لو كنت رئيس جمهورية مصر العربية

[سهيلة]

يا ترى لو اتعينت رئيس جمهورية مصر العربية

اية اول خمس قررررررارات هتصدرها

؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟

[Lighthouse]

انا مش عايزة اتعين :)

انا عايزة الشعب ينتخبني :P

سواء انا او اي شخص رشح نفسه للانتخابات :)

طبعا وصول ست لمقعد الرئاسة في الوقت القريب يعتبر كالعنقاء من رابع المستحيلات يعني

ولكن بشكل عام اتمنى بداية ان يصل لمقعد الرئيس شخص انتخبه الشعب ولم يتم تعيينه غصب عن عينينا rs:

[harmonic_balance]

الاخت الفاضله سهيله..لو اراد الله وكنت رئيسا

1 اطبق شريعة الله تعالى

2 اساند اخواتنا فى العراق وفلسطين

3اوفر لكل شاب فرصة عمل وزواج

4 احسن استغلال مواردنا الطائلة

5 اعينك رئيسة الوزراء me0: (نكته)

اللهم اصلح احوا ل بلدنا وكل بلاد المسلمين

تم تعديل 28 نوفمبر 2004 بواسطة harmonic_balance

[El-Masri]

1- تغيير الدستور.

2- التخلص من البطانة الفاسدة.

3- إعداد الشعب لمواجه التحديات، عن طريق إصلاح الإعلام والتعليم والأزهر.

4- إصلاح وإعداد الجيش.

5- إعلان الحرب لإسترداد القدس وطرد الأمريكان.

[أنـفـــال]

[ALIGN=center]بسم الله الرحمن الرحيم

غاليتي سهيلة..

أعزائي المشاركين و الموجودين هنا..

السلام عليكم و رحمة الله و بركاته..

أناأيضاً أؤيد الأخت لايتهاوس.. في قولها:

انا مش عايزة اتعين 

انا عايزة الشعب ينتخبني 

سواء انا او اي شخص رشح نفسه للانتخابات

و مبدئياً أيضاً.. إليك الخمسة قرارات:

أولاً : تغيير الدستور باكمله و تحويله إلى مايطابق القرآن الكريم.

ثانياً : تغيير كل المناصب القيادية التي علاها الفساد .

ثالثاً : العمل على اللحاق بالنصابين و الحرامية و الهاربين بفلوس البلد.

رابعاً: إصلاح التعليم بحيث يصبح القرآن الكريم مادة للدراسة في كل المدارس شاءت او ابت و تغيير اسلوب التلقين في التعليم الى اسلوب البحث في جميع الفرق الدراسية.

خامساً : محاولة الاصلاح الاجتماعي من اجل الشعب و مساعدتهم على الرقي بأنفسهم صحياً و علمياً و ثقافياً.

جزيل الشكر لك يا سهيلة..:blink:

أنفال

[amir]

1 اطبق شريعة الله تعالى

2 اساند اخواتنا فى العراق وفلسطين

3اوفر لكل شاب فرصة عمل وزواج

4 احسن استغلال مواردنا الطائلة

5 اعينك رئيسة الوزراء me0:  (نكته)

فاضل مبدأ واحد و تبقى زى المبادئ السته بتوع الثوره التى لم يتحقق منها مبدأ واحد حتى الان .

[egyptforever]

مافيش اسهل من الكلام

انا ممكن اقول احسن 50 قرار في تاريخ مصر

اصلاح التعليم

توفير فرص عمل للشباب

مساعده اهل العراق و فلسطين

بس الاهم من القرار

ازاي ؟؟؟؟؟؟؟؟؟؟؟؟؟؟؟؟؟؟

اللي يقول قرار يقول هيعملوا ازاي

هيصلح التعليم اوكي بس ازاي ؟؟؟؟؟؟؟؟؟؟؟

هتشغل الشباب و تجوزهم جميييييييييييييييل بس ازاي ؟؟؟؟

ده السؤال الحقيقي

[casper]

حلو قوى الموضوع ده

قرارتى هاتكون كالاتى

1-منع استيراد النيكوتين نهائيا واغلاق مصانع المعسل

2-هاعمل بروكسى لمصر كله يمنع المواقع اياها

3-هاخلى الانترنت يدخل البيوت زيه زى الكهربا وباشتراك رمزى جدا

4-هادى تصريح لشركتين محمول تانى علشن الاسعار تقل

5-هاعمل ايميل ليا وانشره للناس اى حد عنده شكوى يبعتلى ايميل وهاشوف كام واحد اثق فيهم يقروا الايميلات ويفلتروها

ممكن ازود قرارات تانى ولا خمسة بس؟

عمركوا شفتوا رئيس جمهورية بيستأذن ؟

[ابو يوسف]

هو قرار واحد ....

