ثورة اليونان

[ام سلمي]

تعليقات المصريين على احداث اليونان أمس

"اللى لسه صاحي من النوم أحب أقوله إن اليونان حصل فيها ثورة على السريع كده.. بدأوا الساعة 2 وخلصوا على الفجر.. وتم حرق عدد 2 قصر رئاسي و27 مبنى حكومي و1 برلمان و8 مباني اخرى ولا يوجد أي قتلى.. غلابة معندهمش خرطوش".

ـ داعية يوناني: أنا من هنا بقول لمبارك.. ياواد يا مُلهم.

ـ خبيبي خاريستو أوعا المسير ييجي يقولك أنا أخمي الثورة.

ـ عاجل || ا.ف. اليونان | الجنرال كوستا الرويني: حركة 6 أبريل اليونانيه تلقت تدريبات في إسكندريه... تحت كوبري ستانلي.

ـ التليفزيون الإغريقي: مفيش مظاهرات ولا حاجة والدخان اللى فى الصورة دى بسبب اللحمه اللى بيشويها المواطنون الشرفاء.

ـ عاجل || من التليفزيون الاغريقى الى المتظاهرين فى ميدان التحريريوس برجاء مغادرة الميدان فورا هناك اشخاص متوجهين الى الميدان بالمنجانيق لحرقكم

ـ نصائح مننا لليونانيين.. طوبتك ف ايدك، كمامتك فى وشك، خميرتك في جيبك.. واللي يقولك المجلس العسكري هيحمي الثورة قطع أمه.

ـ دلوقتي يطلع واحد من بتوع المخططات يقولك اللي ورا أحداث اليونان حركة 6 إغريق.

ـ المجلس العسكري اليونانى يتهم حركة 6 أغريق بتلقيها معونات مصرية.

ـ الطرف الثالث جاله عقد إحتراف في اليونان.

ـ عاجل أحد المواطنين الشرفاء اليونانيين: اللى بيحصل في اليونان مؤامرة وكل واحد من الثوار بياخد وجبه فول وطعميه من الشبراوى المصرى وخمسه جنيه .

ـ إتضح أيضا هناك خطة أمريكية إسرائيلية لتقسيم اليونان لأربع دول أرسطوية + أفلاطونيه + خرسيتويه + أوناسيستيه.. وقد صرح بهذا المطرب اليوناني عوميرو موصطافيوني.

ـ المطرب حمادوس هلالوس: شهداء اليونان ماتو في أحداث اليونان.

ـ رئيس الوزراء اليوناني كوستنتين شفيقس يعلن أنه سيحمي المتظاهرين بحياته وسيرسل لهم البونبوني.

ـ إحذروا من جماعة الإخوانوس الجريجوس..يومين وهيقولوا ليكم إحنا كنا معاكم...وبعدين هيقولوا عليكم بلطجية.

ـ الدكتور عوكاشيوس يسأل البرادعينوس ... لو عرفت غصن الزيتون فيه كام زتونه حنتخبك رئيس اليونان.

ـ عارفين أحلى حاجة في اليونان إيه؟.. إن مفيش مسئول هيطلع يقول عناصر أجنبية لأن اليونانيين اصلاً اجانب.

ـ الفنانة اليونانية برادوسا تطالب بوقف الاحتجاجات فورا وتؤكد بأن إبن أختها يشتهي بيتزا عم ماركايز ولكن مطعمه مغلق بسبب الثورة.

ـ أنباء عن أن مصر ستستكمل ثورتها بعد إنتقال الطرف الثالث إلى اليونان..قولوا يااااااااااااارب.

ـ يعني إيه كوك زيرو؟ يعني بعد كل المؤامرات الصهيونية الماسونية الأناركية لحرق مصر، اليونان هي اللي تولع.

ـ خبر عاجل| الرئيس اليونانى..لم أكن أنتوي الترشح لفترة رئاسية جديدة.. ولم أكن فى يوم طالب جاه أو سلطة.

ـ المشير طنطنيوس يراس المجلسوس العسكريوس اليوناني

ـ جماعة إحنا آسفين يا خرستو تعلن دعمها الكامل للريس.

ـ عاجل أنباء عن إعتقال الناشط السياسى وائلس غنيموس مؤسس صفحة كلنا انطنيوس سعيدوس.

ـ الحاج عبد المنعم اليونانى: الخروج على الحاكم اليونانى حرام شرعاً.

ـ الحكومة اليونانية تتهم حركة 6 اغريق والاشتراكيون الفينيقيون وحركة كفايونى بزعزعة أمن وإستقرار اليونان.

