ازاي اقدر ابيع شقة في مصر من خارج مصر

[بركة]

سؤالي

ازاي اقدر ابيع شقة في مصر وانا في السعودية حاليا ؟

انا عارفه ان ممكن ما يكونش الوقت مناسب للبيع

اا بس حبيت استشير حضراتكم في الطريقة يمكن يكون حد هنا له تجربة مشابهه ..

[Alshiekh]

لازم يكون لك وكيل في مصر يمكنه القيام بعملية البيع نيابة عنك ويكون معه كل المستندات الدالة على الملكية والدالة على قيامه بالبيع نيابة عنك.

والتوكيل حسب معلوماتي لو حبيتي تعمليه من الخارج يتم توثيقه من السفارة، وطبعا طريقة عمله ستختلف تبع الدولة التي تقيمين بها وهل ستذهبين بنفسك للسفارة أم لا.

وياريت تطلبي من الشخص اللي حاتعملي له التوكيل يسأل إذا كانت الطريقة دي مازالت ماشية في مصر أم لا.

[بركة]

شكرا لحضرتك استاذ محمد

انا اسفه اني ما وضحتش طلبي كافي

انااقصد هعمل اعلانات ازاي او هسوق للشقه ازاي

حضرتك عارف انه صعب حد يتابع حاجة زي دي

هتكون مش سهلة ان حد يسيب اللي وراه وقدامه ويروح يفرج الناس عليها

وبالنسبه للسماسرة فانا معنديش فكرة دي طريقة كويسة وللا خطر

وشكرا لحضرتك مرة تانية

[Alshiekh]

أعتقد هناك مجلة اسمها الوسيط ، الكترونية ونسخة مطبوعة توزع مجانا ، تذكري فيها التفاصيل ورقم تليفون الشخص اللي ممكن يقوم بالمهمة مكانك علشان يقابلهم ويفرجهم على الشقة بس ماتذكريش انك مش موجودة في مصر علشان السماسرة مايستغلوش النقطة دي وممكن يستولي عليها، ولاتذكري العنوان ، أذكري المنطقة أو الحي فقط.

[بركة]

شكرا جزيلا لحضرتك

كمان اتقاللي معلومة ممكن تفيد

إني أصور الشقة واحاول اسوقلها على النت ده هيخللي وجع الدماغ يقل بنسبة كبيرة

وربنا يقدم اللي فيه الخير

[عطر الجنة]

المشكلة ان بيع الشقق وجع دماغ كبير غير الارض لانك كلما توفر شارى لابد انه يذهب للمعاينة و انتى معاه

اما الارض اى حد ممكن يروح يعاينها مرة و اتنين بدون تواجد صاحب الارض فقط مع السمسار او شركة التسويق العقارى

طبعا خطر جدا تتركى مفتاح الشقة مع اى سمسار مهما كان او مع اى انسان غير ذى ثقة لان حيل الاستيلاء على الشقق المغلقة كثيرة و بالقانون فما بالك باللى مفتاحها معاه

انتى طبعا ممكن تصوريها صور و فيديو من مصور محترف حتى يستطيع ضبط الاضاءة و لا يظلم الشقة او يعطى صورة غير حقيقية للى بيطلع عليها

و بعد كده ضعيها مع بعض التفاصيل عن المكان و المساحة و سنة بناء العقار و حالته و حالة الشقة و السعر المطلوب على مواقع البيع و الشراء على النت و اياكى ان تضعى العنوان بالضبط

هنا ستجدى مؤشرات قبول المكان و السعر و تقدرى تحددى الجادين ... عندها ممكن اى مندوب عنك من الاقارب ينوب فى المعاينة

ارجو انى اكون افدتك

تحياتى

تم تعديل 11 فبراير 2012 بواسطة عطر الجنة

[وطني حر]

بعض الاحيان ان لا تستطيع التصرف يكون افضل لك . في مثل هذه الضروف لا انصحك بالبيع او معرفه الطريقه .

الوقت غير مناسب اولا . وثانيا ضروف حضرتك صعبه . جدا وهتدوخي كثير . فنصيحتي لا تبيعي لان ضروفك غير ملائمــه

[بركة]

باشمهندسه عطر

شكرا جدا لحضرتك

الموضوع فيه نسبة اطمئنان شوية لان الشقة موجودة وسط جيراني اللي اتربيت بينهم فلو حد جه من طرفي يعمل اي حاجه في الشقه

بيبقو معاه لحد ما يقفل الباب تاني ويمشي

ربنا يكتب للجميع الخير وشكرا لحضرتك على الاهتمام

الزميل الفاضل وطني حر

الحقيقة الضرورات تبيح المحظورات

لسه الايام القليلة القادمة هتبين مدى احتياجي للبيع من عدمه

ربنا يكتب لنا الخير حيث كان ويرضينا به .. امين

تم تعديل 11 فبراير 2012 بواسطة بركة