فى ظل الظروف الحالية ممكن تستثمر اموالك فى شقة ؟؟؟

[ذهبية]

اختلفنا انا و زوجى و حبيت اخد رايكم مين الصح و مين الغلط

من فترة بابحث عن شقة للاستثمار لكن لم يوفقنى الله لا ام لارتفاع الاسعار لا ام لعدم التوفيق

المهم بافتح معاة المووضع تانى لاقيتة رافض تمام

و قالى الظروف الحلية لا تسمح باى مغامرة فى الوقت الحالى البلد محدش عارف هى رايحة فين؟؟؟

كان ردى ان الوقت الحالى هو مناسب لان السوق نايم و ممكن تنزل فى السعر بسبب الظروف يعنى مووضع الظروف دة مش عيب ممكن يكون ميزة

لان لو استقرت الامور هتنلاقى العجلة دارت تانى و نرجع تانى فى ارتفاع الاسعار المتواصل

رد عليا قالى ارتفاع الاسعار او انخفضها ملوش علاقة بالاوضاع دى سياسية سوق

قولت لة بس فية تجار محتاجين سيولة حالية وعايزين يمشوا اللى فى ايديهم علشان يجروا عجلة التجارة بالذات انالاقبال انخفض جداا

ا

قالى بس محدش عارف مصر رايحة على فين

اية رايكم

ممكن تجازف فى ظروفنا الحلية انك تحط فلوسك فى شقة

ولا هتستنى لما الاوضاع الامنية و الاقتصادية تستقر

بس ياترى هتاخد وقت قد اية و هل بعدها مش هتندم انك ماسترتش فى الوقت دة

ارجو رايكم لانة يهمنى

[عبيد الله]

أختي الكريمة ذهبية

من وجهة نظري.. الوقت الحالي فرصة جيدة جداً لشراء عقارات في مصر، سواء شخصية أو استثمارية، لأسباب كثيرة

أهمها العروض الحالية في تسهيلات السداد غير المسبوقة وتخفيضات الأسعار الموجودة في أكثر من مكان.. وقبول غالبية أصحاب الشركات للتفاوض على السعر.. ابن عمي يعمل مدير تنفيذي في شركة عقارات شهيرة بمدينة زايد حكى لي ذلك، خصوصاً إقبال الشركات على التسهيل

شيء آخر يطمئنك.. أخو زوجتي يعمل معي في الإمارات.. نزل مصر منذ ثلاثة أسابيع تقريباً واشترى محل في مول شهير سيفتتح قريباً بنصف مليون جنيه بالتقسيط وفاوض على السعر وانتزع تخفيض بعشرات الآلاف... وحكى لي عما رآه من تهافت ناس كثيرة جداً على الشراء في مصر حالياً

المهم أختي الكريمة اختيار المكان المناسب للشراء بغرض الاستثمار.. فأحسن شقة مثلاً في الهرم ممكن يكون إيجارها في حدود 1000 جنيه، بينما شقة في أكتوبر قريب من الجامعة أو مدينة نصر ستكون أضعاف.. المهم اختيار المكان الصحيح والاستعانة بالله أولاً وأخيراً..

بالنسبة للوضع السياسي في مصر، فكل ما يحدث الآن مؤقت ولولا سوء الإدارة لما كان موجوداً. اطمئني فالمحروسة إلى استقرار وخير كبير بإذن الله

بالتوفيق

[raouf]

قاعدة واعرفيها

المميز لا يمكن ان ينزل سعره ابدا

وخدى مثال ازمة 2008

الناس بتقول فيه نزول لكن ما شاء الله شوفى التجمع كمثال

شوفى الزمالك والمهندسين والشقق اللى على النيل

زاد سعرها اضعاف

[عطر الجنة]

انا مع راى زوجك و معكى فى نفس الوقت

لكن تعالى نبحث فى الاسباب

اولا كلنا بلا استثناء فى وضع اقتصادى نخشى منه ... بمعنى ان نسبة كبيرة من العاملين فى القطاع الخاص اما خفضوا رواتبهم او فقدوه وظائفهم و انا عندى امثلة فى محيط المعارف و العائلة حتى موظفى الحكومة الله اعلم بما هو قادم لذا يجب ان تجنبى مبلغ يكون معكى لمصروف البيت لسنة قادمة و الباقى تتصرفى من خلاله

