مبارك للمحكمة في جلسة اليوم : بلادى وإن جارت عليا عزيزة وأهلى وإن ضنوا عليا كرام

[se_ Elsyed]

يا كوتوموتو

دلوقت بقيت شاعر فحل من شعراء الجاهلية وبتقرض الشعر ؟

بلادك أنهي ؟ تقصد شرم الشيخ ولا قصر العروبة ولا قصر المنتزة ؟ أصلك من 30 سنة لم تخرج عن الثلاثة أماكن دول يا ظالم يا متجبر يا متغطرس

بلادك يا ظالم يا ديتكاتور ..... خلاص إفتكرت إن لك بلد وإنت بتغرغر وبتطلع في الروح في أخر ايامك ؟

بلادك اللي ما تعرفش إن نسبة الفقر في عهدك الظالم تعدت 40 % من السكان ... يعني أكتر من 30 مليون مصري مش لاقيين ياكلوا

بلادك بلد النيل اللي ملايين من البشر مش لاقيين كوباية ميه نظيفة

بلادك اللي فيها عشوائيات عمرك ما سمعت عنها ؟

بلادك اللي فيها أعلى نسبة كبد وبائي في العالم

بلادك اللي سرطنت فيها الناس وقتلتهم بمختلف الطرق

بلادك اللي أول أمس بكيت لما قرات تقرير التنمية البشرية لما صنف مصر على إنها تحتل المرتبة الأولى في أفقر الدول العربية - مع إستبعاد جيبوتي والصومال وموريتانيا ) وهو نفس اليوم اللي فيه ذكرى حريق قطار الصعيد

بلادك يا ظالم ياللي ما تعرفش ربنا ولا أتقيته في شعبك طوال 30 عاماً ؟

واهلك مين ؟

أهلك اللي في كفر المصيلحة اللي عمرك ما زرتها إلا سنة 2005 عشان تعمل حملة إنتخابية هزلية

أهلك اللي منهم أخوك ... اخوه شقيقة إبن أمه وأبوه بالمناسبة يا جماعة .... اللي من ساعة ما تولى الرئاسة وهو ما يعرفهوش ولا شافه ... واللي حجب عنه ولاده وبالتالي ما كانوش يعرفوا لهم عم ... واللي على لسان أخوه .. أخو المخلوع إنه راح زارة كام مره في قصره فكان بيلطعه بالأربع ساعات وساعات ما كانش بيقابلة .. تكبراُ وتجبراُ .. ودلدلة ( جايه من دلدلول ) لمراته الحيزبون اللي كانت بتقول عن نفسها إنها أنجليزية وإن مش ممكن تختلط بفلاحين زي دول .. والست الإنجليزية دي يعني لا هي دوقة ولا برنسيسة ولا من العائلة الملكية الأنجليزية

أهلك يا عديم الأصل ياللي أهلك نفسهم في كفر المصيلحة بيلعنوك ويلعنوا إسمك وبيتبروا منك

الحمد لله في عز جبروته وسطوته لم أعتبره مصرياً وعبرت عن ذلك في مئات المداخلات والموضوعات ....

وفي عز جبروته قولت إنه إنسان عديم الأصل والأهل والمروة والكرامة ...

وفي عز جبروته كنا عارفين إن نهايتة سواد .. وقد كان .. لان ربك دائماً بالمرصاد لهؤلاء الطغاة

مبارك للمحكمة: بلادى وإن جارت عليا عزيزة وأهلى وإن ضنوا عليا كرام

الأربعاء، 22 فبراير 2012 - 12:40

كتب محمود المملوك ومحمد عبد الرازق ومحمود نصر

قال الرئيس المخلوع مبارك لهيئة المحكمة بيت الشعر الشهير "بلادى وإن جارت عليا عزيزة وأهلى وإن ضنوا عليا كرام".