أن أتنحى !!!!!

لأننى لست الأفضل !!!

[se_ Elsyed]

5- إعلان الحرب لإسترداد القدس وطرد الأمريكان.

أدي يا عم الشعب اللي عايزينه يختار الريس ..

يا عم المصري حرب إيه اللي هانعلنها وإحنا مش لاقيين ناكل ... هي الحرب كلمة من 3 حروف وخلاص ممكن تتقال في أي وقت ...

مع العلم إن في قرارات ممكن تاخدها وتكون أشد وقعاً من الحرب .. بدليل إنك ممكن تبص حواليك هاتلاقي دول محترمة وماحدش يقدر يدوس لها على طرف وهي عمرها ما حاربت ... زي ماليزيا وكوريا لاشمالية وفنزويلا وإيران وباكستان والهند دلوقت ...

أقف على أرض صلبة الأول وبعد كده يا عم حارب وقاتل وإعمل اللي إنت عايزة ....

أما انا بقى فمش هاتكلم كثير فتاريخي في الأشراف بالمحاورات يحكي الكثير عن مؤهلاتي ومقدرتي على قيادة السفينة ( حتة سمير رجب .... ده اول واحد هاحتاج له في المراحل الأولى لعمر الرئاسي ) .....

س س مُرشح رئاسي مُستقل إستقل عن اهله في سن مبكرة .

[Tafshan]

ماشى ...

بناء على طلب الجماهير :)

قررنا نحن رئيس الجمهورية الآتي :

...

لأ لأ ...

الاول :

ايها المواطنون ...

قرر المجلس الاعلى للثورة (الجديدة) ما يلي:

ما هو مش ممكن ح تمشى من غير ثورة تاني

اولاً : اقامة لجنة مكونه من جميع رؤساء الاحزاب و النقابات المصرية بالاضافة الى رؤساء الهيئات الدينية لمراجعة الدستور العام للدولة و تنقيحه ثم فحص القوانين و اللوائح العاملة بالدولة للتأكد من عدم مخالفتها للدستور المنقح

ثانياً : اطلاق مشروع رؤية مصر بموجبه يتم عمل خطة عمل استراتيجية ذات خطوط ثابته ترسم مستقبل مصر المنشود بعد 10 و 20 و 50 عام و من ثمه ايقاف اي خطوات تتخذ من اي سلطه اياًَ كانت خلال هذه الفترة قد تؤدي الى الانحراف عن الخطة المنشودة مع تكوين جهاز خاص له صلاحيات اعلى من جميع السلطات في مصر للرقابة على تنفيز تلك الخطة

ثالثاً : الغاء المركزية و منع ازدواج المناصب بمعنى عدم امكانية ان يكون رئيس الدولة هو نفسه رئيس لحزب من الاحزاب و عمل انتخابات دورية في المحافظات مع الاستقلالها الاقتصادي بحيث تكون اقاليم اقتصادية متساوية في الخدمات

رابعاً : اعداد خطة خمسية لألغاء الامية خلال خمس سنوات و اعتبار التنمية البشرية هدف استراتيجي

خامساً: اعداد خطة عشرية بمقتداها يتم الغاء جميع القيود على التجارة في مصر خلال عشر سنوات مع توجية الاستثمار الى مشروعات استراتيجية ضخمة تبدأ كشركات مساهمة للدولة فيها نصيب اكثر من النصف و الباقي عبارة عن اسهم يتم طرحها للأكتتاب العام على ان تنخفض حصة الدولة مع انتهاء السنوات العشر الى اقل من 10 %

ها ...

انفع رئيس ؟؟ fr1::

[عم الطيب]

قرار جمهورى رقم 1

قررنا نحن عم الطيب رئيس جمهورية مصر العربية القرار الاتى ..

المادة الاولى ـ رفع قانون الطوارىء ابتداء من اليوم 6 اكتوبر 2005 دون العودة اليه الا بحكم المحكمة الدستورية العلية ,والغاء صلاحيات تنفيذ قرار تنفيذ قانون الطوارىء الا بعد موافقة مجلس الشعب .

المادة الثانية ـ الغاء مجلس الشورى (المقهى الشرفى للسياسيين القدامى ) لتوفير هذه النفقات وتحويل مرتبات اعضاء مجلس الشورى الى صالح مشروع علاج مرض الفشل الكلوى ,والكبد الوبائى .

