(( بيـــعة بخـس ))

[أشرف محمد شلقامي]

(( بيعة بخس ))

ــــــــــــــــــــــــــ

*******

كتب التاريخ م اللي زيّك فيها ياما

من زمان ولحد ما تقوم القيامة

وانت بيه للبدلة لابس !!!

ولا وأنت بالعمامة

الأسامي والملامح أيوه ممكن تختلف !

الأماكن برضه ممكن تختلف !!!

لكّن قلبك مهما خبّي واستخبّي.....

سهل جداً يتعرف

لكن لسانك مهما صانك......

سهل جداً يعترف

سر السواد من قلب قلبك....

غصب عنّك .. .....

بان لوحده واتكشف

مهما كان الكره فيك لابس قناع الإبتسامة !!!

***

كتب التاريخ م اللي زيَّك فيها ياما

***

قبضت كام عشان تخون !؟

قبضت كام عشان تكون ....

ف إيده تبقي مرمطون !!!؟

وف خطه تبقي رقم مجون !!!

قبضت كام تمن الوساوس ف المدارس والظنون ؟ !!

ف المرايه بص شوف مكسوره عينك

دنية إيه اللي عشانها بعت دينك ؟!!!

جبت كام ف سوقه قولي عشان نجيبك ؟!

أو بكام شراك نجيبك ؟؟؟!!!

بيعة بخس وميت ندامة !!!

***

كتب التاريخ م اللي زيك فيها ياما !!!

***

الكام كتاب اللي قاريتهم

من هناك من قلب بيتهم !!!

عسل بسم وصنع سيدهم !!!!!!

عامل عبيط ؟! ..... لسَّاك بتفهم ؟؟؟!!!

المكان إيّاه يابيه !!!؟؟؟

كام عام قعدت عملت إيه ؟

أوصف لك إيه هناك كمان ؟

أوصف إيه علي الحيطان ؟!!!!!

أوصف لك إيه شكل العلامة ؟؟؟!!!

***

كتب التاريخ م اللي زيك فيها ياما !!!

***

لسه فرصة باقيه لسه

منها تحذف فيها تنسي

كل دقة ندل ناقصة

لسه فرصة باقية لسه

تاني ترجع يم بابه

تاني تقرا آيات كتابه

تاني تحيا بشهد ذكره

ولنبيك لو كنت فاكره !!!

ولخطا سيرة صحابه

سيرة مسك .. سيرة عطره

خير أمة .. أهل همّه .. أهل هامة