اخبار تهجير 8 أسر مسيحية وبيع ممتلكاتهم ايه يا أعضاء المنتدى الكرام

[أبو يمنى]

طيب يا شباب .. بما ان مافيش حد عنده فكرة طبعآ .. فيا ريت تبعتولنا حد ... عسكري .. سلفي .. اخوانجي .. اي حد اي حد للزقازيق يشوف اللي بيحصل هناك .. و لو تكملوا جميلكم فيا ريت تبعتوهم لكنيسة "السيدة العذراء" بميت بشار مركز مينا القمح محافظة الشرقية... المطرانية بتتعرض لتهديد سافر وواضح من متشددين مزعمين أن سيدة قد أسلمت وتحتجزها الكنيسة...

الكلام ده بيحصل دلوقتي ...

و يا دلع يا دلع ..

استاذ سكوربيون انا من منيا القمح

والقرية دى تبعد عن بيت العيلة اقل من 5 دقائق

الوضع كالتالى وسيبك من الاعلام

هناك رجل مسيحى اسلم منذ 4 سنوات

ودى بنته عمرها 14 سنة وانضمت لحضانته هذا العام

طبقا للقانون المصرى تحمل البنت ديانة وجنسية الاب وطبعا طبقا للاسلام اللى هو الدين الرسمى للدولة

اللى حصل ان البنت اختفت بعد تسليمها لابوها بيوم واحد لانتهاء حضانة الام

قام الاب توقع ان البنت تم اختطافها لمنعها من الدخول فى الاسلام

فهمت القصة ؟

الاهم بقى ان محدش هوب ناحية الكنيسة ولا حتى قذف طوبة

وكمان فيه حزام من الشباب حول الكنيسة لحمايتها من اى تصرفات صبيانية ويتكون السور من شباب الاخوان والسلقيين وكل الشباب الواعى

المتجمعين هم جيران الرجل ونايبه الجداد من زوجته الجديده

ارجو ان تكون الامور واضحة

اعتقد لو ابن حضرتك او ابنتك اختطفت او اختفت على يد احد اقاربك ايه تصرفك ؟

وعلى فكرة الكنيسة مالهاش دعوة خالص ده حوار بين اشخاص ونقدر نقول انه خلاف عائلى بس طبعا الاعلام شغال زى الفل

هذا الفيديو من حلقةاليوم على قناة CBC .. مدير أمن الشرقية يدلى بأقواله التى ربما لا يصدقها البعض لأنها من "مدير أمن" .. والتى من الممكن ألا يصدقها البعض لأسباب أخرى .. وسأضع بعد الفيديو نافذة لصفحة من منتدى "فرسان السنة" واهو نبقى شفنا وسمعنا روايتين مختلفتين

هذا هو الفيديو

http://www.youtube.com/watch?v=hTW9RJUV42g&feature=player_embedded

وهذه هى النافذة

عزيزى ابو محمد اختلف معاك فقط في جزئية رجل الامن .. لماذا يطل علينا وعليهم اي الناس المتجمهرين من خلال اثير الميكريفون اليس من الحكمة ان تذاع مقابلة البنت على التلفاز حتى يشاهدها تلك الجحافل من اهل القرية التى تضربهم الشائعات من بعض المستفيدين من هذا

اليس من الحكمة ان نجد من الشرطة والدولة حلآ ناجعآ وسريعآ بأن يتم مقابلة مع البنت من خلال قناة محترمة تذاع على الجميع ويشاهدونها وعندها صدقنى ستنتهى المشكلة ويحضر والدها او من ينوب عن اسرة الام ايضآ وننتهى بقى من القرف دة نحن نحتاج الى من يقود هذة المؤسسة الشرطية بطريقة محترفه لابد من التفكير بجلول سريعة لا حلول مرتبكة او مرتعشة كقائد الامن هناك يقول مش عارف الشباب متجمهر لية والناس بتحمى الكنيسة من اية فعلآ هناك بمؤسسات الدولة من هم دون المستوى الفكرى يقودون ويتحكمون بعقلياتهم الفقيرة

يا ابو محمود يا عزيزى

طول ماحنا بنقوِّم الدنيا ، وماعندناش مانع نخرب البلد علشان "بنت" أو "سيدة" أشهرت إسلامها ثم اختفت يبقى مفيش أمل حالنا ينصلح ..

والله يابو محمود .. أنا مش عارف ليه كل حوادث الفتنة بتبدأ بإسلام "إمرأة" ؟ ...... ليه دايما بنطلع طـُفف طـُفف فاتحين "الجاعورة" علشان "أختنا" فلانة أو "أختنا" علانة .. بذمتك .. عمرك سمعت "جاعورة" واحدة اتفتحت علشان "أخونا" فلان أو "أخونا" علان ؟

يا راجل خلينى ساكت بقى أحسن "أخونا" أبو هنا يفقعنا ملحوظة ذكية زى دى :

عندما تغيب الدوله فكل شئ متوقع

ولكن الملفت للنظر ان الساده المشرفون فى المتدى بلايجتمعوا عن بكرة ابيهم الا فى احد الموضوعات

اولا: دفاعا عن الشأن المسيحى

ثانيا: تعليقا على فتوى غريبه لشيخ سلفى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هنا أيضاً شهادة وكيل مطرانية الزقازيق ومنيا القمح يؤكد على انتهاء الأزمة واسهام المسلمين وشيخ مسجد القرية في تهدئة الأوضاع والسيطرة عليها :

http://www.youtube.com/watch?v=C1otM23fsYU

[الغريب]

والله يابو محمود .. أنا مش عارف ليه كل حوادث الفتنة بتبدأ بإسلام "إمرأة" ؟ ...... ليه دايما بنطلع طـُفف طـُفف فاتحين "الجاعورة" علشان "أختنا" فلانة أو "أختنا" علانة .. بذمتك .. عمرك سمعت "جاعورة" واحدة اتفتحت علشان "أخونا" فلان أو "أخونا" علان ؟

هذا الإقتباس ربما يجيب على تساؤل الفاضل أبو محمد

بالبلدى كده:

هو ليه كل اللى بيدخلوا الإسلام بنات ؟

ده سؤال بيتسأل كتير جداً سواء على الفيس بوك أو خارجه..والغريب الكئيب المريب الرهيب إن اللى بيسال السؤال ده أغلبهم مسلمين !!! وكمان مسيحيين بيسألوا نفس السؤال !!

وبصراحة مكذبش عليكم اللى بيسال السؤال ده مبستريحلهوش لإنه سؤال يدل على جهل متعمد .. أو هدفه التشكيك فى إسلام الأخوات ..وبيدعوا إن الموضوع وراه إثارة فتنة..أو فعلاً مش عارف .....ما علينا !!

ببساطة !!

لازم نوضح الفرق بين (( الدخول فى الإسلام)) وبين ((إشهار الإسلام))..

الدخول فى الإسلام شرعاً: ان الفرد ينطق الشهادتين ..

طيب ينفع الواحد يدخل فى الإسلام وينطق الشهادتين..لكن لا يعلنها أمام الناس ويخفى إسلامه؟ أيوة طبعاً ينفع وتمام التمام .

طيب يعنى أيه ((إشهار الإسلام)) ؟!

زى ما حضرتك بتشوف كده فى الفيديوهات,,بيطلع شخص معاه (وثيقة إشهار) بتكون من الأزهر..

طيب وثيقة الإشهار اللى جابها من الأزهر دى هتفيده فى أيه ؟! دى هتفيده علشان مثلاً يغير إسمه فى البطاقة ويبقى دخل فى الإسلام شرعاً وقانوناً .

طيب يا عم متزعلش نصحح السؤال ..

ليه كل اللى بيشهروا إسلامهم بنات ؟!!!

برضه ببساطة!!

طبعاً أنت عارف ان السن القانونى لإشهار الإسلام لازم يكون( 18 سنه على الأقل)..جميل جداً

ولو تلاحظ إن ده سن الزواج فى مصر لمعظم البنات .

طيب لما البنت تكون مسيحية..وتدخل فى الإسلام .. ينفع تتزوج من شخص مسيحى؟ أكيد لأ لإن ده حرام شرعاً بنص القران الكريم..ولو مسلمة تزوجت من مسيحى هيبقى زنا .

طيب أعرنى انتباهك بقى وركز معايا !!

لنفرض ان فى بنت مسيحية..وأعتنقت الإسلام..وأخفت إسلامها وعايشة فى وسط أهلها تمام التمام..وفاجئة !! جالها عريس ..هترفضة علشان هى بقت مسلمة ومينفعش تتزوج مسيحى...جالها عريس تانى ..هترفضة برضة عادى..طيب لغاية أمتى ؟!!!!!

