هل انت انسان ناجح؟

[محمد شلبى]

هل انت انسان ناجح؟

ماذا حققت حتى الأن فى حياتك؟

هل حققت ما كنت تتمناه؟

هل تشعر بالرضا عن نفسك؟

ما هى مقومات النجاح فى نظرك؟

ارجوكم افيدونى لاننى فى صراع عنيف مع نفسى واحتاج الى توضيح الامور لاعرف ماذا فعلت فى حيلتى حتى الأن.

[عصام أبوالفتح]

علشان أفيدك عن نفسى .. أنا من الفالحين فى الدنيا وادعيلى اكون من الفالحين فى الآخرة ..

ومستحيل اكون راضى عن نفسى يوم من الأيام وده السبب الرئيسى فى تحسن احوالى ..

الأزمة اللى انت عايشها خير .. بس تتعامل معاها صح

وعشان ننصحك لازم توضح انت الامور

ممكن تحكي لنا حكايتك .... :)

[حشيش]

بص فى صورتى وانته تعرف؟؟؟...بذمتك دى خلقة إنسان ناجح :)

[yasovinas]

عايز تعرف انت ناجح ولا لاء او راضي عن نفسك هسالك سؤال واحد

كل يوم لما بتحط راسك على المخده علشان تنام بتقلق من اللي حصل او انك اذيت حد او ظلمت حد اذا كانت الاجابه لا

او اذا كانت الاجابة انا بحط راسي على المخده وانام باستغراق تقى انت انسان ناجح

[El-Masri]

عليا الدور أفتى

عشان تعرف إنت ناجح وللا مش ناجح لازم يكون ليك هدف فى الحياة، عندك هدف؟

[se_ Elsyed]

عايز تعرف انت ناجح ولا لاء او راضي عن نفسك هسالك سؤال واحد

كل يوم لما بتحط راسك على المخده علشان تنام بتقلق من اللي حصل او انك اذيت حد او ظلمت حد اذا كانت الاجابه لا

او اذا كانت الاجابة انا بحط راسي على المخده وانام باستغراق تقى انت انسان ناجح

أختلف مع ياسو حول طرقه فهمه للموضوع ..

اخونا محمد أبو شلبي يقصد هنا النجاح المهني او في مجال التعليم ..

أما أنت فتتكلم عن العدل والصلاح والإنسان اللي بينام كويس عشان ضميره مستريح أو عشان ماعندهمش ناموس .. فممكن جداً إنسان يكون ظالم وإبن ستين لكنه ناجح في عمله ويُشار إليه بالبنان ,,,,

واتفق تماماً مع اخونا elmasri في إن الشخص اللي له هدف في الحياة وماشي في طريق تحقيقة بخطوات ثابتة هو فعلاً إنسان ناجح ...

وأنا بأعتبر لوم الإنسان لنفسه جزء من النجاح وجزء من التحفيز على الوصول للهدف ..

يعني الإنسان اللي سوري في الكلمة - جتته منحسه - يعني مش حاسس هو ناجح ولا لأ .. ولا فارقه معاه هو عنده هدف ولا لأ وماشي على مقولة محمد عبد الوهاب جايين الدنيا مانعرف ليه .. هو في الحقيقة يعيش في مأساة ..

اما إذا بدأ بالأسئلة وهل هو ناجح ام لا وهل هو ماضيٍ في تحقيق هدفه أم لا ... فكده يبقى هايوصل بس على شرط إنه يحاول التوصل إلى إجابات صحيحة لأسئلته ...

والنجاح شيء نسبي يختلف تعريفة من شخص لشخص ... فقد أكون بأعتبر نفسي في قمة النجاح إذا أستطعت أن أرتبط بالإنسانة التي أحببتها ,,,,

واحد تاني يقولك لأ ... حب إيه وكلام فارغ إيه ... أنا هاكون ناجح لو أخدت البكالورويس وبعدين حضرت ماجستير وروحت داخل على الدكتوراة ...

وثالث يقول أنا هعتبر نفسي أبو الناجحين لو اجتهدت ووصلت لدرجة مدير إدارة ....

وهكذا ...

