فرق السرعات هو سبب الأزمات

[se_ Elsyed]

فعلاً .... من بعد ثورة يناير فرق السرعات هو سبب كل أزماتنا

- فرق السرعات بين أفكار المجلس العسكري المميت البطيء بطء السلحفاة .. وبين الشعب الثائر والذي يريد ان يرى خطوات بداية على الأرض وملموسة لأهداف ثورتة ومعذ لك كل قرارات المجلس كانت ردود أفعال لغضب الناس واللي دايماً كان الشارع سابق المجلس مش بخطوة .. لأ ده بخطوات

- فرق السرعات بين شرطة مازالت تتعامل بعقلية عتيقة في كل شيء سلوكياً وأمنياً وفكرياً وتسليحياً .. وبين المجرمين الذين تتعامل معهم

وهاشرح إزاي ...

* الأسبوع الماضي وفي هوجة الهجوم على الأقسام ... تم إقتحام قسم المرج ودي منطقة على حدود القاهرة الشمالية وفاصلة بين محافظة القاهرة ومحافظة القليوبية .. بل بالعكس فيها جزء منها ضمن محافظة القليوبية بالفعل ... وتم حرق القسم وتهريب 27 سجين وتفحم باقي المساجين اللي ما عرفوش يهربوا ... وفوجئنا إن تحقيقات الشرطة أثبتت إن المهاجمون أستخدموا مدافع جرينوف للهجوم على القسم ... تخيلوا ؟

ده شكل مدفع الجرينوف اللي بيوضع على الأرض ويُمسك بمقبضين ... ويا إما بيتم وضع مئات الطلقات داخل صندوق معدني خاص بالمدفع .. او في نوع أخر بيستخدم شرائط للطلقات تمر في وسط المدفع ..

في حسن يستخدم ضباط وجنود القسم المسدسات العادية أو البنادق العتيقة أو بتلاقي كام رشاش فقط .. يعني على ما تفكر تستخدم الأسلحة دي ضد المهاجمين تكون المدافع بتاعتهم فرتكت الجميع .. وقد كان

وتخيلوا إن إحنا بقى لنا سنة عارفين إن في تهديدات امنية للأقسام والسجون والمرافق الحيوية .. إيه مش عارفين تحطوا أمام كل قسم في أقسام مصر خصوصاً في المناطق الخطرة قد 10 جنود مسلحين زي مخاليق الله ؟

يعني هايبقى كام عدد الأقسم يعني .. 1000 أولا 2000 ؟

والان .. في هذا التوقيت بالذات .. حرب ضروس تدور بين قبيلتين شهيرتين في قنا بكافة أنواع الأسلحة الحديثة والمتطورة واللي شرطتنا يمكن ما شافتهاش قبل كده ومنها هذه المدافع ... نتيجة إتنين سواقين بيتخانقوا .. وده جاب قبيلته وده جاب قبيلته وبيدبحوا في بعض والشرطة والجيش لا يستطيعون فعل أي شيء ولا حتى يحجزوا .. ولا حول ولا قوة إلا بالله .

وسنتابع مظاهر أخرى لمشكلة فرق السرعات

[طبيبة بالخارج]

والان .. في هذا التوقيت بالذات .. حرب ضروس تدور بين قبيلتين شهيرتين في قنا بكافة أنواع الأسلحة الحديثة والمتطورة واللي شرطتنا يمكن ما شافتهاش قبل كده ومنها هذه المدافع ... نتيجة إتنين سواقين بيتخانقوا .. وده جاب قبيلته وده جاب قبيلته وبيدبحوا في بعض والشرطة والجيش لا يستطيعون فعل أي شيء ولا حتى يحجزوا .. ولا حول ولا قوة إلا بالله .

أهو الناس دي الحل الأمثل معاها و احنا في الظروف دي بالذات .... نسيبهم ياكلوا في بعض لأن اللي بيعمل كده منهم اغلبهم تجار مخدرات و بلطجية و قتالين قتلة (أمال شاريين كل الأسلحة دي ليه؟ عشان ضرب النار في الأفراح؟) و يبقوا عملوا فينا جميل كبير

أذكر منذ عدة سنوات و زوجي مسافرا بسيارته على الطريق الزراعي أن صادف و مر على طريق بين قريتين بينهم ثأر و كانوا بيضربوا رصاص عبر الشارع و عدت رصاصة من شبابيك السيارة لتعبر من أمام وجه زوجي و نجا بمعجزة

تم تعديل 12 فبراير 2012 بواسطة طبيبة بالخارج