نفسى أقول له ..

[فــيــروز]

رغم انى كلما قرات لك شعرت اننا جرى استغفالنا فى امور عديده .. لا ادرى لماذا اشعر بالسعاده كلما قرات لك .. واجدنى وانا اشعر باكتئاب تغيير الفصول افكر فى الذهاب للبحث عن اى شئ جديد لك لاقراه .. فكلما قرات لك اشعر بقيمة ان يستطيع الانسان ان يوصل علمه الغزير الى غيره ببساطه و سهوله مثيره للدهشه و الاعجاب .. سعدت كثيرا بمعرفتك عن طريق ما تكتب

[se_ Elsyed]

نفسى اقوله

يا ريتك نمت واستريحت قبل ما تعمل المصيبه الى عملتها وانت نايم وكلفت امتثال حياتها.......

ربنا يسامحك cld:  fty::

يا بعيد fty::

أحمد ...

حرام عليك .. والله العظيم أنا وقعت من الضحك لما قريت الكلمتين دول ..خصوصاً لما تصورتك ماسك في رقبة ياسر وعمال تخبطة بالشلاليت على ركبته المكسورة وهو مش قادر يدافع عن نفسه .

بالمناسبة ... ينفع أذكر إسم مارينجوس وأنا باوجه له الرسالة الأخيرة في الدنيا قبل ما يودع ويسيبنا للأخرة ولا ده ممنوع ... أصل مش معقول أقعد أقوله روح يا شيخ منك لله على الي عملتوا فينا وكذا وكذا .. وبعدين ماحدش يعرف انا بأكلم مين ؟

[Cleo]

نفسى أقوله...

السكوت من ذهب.

فإما أن تقول ما تشعر به حقيقة وإما أن تصمت..

أما أن تخالف لكى تعرف فهذا بالعكس يجعلك مثار سخرية الأخرين..

وإن قلت خلاف ما تشعر به فهذا كذب وهو من سمات المنافقين

[سهيلة]

نفسى اقولة

حرام عليك بالروتين العقيم بتاعك وقوانينك اللتى لاتراعى اى ظروف حطمت احلامناااا

غيرت طموحنا وهدمت الطاقة اللى جوانا اللى كان نفسى اخدم بيها بلدى واحقق ذاتى واعمل ف المجال اللى بحبة وبستمتع وانا بشتغلة

بجد من كل قلبى بكرة وزارتك وبكرة اليوم اللى اتعينت فية وزير rs:

[El-Masri]

نفسى أقول له

يا من تركت وطنك وأهلك وأنت فى الثامنة عشر لتجاهد فى سبيل الله، يا من كنت تملك الملايين وأنفقتها كلها فى سبيل الله.

يا من إتهموك بالعمالة تارة وبالغباء تارة،و إتخذوك شماعة لتبرير عدوان الأمريكان على أمتنا.

إصبر ورابط فإن نصر الله قريب

[METALLICA]

أحب أن اقول له ( كل مصري و كل مسلم ) . . .

التزم بأخلاق الإنسانية الراقية . . التزم بكل ما يعني إلتزام . . التزم بالمحافظة على نظافة وطنك . . بالسلوك الإنساني . . بأداء عملك كما ينبغي أن يكون . . إلتزم بكل ما هو مطلوب منك قبل أن تطلب ما لك . . فتأديتك لكل واجباتك كمل ينبغي ؛ يقوي مكانتك وانت تطالب بحقك . . . . .

[amir]

سيدى الـ ......

مين ؟؟

مش قادر احدد انت موجه رسالتك لمين ؟؟

[عصام]

سيدى الـ ......

مين ؟؟

مش قادر احدد انت موجه رسالتك لمين ؟؟

ليس من الضرورى يا أمير أن تتمكن من تحديد من المقصود ...

فكما قلت فى رأس الموضوع "يمكنك أن توجه كلامك .. حتى .. إلى أحد أصحابك الذى ليس بالضرورة أن نعرفه"

[homer]

قد نسئ الى الاخرين دون أن ندرى. ربما تقاطعت خطواتى وخطواتك يوما ما وربما قد أكون قد أسأت اليك دون ان أدرى والله يعلم انى دوما ما قصدت السوء وما أردت الا الاصلاح فألتمس منك الصفح والغفران والله أسأل أن يغمرنا جميعا بعفوه وغفرانه. ولئن التقت خطانا مرة أخرى فلن تجد منى الا الجميل فأنا يا سيدى قد ولدت من جديد وأحاول أن أحسن للآخرين دون أن يدروا.

سبحانك أنت الموفق وأنت المعين

[homer]

وأنت يا سيدى لا تعرفنى ولكنى جد أعرفك. كنت أجلس الى جوارك فى تلك البقعة المباركة التمس العفو من الله محمل بكم من الهموم يغنينى عن شئون الاخرين. أستجدى العبرات دون جدوى الى أن سمعتك تلهج بالدعاء بكلمات بسيطة جدا لم أملك معها الا أن ابكى وأقول آمين. سيدى ما زال دعائك يتردد فى وجدانى وأنت تقول باللهجة المصرية الريفية البسيطة "يارب نجح اولادى وأولاد المسلمين يا رب فك زنئة المزنوئين يا رب انصر المسلمين يا رب دا هما مالهومش غيرك". سيدى لقد أبكيتنى وعلمتنى درسا لن أنساه. سيدى لقد ضربت مثلا فى العطاء والولاء والاهتمام بأمر المسلمين ولم تبخل عليهم بدعائك وتوسلك وأنت فى تلك البقاع الطاهرة. سيدى أعاهد الله ثم أعاهدك أن أسير على دربك فى حمل هم المسلمين والدعاء لهم والعمل من أجلهم فى السر والعلانية وأن أتخلى عن أنانيتى المفرطة وانكفائى على نفسى.

سيدى تقبل الله منك دعاءك وجزى المسلمين عنك خير الجزاء

[حشيش]

نفسى أقول له

يا من تركت وطنك وأهلك وأنت فى الثامنة عشر لتجاهد فى سبيل الله، يا من كنت تملك الملايين وأنفقتها كلها فى سبيل الله.

يا من إتهموك بالعمالة تارة وبالغباء تارة،و إتخذوك شماعة لتبرير عدوان الأمريكان على أمتنا.

إصبر ورابط فإن نصر الله قريب

وأنا نفسى أقولك إنك قولت اللى كنت عايز أقوله :lol:

[linux]

نفسى أقول له:

أنا بحبك فى الله. ربنا معاك و يقويك.

[Farida]

نفسى اقول معقول و الواحد كل يوم بيسمع عن أطفال مريضه بالسرطان نتيجه الأكل الملء بالهرمونات و المبيدات او ناس بتسرق و تنصب لأنهم مش لاقيي شغل او طفله ماتت لأن ذنبها ان ولدت انثى و ابوها موظف فى الأوقاف بس ما عندوش فكرة عن دينه او عن خريجين من الجامعه ما يعرفوش يقروا و يكتبوا او ارمله او مطلقه مش لاقيه تأكل عيالها او راجل ضاقت به سبل الحياة و لم يستطع ان يوفر لأولاده حتى ملابس المدرسه فأنتحر او طالب ناجح ومتفوق بس ما تعينش فى السلك الدبلوماسى او وكيل نيابه او معيد فى كليه الطب علشان مش ابن استاذ او قاضى او او او ,,,,,,,,لو انا مسئول عنهم لا حأقدر أنام ولا ابتسم حتى ازاى و انا حأسأل عنهم ......

نفسى اقول لـ homer مين حنفى ؟؟؟؟؟؟؟؟

[homer]

حنفى هو المعلم حنفى زوج السيدة أم حميدة سيدة البحار صاحب المقولة الشهيرة "المرة دى عشان خاطرك بس المرة الجاية مش حتنزل الأرض أبدا"

فى آخر الفيلم عاد المعلم حنفى الى صوابه واسترد استقلاله المفقود وتخلص من القهر والعبودية - ايه الكلام الكبير ده - وثار على أم حميدة قائلا مفيش حنفى.

مفيش حنفى تعنى لا للظلم لا للاستبداد

انضم معنا الى حزب مفيش حنفى

مفيش حد ؟

[yasovinas]

نفسي اقول له سامحني

سامحني على كل خطأ وكل تقصير في حقك

سامحني لاني عندما كنت اعود الى بلادي اتركك ولا اجلس معك كثيرا بحجه شوقي لاولادي وقضاء اكتر وقت معهم

كنت فاكر ان لسه الايام كتير هتعوضنا عن اللي راح

لكن الموت مالهوش امان وما لهوش ميعاد وكمان ما لحقتش اقولها لك سامحنى

[Set_Amina]

باقولك يا أمي وحشتيني ، ياريتني ما سيبتك وياريتني ما سببت لك ألم ببعدي عنك، ماعرفتش قيمتك الا بعد أن أنجبت وعرفت يعني ايه ضنى يبعد

كنت سبب ألمك وعدابك ودموعك، طلبت منك السماح في سري وبوست ايديكي لكن خوفت اقولك سامحيني بصوت عالي ليحرك ده عندك الم فراقي لكن ألم فراقك هو اللي خلاني اندم اني ماقوتلهاش

سامحيني

سامحيني

[إبن مصر]

نفسى اقولهم.......

هناك نصف فى الكوب ملىء ارجوكم انظروا اليه ولا تفرغوه حزنا على النصف الخالى..

[عصام]

نفسى أقوله ..

إنت إيه اللى كان ضربك على دماغك وخلاك تفتح الموضوع ده ..؟ :)

[Set_Amina]

كلمة واحدة

حرام عليكي التخلف ده

الى الفضائية المصرية

[إبن مصر]

نفسى أقوله ..

إنت إيه اللى كان ضربك على دماغك وخلاك تفتح الموضوع ده ..؟

علشان حرارته 40 ..