بشار ....يا ظالم

[ام سلمي]

يا بشار يا ظالم....تبيح دمنا

ما بشرتناش....ده انت نفرتنا

اذا سمعنا اسمك....يفور دمنا

بندعي عليك....يهلكك ربنا

ابوك دك قبلك ....حماة بالحديد

واديك عدت نفس....التاريخ من جديد

بتدبح وتقتل....وعايش سعيد

ما تفرحش يومك....قريب مش بعيد

يا ابن الاسد ....ده انت حافظ ابوك

و كل العرب....اصبحوا بيلعنوك

وفاكر حتفضل....في عيشة الملوك

ده بعدك ولاد سوريا....مش حيسيبوك

يا ابن الاسد ....خدت طبعه العنيد

وطالعله نازل....في شعبك تبيد

وهو ابتدي وانت ....عمال تعيد

يا ويلك يا ظالم....عقابك شديد

يا اهل الاسد ....قوموا لموا في كلابكم

وعن شعب سوريا.....ابعدوا يللا نابكم

ده دم الشهيد....طوق حيخنق رقابكم

و يوم القيامة ....حيتقل حسابكم

يا سوريا دي هانت ....خلاص اصبري

فاضل لك شوية....و تتحرري

بدم الشهيد ....قومي واتعطري

وعلّي الهمم....هللي وكبري

تم تعديل 18 فبراير 2012 بواسطة ام سلمي

[ام سلمي]

يا اهل الاسد ....فقتوا كل الحدود

بقيتوا بطغيانكوا....زي اليهود

مجازر وقتل ....وخيانة الوعود

جزاءكم بإيد...اللي اهلك ثمود

بعدد الصغار....اللي يتمتهم

بعدد الكبار....اللي عذبتهم

دعينا عليك.... تتكوي بدمعهم

وتتعذب ....ما انت عذبتهم

ده ربك مافيش....ظالم يعجزه

وأمره في لمح....البصر ينجزه

علي اللي .... بطغيانهم اتلذذوا

سواء اللي أمروا....او نفذوا

و ربنا قادر.... ولا غيره دايم

بتوصل له كل ....الدموع و المظالم

وهو اللي شايف....جرايمك و عالم

مسيرك تدوق من.... عقابه يا ظالم

تم تعديل 20 فبراير 2012 بواسطة ام سلمي

[التونسى]

أسد..على مين!؟.. يا فاجر

ياخى ..تَك .. مليون ندامه

على أهلك ... وحش كاسِر

وعـلى اليـهـود .... نعـامه

تـقـتل شـعبك .... يا غـادر

من غير رحمه .. وشهامه

ملعون إسـمك ... يا ظـالم

حـتـى .... لـ يوم الـقـيامـه

..... ........ ........ ......

أسد..على مين!؟.. يا فاجر

ياخى ..تَك .. مليون ندامه

تم تعديل 20 فبراير 2012 بواسطة محمود البصيلى