ـ بيرجوس من اسبرطة للقناة الأولى اليونانية: كانوا بيوزعوا شلنات وبرايز ووجبات فول وطعمية وكشري..وبيتكلموا أرابيك لانجويتش كويس جداً..لالالالا مش احنا..مش احنا والله

ـ ايرخل يعنى ايمشي يلى مبتفخمشي.

ـ أنباء عن إندساس عناصر مصرية في أثينا بتفرق عالثوار رغيف كفتة وخمسة وعشرين جنيه.

ـ وزير الداخلية اليوناني أبراماكيس إيساويكس: لا علاقة لي بالداخلية من يوم السبت مساء والفنجريوس وبدينيكس هم المسؤولين.

ـ نداء عاجل للسيد الراجل اللي ورا عمر سليمان عندك طلعه لليونان.

ـ منصوروس عيسويس: إحنا معندنوش قناصوس.

ـ حزب الكنبوس يدعو الي مسيرة تأيد للمجلسوس العسكريوس في ميدانوس العباسيوس.

ـ حزب الكنبوس اليوناني ...ايه اللي مودي اليونانين عند وزاره الداخليه "هرام عليكو خربتو البلدوس".

ـ الفنانة عفافوس شعيبوس تستغيث ولاد أخويا كوستا مش لاقيين ريش وكبابوس وبيتزوس وبيعيطوا.

ـ عاجل: أكد الفنان اليونانى طلعتيوس زكريوس تناول المتظاهرين اليونانيين للمخدرات والخمور.

ـ يونانى.. قصدك تقول إنت نانى.. يعنى مانشستر يعنى برتغال يعنى كولمبوس يعنى عميل لأمريكا.. لا يا عدوى أنا فاهمك كويس!

ـ الحكومه اليونانيه تطلب من مصر الإستعانه بخيري رمضان ولميس الحديدي لتحديد أماكن الحرائق القادمة.

ـ عاجل| مطلوب بيتادين وقطن وشاش وكمامات وتبرع بالدم بالمستشفى الميداني بميدان الإغريق في أثينا البلد.

ــ ظهور بعض الاغريقين يقولون خرام أليكوو هتقسموا اليونان هو ده اللى اسكوتلندا عاوزاه.

ـ صفحة كلنا كوستا سعيد تدعو اليونانيون للتظاهر السلمي غدا عند الاكروبولس اتجاها للتحريريوس

ـ بعد دخلة الزمالك اليونانية فى ماتش الاسماعيلي .. أثينا عاصمة اليونان أحترقت بالامس.. الزمالك الراعي الرسمي للثورات

ـ عيش .. حرية.. عداله إجتماعية ..كرامه انسانية.. ψωμί.. Ελευθερία .Κοινωνική δικαιοσύνη.. Ανθρώπινη αξιοπρέπεια

ـ تامريناكيس بتاع غمره من اثينا: أنا سمعتهم بيتكلمو جريجي لانجويش كويس وبيوزعو دراخمات ويورو..

ـ اااه ياليوناااان .. كنتى فين من زمان

ـ بعد كام يوم هتحصل موقعة التنين

ـ المكتبة الوطنية بتتحرق.. وإنقاذ كتاب وصف اليونان

تم تعديل 13 فبراير 2012 بواسطة ام سلمي

[Ahmed Anwer]

ملحوظة رغم كل العنف المتعمد من المتظاهرين

لم تحدث حالة وفاة واحدة !!!!

لمن يهمه الأمر

مش عارف اشمعنا آحنا لم بيفضوا حارة بيموتوا 30 واحد !!!

[hanzalah]

برغم انها ساخرة جدا ومضحكة

ملحوظة استاذ احمد مبكيه جدا وواقعية

انا وصلني ايميل من احد الاصدقاء بعنوان عادي جدا

بصراحه

لم أجد فيه شيء عادي بالمرة

يعني حصل ايه،... يعني،.. لما الواد الغلبان علاء مب...ارك اتجوز من هيدي، بنت رجل الأعمال مجدي راسخ،..