ليه لان طالما المعروض كتير و سبل التقسيط كثيرة و الامور ميسرة للشراء سيكون عملية اعادة البيع وقت الحاجة صعب

طبعا المتاح كثيرا جدا لكن ليس كما تتخيلى فى نسبة هبوط السعر فكل منطقة ليها رنج سعر لكن البيع اصبح بشروط يسيرة و اللى بيشترى و بياخد مميزات كثيرة فعلا هو اللى بيقدم مقدم كبير و ممكن كمان بيقلل فترة التقسيط لكن ده من الشركات و لكن ده ايضا بينعكس على وقت التسليم يعنى محدش بيستلم الا لما بيكون سدد 60 % على الاقل من تمن الشقة كمان عشان يبقى التخفيض فعلى و ليس كلام لابد ان تكون نسبة المنافع فى المسموح فلو فى المدن الجديدة فتكون على الاكثر 22 %

لان هنا فى المنتدى من عدة ايام عرض عليه اخ شقة بيستشرنى فى سعرها وجدت الرسم ملعوب فيه بالفوتوشوب و نسبة المنافع 40 %

و قبل الشراء لابد ان تحددى نوع الاستثمار لان على اساسه ستختارى الموقع الذى ستشترى فيه لان سعر تقديم اى خدمة من الخدمات فى الهرم مثلا غير تقديمها فى مصر الجديدة غير فى التجمع غير فى الشروق فمثلا الحضانات فى الشروق و التى تستاجر فيلا كاملة تاخذ عن الطفل حوالى 600 جنيه فى الشهر و لو عاوزة صور ليها موجود و بها مدرسين

فأحسن شقة مثلاً في الهرم ممكن يكون إيجارها في حدود 1000 جنيه، بينما شقة في أكتوبر قريب من الجامعة أو مدينة نصر ستكون أضعاف..

و اخى او اختى عبيد الله نسى لما اشار لتلك العبارة اختلاف سعر الشقة التى بالقرب من الجامعة فى اكتوبر او مدينة نصر عن سعر الشقة فى الهرم

فالمستاجر فاهم و عارف ان الشقة التى تمنها 100 الف ايجارها كام و هكذا و لا تنسى تمن تشطيب الشقة لان انتى بتستلمى نص تشطيب

تحياتى

[م تيمور المراغي]

اقترح شهادات المصرف المتحد الاسلاميه الاستثماريه

ارباحها حلال وتخطت 12% السنه اللي فاتت

راس المال مضمون والمخاطره زيرو

اللي عنده افكار تانيه ياريت يفيدنا بيها بس تكون مخاطره زيرو

http://213.212.212.245/wps/portal/!ut/p/c4/04_SB8K8xLLM9MSSzPy8xBz9CP0os3jvYEc3R09LYwMDSzNnA09nJxNvUz9TAwMDY_2CbEdFAON4xDg!/?WCM_PORTLET=PC_7_KSAFAI9308G010ISOKIET00070000000_WCM&WCM_GLOBAL_CONTEXT=/wps/wcm/connect/Web+Content/ARUB/arHome/arMediaCenter/arPressRelease/arshadat/

[hOuSsAm]

رايي الشخصى الوحدات السكنية سعرها مش هيتحرك كتير بعد استقرار الامور- ممكن اللى يتغير التسهيلات وان كان هيفضل فيه تسهيلات بردوا بس مثلا بدل سبع سنوات هتبقى خمس سنوات

اللى حصل سنة 2007 و 2008 مش بسبب آليات السوق - ده كله بسبب الاحتكار والفساد السياسى والاقتصادي عشان كدة من الصعوبة ان الاسعار ترجع للشكل البشع ده

---------------

الوحدات السكنية داخل المدن القديمة مستثناه من الكلام اللى فوق ده لانها مميزة زى ما رؤوف قال وليها حسابات تانية لكن كلامى ده بينطبق على المدن الجديدة

---------------

فيه حل وسط يرضيكى ويرضى زوجك انكوا تشتروا قطعة ارض - ملهاش علاقة بالاستقرار(فهمها يشطح خيالكوا وتسود الامور فى الاخر هى ارض ومسجلة باسمكواوسهل نسبيا تسيلها لفلوس فى اى وقت ) فهيرضى زوجك وكمان فرصة استثمارية كويسة هترضيكي (انصحك بمجموعة الاراضى الموجودة خلف جامعة المنصورة وحتى المحيطة بشركة المياه وما بعدها على طريق كايرو(انا عارف انها دلوقتى لسه بتقول يا هادى وفى بداية الطريق لحى سكنى جديد بس فى المستقبل هيبقى وضع تانى عشان ده التطور الطبيعى لازدحام المنصورة) - المنطقة دى موعودة جدا واسعارها متوقع تعلى بشكل جنونى الفترات القادمة وملهاش حل غير انها هتدخل كردون المدينة