عامة .. الحمد لله أنا باعتبر نفسي إنسان ناجح ولو إني لسه مش راضي عن نفسي وفيه شوية زوايا عايزة تتظبط عندي والعفشة كمان عايزة شغل جامد .... وأهو أدينا عايشين وبنعافر ..

[disappointed]

هل انت انسان ناجح؟

هذه ينبغى أن يُسأل فيها دائما الآخرين لا أن يُسأل فيها الشخص ذاته ( فقد يكون مجاملا لنفسه أو قاسيا على نفسه عندما يُطلب منه تقييم ذاته أو تقييم إنجازاته الشخصيّة التى ربّما يهوّلها وهى ليست أهل لذلك أو يهوّن من شأنها بيما هى فى واقع الأمر تستحق أن يُنظًر لها بما هو أفضل من ذلك)

وعلى العموم فتقييم النجاح شيئ نسبى , إذ يتوقف على سقف طموحات الشخص و إمكانيّاته الشخصيّة و مناخ تحقيق النجاح المهيّئة له

و لتقريب وجهة نظرى دعنى أضرب لك هذا المثال :

= إذا كان هناك مندوب مبيعات يروّج لعقار مغمور أو سيّئ السمعة فى منطقة نائية و فى ظل منافسة شرسة من عقارات بديلة أخرى أكثر شهرة و أكبر إسماً ثم أظهرت الأرقام أن مبيعات ذلك العقار ظلّت ثابتة ولم تزد , فإن عدم تردّى نسبة المبيعات و الحفاظ على حالة ثباتها عند مستوى معيّن يعتبر فى حد ذاته نجاحاً فى ظل الظروف و الإمكانات المتاحة , بل إن هذا المندوب يكون بذلك أكثر نجاحاً من مندوب مبيعات آخر يروّج لعقار ذائع الصيت فى منطقة ذات كثافة عالية من ناحية عدد السكّان و عدد المرافق الطبّية و فى غياب منافسة فاعلة من عقارات أخرى , وقام بتحقيق زيادة 10% بالمبيعات

هل حققت ما كنت تتمناه؟

لولا الخوف من زوال النعمة و غضب الله على المتبطّرين لقلت : لا

هل تشعر بالرضا عن نفسك؟

أنا أؤمن بأن شعور الإنسان الدائم بعدم الرضا عن نفسه هو ما يجعله دائماً فى حالة سعى نحو تحقيق هذا الرضا .... وهو ما يعزّز فرص رضاء الله و الآخرين عنه قبل أن يعزّز فرص نجاحه الفعلى (حتى و إن شعر بأنه لم يحقق ذلك النجاح و بأنه غير راض عن نفسه)

أتذكّر عندما كنت فى الثانويّة العامّة أننا كنا فى زيارة بعد إنتهاء الإمتحانات لأسرة صديقة لديها إبن فى الثانويّة العامّة , وعندما تم فتح باب النقاش حول أداء كلاّ منّا فى الإمتحانات كنت أنا غير راض عن نفسى بينما كان هو راض كل الرضا عمّا ادّاه فى الإمتحانات... وعند ظهور النتيجة كان الفارق فى المجموع يزيد لصالحى بأكثر من 30%........و فى الزيارة التالية بعد ظهور النتيجة إكتشفت أنه كان راض عن مجموعه (لأن طموحه كان النجاح) بينما لم أكن أنا راض تمام الرضا (لأن طموحى كان أن أكون من الأوائل)

التقييم الشخصى للنجاح من عدمه شيئ نسبى للغاية و يخضع لمفاهيم و سقف النجاح عند الشخص الذى يقوم بتقييم ذاته

و أخيرا أحب بس أضيف أنه إذا كانت هناك شعرة رفيعة ينبغى عدم قطعها بين الغرور و الثقة بالنفس , فإن هناك أيضا شعرة رفيعة ينبغى عدم قطعها بين التواضع و عدم إدراك قيمة الذات الحقيقيّة

تم تعديل 28 نوفمبر 2004 بواسطة disappointed

[فــيــروز]

هل انت انسان ناجح؟

حاولت اجاوب على هذا السؤال

لكن قبل ان اجيب وجدتنى اتساءل "وعذرا للفلسفه" .. ما هو معيار النجاح يعنى كى استطيع ان اجيب بضمير مستريح !! الواحد يعرف ازاى ان اللى هو فيه ده نجاح !! mfb: :lol:

[egyptforever]

فعلا النجاح ده انواع

بس ممكن يتجزأ

يعني النجاح المادي اعتقد اني فعلا نجحت

النجاح العاطفي يتوقف على نجاح في اسعاد الطرف الاخر ( عند وجوده )

ارضاء الذات ليس نوعا من النجاح

الناجح من المستحيل ان يكون راضيا عن نفسه

في كلمه جميله لشيخ الساخرين محمود السعدني

اصحاب الاحلام الكبيره هم الاطول عمرا

بس في الاخر النجاح او عدمه مرتبط بنظره المجتمع مش النظره الذاتيه

فالحرامي لما يسرق بيعتبر ده نجاح

المراهق لما يتعرف على بنت بيعتبر ده نجاح

وزي ما قال الزميل محبط اللي بيجيب 50% بيعتبر ده نجاح

وساعات اللي مجرد يعيش لبكره بيعتبر ده نجاح

[عصام]

طيب أنا شخصيا عندى طريقة لاستخراج الإجابات منكم ..

خلونا نعيد صياغة السؤال ..(بعد إذن صاحب الموضوع) :

هل أنت راض عما حققت؟

وما هو سقف طموحاتك؟

ونظرا لأن السؤال محور الموضوع صعب إجابته بدون ربطه بمقياس النجاح من منظور شخصى ..بيتهيألى كده ممكن نرد عليه بشكل مباشر وبدون فلسفته.

[disappointed]

وزي ما قال الزميل محبط اللي بيجيب 50% بيعتبر ده نجاح

أيوه ... بس خلّى بالك إن اللى كنت بأتكلّم عليه إنّى جبت أكثر منّه بــأكثر من 30% كان جايب 64%

mfb: mfb:

معلش مافيهاش حاجه...إحنا بنتكلّم مع بعضينا يعنى

:D :lol:

[egyptforever]

يظهر عليك عاوز تتحسد

يعني انت جايب كام

94% ( وش واحد اصفراوي ايه عجب )

ربنا يخلي لنا المجاميع الصغيره

مالها 85 %

بنت ناس برضه

[se_ Elsyed]

.. ما هو معيار النجاح يعنى كى استطيع ان اجيب بضمير مستريح !! :

انا في حاجة كاتمها في قلبي ولازم أقولها بدل ما تعملي إنفجار في الاورطي وأبقى ذنبي في رقبة فيروز بنت طنط ام فيروز ...

وهي إن كل ما أجي أقرأ لها مداخلة والله العظيم أفتكر النكتة بتاعت القط والفار اللي جايه دي :

" بيقولك القط عمل معاهدة مع الفار ووعده إنه مش هايكله وخلاص هايبقوا أصحاب وأخر حلاوه .. وإثباتاً لحسن النية القط قال للفار تعالى نأجر فلوكة على حسابي ونطلع رحلة في النيل ( نيل كروز يعني ) .. المهم جه القط تعب من التجديف وجه الدور على الفار .. والقط كان بقى وصل لدرجة خلاص هايموت فيها من الجوع فحبب يتلكك للفار عشان ياكله وعشان يكون في سبب مُقنع كمان .. فراح قايل له " ما تبطل عفار يا جدع إنت " الفار بكل براءة قال له .. عفار إي ؟!!! ده احنا في وسط البحر .. قال له أهي لماضتك دي هي اللي هاتخليني أكلك .. وراح واكله "

[فــيــروز]

انا في حاجة كاتمها في قلبي ولازم أقولها بدل ما تعملي إنفجار في الاورطي وأبقى ذنبي في رقبة فيروز بنت طنط ام فيروز ...

