في حد هنا فى البحرين؟

[NuitBlanche]

السلام عليكم،

ازيكوا mfb:

انا عاماله اقرأ المواضيع القديمة و انتوا تجنوا والله

انا لسه جايه البحرين (.كنت في دبي 5 سنين) و النظام هنا مختلف و معايا بيبي 6 شهور و ماعرفش حد هنا خالص و الموضؤع صعب اوي :lol:

Help!

[ماجد]

اهلا بيكى فى المحاورات ....

عمنا حشيش قاعد فى البحرين .

ياحشششششششششششششششششــــــــــــــــــــــــــــيش

:lol: mfb: mfb:

[حشيش]

لبيك ياأختاااااااااااااااه......مرحباً بك فى البحرين :) ..... برجاء الكتابة لى على البريد الخاص للتعارف وتبادل أرقام التليفون وصور الأشعة rs: ...سأكون سعيداً جداً أن أقوم بأى خدمات قد تحتاجين إليها ويسعدنى أن تحلى ضيفة علينا (أنا والمدام) فى زيارة قصيرة لأنى لسه عريس جديد :)....

[yasovinas]

طول عمرك ذوق يا حشوش بس انا بقى عايزك تاخد بالك من البيبي ابن الستة اشهر ده لانه هو ده اللجيل الجديد في المحاورات تدربة وتعلمة وتتولى تدريبه علشان ياخد مكان اشرافي محترم لما يكبر وسلم لنا على المدام

[حشيش]

طول عمرك ذوق يا حشوش بس انا بقى عايزك تاخد بالك من البيبي ابن الستة اشهر ده لانه هو ده اللجيل الجديد في المحاورات تدربة وتعلمة وتتولى تدريبه علشان ياخد مكان اشرافي محترم لما يكبر وسلم لنا على المدام

الخوف بس يا ياسو إن المدام تتوحم على سنانه rs:

[NuitBlanche]

ألف مبرؤك يا حشيش! والمدام من فين في مصر؟ انا اسكندرانيه :blink:

بعدين تعالولنا انتوا الاول، اصل رجلي مكسوورة :blink:

على فكرة، البيبي دي مغربية بس حتاخد خلاص الجنسية قريبا و معندهاش سنان لسه:(

انتوا ساكنين فين؟ انا فى الجفير.

خلاص تعبت مش عارفه اكتب بلعربي كتبت ده فى 22 دقيقة :blink:

[ragab2]

لبيك ياأختاااااااااااااااه......مرحباً بك فى البحرين  :blink: ..... برجاء الكتابة لى على البريد الخاص للتعارف وتبادل أرقام التليفون وصور الأشعة  :blink: ...سأكون سعيداً جداً أن أقوم بأى خدمات قد تحتاجين إليها ويسعدنى أن تحلى ضيفة علينا (أنا والمدام) فى <span style='font-size:17pt;line-height:100%'>زيارة قصيرة لأنى لسه عريس جديد  tot::.... </span>

fsh:: fsh:: :blink: tot:: :blink: fsh:: :: :

[se_ Elsyed]

بلييييييييييز ماحدش يصدق حشيش ... فضل يعمل لي البحر طحينة ويصور لي نفسه على إنه إمبراطور البحرين وإوعى وشك .. ومافيش عيل صغير ممكن تسأله على أي قهوة إلا ويعرفه.. ولما جت ساعة الجد ولمينا بعضنا أنا وباتمان والشاب العازب الغلبان مجرمون ورفيق السلاح الفارس المغوار اللي لا تنطيفي له نار ولا يذل له جار هاندي كرفس ... لقينا حشيش فص ملح وداب ..

مع إننا كنا هناورح في الويك إند بس وواخدين زادنا وزوادنا معانا .. فمانمان ومجرمون عليهم نفس في السمك والصيادية ... ما قولكش .... وانا كنت عامل لهم سمان وفراخ متبلة وجاهزة على الشوي ...

لكن عذر حشيش الوحيد إنه عريس جديد وحاطط يافطة على الباب Don’t Disturb بالعربي يعني خلي عندكوا دم ...

ماشي يا شيشو

[se_ Elsyed]

معليش يا نويبلانش ...

انا لسه فاكر طراطيش فرنساوي من بتاعة سنة أولى رابع .... مش دي معناها كرت أحمر ؟

[yasovinas]

لا حول ولا قوة الا بالله

رجلك مكسورة ومعاكي بيبي ست شهور وكمان ما طلعلوش اسنان ومغربيه كمان

انا من سيدي جابر وحاليا مقيم في محرم بيك انت بقى منين من اسكندري

شيشو مش قلت لك ابو عمر عامل حبيبك واخوك بس كل يوم يديلك بمبه محترمة مرة فلوس واطيان ومرة بتهرب منهم وفص ملح وداب

ده كله بسبب الموضوع بتاع يوميات مشرف الجماعه ناويين لك على نيه هباب بس على المدى الطويل شغل السادات مش عبد الناصر

ابو السيد نيوبلانش اظن انها انجليزي مش فرنساوس حاجه كده زي كارت بلانش بس مش عارف معناهم هم الاتنين

[Modest]

معليش يا نويبلانش ...