لو مكنش الاوبشن ده متاح لارتفاع اسعارها المتوقع ممكن تتجهى لاراضى قرعة المدن الجديدة اللى بتنزلها وزارة الاسكان وبباقى الفلوس اللى معاكوا اشتروا دهب

-------------

رايي بردوا انك تبعدى عن الاستثمار فى الاوراق المالية سواء فلوس او شهادات استثمارية او ودائع عشان الجنيه بيتحرك كتير الفترة دى

تقبلى تحياتى وبالتوفيق باذن الله

[عبيد الله]

الناس تختلف في نظرتهم للأمور، وأنا لما نصحت بالمبادرة بالشراء الآن كان قصدي مصلحتك أولاً من خلال ما شاهدته وعايشته من تجارب أقرباء لي اشتروا خلال الأسابيع الماضية عقارات في مصر.. ولا يخفى على نظرك الكريم أنه ليس من ذاق كمن سمع..

بالنسبة للمميز فإنه مثله مثل أي شيء معروض في السوق، ينزل سعره أثناء الركود الاقتصادي أو الأزمات. وليس بدقيق أنه لا ينزل أبداً، وقد اشتريت شقة لي في كمباوند في مدينة نصر وأعرف ذلك جيداً.. ربما ما يثبت سعره يكون هو المباع فعلاً وأصحابه يرفضون الخسارة فيه، كما حدث في مشروع مدينتي مع البعض.

وإذا تحدثنا عن التجمع الخامس تحديداً، فالمثال الذي ذكرته في تعليقي السابق بخصوص شراء قريب لي محل في مول، فأوضح هنا أنه في التجمع الخامس وحصل على تخفيض بقيمة 3 آلاف جنيه للمتر الواحد، ولولا انخفاض المبيعات بسبب تردد الكثير من الناس حالياً في الشراء لما قدر على استغلال الفرصة وانتزاع هذه التخفيضات.. هذا المول من المولات العالمية التي سيفتتح قريباً في قلب التجمع الخامس..

لكل إنسان تفكيره، فمنهم من يفضل إيداع الفلوس في بنك والحصول على عائد/فائدة/مرابحة..الخ وتجنب أية مخاطر، ومنهم من يتوجس خيفة من أي خبر على الفضائيات، ومنهم من يحسبها صح ويأخذ بالأسباب ويتوكل على الله... لو كنت مكان زوجك لبادرت ونزلت مصر ودرت على المواقع التي أنوي الشراء فيها وأتخير ما يناسبني، ثم أفاصل بقدر الإمكان وأفاوض عارضاً أقل سعر مستغلاً الركود وتوفر آلاف الوحدات السكنية التي يتمنى أصحابها بيعها..

هذه وجهة نظري والله أعلم

[tareqazmi]

افضل اوقات الشراء هي اوقات الركود والازمات

هناخد تخفيض في السعر او على الاقل تسهيلات اكبر في فترة السداد او تخفيض مبلغ المقدم

ثانيا لو الشقة للسكن او للاستثمار طويل المدى لان كده كده الاسعار هاترتفع إن عاجلا او آجلا يعني حد يقولي مثلا سعر الشقة اللي ب 200 الف انهارده بعد 5 سنين هايكون كام اكيد اكتر بمبلغ محترم

وياسلام لو الشقة اللي اشتريناها بنأجرها ايجار مؤقت يبقى سعر الشقة بيزيد كمان باستفيد من مبلغ الايجار الشهري اللي ممكن يعمل في السنة مبلغ 10 الاف جنيه على اقل تقدير ويبقى ضربت عصفورين بحجر ( ومبلغ الايجار يعوض فرق السعر لو الاسعار نزلت ) مع ان نزول الاسعار مستحيل من وجهة نظري لان مفيش حد هايبيع بالخسارة الا اذا كان محتاج للفلوس

السوق العقاري في مصر لا يمكن مقارنته بالعقار في اي مكان بالعالم لانه كان بيطلع لفوق اثناء انهيار سوق العقار في العالم