اللي اشتغل مع رجل الأعمال محمد نصير، الشريك الاكبر في "فودافون" ؟؟؟

***و هاستفيد ايه،.. أنا يا مواطن يامصري يا غلبان، ...يعني، لما اعرف ان مرات راسخ هي

(ميرفت قدري)، وجدها هو ابن خال عثمان أحمد عثمان؛ واخت مرات علاء متجوزة شريف البنا، ابن محمد البنا، بتاع مجلس الشعب ؟؟؟

.... ***ايه اللي انت استفدته،؟؟؟؟؟ كمواطن، لما عرفت - يعني - ان بنت الجن...زور...ي تكون متجوزة من واحد اسمه مصطفى حيزة، وشغال مدير اعمال حسين سالم ؟؟؟

***وايه يعني لما مرات سيادة الشفيق فريق،... نزيهة الجمال، تبقي عمة خديجة الجمال، مرات جمال مبارك ؟؟؟. مالنا احنا ؟ ؟؟.. إنشالله ياكلوا بعض !.....

****وايه اللي حصل - يعني - في الدنيا، لما يكون زهير جرانه إبن خالة محمد منصور والمغربى وأحمد عز ؟ .. خربت الدنيا ؟؟؟؟؟؟؟

**وعادي جدا، في رأيي المتواضع، إن منير ثابت، اخو سوزان مبارك، يبقي جوز خالة انس الفقي ؟؟؟؟؟؟؟ .. موش كل واحد له خالة .. والخالة لازم تكون متجوزة ؟؟؟؟؟

طيب، وإيه يعنى لما سري صيام، رئيس محمكة النقض، يبقي ابو سري صيام، رئيس البورصة ؟؟؟؟؟؟؟؟؟؟. سنة الحياة .. كل إبن له أب !

ومنير فخري عبد النور،.. وزير السياحة،.. يبقي ابن خالة يوسف بطرس غالي، ...ربنا يسهل لهم

***والصدف ياما بتحصل - يعني - دي اكيد صدفة بحتة، ان اخت محمدرشيد اتجوزت امين رياسة الجمهورية،.... اللي في نفس الوقت،. اخو قنصل مصر في امريكا.... الدنيا أصبحت قرية صغيرة .. تكنولوجيا الاتصالات اتقدمت !.....

***ويشاء ربك ان احمد فاضل، رئيس قناة السويس، إللى الناس عايزه تأممها من تاني (!!)، مجوز ابنه لبنت عمر سليمان.... بالرفاء والبنين.......

اتقو الله بقي وسيبو الناس في حالها. .........

Don`t correlate

انت ايش عرفك الناس دي كافحت قد ايه علشان تتجوز بعضها وتعيش فى تبات ونبات؟؟؟ ؟! يا ساتر منكو يا مصريين

[طارق مصرى]

برغم انها ساخرة جدا ومضحكة

ملحوظة استاذ احمد مبكيه جدا وواقعية

انا وصلني ايميل من احد الاصدقاء بعنوان عادي جدا

بصراحه

لم أجد فيه شيء عادي بالمرة

يعني حصل ايه،... يعني،.. لما الواد الغلبان علاء مب...ارك اتجوز من هيدي، بنت رجل الأعمال مجدي راسخ،..

اللي اشتغل مع رجل الأعمال محمد نصير، الشريك الاكبر في "فودافون" ؟؟؟

***و هاستفيد ايه،.. أنا يا مواطن يامصري يا غلبان، ...يعني، لما اعرف ان مرات راسخ هي

(ميرفت قدري)، وجدها هو ابن خال عثمان أحمد عثمان؛ واخت مرات علاء متجوزة شريف البنا، ابن محمد البنا، بتاع مجلس الشعب ؟؟؟

.... ***ايه اللي انت استفدته،؟؟؟؟؟ كمواطن، لما عرفت - يعني - ان بنت الجن...زور...ي تكون متجوزة من واحد اسمه مصطفى حيزة، وشغال مدير اعمال حسين سالم ؟؟؟

***وايه يعني لما مرات سيادة الشفيق فريق،... نزيهة الجمال، تبقي عمة خديجة الجمال، مرات جمال مبارك ؟؟؟. مالنا احنا ؟ ؟؟.. إنشالله ياكلوا بعض !.....

****وايه اللي حصل - يعني - في الدنيا، لما يكون زهير جرانه إبن خالة محمد منصور والمغربى وأحمد عز ؟ .. خربت الدنيا ؟؟؟؟؟؟؟

**وعادي جدا، في رأيي المتواضع، إن منير ثابت، اخو سوزان مبارك، يبقي جوز خالة انس الفقي ؟؟؟؟؟؟؟ .. موش كل واحد له خالة .. والخالة لازم تكون متجوزة ؟؟؟؟؟

طيب، وإيه يعنى لما سري صيام، رئيس محمكة النقض، يبقي ابو سري صيام، رئيس البورصة ؟؟؟؟؟؟؟؟؟؟. سنة الحياة .. كل إبن له أب !

ومنير فخري عبد النور،.. وزير السياحة،.. يبقي ابن خالة يوسف بطرس غالي، ...ربنا يسهل لهم

***والصدف ياما بتحصل - يعني - دي اكيد صدفة بحتة، ان اخت محمدرشيد اتجوزت امين رياسة الجمهورية،.... اللي في نفس الوقت،. اخو قنصل مصر في امريكا.... الدنيا أصبحت قرية صغيرة .. تكنولوجيا الاتصالات اتقدمت !.....

***ويشاء ربك ان احمد فاضل، رئيس قناة السويس، إللى الناس عايزه تأممها من تاني (!!)، مجوز ابنه لبنت عمر سليمان.... بالرفاء والبنين.......

اتقو الله بقي وسيبو الناس في حالها. .........

Don`t correlate

انت ايش عرفك الناس دي كافحت قد ايه علشان تتجوز بعضها وتعيش فى تبات ونبات؟؟؟ ؟! يا ساتر منكو يا مصريين

امال ايه يا اكسلانس انت عاوز اصحاب الذوات يتجوزا مين يعنى غير كده و لا عاوزهم يتجوزا من فلاح خرسيس ابن سيس !!!!

يا على ....يا عثمان... يا ابراهيم... تعالوا شيلوا الفلاح ده و ارموا بره السرايا :P

[نوران]

[نوران]

الثائر "" اليوناني "" الحق هو الذي يثور عشان يولع في البرلمان ثم يهدا عشان يولع في البلد كلها لو مطالبه متنفذتش

خيروس رمضانوس على قناه cbc اليونانيه : المجمعوس العلميوس هيولع بكره

عملنا ثورة فى مصر جيه رئيس تونسى منتخب عملنا اضراب فى مصر نجح فى اسرائيل حاصرنا ماسبيرو عالكورنيش اقتحموه ف اليونان

أعلن الجنرال كوستا الرويني أن حركة 6إغريق اليونانيه تلقت تدريبات في الاسكندريه ... تحت كوبري ستانلي

[hanzalah]

حتى لايفهم أحد أني مؤيد لاعمال العنف والحرائق والتخريب والنهب

سواء في اليونان او في مصر أو في مزلقان ناهيه

الحقيقة ان الوضع في اليونان يزداد صعوبة .. اليونان كانت من ارخص دول اوربا قبل انضمامها الى الاتحاد الاوربي والعملة الموحدة

طبعا الدراخمة اليوناني بالنسبة للمارك الالماني مثلا هي (مشنة كاملة) من العملة اليونانية الى واحد مارك وسلامتكم

البلد أسعارها ولعت بعد التعامل باليورو على الاراضي اليونانية

كمثال سريع .. في آخر زيارة منذ سنوات وجدت ان اشياء كثيرة واساسية اصبح سعرها غالي فعلا

دي مصيبة سوده للمواطن اليوناني البسيط .. كيف ترتفع المعيشة والاسعار بهذا الشكل الرهيب و لايوازيها ارتفاع الاجور والمرتبات

وبعدين حزمة المساعدات الاوربية كانت بشروط رأها أهل اليونان قاسية ومجحفة بعض الشيء

ثم كان ان تعثروا مرة اخرى فطلبوا حزمة مساعدات ارخى تساوي 130 مليار يورو

فطلب الاتحاد الاوربي منهم التقشف فخفضوا الانفاق الحكومي ثلاثة مليارات

المهم الدنيا ولعت

انا برغم اني متفهم غضب الشارع اليوناني .. غير اني لا اظن الحرائق ستأتي بخير

خاصة ان الشباب شايفين انهم بعد سنوات بسيطة هيكونوا عبيد للألمان

طبعا هترخج فايزة ابو النجا وتقول لي يامحمد افندي مصر مش اليونان .. مصر حاجه تانية

ياست الشيخة بلا حاجه تانية بلا حاجه تالته .. الضغط يولد الانفجار

ميبقاش عندنا مثلا في مصر ماية الف مستشار للوزراء والوزارات المختلفة

وكل واحد بيلهف مليون جنيه مرتب شهري ونقول للناس شدوا الحزام

شد مين يا بشوات .. حسوا بينا شوية .. خلوا عندكوا دم

محافظة مصرية تعلن عن توفر 4 الف وظيفة مدرس بالحصة بمكافأة شهرية 150 جنيه فقط لاغير

فيتقدم لها 60 الف خريج جامعة في اسبوع واحد

يعني نسبة البطالة عندنا تبقى كام

ومش عاوزين ثورة واضرابات و حرائق

معقوله

[Mr MAGED]

حتى لايفهم أحد أني مؤيد لاعمال العنف والحرائق والتخريب والنهب

سواء في اليونان او في مصر أو في مزلقان ناهيه

الحقيقة ان الوضع في اليونان يزداد صعوبة .. اليونان كانت من ارخص دول اوربا قبل انضمامها الى الاتحاد الاوربي والعملة الموحدة

طبعا الدراخمة اليوناني بالنسبة للمارك الالماني مثلا هي (مشنة كاملة) من العملة اليونانية الى واحد مارك وسلامتكم

البلد أسعارها ولعت بعد التعامل باليورو على الاراضي اليونانية

كمثال سريع .. في آخر زيارة منذ سنوات وجدت ان اشياء كثيرة واساسية اصبح سعرها غالي فعلا

دي مصيبة سوده للمواطن اليوناني البسيط .. كيف ترتفع المعيشة والاسعار بهذا الشكل الرهيب و لايوازيها ارتفاع الاجور والمرتبات

وبعدين حزمة المساعدات الاوربية كانت بشروط رأها أهل اليونان قاسية ومجحفة بعض الشيء

ثم كان ان تعثروا مرة اخرى فطلبوا حزمة مساعدات ارخى تساوي 130 مليار يورو

فطلب الاتحاد الاوربي منهم التقشف فخفضوا الانفاق الحكومي ثلاثة مليارات

المهم الدنيا ولعت

انا برغم اني متفهم غضب الشارع اليوناني .. غير اني لا اظن الحرائق ستأتي بخير

خاصة ان الشباب شايفين انهم بعد سنوات بسيطة هيكونوا عبيد للألمان

طبعا هترخج فايزة ابو النجا وتقول لي يامحمد افندي مصر مش اليونان .. مصر حاجه تانية

ياست الشيخة بلا حاجه تانية بلا حاجه تالته .. الضغط يولد الانفجار

ميبقاش عندنا مثلا في مصر ماية الف مستشار للوزراء والوزارات المختلفة

وكل واحد بيلهف مليون جنيه مرتب شهري ونقول للناس شدوا الحزام

شد مين يا بشوات .. حسوا بينا شوية .. خلوا عندكوا دم

محافظة مصرية تعلن عن توفر 4 الف وظيفة مدرس بالحصة بمكافأة شهرية 150 جنيه فقط لاغير

فيتقدم لها 60 الف خريج جامعة في اسبوع واحد

يعني نسبة البطالة عندنا تبقى كام

ومش عاوزين ثورة واضرابات و حرائق

معقوله

كنت لسة الاسبوع اللي فات قاعد مع صديق سويدي كان في زيارة لدبي

وتقريبا كنا بنتكلم عن نفس الموضوع ... وموضوع ألمانيا ده مش مأثر علي اليونان لوحدها

تقريبا مأثر علي أوروبا كلها ... لأن مع توحيد العملة ... اتساوت الأسعار تقريبا في كل الدول الاوروبية

أو بقت قريبة من بعضها بنسبة كبيرة .. فطبعا طالما الاسعار كده كده واحدة .. كله بيفضل يشتري المنتج الألماني

وكلها مشوار بالقطر ويرجع تاني لبلده ... طبعا ده بيدمر اقتصاديات الدول التانية ... واليونان اول الخيط

[se_ Elsyed]

وعسى ان تكرهوا شيء وهو خير لكم

تركيا كانت هاتمسك السلك عريان عشان تنضم للاتحاد الأوروبي .. قبل أردوغان .. وأوروبا كانت بتطلب منهم لبن العصفور ويعملوا عجين الفلاحة وبرضوا الموضوع ما نفعش .. لكن يشاء ربك إن الإقتصاد التركي يبقى في السما .. واوربا كلها بتشم جبس دلوقت

عيش .. حرية.. عداله إجتماعية ..كرامه انسانية

لأ مش كده

الشعار هايبقى

زتون .... حرية .. عدالة إجتماعية

[se_ Elsyed]

معركة تشتعل الأن من أجل

الدستوروس أولاً .. ولا الكابيتول اولاً

--------------

[ام سلمي]

*نداء لكل غيور على مصر ملثم الغاز راح الهند والطرف الثالث راح اليونان حافظوا على كفاءات مصر.

*يوناني سأل مصري:مخاكمة موبارك خريستو ولا لسه المصري:لسه يا خواجة "أثينا قاعدين" .