انا لسه فاكر طراطيش فرنساوي من بتاعة سنة أولى رابع .... مش دي معناها كرت أحمر ؟

NuitBlanche = ليلة بيضاء (لونها أبيض يعني)

هذا و الله أعلم.

[NuitBlanche]

خلاص مش مهم يطلع عارف حاجة فى البحرين، انا حتصاحب علي مراته و نكتشف احنا md2:

Quote"رجلك مكسورة ومعاكي بيبي ست شهور وكمان ما طلعلوش اسنان ومغربيه كمان "Quote

و كمان البيبي مولودة شهور يعني الموضوع جميل خالص بس البنت مغربية اه لكن مصرية خالص طالعه لمامتها :angry:

انا من محطة الرمل

Modest,

صح بس دي الترجمة الحرفية، هي معناها ليله مافيهاش نوم اصل لما جوزي بيسافر بخاف انام باليل لوحدي فى البت لغاية الصبح ما يطلع .عيلة يعنى

[yasovinas]

اسكندرانية ومن محطة الرمل

طيب ايه لم الشامي على المغربي

قصدي الاسكندراني على المغربي

على فكرة يقال ان سيدي جابر شيخ قادم من المغرب

[NuitBlanche]

طيب ايه لم الشامي على المغربي

القسمة و النصيب, دى حكايه طويله و بالسرعه الي بكتب بيها دى مش حخلص ابدا بس المهم انه اقتحم حياتى و محدش عندى كان موافق بس في الآخر وافقوا الحمد لله و دلوقتى بيموتوا فيه الا يوم ماتش مصر و المغرب.

موضوع سيدى جابر ده مش عارفه بس انا اسمع ان ابو العباس هو ال لى مغربي

[Cleo]

اسكندرانية ومن محطة الرمل

طيب ايه لم الشامي على المغربي

قصدي الاسكندراني على المغربي

على فكرة يقال ان سيدي جابر شيخ قادم من المغرب

عارفه بس انا اسمع ان ابو العباس هو ال لى مغربي

يعنى عيب تبقوا اسكندرانية و المصاروة هم الليى يصلحولكم..!!!

سيدى جابر و الشاطبى و أبو العباس المرسى علماء أندلسيين هربوا من مذابح الأندلس و جم عاستقروا فى الإسكندرية...

[NuitBlanche]

يادى الكسوف :P

بس برضه اعتقد ان ابو العباس اصله مغربي

بصي، انا حسأل جوزى و اقولكم

[Cleo]

يادى الكسوف :P

بس برضه اعتقد ان ابو العباس اصله مغربي

بصي، انا حسأل جوزى و اقولكم

أهو أبو العباس ده بأة بالذااااااات أكتر واحد فيهم إسبانى... لأنن اسمه أبو العباس "المورسى" (ميم واو بتاعت سعيد صالح طلعت صحح يا رجالة بالانجليزى)...

يعنى إيه مورسى؟؟؟ يعنى ينتمى لمقاطعة "مورثية - مورسية" فى الجنوب الإسبانى...

مع تحيات ماريا كليو كارلوس :lol:

[yasovinas]

على فكرة يا كليو

حسب معلوماتي ان اللي هربوا من اللاندلس هربوا اولا على المغرب لانها اقرب وبعضهم استقر فيها وبعضهم هام في بلاد الله خلق الله ووصلوا الى مصر واسكندرية تحديدا يبقى برضه من المغرب (ترانزيت يعني)

[NuitBlanche]

صح. و كمان المغاربة البربر هم اللى فتحوا الاندلس.

حشيش، what's ur email?

تعرف دكتور اطفال كويس؟ و ايه مركز التطعيم القريب من الجفير؟

احنا رايحين بكرة geant اللى فيBahrain mall .لو رحتوا هناك مكن نتقابل.

[se_ Elsyed]

صح. و كمان المغاربة البربر هم اللى فتحوا الاندلس.

حشيش، what's ur email?

تعرف دكتور اطفال كويس؟ و ايه مركز التطعيم القريب من الجفير؟

احنا رايحين بكرة geant اللى فيBahrain mall .لو رحتوا هناك مكن نتقابل.

إيه ده هو Geant عندكوا في البحرين كمان ... ده هابل الناس هنا في الرياض بأسعاره الخرافية واللي اعتقد إنهم بيسرقوا البضاعة دي مش بيشتروها .. هو و كارفور ... htr::