وهي إن كل ما أجي أقرأ لها مداخلة والله العظيم أفتكر النكتة بتاعت القط والفار اللي جايه دي :

" بيقولك القط عمل معاهدة مع الفار ووعده إنه مش هايكله وخلاص هايبقوا أصحاب وأخر حلاوه .. وإثباتاً لحسن النية القط قال للفار تعالى نأجر فلوكة على حسابي ونطلع رحلة في النيل ( نيل كروز يعني ) .. المهم جه القط تعب من التجديف وجه الدور على الفار .. والقط كان بقى وصل لدرجة خلاص هايموت فيها من الجوع فحبب يتلكك للفار عشان ياكله وعشان يكون في سبب مُقنع كمان .. فراح قايل له " ما تبطل عفار يا جدع إنت " الفار بكل براءة قال له .. عفار إي ؟!!! ده احنا في وسط البحر .. قال له أهي لماضتك دي هي اللي هاتخليني أكلك .. وراح واكله "

مش عارفه ليه افتكرت الجدع اللى كان عامل ابن عم عادل امام فى الفيلم بتاع الغوريللا اللى كان كل شويه يساله سؤال ينهيه بكلمة "شعبان يابن عمى" وهو فاتح بقه كده بصوره تدعو الى الرثاء ..

اصل كنت هاسال س.س. عن النايل كروز دى اذا كات تقرب للاخ توم كروز ولا ده تشابه كراريز يعنى !! :D

عزيزى س.س. ;)

تصدق بايه؟ انا فعلا احيان كتيره باحس بضيق شديد جدا من نفسى mfb: وقربت اوصل للمرحله اللى مفروض اقول لى فيها : خلاص هذا فراق بينى وبينك :lol: بس فعلا ماحبيتش اجاوب على السؤال من غير ما احدد يعنى على اى اساس اعرف انا ناجحه ولا لا mfb: خلاص يا سيدى حقك عليا .. بس انت بتعمل عفار ليه

[Tafshan]

يظهر عليك عاوز تتحسد

يعني انت جايب كام

94% ( وش واحد اصفراوي ايه عجب )

ربنا يخلي لنا المجاميع الصغيره

مالها 85 %

بنت ناس برضه

انا بقى جبت 75 % ...

مش بس في ثانوية عامة لكن في كل حاجة !

عمري ما كنت ممتاز او فاشل دائماً ماشى على الخط بينهم بس بحمد ربنا لأن هو ده قمة النجاح ....

ما تستغربش : انت ممكن تكون 100% في شغلك لكن صفر % في بيتك ، ممكن تبقى 100 % في بيتك لكن صفر % في دراستك ... لازم التوازن رغم ان التوازن ليس مثيراً كالتطرف في النجاح في مجال ما و لكن فعلاً هو نعمة لا يعلمها الكثيرين

التوازن في النجاحات = كل النجاح

[disappointed]

يظهر عليك عاوز تتحسد

يعني انت جايب كام

94% ( وش واحد اصفراوي ايه عجب )

الحقيقة إن المجاميع زيّها زى أسعار كل السلع فى مصر قيمتها ولّعت فى السنين الأخيرة... والقدرة بتاعة المجاميع على الدخول لكلّيات محدّدة بقت برضه عاملة مؤخّراً زى القدرة الشرائيّة بتاعة الجنيه

تقدر تقول حصل inflation فى المجاميع زى ما حصل تضخّم فى الإقتصاد المصرى

فالــ94 و كسور % بتاعتى دى تعادل الــ100% و الــ101% اللى بنسمع عنها دلوقتى

طب إيه رأيك إنى أنا بمجموعى ده ما كنتش فى قائمة الــ20 الأوائل فى مدرستى mfb: cbyb:

(وش واحد بيتكلّم عن أيّام ماكان رطل اللحمة بــ3 صاغ و جوز الفراخ بــ3 تعريفة)

:lol: mfb:

تم تعديل 28 نوفمبر 2004 بواسطة disappointed

[عصام]

طيب

حيث إن الكلام بقى عن فتحى سرور .. والثانوية العامة .. أقول انا بقى الكلمتين اللى ف نفسى .. :lol:

أنا شخصيا .. أحمد الله .. راضى جدا جدا عما حققته حتى الآن ..

وذلك قياسا بما رسمته لنفسى من أيام الثانوى ..(مش هاقول لكم جبت كام )

كنت حاطط deadline لكل حاجة ..

يعنى مثلا .. فى سن الستين لازم أكون راكب عربية 128 .. :D

وفى سن الخامسة والستين .. لازم أكون متجوز .. lo::

وهكذا ..

والآن بينما أنا أسير نحو إكمال الخامسة والثلاثين .. أقدر أقول وبمنتهى الثقة .. نعم أنا راض جدا عما حققته ..