المادة الثالثة ـ حل الحزب الوطنى اللى مش ديمقراطى ,للقضاء على الانتهازية .

المادة الرابعة ـ الغاء منصب رئيس الوزراء واعطاء مهامه لرئيس الجمهورية حتى يتم انتخاب رئيس للوزراء عن طريق مجلس الشعب في خلال مدة اقصاها 6اشهر.

المادة الرابعة ـأعفاء جميع المحافظين من مناصبهم وتنصيب رؤساء الجامعات بالمحافظات منصب المحافظ لمدة عام حتى يتم الاعداد لانتخابات منصب المحافظ

ليكون الاختيار لابناء المحافظة .(المحافظات الخالية من جامعات يعين مدير الامن)

المادة الخامسة ـ تعدل مدة منصب الرئيس الى خمسة اعوام تليها انتخابات ويقتصر الترشيح لمنصب رئيس الجمهورية على رؤساء الاحزاب .

عمكم رئيس الجمهورية

الطيب احمد الطيب (اسم مركب)

[El-Masri]

5- إعلان الحرب لإسترداد القدس وطرد الأمريكان.

أدي يا عم الشعب اللي عايزينه يختار الريس ..

يا عم المصري حرب إيه اللي هانعلنها وإحنا مش لاقيين ناكل ... هي الحرب كلمة من 3 حروف وخلاص ممكن تتقال في أي وقت ...

أصل محدش حيسيبك تصلح وتبنى بلد قوية، تفتكر أمريكا أو إسرائيل أو أوروبا أو حتى الهند حتفرح لو أنشأت دولة إسلامية قوية تهدد مصالحها.

دول أول ما يشوفوك بتصلح التعليم وللا بتصلح الإقتصاد حيتلككو بأى حاجه عشان يعملوا حرب ويضربوا قبل ما إنت تبنى.

مش فاكر لما ضربوا المفاعل النووى بتاع العراق فى الثمانينات، أهو ساعتها كان صدام حبيب أمريكا.

لو هيأت الناس للجهاد، وخليتهم يعرفوا إن أشرفلهم إنهم يموتوا فى سبيل الله بدل ما يموتوا من الأنيميا وللا الفشل الكلوى، ساعتها ربنا حينصرنا.

صدقنى أعدائنا عمرهم ما حيسيبونا فى حلنا طالما إحنا خايفيين منهم وبنتجنب الصدام المسلح، ولو عرفوا إنك بتفضل الموت الشريف عن الحياة المذلة ، حتكون كسبت نص المعركة.

فيه مثل بيقول "الوهم نص الخسارة"، عشان كده إحنا خسارنين عشان عندنا وهم الضعف ووهم قوة الأعداء.

[سهيلة]

اولا متشكرة يا harmonic balance

على الثقه الكبيرة دى انى هكون رءيسة الوزرااااء بتاعك

وان شاء اللة يا سيادة الريس مش هخيب ظنك فية ابداا واكون قد المسؤلية :D مش بيقولوا كدا بردة

انا مع egypt forever

ف راية يا ترى كل واحد فكر قرارة دة هينفذة ازاى

وهل فعلا هيقدر يطبقة ولا لا

tafshan

طبعا تنفع رئيس واهم قرار قولتة بصراحة منع ازدواجية المناصب لان دة من اسباب الفساد اللى ف البلد تلاقى شخص واحد معدوم الضمير او مش فاهم حاجة وماسك لك كذااا منصب ف نفس الوقت

عارفين يا جماعة فى قرار نسيتة تقولوة

منع التغيير الوزارى اللى بيحصل كل شوية دة يعنى يا دوب تلاقى الوزير فهم امور الوزارة اللى هو فيهاا ولسة هيبدا ينجز فيها وينجح نلاقى تانى يوم قرار بتعديل وزارى وتعيين وزير جديد يبدا من الاول وهكذاااااا

لية ما نبداش من حيث انتهى الاخرون

واتمنى طبعا كل القرارات اللى قولتوها تتطبق بس تفتكروا ممكن يمسك مصر ريس يطبق كل دة

اظن دة حلممممممممممممممم :lol:

[masr_watany]

القرار الأول : الغاء قانون الطواريء

القرار الثاني دعوة لجنة من الفقهاء الدستوريين و اساتذة القانون لوضع دستور جديد لجمهورية مصر العربية

القرار الثالث: الغا الموازنات السرية (مثل موازنات رياسة الجمهورية و الأجهزة الأمنية و خلافة ) وجعلها كلها موازنات علنية و معروفة للرأي العام

القرار الرابع : اصلاح التعليم من التلقين الي البحث و بعث العقول علي التفكير و زيادة عدد المدارس و الجامعات

القرار الخامس : دعم المقاومة الفلسطينية و العراقية بالمال و السلاح

[Merci X]

انا عايز اعرف حاجه واحده بس ..........

