حجز قضية مبارك وعصابتة للحكم يوم 2 يونيو

[se_ Elsyed]

حاجة تقرف مش كده ؟

ونظام قضائي هزيل يُميت حق المجني عليه ويخلي الورثة هما اللي يعرفوا نتيجة أو حكم أي قضية

لأ ولسه في إستئناف ونقض وطعن وبلاوي متلتلة

مجلس الشعب لازم ينسف النظام ده من أساسة

لان العدل البطيء أبشع وأشد وطأة من الظلم السريع

ربنا يدينا ويديكم طولة العُمر

[eslam elmasre]

اول مرة في حياتي اشوف قضية تتحجز للحكم بعد ثلاثة اشهر ونصف

يعني ايه محجوزة للحكم

يعني كل الاوراق ستوفاة وكل المحاميين والمدعين الجاني والمجني عليه والنيابة قالو ما عندهم حتى تشبعت القضية والشرطة قدمت مستنداتها وسماع الشهود واعادة سماعهم والتعليق على اقوالهم

خلاص كل حاجة اتعملت في القضية ومحجوزة للحكم

القاضي من خلال سير القضية بيكون كون رأي وحكم نهائي تقريبا لكنه يعطي للمدعين الفرصة حتى يريح ضميره ويكون قراره او حكمه مرتاح الضمير له

ما هو الداعي لتأجيلها ثلاثة اشهر ونصف الشهر

هنا لابد من التحليل والتكهن

ان اقول انها حجزت في هذا الموعد للحكم بعد انتهاء اختيار التوافقي وتكون الامور مستتبة

ان اقول انها اوامر عليا لتأجيل اصدار الحكم لاعطاء الفرصة لتسوية الامور

ان اقول انها فرصة اخير للقضاء على الثورة وقمعها قمعا نهائيا لا رجعة فيه

كل هذا من حقي ان اقوله لان الامر اصبح تشوبه الريبة والشكوك

[se_ Elsyed]

أو محجوز لحكم ربنا يوالزبون يموت ويخلص الجميع من قرفه .. اما الباقي فمقدور عليهم

الغريب إن اللي بدع النهاردة ولا بديعة مصابني كان حبوب العادلي اللي تكلم وصال وجال وحكى قصة حياتة وإنجازاته في وزارة الداخلية وأعترف وصرح بإن ما حدث لم يكن ثورة .. لكنها مؤامرة خارجية هههههههههههههه دبرتها عناصر من حماس وحزب الله وقطر وإيران وبدو سينا

يعني كان عندنا فخفينا ... كل ده إنضرب في الخلاط وخلعوا المخلوع فيها هههههههههههههههههههههههههههههههههه

ده حتى لو كده يا قفا .. تبقى انت قفا مش وزير داخلية وعندك جيش امن دولة ومخابرات وعساكر درك وسايبين البلد مشاع لكل من هب ودب

[moamana]

نعم لان التوافقى الذى سياتى بعد تزوير ارادة الشعب يجب ان يكون هو من يصدر حكم العفو و الخروج الامن حتى تكون ارادة الشع مش عصابة العسكر

كم كنت اتمنى ان تكون ثورتنا مثل الثورة الفرنسية و ارى راس حسنى و سوزان فى المقصلة

[se_ Elsyed]

الحته دي خلت الكريم شانتي يفر من عيوني

وأوضح العادلى، قائلا: "أما فى الفترة من 25 إلى 29 يناير كانت معلومات أمن الدولة والمخابرات توصلت إلى أن هنالك تظاهرات سلمية، فتم إخطار مجلس الوزراء والرئاسة بتلك المظاهرات والمطالب، وقررت لجنة فى اجتماع رئاسة الوزراء قطع الاتصالات لتقليل أعداد المتظاهرين وعدم التكتل ولا صحة للاتهام الذى وجه لى بأن قطع الاتصالات بين القادة والقوات أدى إلى إنهاكها وانسحابها، وأن الشرطة لا تستخدم قنوات الاتصال العادية بل شبكة لاسلكية مؤمنة تسمى بـ"السترا" فدعوت لاجتماعين يوم 24 و27 يناير ونبهت على عدم السماح بحمل القوات لأى أسلحة سواء آلية أو شخصية أو الخرطوش واستخدام متحدثات الصوت والمياة وقنابل الغاز فقط، وتوجيه القوات بضبط النفس، فقام أمن الدولة بالتنسيق مع القوى السياسية بالعمل على المحافظة على المظاهرات، مشيرا إلى أن هناك تعاون دائم بين أمن الدولة والقوى السياسية ويقوم على الاحترام المتبادل وإلا يحجر أحد على التعبير على رأى احد، ومثال على ذلك بطلب الإخوان المسلمين والحزب الوطنى فى عامى 2002 و2003 الخروج فى مظاهرات للتنديد بالحرب على العراق إلا أنى رفضت ذلك الطلب من الجهتين رغم تقديرى له وتم الاتفاق مع الإخوان أن تكون وقفتهم باستاد القاهرة، وتمت وقفتهم فى منتهى النظام والانضباط والنجاح".

علي يديييييييييييييييييييييييييييييييييييييييييييييييييييييي

ههههههههههههههههههههههههههههههههههههههههههههههههه والله أنا ميت من الضوحك دلوقت

تبادل إحترام بين أمن الدولة والقوى السياسية

أنا بعيني شوفت في كافيتريا جروبي أمن الدولة قاعد هنا ... والقوى السياسية قاعدة قدامها وبيحبوا في بعض .. وأمن الدولة كان ماسك إيد القوى السياسية وبيبص في عنيها وبيقول لها شعر جاهلي من المعلقات .. والقوى السياسية مكسوفة ووشها في الأرض وهي بتقول له : إنت صحيح بتحبني يا أمن يا دولت ؟ طب هاتيجي تقابل بابا إمتى ؟

أما من كانوا لحد يوم 28 يناير 2011 منفوخين ومتعلقين على التونجر .. فدول ما كانوش قوى سياسية ... وعصام العريان وخيرت الشاطر وحتى سعد الكتاتني وحسن مالك ومعظم قيادت الأخوان اللي الثورة أفرجت عنهم وفكت أسرهم .... مش عارف دول كانوا قوى سياسية ولا قوى خفيه ههههههههههههههههههههههه

أه بمناسبة الخرطوش .... هانقول إن حزب الله وقطر وإيران والبدو والأفغان والناس اللي كانت بتتكلم إنكليش لنكوش هما اللي ضربوا المتظاهرين بالرصاص الحي ... ماشي نعديها دي

طب يا عدوله الخرطوش اللي فقع عيون المئات .... ومنهم شباب انضربوا من مسافة أقل من متر وكان عينهم في عيون كلاب الشرطة .... دول كانوا شرطة أفغانية ولا قطرية ولا جنس ملتهم إيه ؟؟؟؟؟؟؟

[se_ Elsyed]

نعم لان التوافقى الذى سياتى بعد تزوير ارادة الشعب يجب ان يكون هو من يصدر حكم العفو و الخروج الامن حتى تكون ارادة الشع مش عصابة العسكر

كم كنت اتمنى ان تكون ثورتنا مثل الثورة الفرنسية و ارى راس حسنى و سوزان فى المقصلة

عفو مين ؟

ده التوافقي يعفو عن مامته أو عن وليد إبن خالته ... لكن اقسم بالله لو عملها ولو كان وراه كل دبابات وطيارات العسكري .. ده أحنا نجيبه من شعره ونسحله في ميدان التحرير ..

إحم إحم .. بمناسبة الثورة الفرنساوية .... بلاش يا مؤمنة أحسن جتتي ببتقشعر لأن المقصلة دي فورت 75 الف واحد .. فمين عارف عدد الأبرياء اللي مش لاقيين رؤوسهم لحد دلوقت ...

إحنا عاوزين العدل والحق فقط ....

بس عدل وحق ربنا اللي بيقول من قتل يقتل ... العدل بتاع ربنا اللي فصل لنا عقاب المفسدون في الأرض ...

[se_ Elsyed]

بس عجبني موقف اللصوص لما يقعوا في بعض

أصل عدوله لبس أحمد نظيف في الحيط وشيله الليلة

أكد حبيب العادلى وزير الداخلية الأسبق والمتهم في قضية قتل المتظاهرين أن قرار قطع الاتصالات كان بأوامر من رئيس الوزراء أحمد نظيف.

