يتنفخ .. وبنكرم الغني المجرم والظابط بنفسه بيعمل له شاي وبيقول له : كام معلقه حضرتك ؟ والدنيا بتضرب له تعظيم سلام وبنقعده في مزرعة غناء مثمرة حيث ملاعب التنس والأسكواش والجاكوزي ...

بالامس فقط أيها السادة وبعد ما العملية ريحتها فاحت وبعد الضغوط من جميع الإتجاهات .. تم نقل المجرم احمد عز ومعه المجرم زهير جرانة اللي واخدين أحكام بالفعل في بعض القضايا المحسومة ومازالت هناك قضايا أخرى تتداولً .. تم نقلهم إلى سجن ليمان طُره حيث عنابر المحكوم عليهم مش عناير السجن الإحتياطي حيث الثلاث وجبات اللي بتيجي ساخنه يومياً من أفخر المطاعم .. ده بعد شهور من الاحكام اللي عليهم .. لكن عشان هما بشوات .. وعشان القائمين على الامر خونة وفاسدين ومن نفس الشلة الزبالة فكانوا عاملين لهم إستثناء ومخلينهم في سجن المزرعة حيث النعيم كله ..... واعتقد طبعاً أبو طويلة أحمد نظيف محكوم عليه وهو كمان في بعض القضايا ولابس أزرق زيهم ولازم يتنقل ... وده ماحصلش لحد دلوقت ...

وأول مره اسمع كلمة : مش هانقدر ننقل زكريا عزمي وصفوت الشريف وفتحي سرور عشان سنهم كبير .... قولوا والله ؟

بالمناسبة ... هل تعلموا غن زكريا عزمي بيدخل له في السجن بانتظام السيجار الكوبي الفاخر اللي ما يقدرش يستغنى عنه ؟

[hanzalah]

بما ان عم زكريا بيستمخ بالسيجار الكوبي في الزنزانه السبع نجوم

وبما ان الشعب المصري جرب بنبوني عم شفشق وجرب هولز عم سعد وبيدور على رئيس لبان دكر ومش لاقي

يظل الانتظار هو سيد الموقف بالنسبة لعموم شعب مصر

يبقى نعمل ايه

نمص قصب ونديها انتظار

[ام سلمي]

رصد| مجلس الشعب | عاجل | لجنة الصحة بالبرلمان توصي بنقل مبارك إلى مستشفي ليمان طرة

[mamdowh]

رصد| مجلس الشعب | عاجل | لجنة الصحة بالبرلمان توصي بنقل مبارك إلى مستشفي ليمان طرة

أما نشوف المسافة بين المستشفى اللى هو فيها وليمان طره ها تاخد أد إيه فى النقل. والا بالطياره برضو ... الرؤساء لا يمشون بل يطيرون ...... ياللا ماهو كله على حسابنا.... المهم يتنقل

[ام سلمي]

عضو اللجنة الصحية بيشرح التواطؤ علشان مبارك ما يتنقلش لطرة

http://www.youtube.com/watch?v=V9BA6lvhrbM&feature=youtu.be&a