الناس اللي عايزه مصر تحارب ((((((((((((أمريكا))))))))))) ........ ودي لوحدها كارثه مقندله

وكمان عايزانا نحارب بجانبها ((((((أسرائيل ))))) ... ودي كمان بلوه منيله بستين نيله

الناس دي ما قالتش لينا هنحارب ازاي وبأيه حتي ؟؟؟؟؟ متهيألي ده ابسط حقوقنا .. لان الشعب هو اللي بيحارب .. وهو اللي بيدفع تكاليف الحرب من لحم الحي .. مش اللي بيقول القرارات هو اللي بيدفعها !!

ده غير ان الحرب انواع كتيره ... في حرب تدخل تناوش فيها ... وفي حرب تنهزم بعد 24 ثانيه فيها ..

وفي حرب تقعد فيها طول عمرك تبيع في اللي ورا و اللي قدام .. وتبقي رقصت ع السلالم ...

ياتري ايه هي الحرب اللي عايزينها من الانواع المذكوره دي .. لان للاسف اختيارتنا محدوده جدا ..

[theblackpirate2005]

قررنا نحن theblackpirateنزولا عن رغبه الجماهير قبول هذا المنصب الرفيع املين ان يوفقنا الله فى تحقيق امال الجماهير والله الموفق

اول قرار:1) هنلغى مجلس الشعب وتابعه الشورى واى قرار نصدره يكون عن طريق استفتاء الشعب ليوافق لا مويفقش مش ننتخب ناس ومنشفش وشهم الا فى الانتخبات اللى بعديها

2)هنجيب رئيس وزراء اجنبى هتقلى مخالف للدستور هققلك نعدله وكل كلامه فى الاداره لازم يمشى قانونى مش قانونى لازم كلامه هو اللى يمشى ونجرب مش هنخسر اكتر من اللى خسرناه

3)هنطلع قرار مفيش عماره تانيه تتبنى جوه اى محافظه اللى عايز يبنى الصحراْ واسعه مالهاش اول من أخر و احنا هنوصله كل المرافق اللى محتجلها والارض ببلاش

4)اى حد هينقبض عليه فى قضيه فساد مش هيخرج من السجن الا على القرافه ولا رافه ولارأفت واللى يدخل اكل بايظ يتعدم فى ميدان عام ولا بمشنقه ولا بكرسى كهربه يقعد ياكل الاكل اللى دخله للبلد لغايه برضه مايروح القرافه

5)الغاء كره القدم ولا اقلك بلاش نجيب رئيس اتحاد كره اجنبى برضه ونلغى الاحتراف وهو بعد كده حر يعمل اللى هو عايزه

6)لازم يكون فى انتخاب ليه كل 4 سنين والشعب احسنله بالذوق يرشحنى والا......

me0:

[Merci X]

في حل ألذ .. ما تيجي نجيب رئيس جمهوريه أجنبي برضه .. اشمعني رئيس وزراء بس ؟؟ مش معقول انت مثلا .. هتبقي خبرتك عاليه عن الاجانب .. والا ما كنتش رشحت رئيس وزرائك أجنبي ..

و في حل حلو .. ممكن نجيب سكان برضه اجانب ونحطهم في ( الصحرا الواسعه زي ما بتقول ) و نجرب نديلهم الجنسيه و الفلوس و طز في ولاد ال... بتوع بولاق و شبرا و الزاويه الحمرا....ونشوف الاجانب هيعمروها ولا لا ..

عمروها .. يبقي خير و بركه ... ما عمروهاش يبقي ( زي ما بتقول ) مش هنخسر اكتر من اللي خسرناه ..

وسلم لي ع المترو :) :) :)

[yasovinas]

اخواني مرشحي الرئاسه بعد كل ما قيل وكل برامجكم الانتخابيه

اقولها بصوت عالي rs:

خلينا مع جمال وحسني احسن :)

لا والله مصر ولاده صحيح :)

عوف يا عووووووف انت فين يا عوووووووووف :)

تم تعديل 1 ديسمبر 2004 بواسطة yasovinas

[El-Masri]

اللى بيعجبنى فى المقاومة العراقية، أنهم بينظفوا الداخل والخارج.

لإن الطابور الخامس أشد خطرا من المحتل.