وذلك بعدما استكملت محكمة جنايات شمال القاهرة، جلسة محاكمة الرئيس السابق محمد حسنى مبارك وابنيه علاء وجمال واللواء حبيب العادلى وزير الداخلية الأسبق وكبار مساعديه، وفور بدء الجلسة أصر سامح عاشور نقيب المحامين على رفضه لخروج المحامى عبد العزيز عامر صاحب طلب الرد، من قاعة المحكمة، فردت المحكمة أن ذلك من سلطة المحكمة فقط، فطلب عاشور بتسجيل اعتراضه بصفته نقيب المحامين على قرار المحكمة بإخراج المحامى خارج القاعة، وهو ما دفع المدعين بالحق المدنى بالتصفيق له.

وعقب ذلك أكدت المحكمة أنها منذ تاريخها لا تفرق بين متهم وآخر، فسألت المحكمة المتهم الأول محمد حسنى مبارك الرئيس السابق هل لديك ما تقوله حول القضية أو أى تعقيب عن الجلسات؟ فأجاب مبارك على المحكمة "لا يا سيادة القاضى ساكتفى بما سيقوله فريد الديب".

ليقف الديب بعد ذلك ويطلب من المحكمة تسجيل اعتراضه على التقرير الذى قدمته النيابة بخصوص نقل موكله مبارك إلى مستشفى السجن، مؤكدا أن المحكمة هى التى قررت فى أولى جلسات المحاكمة فى 3 أغسطس، بإيداع موكله المركز الطبى العالمى، وكان على النائب العام رفض ذلك التقرير الذى جاء له من قبل لجنة الصحة بمجلس الشعب، مؤكدا أنه لا يجوز لأى جهة التدخل فى عمل المحكمة، وحتى لا تتدخل أعمال السلطة التشريعية فى أعمال السلطة القضائية، وهنا صفق له جميع المحامين الحاضرين عن المتهمين.

وما أن انتهى فريد الديب من حديثه، تحدث مبارك للمحكمة وقال بيت شعر شهير "بلادى وإن جارت عليا عزيزة وأهلى وإن ضنوا عليا كرام"، ليتقدم الديب بمذكرة للمحكمة كشف فيها أن بيان التحركات يؤكد أن حسين سالم المتهم الثانى فى القضية غادر البلاد قبل ثورة 25 يناير بأسبوع، مؤكدا أنه لم يهرب من البلاد بعد الثورة كما يتردد.

[hanzalah]

فعلا والله

صدق الصهاينه

خسرنا كنز استراتيجي برحيل مبارك عن الحكم في مصر

فقد كان لهم كنزاً و سنداً

اللهم اخزه بعدد نجوم السماء و جوع الفقراء و سقم الضعفاء و غرق البسطاء و حرق الكادحين و اهانة المصريين

اللهم ارنا فيه عجائب قدرتك يا قوي يا متين

[قاهريه]

كانت فين الحكمة دي والحاجات دي من زمان ياريس

وايضا نحن نتذكر قوله تعالي عن فرعون وانت علي شاكلته

" حتى اذا ادركه الغرق قال امنت انه لا اله الا الذي امنت به بنو اسرائيل وانا من المسلمين .. الان وقد عصيت قبل وكنت من المفسدين "

تم تعديل 22 فبراير 2012 بواسطة قاهريه

[التونسى]

بعد مرور سنه على خلعه .. أقدر اقول ان اللى ميتسماش كان اجمل شئ فى الثوره !!! .. لانه الشئ الوحيد اللى اتفقنا عليه جميعا ((الا قليلا )) .. قبل وخلال وبعد الثوره .. إتفقنا طبعا على بغضه وكرهه . وكره سنينه السودا اللى عيشناها معاه ..ولسه معيشنا فيها .. إتفقنا على خلعه .. والالقاء به من فوق عرشه الفرعونى .. الى هاوية الذل والهوان .. والانكسار.. من بعد تكبر وغطرسة واستبداد

ياااااااااه لسه كتير اوى عشان قلوبنا تلين وتحن يا مبارك .. قلوب الناس حجرت تجاهك .. دنتا اللى عملته فينا مش قليل .. والواحد مش قادر يسامحك

[Yasser_71]

طب مفيش كام مليار لعزيزة

بلاش عشان عزيزة....طب عشان الكرام

[محمد عبدالعزيز]

يا واد يا شاعر

[طارق مصرى]

يا جماعة المخلوع قصده على بلادى اسرائيل و اهلى الحكومة الاسرائيلية

بيلومهم علشان تخلوا عنه ايام الثورة...

[se_ Elsyed]

أنا كفايه عليه إنه جبان لأخر لحظة

فبعد ما كان بيبرطع وماشي بالمنشطات والهرمونات وعاملينه إله وقبل ما يتشال بأيام يقول لك بيرسكوني في زيارتة الأخيرة لمبارك يقول - ده صحفنا المصرية - إن مبارك رجع شباب تاني ومش عارف يودي صحته فين ( الولا بيرلسكوني لحد دلوقت زير نساء ومتورط للصبح في فضائح جنسية .. وشكله كان بيراود مبارك عن نفسه وعاوز يدبسه في حتتين بتلو ماركة نابولي ... لكن المخلوع إتخلع قبل ما رجله تيجي في السكة دي )

جبان لأنه مستموت وعامل فيها ميت عالسرير وعايش الدور في حين إنه بيلعب في الجيم اللي في المستشفى وعايش الدنيا الجميلة - شكلة داخل مسابقة لكمال الأجسام قريب -

جبان لأن النهاردة المحكمة طلبت منه إن لو عنده كلام ممكن يقوله .... فحتى الفرصة دي عمل فيها ميت لأنها شخص بدون كرامة بدون شجاعة تربى على الذل وأكتفى ببيت الشعر الحمضان اللي قاله وأكتفى بمرافعة الديب المكار بتاعه

جبان لإن حتى من كرهه الجميه لأن يده ملطخة بدماء العراقيين والكوايتة وكثير من العرب وجر على بلاده وعلى الوطن العربي كله ويلات كثيرة .. وأقصد هنا صدام حسين.. فحتى في أخر لحظات حياتة كان شجاعاً وإن تظاهر بذلك .. وقبلها أثناء محاكمتة كان يتكلم بجرأة شديدة بل ويتطاول على رئيس المحكمة

أما هذا الرعديد الراقد مستموت على السرير كان الجلسة الماضية يخاطب المستشار احمد رفعت بجُملة " سيدي الرئيس "

طب خليك راجل مرة ... وخليك شجاع وعندك جديد وإتكلم ..مرة واحدة في حياتك .. كتير ؟؟؟

طب إعتذر عما أقترفته في حق الشعب الغلبان وكان منا طيبون سيسامحونك ... أو سينطلي عليهم ذلك

لكن هذا الشخص يأبى ان يستغل أي فرصة في حياته ... ويُصر أن يموت جباناً

فعلاً ان تستحق ما أنت فيه الأن أيها المخلوع

[hanzalah]

انجازات الحرامي المخلوع لازالت في مقررات المناهج الدراسية حتى يومنا هذا

هذا مقرر الفصل الدراسي الثاني الحالي للصف السادس الابتدائي

شيء مريب يحدث في وزارة التربية والتعليم

[ام سلمي]

طبعا المصريين مش حيسيبوا كلمة زي دي تعدي كدة

[ام سلمي]

توقعات لعدد الأهرام يوم 3 يونيو

[محمد حامد الغنام]

حقيقة سئمت من تكرار هذة الأسطوانة المشروخة من على مدار خمس سنوات كاملة ... واللعب على عواطف الناس ..... فانتم أدعيتم أتهامات ماانزل الله بها من سلطان .... فأنت أتهمتة بالسرقة ... ولم تذكر ماهو دليلك على هذا ..... وأتهمتة بالقتل ولم تذكر لنا ...

ماهو دليل ايضا على هذا .... وأتهمتة بأنه يأتى بالأمراض مع العلم أن الله تعالى هو الذى يأتى بالأمراض ... وليس البشر .... وايضا لم تذكر لى ماهو الدليل على صحة اتهاماتك .... أعزرنى .. فانا لا أنظر الى اى امر فية أتهامات ... بنظرة الغوغاء فى الشارع ولكنى انظر لها بنظرة العقل والمنطق والقانون...

فأحد هؤلاء تحدث معى قائلا قال ان (( مبارك فرعون )) .... فلت له اذا كان هو فرعون (( فاذن انت تشبة الشعب بأنة بنى اسرائيل )) .... وأتيت لى بمقولة عمر بن الخطاب رضى الله عنة على حكاية البغلة التى تعثرت فى العراق ....

فسؤالى هنا ((( وماذا لو ان بغلة قد تعثرت قدميها فى منطقة نائية فهل سوف يحاسب عليها عمر ))))) ..... فكل مانت أدعيت من أتهامات ... أنصحك بتقديم بلاغ للنائب العام بهذة الأتهامات التى أنت ادعيتها ..... ومع ذكر الأدلة على صحة كلامك ....

كنت أتوقع انك تأتى بأتهات ترتقى الى مستوى الأدانة ولكن .... تمخض الجبل ... ولم يلد سوى فار ... غير مكتمل التكوين .... تمخض الجبل ... فولد أتهامات متتالية ومتداعية هزيلة .... تتوكأ على أدلة متداعية هزيلة ....

فالقضية واضحة كوضوح الشمس فى وقت النهار .... ولكن الباقى هو انك تطلع على القضية بشكل كامل مرة اخرى وسيتضح لك كل شئ هذة واحدة ..................................

فكان أتهامك للرئيس السابق (( بأنة هو من أتى بالفشل الكلوى ..... وايضا وجهت له أتهام بأنه جاء بالسرطان .. الا تعلم أنه ذات نفسة مريض بالسرطان .... لبد أن نضع النقط على الحروف من بدايتها ....

نحن نعلم جميعا ان الأمراض من عند الله ..... فكيف لبشر يقوم بعمل امراض كما قلت .... فاختفاء المرض لن يكون الا على طريق اسلوب مواجهتة .... الا تعلم اخى الفاضل انة الذى عمل مستشفى للسرطان ..... لماذا لم تذكرها ......

اهل تعلم أن الرئيس السابق عندما اخذ جائزة نهرو للسلام من الهند تبرع بقيمة الجائزة كاملة للمعهد القومى للأمراض ....... لماذا لم تذكر هذا

.... لعلك كنت لا تعلم هذا .....

ولابد أن أصارحكم القول (((( فانا لست مدافع عن نظام سابق ولا نظام قادم ))

فانا اتحدث عن رئيس سابق احمل له فى قلبى حبا شخصيا واحتفظ بة لنفسى ))

واذا تكلمنا على أخطاء النظام (( فالأخطاء واردة فى أى نظام سياسى ولكن الأهم هو الأعتراف بها وتصحيحها ))) ....ويبقى الكمال لله الواحد القهار ......

وكما قلت انا فى الأعلى اخى عليك بأن تأخذ كل أتهاماتك وتقدم بها بلاغ للنائب العام ........ وفى نهاية تعليقى اذا نظرنا الأمور بالتعاطف والحماسة .... فأعلم أن الحماسة مصيرها الى زوال .. ويبقى نظرة العقل والمنطق والهدوء هى الباقية ابدا .... تحياتى لكم جميعا

[se_ Elsyed]

إنت بتوجه كلامك لمين يا محمد بس عشان الواحد يبقى فاهم ؟

يا حبيبي قلبي حب مبارك زي ما أنت عاوز ... وأفكرك بكلمة قلتها لك من زمان ... وإنت قاعد كده بعد الصلاة أقعد إدعي ربنا كل يوم إنه يحشرك مع من تحب واللي منهم مبارك ....

[capitshino]

توقعات لعدد الأهرام يوم 3 يونيو

دى احسن

[أحمد محمد]

مولد سيدي العريان مداد مدد مدد

يا جماعة شكل معظم الشعب المصري هينزل في شهر يونية مسيرة الملط لميدان التحرير

بس أنا بقترح ساعتها نتجة للمركز الطبي عند مبارك علشان ناخدة يمشي معانا ملط و نلبسة طرطور الريش علشان هيكون ساعتها قائد ثورة الملط