وتبعا للخطة الموضوعة .. أتوقع الاستمرار فى المخطط المرسوم .. وهذه هى إجابة الجزء المتعلق بالطموح ..!!

كلمة أخيرة أحب أوجهها لصاحب الموضوع (أنا مسامحك ممكن تروح تحج ;) ) ..

مرحلة الإحباط دى عادية جدا وطبيعية تماما .. فقط لو استطعت لتحويلها إلى دافع بدلا من عائق .. هايبقى كله تمام .. وصدقنى ليس هذا كلاما إنشائيا ولكنه واقع وتجربة ...

ولو انت فاضى .. أقدر أحكيلك قصة الإنسان الذى احتفظ لنفسه بأكبر قدر من البهدلة وال"مرمطة" على مر قرون .. ومع ذلك وياللمفاجأة .. mfb: راض جدا عما حققه .. ويعتبره من حوله إنسانا ناجحا ..

تحياتى ..

(لو عاوز تسمع الحكاية ... أنا ع القهوة كل يوم من الصبح لبليل mfb: ) باهزر بس

[G.G]

طيب أنا شخصيا عندى طريقة لاستخراج الإجابات منكم ..

خلونا نعيد صياغة السؤال ..(بعد إذن صاحب الموضوع) :

هل أنت راض عما حققت؟

مبدئيا أقسم المجالات التي أقيس عليها إلى:

1- طموحات علمية

2- طموحات عملية

3- طموحات شخصية

4- طموحات لتربية النفس: تشمل ما لا أرضى به عن نفسي و ما لا يطلع عليه أخرون,,أسلوب تفكير,,علاقتي مع ربي..

4- Miscellaneous : هويات,, رياضة,, لأن هناك نجاح لأوقات الفراغ أيضا..

السؤال ,, هل راض عما حققت , (اسمحولي اكمل السؤال ,, هل انت راض عما حققت بالنسبة لما كنت تود تحقيقه حتى يوم 28 11- 2004)

1- الطموحات العلمية : 70% مثلا؟يعني ما زالت هناك خطوة معصلجة جامد ,,لو مريت منها أبقى حققت معظم طموحاتي العلمية.

2- طموحات عملية: مقارنة بأقراني وصلت لدرجة مقبولة و لكني مازلت تائهة و أرغب في تحقيق كثير.أعطي لنفسي 60%

3- طموحات شخصية : 0%

4- طموحات تربية النفس:تغلبت على نفسي حديثا في احداث تغيير ما ,,و إن شاء الله استمر عليه.أعطي نفسي درجة كبيرة 90 مثلا؟

5- miscellaneous: درجة كبيرة أيضا 85%

و أخيرا أحب بس أضيف أنه إذا كانت هناك شعرة رفيعة ينبغى عدم قطعها بين الغرور و الثقة بالنفس , فإن هناك أيضا شعرة رفيعة ينبغى عدم قطعها بين التواضع و عدم إدراك قيمة الذات الحقيقيّة

أوافق تماما ,, أنا شخصيا أشتكي كثيرا من العرض الثاني,, و لكني وصلت لطريقة تجعلني أصل لتقييم عادل لنفسي,,

- أبدا لا أقييم نفسي وقت أزمة

- دائما أحاول تحديث ال portfolio و أعرضه على أصدقاء يجمعني بهم نفس المجال ,,أو اكتب في قصاصة صغيرة اضعها تحت بنورة المكتب ما حققته ..

طريقة طفولية و لكنها كثيرا ما تؤتي ثمارها!

[عصام]

4- طموحات تربية النفس:تغلبت على نفسي حديثا في احداث تغيير ما  ,,و إن شاء الله  استمر عليه.أعطي نفسي درجة كبيرة 90 مثلا؟

مبروووووووووك :lol:

[G.G]

4- طموحات تربية النفس:تغلبت على نفسي حديثا في احداث تغيير ما ,,و إن شاء الله استمر عليه.أعطي نفسي درجة كبيرة 90 مثلا؟

مبروووووووووك :lol:

Oooooops eey:: ,,انت أفشتني!!

شكرا لك,,ربنا يبارك فيك mfb: