خطوات واسرار الحصول على تاشيره زياره لكندا من القاهره

[masrylionking]

السلام عليكم ورحمة لله وبركاته

انا حبيت افتح موضوع مهم مش بس ليا لكن لكتير مننا وهو تساؤل ليه السفاره الكنديه هنا في القاهره ترفض معظم او غالبيه المتقدمين للزياره لقريب لهم في كندا

باختصار حتى لا اطيل عليكم انا ليا اخ في كندا و كنت ناوي اقدم فيدرال يونيو الجاي قلت ايه المشكله انى اسافر على يوليو كده هناك مش دلع ولله لكن عشان كنت ناوي احجز امتحان في معادله الصيادله هناك و مش عاوز اعد هناك هما يادوبك اسبوعين بكتير اوي شهر وارجع

سمعت من ناس كتير ان حتى لو هو بعتلي جواب فيه اسمه بالكامل و عنوانه وتلفوناته و صوره من بي ار بتاعه بيقول فيها عاوز اخويا باسمي انه يجي لمده شهر من يوم كذا ليوم كذا عشان عنده امتحان في يوم 4 يوليو وده امتحان مصيري و انى مسؤل انه هيرجع بلده مصر في المده الي مكتوبه في الخطاب

ان بعد ده كله يرفضوو طلبي وهو ليه التعسف ؟هم اما يمشوها قانوني زي ما قانون كندا بيقول او يخلوها بمزاجهم تبع قانون جديد اسمه my mood dependent legislation

ويريحوننننننا

الي مهتم او عنده افكار ياريت ميبخلش علينا ويقولها هنا عشان نشوف حل لعند السفاره الي هنا

:WelEgTks:

[masrylionking]

69 مشاهده و لا رد واحد

يا صلاة النبي

انشالله الموضوع هيتقفل لعدم اهتمام الساده الاعضاء بعد 24 ساعه

سلام

[Mr Ali]

والله يا أخ مصري الموضوع فعلا معقدوحصل معايا بالفعل

انا ليا خال في كندا مقيم منذ 2005 وليا صديق اعرفه قرابه الـ10 سنين اللى فاتوا

قررت انى أزور كندا قبل ما اقدم هجره وكان عندى فايل مليان اوراق كل اللى مطلوب وزياده حساب ف البنك وورقه تفيد اني طالب في الكليه وفي السنه الاخيره يعني مينفعش أسيب الكليه وأكسر الفيزا وحسابات والدي ووالدتي وورقة دعوه مصدقه من محامى خاص في كندا ( الورقه دي محدش بصلها أصلا ) وبعد كدا اتعملي انترفيو في السفاره اللى هو انترفيو عشان خاطر الاسم اسمك وسنك وعندك كام اخ وعاوز تسافر ليه ومتجوز ولا لأ وبعدين روح دلواتى وبكره تاخد الباسبور ان شاء الله واستلمت الباسبور تانى يوم وعليه ختم اسود من ورا مكتوب عليه رقم ومرفق في الظرف كل الورق اللى روحت بيه للسفاره قبلها بيوم وورقه مكتوب عليها أسباب الرفض وهي كانت سببين :

1- انى لم أقنع ظابط الفيزا أو موظف الانترفيو انى هرجع مصر تانى

2- احتمال انى أرجع مصر تانى احتمال ضعيف نظرا لان اقتصاد البلد اللى انا رايحها ( كندا ) أفضل من مصر بمرات عديده

ولك أن تتخيل الباقي :)

[masrylionking]

هههههههههه

نظرا لاختلاف الاقتصاد بين البلدين ولله سبب برده

دول عالم تضحك ويتكلمو على عدم التميز و المسواه والكلام ده والنبي خليهم في نفسهم

[BenoCanada]

Alslam Alykom

Canada aham haga 3ndohom el warak weykon ma3ak felos fe el bank

ama men na7yet enta mosh haterg3 misr tany di bysaraha malhash warak bas el modo3 3awez tarteeb y3ny tekon saert abl kida weykon fe akter men visa 3ala el passport byta3ak aw tab3an ykon ro7t USA or Europ coutires abl kida..fa dah tab3an byidy tab3 enak lo raye7 tefok kont fakat fe USA wala Europ..sa7 kida..

ama tekadim caanda awel safarya leek..bysara7 ahh ely ydmanonohin ynak terga3 misr tany..

tab3an dah ra2yiy el sha5sy

[elmassrryy]

حصلت على فيزا كندا سياحة لمدة 6 شهور

كيف استطيع الاستفادة من الاقامة فى كندا فى هذه المدة؟

اريد ان أؤدى امتحان الCILPIP المعادل اللآيلتس

هل تنصحونى بذلك ؟

سمعت أن مقاطعة مانيتوبا من أسهل المقطعات للهجرةبشرط وجود صديق فكيف لى

أن استفيد من هذه الميزه ؟

هل تنصحونى بأفكار أخرى؟

لكم جزيل الشكر