تفتكر لما بنت مصرية تقعد ترفض فى كل عريس يتقدم لها !! هيكون أيه موقف أهلها منها يا ترى؟!! هيطعنوا فى شرفها أو هيغصبوها على الزواج لإنها بترفض بدون مبرر .

يلا أنا طرحت عليك المشكلة..حلها بقى أنت يا اللى كنت بتسأل ليه كل اللى بيشهروا إسلامهم بنات !!

فين الحل بتاعك ؟ انا لسه منتظر !

طيب أنا عندى مشوار بعد بكرة..ولو فضلت منتظرك هتضيع عليا المشوار.

خلينى أقولك أنا الحل بقى ...

الحل هنخرجه من السؤال اللى كنت بتسأله ( ليه كل اللى بيشهروا إسلامهم بنات ؟! )

لإن البنات المسيحيات لما بيدخلن الإسلام مش هينفع يتزوجن من مسيحى..فلازم طبعاً يشهرن إسلامهن فوراً فى الأزهر ويكون معاهم وثيقة رسمية معترف بها إنها مسلمة ولا يحل لها الزواج من مسيحى .... ها وصلتك الإجابة ولا لسه ؟

بالله عليك بقى أيهما أفضل:

تشهر إسلامها وتحافظ على نفسها ودينها ومتبقاش زانية ؟! ولا تكتم إسلامها وتتزوج من مسيحى ومتحافظش على دينها وتبقى زانية؟!

انا عارف بيدور فى جمجمتك سؤال:

طيب ولزمته أيه تتصور فيديو وينزل على النت؟!

بالمناسبة تم تصوير الفيديوهات بعد قصة (الأخت كاميليا شحاتة) وأتعلمنا الدرس كويس من ساعتها..لإن لو كانت الاخت كاميليا أتصورت فيديو فى البداية..مكنش الموضوع بقى كده.

المهم !!

أى بنت مسيحية بتعتنق الإسلام وبتروح تشهر إسلامها أكيد هتترك منزلها..ولما بنت تترك منزلها ؟! هيقولوا عليها((مخطوفة)) وفعلاً أهلها بيقدموا بلاغ إنها مخطوفة ..

ولما بينزل الفيديو على الإنترنت لأى بنت أشهرت إسلامها بيدحض تماماً فكرة إن البنت تكون مخطوفة..وبيكون ده دليل ضد أهلها إن البنت مش مخطوفة ..والبنت فى سن قانونى (18 سنه على الأقل) وأشهرت إسلامها والموضوع بينتهى... فهمت يا مولانا ولا لسه؟!

طيب ليه مش بنشوف شباب بيشهروا إسلامهم بنفس عدد البنات ؟!

أولاً يا أبو الشباب..لو أى شاب مسيحى و اعتنق الإسلام .. ينفع يخفى إسلامه زى ما قولنا سابقاً..ويعيش فى وسط أهله عادى جداً.

طيب لو أهل الشاب المسيحى عرضوا عليه الزواج من بنت مسيحية ؟ هل يرفضها؟!

لا ميرفضهاش لإنه حلال شرعاً ان الشاب المسلمي تزوج من بنت مسيحية ...وهنا بقى الفرق بين اعتناق البنت للاسلام وإعتناق الشاب للإسلام...إن البنت المسلمة مينفعش تتزوج من مسيحى..لكن ينفع الشاب المسلم يتزوج من بنت مسيحية.

وبكده يبقى الشاب مش محتاج لإشهار إسلامه..ولا محتاج انه يترك بيت اهله..ولا هيبقى زانى لو تزوج من مسيحية ...

عرفت بقى ليه مفيش شباب على الساحة بيشهروا إسلامهم؟!

طيب ليه الشباب لما بيدخلوا فى الإسلام مش بيتصوروا فيديو؟!

ما إحنا لسه قايلين لإنهم مش محتاجين لإشهار إسلامهم بنفس مقدار حاجة البنت لإشهار إسلامها.

وكمان قولنا انه هيبقى قاعد فى وسط اهله ويتزوج من مسيحية كمان..وحتى لو تغيب عن منزله..أهله هيعملوا محضر أيه؟ محضر (خطف) ؟ هو فى شباب بتتخطف؟!

أعتقد الإجابة وصلتك.

[abaomar]

السيد المحترم آباعمر

عندما تجدني ماسك عود و قاعد علي قهوة تستطيع ان تقول بأني أدندن ... عندما تجدني امسك في حادثة واحدة او حتي بعض الحوادث المتفرقة و أعود و أزيد فيها لدرجة الغثيان مثل مسرحية ما .. او قول ما... فساعتها يكون عندك حق بأنني العب علي اوتار الطائفية ...

اما اذا لم تجد في كل ما سردته و هو يعود فقط لبعض الحوادث و التي حدثت كلها خلال آخر سنتين فقط اي شبهة طائفية و ان تواجد المسيحيين كان فقط لأن حظهم نحس .. يبقي خلاص فينيتو زي ما انت بتقول ... الشربات في الكلام ده كله ان حضرتك بتأكد ان عهد الدلع بتاع المسيحيين خلص ... دلع !!!! كل ده و دلع ... طيب ... عالعموم حقك يا حاج ... ما هو ده وقتكم ... الف مبروك عليكم البلد ...

علي فكرة موضوع الذمة ليه كل الأحترام طبعآ ... بس في نطاقه الأسلامي .. انا كمسيحي مش مجبر عليه زي ما حضرتك كمسلم غير مجبر علي اي مبدأ او وصف نعتبره احنا المسيحيين شيء مقدس ...

تشاو بيللو

السلام عليكم

الفاضل سكوربيون

ليس بالضروره ان تحمل عود و تقعد على قهوه كما قلت لكى تدندن

يكفى ان يتم تكرار نفس الكلام او قل نفس الحوادث بنفس الطريقه عند كل حادثه جديده كى تصبح كالاغنيه التى

يدندن بها اهل الغناء او من يقتدون بهم

كل الحوادث التى يتم ذكرها و الباسها ثوب الفتنه قسرا و جعلها فزاعه يتم رفعها لإرهاب الاخر و هى ليست كذلك

اى فتنه طائفيه فى حادثه العمرانيه التى قام فيها المسئولين عن دار الخدمات بالتزوير فى الاوراق

و مخالفه التراخيص و بناء كنيسه رغم ان الاوراق تقول مبنى خدمات و هناك فرق بينهما و هذا ما تكرر ايضا

فى حادثه المريناب التى تم التزوير فيها ايضا و هذا ما تغمض عينيك عنه و كأن التزوير صار عاده لدي هؤلاء

و حادثه امبابه فمعروف تماما من الذى بدء بإطلاق النار من المبنى المجاور للكنيسه على من وقفوا

امام الباب بكل ادب و تفاهموا مع كاهن الكنيسه عن المرأه المحبوسه قسرا و القضيه امام القضاء

و غير هذا مما لا له علاقه بالفتنه الطائفيه التى استطاع النظام السابق و من على نهجه بجعلها فزاعه

استطاع بها التنكيل بكثير من المسلمين كما هو معلوم للكثير

لا يعنى ما سبق عدم وجود حوادث بين مسيحيين و مسلمين بل هى تحدث حتى بين المسلمين انفسهم و المسيحيين ايضا

و يتهور من كلا الطرفين بعض المتعصبين و يستترون خلف الدين احيانا لكن تبقى هناك حقيقه ثابته

انه ما من بلد فى العالم يتعايش فيه المسيحيين بين اغلبيه ساحقه من دين اخر كما يحدث فى مصر

اكرر هذا و اتحدى اى احد ان يدحض هذا و من لديه دليل فعليه به.

اما قصه ..الدلع .. التى سخرت منها اعلاه فهى حقيقه واقعه

و اذكرك بمن بكى بدموع عينيه حسره عند سماعه خبر خلع مبارك و بمن تغير موقفه 180 درجه من كبار رجال الكنيسه

...

عموما لن يجد المسيحيين و غيرهم الامان و الحمايه فى اى عهد و اى مكان كما يجدونه فى كنف الاسلام

و ها نرى باعيننا يا سكوربيون ما يفعله المسلمون الأن و ذكر الاخوه نماذج كثيره لما يفعله المسلمين

و على لسان المسيحيين انفسهم و من اهل القريه فما الذى لا تفهمه ..

يا سكوربيون

اللعب بورقه الاضطهاد ذهب وقتها و التجاره بها بارت

فالنظام الذى كان يستثمرها ذهب الى غير رجعه و جاء من يعتبر ان معامله غير المسلم بالبر و العدل

بل و الدفاع عنه حتى بروحه ..دينا ..واخد بالك يا ابو جونيور .. دينا يتقرب به الى الخالق

و ما نراه على ارض الواقع يؤكد ذلك

تم تعديل 15 فبراير 2012 بواسطة abaomar

[elzahraa]

والله يابو محمود .. أنا مش عارف ليه كل حوادث الفتنة بتبدأ بإسلام "إمرأة" ؟ ...... ليه دايما بنطلع طـُفف طـُفف فاتحين "الجاعورة" علشان "أختنا" فلانة أو "أختنا" علانة .. بذمتك .. عمرك سمعت "جاعورة" واحدة اتفتحت علشان "أخونا" فلان أو "أخونا" علان ؟

هذا الإقتباس ربما يجيب على تساؤل الفاضل أبو محمد

بالبلدى كده:

هو ليه كل اللى بيدخلوا الإسلام بنات ؟

ده سؤال بيتسأل كتير جداً سواء على الفيس بوك أو خارجه..والغريب الكئيب المريب الرهيب إن اللى بيسال السؤال ده أغلبهم مسلمين !!! وكمان مسيحيين بيسألوا نفس السؤال !!

وبصراحة مكذبش عليكم اللى بيسال السؤال ده مبستريحلهوش لإنه سؤال يدل على جهل متعمد .. أو هدفه التشكيك فى إسلام الأخوات ..وبيدعوا إن الموضوع وراه إثارة فتنة..أو فعلاً مش عارف .....ما علينا !!

ببساطة !!

لازم نوضح الفرق بين (( الدخول فى الإسلام)) وبين ((إشهار الإسلام))..

الدخول فى الإسلام شرعاً: ان الفرد ينطق الشهادتين ..

طيب ينفع الواحد يدخل فى الإسلام وينطق الشهادتين..لكن لا يعلنها أمام الناس ويخفى إسلامه؟ أيوة طبعاً ينفع وتمام التمام .

طيب يعنى أيه ((إشهار الإسلام)) ؟!

زى ما حضرتك بتشوف كده فى الفيديوهات,,بيطلع شخص معاه (وثيقة إشهار) بتكون من الأزهر..

طيب وثيقة الإشهار اللى جابها من الأزهر دى هتفيده فى أيه ؟! دى هتفيده علشان مثلاً يغير إسمه فى البطاقة ويبقى دخل فى الإسلام شرعاً وقانوناً .

طيب يا عم متزعلش نصحح السؤال ..

ليه كل اللى بيشهروا إسلامهم بنات ؟!!!

برضه ببساطة!!

طبعاً أنت عارف ان السن القانونى لإشهار الإسلام لازم يكون( 18 سنه على الأقل)..جميل جداً

ولو تلاحظ إن ده سن الزواج فى مصر لمعظم البنات .

طيب لما البنت تكون مسيحية..وتدخل فى الإسلام .. ينفع تتزوج من شخص مسيحى؟ أكيد لأ لإن ده حرام شرعاً بنص القران الكريم..ولو مسلمة تزوجت من مسيحى هيبقى زنا .

طيب أعرنى انتباهك بقى وركز معايا !!

لنفرض ان فى بنت مسيحية..وأعتنقت الإسلام..وأخفت إسلامها وعايشة فى وسط أهلها تمام التمام..وفاجئة !! جالها عريس ..هترفضة علشان هى بقت مسلمة ومينفعش تتزوج مسيحى...جالها عريس تانى ..هترفضة برضة عادى..طيب لغاية أمتى ؟!!!!!

تفتكر لما بنت مصرية تقعد ترفض فى كل عريس يتقدم لها !! هيكون أيه موقف أهلها منها يا ترى؟!! هيطعنوا فى شرفها أو هيغصبوها على الزواج لإنها بترفض بدون مبرر .

يلا أنا طرحت عليك المشكلة..حلها بقى أنت يا اللى كنت بتسأل ليه كل اللى بيشهروا إسلامهم بنات !!

فين الحل بتاعك ؟ انا لسه منتظر !

طيب أنا عندى مشوار بعد بكرة..ولو فضلت منتظرك هتضيع عليا المشوار.

خلينى أقولك أنا الحل بقى ...

الحل هنخرجه من السؤال اللى كنت بتسأله ( ليه كل اللى بيشهروا إسلامهم بنات ؟! )

لإن البنات المسيحيات لما بيدخلن الإسلام مش هينفع يتزوجن من مسيحى..فلازم طبعاً يشهرن إسلامهن فوراً فى الأزهر ويكون معاهم وثيقة رسمية معترف بها إنها مسلمة ولا يحل لها الزواج من مسيحى .... ها وصلتك الإجابة ولا لسه ؟

بالله عليك بقى أيهما أفضل:

تشهر إسلامها وتحافظ على نفسها ودينها ومتبقاش زانية ؟! ولا تكتم إسلامها وتتزوج من مسيحى ومتحافظش على دينها وتبقى زانية؟!

انا عارف بيدور فى جمجمتك سؤال:

طيب ولزمته أيه تتصور فيديو وينزل على النت؟!

بالمناسبة تم تصوير الفيديوهات بعد قصة (الأخت كاميليا شحاتة) وأتعلمنا الدرس كويس من ساعتها..لإن لو كانت الاخت كاميليا أتصورت فيديو فى البداية..مكنش الموضوع بقى كده.

المهم !!

أى بنت مسيحية بتعتنق الإسلام وبتروح تشهر إسلامها أكيد هتترك منزلها..ولما بنت تترك منزلها ؟! هيقولوا عليها((مخطوفة)) وفعلاً أهلها بيقدموا بلاغ إنها مخطوفة ..

ولما بينزل الفيديو على الإنترنت لأى بنت أشهرت إسلامها بيدحض تماماً فكرة إن البنت تكون مخطوفة..وبيكون ده دليل ضد أهلها إن البنت مش مخطوفة ..والبنت فى سن قانونى (18 سنه على الأقل) وأشهرت إسلامها والموضوع بينتهى... فهمت يا مولانا ولا لسه؟!

طيب ليه مش بنشوف شباب بيشهروا إسلامهم بنفس عدد البنات ؟!

أولاً يا أبو الشباب..لو أى شاب مسيحى و اعتنق الإسلام .. ينفع يخفى إسلامه زى ما قولنا سابقاً..ويعيش فى وسط أهله عادى جداً.

طيب لو أهل الشاب المسيحى عرضوا عليه الزواج من بنت مسيحية ؟ هل يرفضها؟!

لا ميرفضهاش لإنه حلال شرعاً ان الشاب المسلمي تزوج من بنت مسيحية ...وهنا بقى الفرق بين اعتناق البنت للاسلام وإعتناق الشاب للإسلام...إن البنت المسلمة مينفعش تتزوج من مسيحى..لكن ينفع الشاب المسلم يتزوج من بنت مسيحية.

وبكده يبقى الشاب مش محتاج لإشهار إسلامه..ولا محتاج انه يترك بيت اهله..ولا هيبقى زانى لو تزوج من مسيحية ...

عرفت بقى ليه مفيش شباب على الساحة بيشهروا إسلامهم؟!

طيب ليه الشباب لما بيدخلوا فى الإسلام مش بيتصوروا فيديو؟!

ما إحنا لسه قايلين لإنهم مش محتاجين لإشهار إسلامهم بنفس مقدار حاجة البنت لإشهار إسلامها.

وكمان قولنا انه هيبقى قاعد فى وسط اهله ويتزوج من مسيحية كمان..وحتى لو تغيب عن منزله..أهله هيعملوا محضر أيه؟ محضر (خطف) ؟ هو فى شباب بتتخطف؟!

أعتقد الإجابة وصلتك.

في سبب تاني مهم جدا حضرتك نسيتو ومعرفتوش الا لما اشتغلت

الشباب عموما بيشتغلو في محافظات غير محافظاتهم و مش سهل ان اي حد يلاحظ انهم بيصلو الصلاة الاسلامية لانهم ما بيلبسوش حجاب بيعدو في منازلهم وقت قليل

و غالبا في حالة سمعت عنها بيفهم اهلو انو راح يشتغل في دولة تانية حتى و يغير اسمه ويبدأ حياة جديدة في محافظة اخرى

و في سبب اهم عموما سن تغيير الدين بيبقى بعد البلوغ مباشرة دي المرحلة اللي الناس بتراجع فيها معتقدتها لان الموضوع بيبقى جنة ونار

و البنت عموما بتبلغ قبل الولد

دي الاسباب اللي انا حستها من اللي حولي والله اعلم

[Scorpion]

الفاضل سكوربيون

ليس بالضروره ان تحمل عود و تقعد على قهوه كما قلت لكى تدندن

يكفى ان يتم تكرار نفس الكلام او قل نفس الحوادث بنفس الطريقه عند كل حادثه جديده كى تصبح كالاغنيه التى

يدندن بها اهل الغناء او من يقتدون بهم

طب علي كده اسمحلي اسبغ علي معاليك يا آبا عمر لقب ملك .. لأ ملك ايه .. امبراطور الدندنة بجميع المقامات الشرقية و الغربية في الوطن العربي ...

صحيح المثل اللي بيقول رمتني بدائها و انسلت ... واخدلي بالك يا آبا عمر ... يا ريت جناب معاليك تجيبلي فين انا عدت و زدت في الجرائم القذرة اللي بتحصل ضد المسيحيين و اللي دايمآ يا آباعمر بدون ادني شك لازم نطلعهم هما السبب فيها ... و بالرغم من ان الضرر الأعظم اللي بيحصل كل مرة و اللي بيوصل لأزهاق النفس هما اللي بيدفعوه دايمآ .. النفس يا آبا عمر يا مؤمن ... و اللي لو انت مش فاكر افكرك بأنهاأشد حرمة عند الله من هدم بيوت العبادة نفسها ... أشد حرمة يا آبا عمر .. اللا لو كان الحديث عندك بيخصصها بالنفس الأسلامية فقط اما المسيحية منها ففستين داهية ... لكن ازاي .... كل مرة يستاهلوا هما السبب ...و التبريرات علي قفا من يشيل ...

اتعب نفسك يا مولانا و اكتب في خاصية البحث مسرحية الأسكندرية .. او البابا شنودة .. او الأنبا بيشوي .. و حضرتك حتشوف قواعد الدندنة اللي علي اصولها ....

عالعموم انا مش عارف انا بتحاور معاك ليه ... عبث في عبث في عبث ..

دندن حضرتك علي مزاج مزاجك ... هذا وقتكم يا آبا عمر ...

قال دلع قال ...

[Scorpion]

عودة مرة أخري الي الموضوع الأصلي ...و الذي حتي الآن لا استطيع بالفعل ان أتخيل اننا وصلنا الي هذه الدرجة ... فما حدث شىء لا يصدقه عقل.. فلا هو قانونى ولاترضاه أى أعراف ولا شرائع.. لماذا يأخذ أبرياء بذنب شخص لا علاقة لهم به؟ لماذا تصدر أحكام عرفية بتهجير أسر من منازلها وبيع ممتلكاتها وبحضور ممثلين عن الكنيسة؟ كيف تشارك الكنيسة فى إهدار القانون؟ وكيف تشارك الشرطة فى ذلك وتقوم برعاية مثل هذه المجالس التى تخالف القانون وكل الأعراف والقيم الإنسانية؟

حين سألت بعض الأصدقاء عما حدث قالوا لى إنهم يتفهمون هذا الوضع لأنه لن توجد حماية لهذه الأسر المسيحية إذا استمروا فى سكنهم بمنازلهم وقد يدفعون حياتهم ثمنا لذلك... ولذلك فإنهم آثروا السلامة.

أتخيل نفسى وأنا أقوم مرغما بترك بيتى وبيع ممتلكاتى رغما عنى لأننى أخاف على حياتى وحياة أبنائى من الخطر لأنه لا يوجد قانون يحمينى ويعطينى أبسط الحقوق فى الشعور بالأمان فى وطن أنا أحد مواطنيه.

أتخيل نفسى أدفع ثمن خطيئة شخص آخر – إن ثبت اتهامه – لا لشىء إلا لأن دينه هو دينى فقط... وكأن انتمائى الدينى أصبح اتهاما وسببا لإيذائى واضطهادى.

سأكفر حينها بهذا الوطن الذى يجعل انتمائى الدينى سببا لعقابى بلا ذنب اقترفته... سأكفر حينها بالوطن الذى يعلى شريعة الغاب ويجعل للبطش والإجرام والكراهية والظلم اليد العليا فى تسيير أمور الحياة.

ما حدث فى قرية شربات بالعامرية جريمة غير مسبوقة وانتهاء القضية بهذا الشكل يفتح الباب لممارسات أشد سوءا تضيع فيها الحقوق وتنتهك فيها الحرمات تحت أى دعوى واتهام.

إن إلغاء نتائج وقرارات هذا المجلس العرفى هو أول خطوة يجب أن تتم فورا وإحالة الأمر برمته للقضاء والمساءلة القانونية لإرساء دولة القانون مع توفير الحماية لكل مواطن مصرى أيا كان دينه وهذه مسؤولية الدولة.

[عبير يونس]

عودة مرة أخري الي الموضوع الأصلي ...و الذي حتي الآن لا استطيع بالفعل ان أتخيل اننا وصلنا الي هذه الدرجة ... فما حدث شىء لا يصدقه عقل.. فلا هو قانونى ولاترضاه أى أعراف ولا شرائع.. لماذا يأخذ أبرياء بذنب شخص لا علاقة لهم به؟ لماذا تصدر أحكام عرفية بتهجير أسر من منازلها وبيع ممتلكاتها وبحضور ممثلين عن الكنيسة؟ كيف تشارك الكنيسة فى إهدار القانون؟ وكيف تشارك الشرطة فى ذلك وتقوم برعاية مثل هذه المجالس التى تخالف القانون وكل الأعراف والقيم الإنسانية؟

حين سألت بعض الأصدقاء عما حدث قالوا لى إنهم يتفهمون هذا الوضع لأنه لن توجد حماية لهذه الأسر المسيحية إذا استمروا فى سكنهم بمنازلهم وقد يدفعون حياتهم ثمنا لذلك... ولذلك فإنهم آثروا السلامة.

أتخيل نفسى وأنا أقوم مرغما بترك بيتى وبيع ممتلكاتى رغما عنى لأننى أخاف على حياتى وحياة أبنائى من الخطر لأنه لا يوجد قانون يحمينى ويعطينى أبسط الحقوق فى الشعور بالأمان فى وطن أنا أحد مواطنيه.

أتخيل نفسى أدفع ثمن خطيئة شخص آخر – إن ثبت اتهامه – لا لشىء إلا لأن دينه هو دينى فقط... وكأن انتمائى الدينى أصبح اتهاما وسببا لإيذائى واضطهادى.

سأكفر حينها بهذا الوطن الذى يجعل انتمائى الدينى سببا لعقابى بلا ذنب اقترفته... سأكفر حينها بالوطن الذى يعلى شريعة الغاب ويجعل للبطش والإجرام والكراهية والظلم اليد العليا فى تسيير أمور الحياة.

ما حدث فى قرية شربات بالعامرية جريمة غير مسبوقة وانتهاء القضية بهذا الشكل يفتح الباب لممارسات أشد سوءا تضيع فيها الحقوق وتنتهك فيها الحرمات تحت أى دعوى واتهام.

إن إلغاء نتائج وقرارات هذا المجلس العرفى هو أول خطوة يجب أن تتم فورا وإحالة الأمر برمته للقضاء والمساءلة القانونية لإرساء دولة القانون مع توفير الحماية لكل مواطن مصرى أيا كان دينه وهذه مسؤولية الدولة.

عزيزي سكوب

ما نحن بصدده هنا

و كثير من الحوادث غريبة الشكل منذ أن تم خلع المخلوع

هو تطبيقا للجملة التي قالها المخلوع بحذافيرها

" إما أنا أو الفوضى ! "

و هناك من يساعدون على تطبيق تلك الجملة

بالصمت تارة

و بالتصفيق تارة أخرى

فالغالبية العظمى من الشعب يميلون إلى ترييح الدماغ ماداموا غير متضررين

و البعض يهوى إيجاد المبررات

و الكثيرون يعشقون التحليلات و وضع التكهنات

و الأكثر منهم يميلون إلى كيل الاتهامات و إلقاء اللوم على كل من يحاول أن يبتعد عما سبق

و عذرا لن ترى أي حلول من أي نوع بكل أسف

و لا تعليق آخر

[elzahraa]

عودة مرة أخري الي الموضوع الأصلي ...و الذي حتي الآن لا استطيع بالفعل ان أتخيل اننا وصلنا الي هذه الدرجة ... فما حدث شىء لا يصدقه عقل.. فلا هو قانونى ولاترضاه أى أعراف ولا شرائع.. لماذا يأخذ أبرياء بذنب شخص لا علاقة لهم به؟ لماذا تصدر أحكام عرفية بتهجير أسر من منازلها وبيع ممتلكاتها وبحضور ممثلين عن الكنيسة؟ كيف تشارك الكنيسة فى إهدار القانون؟ وكيف تشارك الشرطة فى ذلك وتقوم برعاية مثل هذه المجالس التى تخالف القانون وكل الأعراف والقيم الإنسانية؟

حين سألت بعض الأصدقاء عما حدث قالوا لى إنهم يتفهمون هذا الوضع لأنه لن توجد حماية لهذه الأسر المسيحية إذا استمروا فى سكنهم بمنازلهم وقد يدفعون حياتهم ثمنا لذلك... ولذلك فإنهم آثروا السلامة.

أتخيل نفسى وأنا أقوم مرغما بترك بيتى وبيع ممتلكاتى رغما عنى لأننى أخاف على حياتى وحياة أبنائى من الخطر لأنه لا يوجد قانون يحمينى ويعطينى أبسط الحقوق فى الشعور بالأمان فى وطن أنا أحد مواطنيه.

أتخيل نفسى أدفع ثمن خطيئة شخص آخر – إن ثبت اتهامه – لا لشىء إلا لأن دينه هو دينى فقط... وكأن انتمائى الدينى أصبح اتهاما وسببا لإيذائى واضطهادى.

سأكفر حينها بهذا الوطن الذى يجعل انتمائى الدينى سببا لعقابى بلا ذنب اقترفته... سأكفر حينها بالوطن الذى يعلى شريعة الغاب ويجعل للبطش والإجرام والكراهية والظلم اليد العليا فى تسيير أمور الحياة.

ما حدث فى قرية شربات بالعامرية جريمة غير مسبوقة وانتهاء القضية بهذا الشكل يفتح الباب لممارسات أشد سوءا تضيع فيها الحقوق وتنتهك فيها الحرمات تحت أى دعوى واتهام.

إن إلغاء نتائج وقرارات هذا المجلس العرفى هو أول خطوة يجب أن تتم فورا وإحالة الأمر برمته للقضاء والمساءلة القانونية لإرساء دولة القانون مع توفير الحماية لكل مواطن مصرى أيا كان دينه وهذه مسؤولية الدولة.

كدة نرجع للموضوع الاهم و نكلم بعقلانية بعيدا عن حادثة بعينها

اول ما يجب مناقشته هو اسباب لجوء الاهالي الى المجالس العرفية وقبولهم بنتائجها ولماذا لهذة المجالس هيبة اكبر من القضاء وهذا بواقع خبرتي

و هذا يحيلنا الى اهمية تعديل نظام التقاضي في مصر

ليست الداخلية فقط ما تحتاج الى هيكلة و لكن الداخلية والنيابة والقضاء يحتاجون الى هيكلة معا في ان واحد

وان كان الاهالي يثقون في انفسهم اقترح ادخال نظام المحلفين في مصر

و اقترح ان تعاد هيكلة الشرطة و النيابة ك FBI

وهذة الخطوة الاولى

الخطوة الثانية هو التخلص من العصبيات و التقسيمات العجيبة ليحمل كل مواطن همة وحدة

وهذا بوجود مكان اجتماعي خارج المسجد والكنيسة يجذب المواطنين اليه ويعيد تقسيمهم

الخطوة الثالثة تعزيز المناهج الدينية وبسرعة بالفهم الصحيح للدين ووجود دروس يشرف عليها الازهر والكنيسة للاهالي وبما يشبع حاجة المواطن اليه حتى لا يحصل عليه من المتطرفين

الخطوة الرابعة هو عمل قانون للتحول الديني وهذا القانون ساري على اي تحول مسيحي - مسلم او مسلم - مسيحي او حتى للبهائية بتحديد الاجراءات من جلسات النصح الى الاشهار الى حماية الشخص بما يشبه برنامج حماية الشهود في الولايات المتحدة لانك لا تضمن ردة فعل الاهالي وكذلم توضيح وحسم امور الحضانة و تحديد سن للزواج يتم احترامه

الخطوة الخامسة وجود قوانين رادعة تعاقب على الجرائم الاخلاقية حتى لا تتكرر جرائم الشرف التي هى الاخطر على المجتمع المصري و لا يلجأ الاهالي لقوانينهم الخاصة

الخطوة الاهم هو التركيز الشعبي على هذة الطلبات وفهمهم لاليات تنفيذها و الضغط في هذا الاتجاه و حتى هذة اللحظة فالاهم هو حفظ الارواح وحق اختيار السكن وعدم تعميم العقوبة

و لي عودة ان انتظم الموضوع وركز على المشاكل و الحلول وليس السلفيين ككل مرة

و شكرا

[moamana]

نعم هناك اضطهاد للمسيحيين فى مصر ......لماذا لا نعلن الحقائق دوما .......اننا بالفعل نستطيع التعايش معهم و لكننا لا نقبل فكرهم و لكن للجقيقة ايضا فنحن نضطهد السلفيين ايضا طوال عمرنا و نتهمهم بانهم الطريق الاول للارهاب و لنكن اكثر واقعية فنحن نضطهد العرب الذين يعيشون بيننا و نقول عنهم انهم جاءوا بلدنا للزنى و لعب القمار و لممارسة ما ليس مسموحا فى بلادهم و اغرب انواع الاضطهاد كانت لزوجة عمى لانها فليبينية فرفضتها عائلته لانها من بلد الخادمات رغم انها جامعية و مثقفة جدا

اننا نتاج ثقافة الاضطهاد و التربية على التعايش مع الاخر مع عدم احترامه و لا حبه محبة حقيقية و هذه العقلية ليست اسلامية او مسيحية او اى دينية بل هى عقلية نتاج مفاهيم خاطئة و حياة مقرفة و قاسية و جهل لمدة 30 سنة تحت حكم العسكر

اعتقد اننا جميعا يجب ان نستفيد مما يحد الان بل و الله انا اشهد اننا بعد فترة لو تغيرت مصر للاحسن سينتهى الامر تماما لكن قبلها يجب ان نفهم ان الامن لا يتدخل لانه عايز النار تشعلل زيادة

انا اشكر السلف و على فكرة بدات اغير ارائى فيهم و اعتقد انهم ايضا بداوا يتغيرون و يكونون اكثر ليونة و اقل حدة و سيتغيرون اكثر و اكثر لان مصر تفرض الوسطية

و اعتقد المسيحيين ايضا ستزول عندهم عقدة الاضطهاد بعد حين عندما ينتشر وعى صحيح عند المواطن بحقوقه و حقوق الغير

[ابو محمود]

نعم هناك اضطهاد للمسيحيين فى مصر ......لماذا لا نعلن الحقائق دوما .......اننا بالفعل نستطيع التعايش معهم و لكننا لا نقبل فكرهم و لكن للجقيقة ايضا فنحن نضطهد السلفيين ايضا طوال عمرنا و نتهمهم بانهم الطريق الاول للارهاب و لنكن اكثر واقعية فنحن نضطهد العرب الذين يعيشون بيننا و نقول عنهم انهم جاءوا بلدنا للزنى و لعب القمار و لممارسة ما ليس مسموحا فى بلادهم و اغرب انواع الاضطهاد كانت لزوجة عمى لانها فليبينية فرفضتها عائلته لانها من بلد الخادمات رغم انها جامعية و مثقفة جدا

اننا نتاج ثقافة الاضطهاد و التربية على التعايش مع الاخر مع عدم احترامه و لا حبه محبة حقيقية و هذه العقلية ليست اسلامية او مسيحية او اى دينية بل هى عقلية نتاج مفاهيم خاطئة و حياة مقرفة و قاسية و جهل لمدة 30 سنة تحت حكم العسكر

اعتقد اننا جميعا يجب ان نستفيد مما يحد الان بل و الله انا اشهد اننا بعد فترة لو تغيرت مصر للاحسن سينتهى الامر تماما لكن قبلها يجب ان نفهم ان الامن لا يتدخل لانه عايز النار تشعلل زيادة

انا اشكر السلف و على فكرة بدات اغير ارائى فيهم و اعتقد انهم ايضا بداوا يتغيرون و يكونون اكثر ليونة و اقل حدة و سيتغيرون اكثر و اكثر لان مصر تفرض الوسطية

و اعتقد المسيحيين ايضا ستزول عندهم عقدة الاضطهاد بعد حين عندما ينتشر وعى صحيح عند المواطن بحقوقه و حقوق الغير

اذآ نحن نعيش عصر الاضطهاد انها قسوة الجهل مع الدين مع العلم مع كل شيء فى غير مكانة لقد ذابت فى داخل المجتمع امراض استوطنت داخل صدور الجميع لم يعد هناك الا القصاء او الاضطهاد والاحساس بالفخر الذائف والانا ولهذا نجد حتى هنا ميول عدوانية تظهر جليآ عند الخلافات فى الفكر واصلاح ذلك يبدآ من ان نجعل القوانين تطبق كما الشريعة لا يخرج منها القوى الا بعقاب مثلة مثل الضعيف وعندها سنختلف ونتغير

لو هناك احدآ يغش فى ميزان البيع وأحس ان الغش عقوبتة الشنق او الاعدام ماذا هو فاعل مع الميزان امامة هههههههههههههه سيكلم الميزان بل سيضعة فى صندوق زجاجى ويرفع عنة الاتربة انها تفعيل القوانين الرادعة كما يوجد فى شرع الله

[الغريب]

أستضافة قناة الجزيرة مباشر مصر بالأمس سليمان اباسخيرون وإثنين من المسلمين الذين يستضيفوه عندهم بالقرية بعد خروجه من منزله هو وعائلاته..

الفيديو لما يتوفر لأنشره هنا

ولكن الكلام خطير للغاية ويدل على غياب كامل للدولة في القضية

وينبغي الإعتراف أن الدولة تغيب بالفعل عن كل المناطق القبلية والبدوية في جميع أنحاء البلاد، كالصعيد وسيناء ومطروح والعامرية.

لعل هناك عائلات كثيرة وقع عليها ظلم هذه الأحكام العرفية التي لا تتقيد بشرع ولا قانون ، ولكننا لم نشعر بهم، ولكننا شعرنا بهم هذه المرة بسبب دخول لون طائفي علي الأمر

تحياتي...

[se_ Elsyed]

على حسب مراسل برنامج الحياة اليوم من حوالي ربع ساعة

منذ قليل إنتهى الاجتماع الذي عُقد لأكثر من 8 ساعات في العامرية بحضور جميع اطراف المشكلة وبحضور الأمن ... وانتهت المشكلة نهاية عادلة يرضاها الجميع ... ومن اهم نتائجها :

1- رجوع اهالي القرية المُهجرين

2- كل من تورط في أعمال تخريب او نهب فيجب ان يُعيد ما تم نهبه او تخريبة كما كان وفقاً للقانون ...

هذا ما سمعته بالظبط

أما سبب المشكلة فاعتقد إنه يجب ان يتم معالجتة قانونياً بعيداً عن الطائفية .. لان ده حادث ممكن يحصل عادي جداً وبيحصل بدون النظر إلى ديانة مرتكبية .... وبالتالي القانون هنا لا يعامل المجرم او المتهم على حسب دينة

[وليد صفوت]

السلام عليكم

قد أكون قد قرأت الموضوع مراراً فى الجرائد و المواقع الاليكترونية، لكنى لم أتابع الموضوع هنا بشكل كبير، و لكن الذى فهمته ان التهجير جاء بُناءً على الاحكام المتعارف عليها فى تلك القرى (العرف و المحكمة العرفية) التى تقضى بتهجير الاسرة كلها من المكان و بيع ممتلكاتها حتى لا يكون لها وجود فى نفس المكان الذى وقعت فيه الجريمة. فليس للموضوع صلة بالدين لأنه لو كانت الاسرة مسلمة لتم تهجيرها ايضاً. صحيح هذا أم أن للموضوع "أحداث" اُخرى؟ و أرجو ان يساعدنى الاعضاء و لكن بدون تخمين، فقط وقائع و نترك التحليل و التخمين للمنطق و العقل و المناقشة...ـ

السلام عليكم

[وليد صفوت]

على حسب مراسل برنامج الحياة اليوم من حوالي ربع ساعة

منذ قليل إنتهى الاجتماع الذي عُقد لأكثر من 8 ساعات في العامرية بحضور جميع اطراف المشكلة وبحضور الأمن ... وانتهت المشكلة نهاية عادلة يرضاها الجميع ... ومن اهم نتائجها :

1- رجوع اهالي القرية المُهجرين

2- كل من تورط في أعمال تخريب او نهب فيجب ان يُعيد ما تم نهبه او تخريبة كما كان وفقاً للقانون ...

هذا ما سمعته بالظبط

أما سبب المشكلة فاعتقد إنه يجب ان يتم معالجتة قانونياً بعيداً عن الطائفية .. لان ده حادث ممكن يحصل عادي جداً وبيحصل بدون النظر إلى ديانة مرتكبية .... وبالتالي القانون هنا لا يعامل المجرم او المتهم على حسب دينة

س س صباح الفل وحشنى تنين مُجنح :-)

يعنى معنى الكلام ده ان توقعاتى كانت صحيحة؟ يعنى الموضوع ملهوش دخل بالديانة و انه فقط متعلق بمن ارتكب الجُرم؟ أومال الاخ سكوب زعلان ليه طيب p:

واحشنى يا ابيه سكوب :-)

[se_ Elsyed]

التى تقضى بتهجير الاسرة كلها من المكان و بيع ممتلكاتها حتى لا يكون لها وجود فى نفس المكان الذى وقعت فيه الجريمة

وإنت كمان واحشني يا فنان ... حبيبي يا وليد

بُص يا وليد .... بمنتهى البساطة ... الواد اللي عمل العملة السودا من البحيرة ... وعائلتة أستقرت في العامرية من فترة مش طويلة ...

معظم اللي إتهجروا ... واللي إتنهبت أموالهم وممتلكاتهم من بلطجة مجرمين لا لهم دين ولا ملة ولا يعرفوا ربنا من الاساس ... الناس اللي تضررت دي صعايدة وولا يعرفوا المجرم من بعيد ولا قريب وفي حالهم - ده من بؤ جيران مسلمين لهم يأوونهم حالياً في بيوتهم بعد حرق بيوتهم اللي بيقيموا فيها -

يبقى الموضوع ديني برضوا ... بس مش دفاع وحمية عن الدين

لأن خلي بالك ... من ضمن الحكم النهائي اللي وصلوا له إن الولد اللي عمل كده هايتعامل بالقانون وهو محبوس أساساً من أول يوم .... والست دي وعيلتها هايسيبوا القرية

يبقى فين الدفاع والغيرة على الدين هنا ؟

إذن هي نفس المشكلة والمصيبة بتاعت كل مرة .... غياب هيبة الدولة .... حمية وغيرة وهبل لا علاقة له بالدين .. لأن كلنا نعرف وحافظين أحاديث الرسول ومنها

من ظلم معاهداً أو أنتقصه حقه .. فأنا حجيجة يوم القيامة ( يعني خصمة وعدوه )

وحديث اخر معناه .. من قتل معاهدًا لا يشم رائحة الجنة وأن ريحها لُيشم على مسيرة 40 عامًا

يبقى الأشاوس اللي نهبوا محلات الناس دي وحرقوا بيوتهم وشردوهم ... دول نصنفهم على إنهم إيه ؟

---------

أستضافة قناة الجزيرة مباشر مصر بالأمس سليمان اباسخيرون وإثنين من المسلمين الذين يستضيفوه عندهم بالقرية بعد خروجه من منزله هو وعائلاته..

الفيديو لما يتوفر لأنشره هنا

ولكن الكلام خطير للغاية ويدل على غياب كامل للدولة في القضية

وينبغي الإعتراف أن الدولة تغيب بالفعل عن كل المناطق القبلية والبدوية في جميع أنحاء البلاد، كالصعيد وسيناء ومطروح والعامرية.

أنا شاهدت اللقاء ... وشاهدته أيضاً في برنامج صباحك مع دريم

شيء بشع وبطلجة علنية ... الراجل سليمان أباسخيرون ده مالوش علاقة من بعيد او قريب بالواد الترزي وكل اللي بينهم إنهم مسيحيين فقط يعني بنفس الديانة .. وكل ذنبة إنه غني وعنده أراضي ومباني ومحلات موبيليا وأجهزة منزلية .... فطبعاً الحقد بيلعب دوره هنا .. والسبوبة اللي الناس بترسم عليها وناس لا لها دين ولا مله بتندس يمكن تقلب حاجه في الهوجة دي ....

[se_ Elsyed]

بعد جلسة 7 ساعات ..

اللجنة البرلمانية تقرر العودة الآمنة للأسر القبطية بالعامرية

الجمعة، 17 فبراير 2012 - 11:35

كتب نادر شكرى

بعد جلسة استمرت ما يقرب من السبع ساعات لمناقشة أزمة تهجير أقباط قرية النهضة بالعامرية، أنهت اللجنة البرلمانية المشكلة لدارسة وحل الأزمة بيانا عقب صياغته من قبل الجلسة التى عقدت بواحة عمر بالإسكندرية بالاتفاق على ضرورة عودة الأسر القبطية دون أسرة الشاب المتسبب فى الأحداث.

وقال البيان الذى تلاه الدكتور إيهاب رمزى عضو البرلمان، إن اللجنة البرلمانية بعد جلسة طويلة مع كافة الأطراف المعنية لتقصى الحقائق نقدم فيه الشكر لأبناء العامرية المخلصين لما قدموه لوأد الفتنة وحماية جيرانهم الأقباط، وأنه تأكد بعدم وجود تهجير للأقباط وما هى إلا ترويج إعلامى، ولكن هذه الأسر غادرت القرية لظروف أمنية وتؤكد اللجنة على عودة أسر أبسخيرون خليل "أبو سليمان" إلى منالهم كحق قانونى لهم وأن سيادة القانون هو الأساس ولا يخالف ذلك الشرع، ومن حقهم الإقامة داخل قريتهم.

ورفض البيان كل ما جاء بوسائل الإعلام، وأنه يسىء لأهالى العامرية وأكد البيان على ترك مسألة الشاب المتسبب للأحداث والجناة الذين قاموا بحرق منازل الأقباط للقانون والقضاء للبت فيه وتعهد الجميع بتوفير العودة الآمنة للأسر المهجرة وهى خمسة أسر عدا ثلاثة أسر للشاب المتسبب فى الأحداث.

وأكد الدكتور أسامة الفولى محافظ الإسكندرية الذى حضر اللقاء، أن مشاركة كافة أطياف القوى الوطنية والأحزاب ونواب البرلمان ورجال الدين الإسلامى والمسيحى، أمر يؤكد على أصالة الشعب المصرى وحرصه على استقرار البلاد والحفاظ على التعايش المشترك والحب.

فى حين أكد الدكتور عمرو الشوبكى عضو البرلمان، أن الجلسة أكدت على سيادة القانون، كأمر أساسى ورفض ما تعرض له الأقباط من حرق ونهب منازلهم أو إصابة مواطنين وعدم تحميل خطأ فرد للآخرين وأن القانون هو العامل القادر على إنهاء النزاعات.

قال مصطفى النجار، إن مسألة التعويضات ومعاقبة الجناة متروكة للقانون، وأن عناصر حماية الأسر التى ستعود لمنازلها مهمة الدولة أولا ومهمة أهالى القرية فى تأمين الأسر مشيرا إلى أن عودة الأسر سيتم خلال أسبوع بعد قيام أبو سليمان بتجهيز منازلهم التى خربت حتى يستطيعون العودة ووقتها سوف يعود أبو سليمان وأسرته وسيذهب إليه الوفد البرلمانى الذى أشرف على الجلسة بحضور محافظ الإسكندرية وبمشاركة أهالى القرية لاستقباله فى منزله.

وتعهد النائب أحمد شريف نائب العامرية عن حزب النور بضمان سلامة الأسر ورفض ما حدث من تهجيرهم قائلا: إن هذا لا يجوز شرعا أو عرفا أو قانونا مشيرا أن الجلسة لم تتطرق إلى مراد جرجس وأسرته المتسبب فى الأحداث والمتهم بإقامة علاقة غير شرعية مع فتاة وترك أمره للقانون.

وكانت مشادات قد وقعت عقب قراءة البيان بين بعض شباب اتحاد ماسبيرو والنواب حول عدم القبض على الجناة والمحرضين فى حرق وسرقة منازل الأقباط وتساءلوا عن اسم الفتاة المتهمة بإقامة علاقة مع الشاب فى ظل حالة الغموض حولها لعدم ورود اسمها بمحضر النيابة أو وجود شهود أو صور تثبت الواقعة ولم يرد النواب قائلا: هذا متروك للقانون ودارت أسئلة كثيرة حول القصور الأمنى فى تأمين القرية وترك هذه الأحداث دون تحقيق أو جناة، ورد النواب بأن النيابة قامت بوضع أسماء بعض المتهمين وأصدرت أمر ضبط وإحضار، ويأملون أن تقوم قوات الشرطة بالقبض عليهم.

وكان رجال الدين المسيحى، قد أكدوا على تحمل تعويضات خسائر الأقباط التى وقعت فى الأحداث عند مناقشة الأمر قبل قراءة البيان.

وقال الناشط السياسى جون طلعت، إن قرار عودة الأسر هو أمر طبيعى وحق لهم وتصحيح لخطأ وقع بعد طردهم دون ذنب ولكن يظل أمر تفعيل القانون وهو ما يحتاج الانتظار لتطبيقه بتقديم الجناة للمحاكمة وهذا ما أكدت علية سوزى عدلى وماريان ملاك نائبتا البرلمان بضرورة وضع ضمانات كفاية لمنع تكرار هذه الأحداث بتفعيل وتطبيق سيادة القانون.

يذكر أن عددا من النواب قاموا بعقد جلسة أمس انتهت فى الحادية عشر مساء لمناقشة أزمة العامرية، والتأكيد على تفعيل القانون وإلغاء بنود الجلسة العرفية التى أقرت بطرد ثمانى أسر قبطية وحضر من النواب ماريان ملاك أصغر نائبة وسوزى عدلى وأبو العز الحريرى وعمرو الشوبكى والشيخ أحمد شريف وإيهاب رمزى وعاطف مخاليف ومصطفى النجار وعدد من نواب الحرية والعدالة وحزب النور بالإسكندرية وبعض أفراد الأسر القبطية المهجرة

[ام سلمي]

فهمي هويدي كاتب خلاصة القصة ودور الاعلام في تهييج الفتن

رصد| فهمي هويدي : إعلامنا متلبِّسًا بالفتنة

لآن علمنا أنه لم يحدث تهجير للأقباط من قرية شربات التابعة لحى العامرية بالإسكندرية. وتوفر لدينا دليل جديد على أن الفتنة الحقيقية صنعها وأجج نارها نفر من المتعصبين والمهيجين بين المثقفين والإعلاميين، على الأقل فتلك هى خلاصة خرج بها الوفد البرلمانى الذى زار القرية يوم الخميس الماضى 16/2 واجتمع بممثليها من المسلمين والأقباط. وأصدر الجميع بيانا نشرته الصحف أمس (السبت) كشف عن الفضيحة التى لعب فيها إعلام التحريض والإثارة دورا خطيرا للغاية.

كنت واحدا ممن صدمتهم أخبار «تهجير» الأقباط التى جرى الترويج لها والتنديد بها فى وسائل الإعلام المختلفة طوال الاسبوعين الاخيرين على الاقل. وإذ أدهشنى ما قرأت وسمعت فإننى سعيت إلى الاتصال المباشر بأطراف الموضوع لتحرى حقيقة الأمر. وتمكنت من الاستماع إلى شهادات ثلاثة منهم هم: السد نادر مرقص عضو المجلس الملى بالإسكندرية ــ الشيخ شريف الهوارى القيادى بالدعوة السلفية بالعامرية ــ السيد أحمد الشريف عضو مجلس الشعب عن العامرية، وهو من ممثلى حزب النور السلفى. وكانت الخلاصات التى خرجت بها كما يلى:

● أن المشكلة مرت بمراحل متعددة، إذ حين ذاع أمر الصور التى كشفت عن علاقة غير مشروعة بين خياط (ترزى) قبطى وامرأة مسلمة متزوجة، فإن ذلك أثار غضب أهالى القرية المحافظة فخرجوا قاصدين بيت الخياط للتنديد بفعلته، خصوصا أن مجتمع أهل القرية (خليط من العرب والصعايدة والفلاحين) يعتبر المساس بالعرض والشرف جرما أكبر من القتل.

● فى الطريق خرج إليهم لتهدئتهم كبير القبط فى القرية ابسخرون خليل سليمان الشهير بأبوسليمان. وبينما هو يتحدث الى الغاضبين صعد احد ابنائه فوق بيت مجاور وأطلق بعض العيارات النارية فى الهواء لتفريقهم، ثم صعد ابن آخر له وفعل نفس الشىء، وفى رواية أن اطلاق النار تكرر للمرة الثالثة.

● فى هذه الأجواء التى توترت جراء اطلاق النار استدعى احد المسلمين سلاحه الآلى وحاول أن يرد، حيث يبدو أن الأعراف السائدة تعتبر إطلاق النار نوعا من الاهانة يستهدف تخويف الجمع المحتشد، إلا أن بعض السلفيين الذين ظهروا لحماية الاقباط أرادوا منع الرجل المسلم من اطلاق النار، وفى هذه الاثناء انطلقت من سلاحه رصاصات اصابت ثلاثة من المسلمين تبين أن أحدهم فى حالة خطرة، وهو بين الحياة والموت الآن.

● حين حدث ذلك انفلت العيار وتغير الاتجاه، فبعد أن كان الغاضبون يستهدفون بيت الرجل القبطى الذى أقام علاقة غير مشروعة مع السيدة المسلمة، فإنهم صبوا غضبهم نحو مصدر النيران التى اطلقت، وكانت بيوت أبوسليمان وبعض محاله ضحية ذلك، فأحرقت ونهب 3 شقق و4 محال تجارية، فى حين ظل بيت الجانى الاصلى سالما.

● فى هذه الاثناء تولى شباب الدعوة السلفية وعناصر الإخوان حماية بيوت الاقباط ومحالهم. واتفق شيوخ القرية على عقد اجتماع لاحتواء الموقف يمثل فيه كل طرف بخمسة اشخاص، فى مجلس عرفى. وهى الصيغة التى يلجأون اليها لحل المشكلات فيما بينهم، ولهذا المجلس تقاليد مستقرة، بينها إبعاد طرف النزاع من القرية بصورة مؤقتة أو دائمة خصوصا فى حالات القتل، حيث يكون من شأن ذلك حقن الدماء، وفى واقعة أخيرة تقرر إبعاد شاب مسلم من اسرة ابوعقص لأنه قتل ابن عمه (الشقيقان عابد أبوعقص وأخوه ناجى والقاتل ابن الأول).

● فى الاجتماع اقترح القمص بقطر ناشد راعى كنيسة القرية ابعاد الترزى الذى أقام العلاقة مع السيدة المتزوجة، وطرح آخرون ابعاد ابوسليمان أيضا وابنيه اللذين اطلقا الرصاص لإرهاب المتظاهرين، وكان ابناه قد غادرا القرية خوفا على حياتهما، لكن الشيخ شريف الهوارى كبير السلفية اعترض على ذلك، قائلا إن الرجل لا ذنب له، وولداه تحركا بدافع الخوف ولم يقصدا إصابة أحد من المتظاهرين.

● لتهدئة الخواطر تمت استضافة ابوسليمان وولديه لدى بعض الاسر المسلمة المقيمة على حدود القرية، كما تم الاتفاق على عودة الرجل الى قريته حين تتهيأ الاجواء لذلك، وكأن ابوسليمان قد ابدى استعدادا لترك القرية وتصفية اعماله فيها، ولكن جيرانه المسلمين أقنعوه بتغيير رأيه، بعدما تم الاتفاق على تعويضه وتعويض غيره عن أية أضرار أصابتهم جراء غضب المتظاهرين، الذين اختلطت بهم عناصر من المهيجين والعاطلين.

● موضوع الجريمة الأصلية المتمثلة فى العلاقة غير المشروعة بين الرجل والمرأة مصيره بين يدى النيابة وله مسار آخر.

ماذا يقول المرء حينما تتبين له هذه الحقائق على الأرض، بينما إعلام الإثارة وأصوات المتعصبين والمهيجين تصيح وتولول منددة بتهجير الاقباط وإنزال العقاب الجماعى بهم؟ وفى مثل هذه الحالة هل نحتاج إلى طرف ثالث لكى يؤجج الفتنة ويخرب البلد؟

[hanzalah]

خبر لا يسر المهيجين – فهمي هويدي

هذا خبر لن تنشره صحف الإثارة، ولن يرحب به المتعصبون والمهيجون من المثقفين المصريين:

عاد أبو سليمان كبير القبط في قرية النهضة مع أولاده إلى بيوتهم مساء السبت 10/3، بعدما تمت إزالة آثار التوتر الذي حدث بينهم وبين بعض أهل القرية،

وجرى ترميم البيوت والمحال التجارية التي يملكونها، وانتهت عملية إصلاح ما أصابها من تلفيات.

وبهذه الخطوة تكون الضجة التي ثارت بسبب فرقعة «تهجير» الأقباط من القرية وإنزال العقاب الجماعي بهم قد طويت صفحتها، وانتقلت من فضاء الفتنة إلى مستودع قمامة التاريخ.

الفرقعة -لو تذكرون- حدثت في منتصف شهر فبراير الماضى، حين شاع بين أهل القرية التابعة لحي العامرية بالإسكندرية أن ثمة علاقة غير مشروعة بين شاب قبطي وسيدة مسلمة، وتناقل البعض صورا مخلة لهما أثارت غضب أهل القرية، فخرج نفر منهم قاصدين بيت الرجل للتنديد بفعلته التي استهولها المجتمع الصغير، الذي يعتبر المساس بالعرض والشرف أفدح من ارتكاب جريمة القتل.

في الطريق خرج إليهم كبير القبط في القرية ابسخروت خليل سليمان الشهير بأبو سليمان. وبينما هو يتحدث إليهم ظن أحد أبنائه بهم سوءا، فصعد فوق بناية مجاورة وأطلق عدة رصاصات في الهواء.

وهو ما استنفر شقيقا له فخرج من داره وفعل نفس الشيء. الأمر الذي أدى إلى توتير الموقف، فاستدعى أحد المسلمين سلاحه الآلى ليرد على ما اعتبره إهانة وتخويفا لهم، إلا أن بعض أقرانه حاولوا منعه من إطلاق النار.

وفي هذه الأثناء انطلقت من سلاحه رصاصات أصابت ثلاثة من المسلمين المتجمعين. حينذاك انفلت العيار وتغير الاتجاه. إذ بعد أن كان المتظاهرون يستهدفون بيت الرجل صاحب العلاقة غير المشروعة، فإنهم صبوا غضبهم نحو مصدر النيران التي أطلقت. وكانت بيوت أبوسليمان وأولاده وبعض محالهم التجارية ضمن ذلك. إذ تم إحراق والاعتداء على 3 شقق و4 محال تجارية، في حين ظل بيت الجاني الأصلي سالما.

بقية القصة أن شيوخ القرية وشباب الدعوة السلفية والإخوان تدافعوا لتهدئة الموقف وحماية بيوت الأقباط.

وعقد الشيوخ اجتماعا لحل المشكلة تم الاتفاق فيه على إخراج صاحب القصة الأصلية من القرية، كما يقضي العرف السائد في الجنايات التي تقع، كما اتفق على استضافة أبو سليمان وولديه لدى إحدى الأسر المسلمة المقيمة على حدود القرية (على بعد أربعة كيلومترات) إلى أن تهدأ الخواطر وتعود الأوضاع إلى طبيعتها في القرية.

هذه خلاصة لما حدث آنذاك وهو ما سجلته فيما نشرته في هذا المكان يوم 19 فبراير الماضي تحت عنوان «إعلامنا متلبسا بالفتنة».

وكان ما كتبته رصدا لما جرى، استنادا إلى ممثلي المسلمين والأقباط الذين أداروا العملية وتوافقوا على امتصاص الغضب وحل الإشكال بهذه الصورة،

وإلى جانب ذلك فإن العنوان كان بمثابة إدانة لفريق المهيجين والمحرضين الذين صوروا الأمر على غير حقيقته، فتحدثوا على تهجير للأقباط من القرية وعن ترويعهم وحرق بيوتهم وإنزال العقاب الجماعي من جانب المسلمين المتعصبين، خصوصا السلفيين.

وهي المعلومات التي تحولت إلى مادة للصراخ والعويل الذي ترددت أصداؤه في البرامج التليفزيونية الحوارية، وفي أوساط أقباط المهجر، الأمر الذي أعطى انطباعا بأن المسلمين بصدد طرد الستة ملايين قبطي من البلاد، وأن السلفيين والإخوان يتآمرون مع ممثلي أجهزة الأمن في العملية.

وهي الحملة التي لوثت الأجواء وتصيدها بعض المثقفين المتربصين الذين لم يعد يشغلهم بعد الثورة سوى لطم الخدود وشق الجيوب، لأن المصريين صوتوا لصالح الإسلاميين «الأشرار» في الانتخابات.

لأن الأمر كذلك فلست أشك في أن المهيجين والمحرضين لن يسرهم ما حدث مساء يوم السبت الماضي، كما أن الصحف الساعية للإثارة لن تجد في عودة أبو سليمان وأولاده إلى بيوتهم خبرا يستحق الذكر لافتقاده إلى عناصر الإثارة المطلوبة، عملا بالقاعدة الصحفية التي يضرب بها المثل عادة، التي لا تعتبر خبرا في أن يعض الكلب رجلا، أما إذا عض الرجل كلبا فذلك هو الخبر المثير في عرفهم.

لقد تلقيت مساء السبت رسالة على هاتفي المحمول من السيد أحمد الشريف عضو مجلس الشعب عن قرية النهضة بالعامرية تقول إن شيوخ القرية الذين كانوا قد تصدوا لحل الإشكال في بدايته، عادوا بأبي سليمان وأولاده إلى بيوتهم مرة أخرى، واصطحبهم في العودة إلى جانب نائب المنطقة شيخ السلفيين شريف الهواري والقمص بقطر ناشد راعى الكنيسة وبعض شيوخ القبائل وأبلغني بأنه يبعث إلىَّ بالرسالة من بيت أبو سليمان الذي اشترك جيرانه في استقباله والترحيب به.

هو خبر سار للوطن لا ريب، ومثير للحزن والاكتئاب للمتعصبين والمهيجين، الذين يحق لنا أن نقول لهم:

موتوا بغيظكم

المصدر

[Scorpion]

هل تم الحكم علي ايآ ممن شاركوا في اعمال العنف و التخريب ؟؟

او علي الأقل .. هل تم القبض علي احدهم ...

[ابو محمود]

هل تم الحكم علي ايآ ممن شاركوا في اعمال العنف و التخريب ؟؟

او علي الأقل .. هل تم القبض علي احدهم ...

تفتكر يا خواجه ان الاعلام المأجور على تخريب مصر من اجل اسياده ممكن يطلع علينا يوم باسماءهم او خبر عنهم