وقال العادلي خلال مرافعته اليوم: إن قطع الاتصالات يوم 21 يناير جاء بعد اجتماع مع رئيس الوزراء وعدد من ممثلى جهاز الاتصالات موضحا انه ليس له علاقة بقطع الاتصالات نهائيا، وأن رئيس الوزراء هو من اتخذ قرار قطع الاتصالات من أجل الحد من أعداد المتظاهرين وذلك من أجل حماية المتظاهرين.

[eslam elmasre]

في حد عايز يقولي ان ده قرار القاضي بدون اي ضغط او توجيه

طرطور طراطير طاراطورا

[Abu Reem]

اظن من بداية جلسات المحاكمة كان واضح ان الحكم على مبارك لن يصدر في ظل وجود المجلس العسكري ويمكن انا ذكرت ده اكتر من مرة. ويمكن ده ذكاء من المجلس انه يترك مسئولية ادانة مبارك للرئيس القادم ،، ولا ننسى ان المجلس العسكري كان لابد له ان يلتزم بصفقة تنحي مبارك من الحكم ولا ننسى انهم كانوا جزء من النظام السابق وملفاتهم. في يد مبارك واسرته

وحتى يريحوا جميع الاطراف فهم بدءوا المحاكمات بناءا على رغبة الشعب ولكن الحكم لن يصدر الى بعد ظهور اسم الرئيس الجديد

وبالتالي يكونوا هم بعيد عن ردود الفعل سواء كان الحكم بالادانة او بالبراءة

واعتقد ان هذا حل جيد ،،، وفي جميع الاحوال ما يهمنا الفترة القادمة هو انتخاب رئيس الجمهورية الذي يستطيع تحمل تبعات الفترة القادمة

حيث ان مسألة الحكم على مبارك قد تطول حتى بعد اصدار الحكم لذا فرئيس يخلصنا من الفساد هي الاولوية الاولى لنا ونتمنى ان ينجح فيها المجلس كما نجح في اتمام انتخابات البرلمان

[se_ Elsyed]

موضوع الحكم في ظل وجود رئيس قادم ... غير صحيح

لإن حسب كلام المجلس إن الإنتخابات هاتتم في أول شهر 6 .... وهو نفس موعد الحكم على المخلوع ... وبالتالي نهاية الإنتخابات هاتبقى نهاية 6

[eslam elmasre]

موضوع الحكم في ظل وجود رئيس قادم ... غير صحيح

لإن حسب كلام المجلس إن الإنتخابات هاتتم في أول شهر 6 .... وهو نفس موعد الحكم على المخلوع ... وبالتالي نهاية الإنتخابات هاتبقى نهاية 6

اي حكم غير الاعدام هايهيج الشعب

توقيت الحكم في غاية الصعوبة وممكن تكون اخر حيل المجلس العسكري واخر فرصة لهم لكي يقمعو الثورة لما الشعب يقوم ويضطر المجلس العسكري لتأجيل الانتخابات الرئاسية للظروف التي تمر بها البلاد

[se_ Elsyed]

مبروك يا رجالة

الأن على برنامج ناس بوك المحامي الشهير ناصر أمين بيشرح إجراءات النقض والأستئناف والطعن على الحكم اللي هايصدر يوم 2 يونيو ..حتى لو صدر بالإدانة ..

كله يمسك أعصابة ... واللي عنده ضغط دم او هُسهس ... لو سمحت يبعد عن التوبيك ده بسرعة

المهم الراجل بيقول حسب إجراءات قانون التقاضي ... بالصلاتو عالحبيب ومن الاخر الإجراءات دي كلها على بعضها هاتخلص على 2015 ... اه وكتاب الله .. وكله بالأنون

شوفتوا رجالة القذافي خلصوا الموضوع بطلقة بتلاتة ساغ إزاي وخلصوا البشرية من أشر الأشرار ...

أما احنا .. فلا عزاء للشعب المصري

فيا إما

الحمار يموت

يا إما جحا يموت

يا إما السلطان يموت

[engmido]

اولا سهلة قوىىىىى انه يأجل تانى النطق بالحكم عااااااااااادى جدااا شهر شهرين ..........................

ثانيا بالنسبة لموضوع الاعدام قانونا واؤكد قانونا لان المحاكمة تستند فقط الى القانون فطبقا للقانون تسقط عقوبة الاعدام لمن تجاوز ال 80 م العمر

ثالثا خلينا ما نسبقش الاحداث.... لانه لسه ياما فى الجراب يا حاوى ... ولكن قال تعالى

(وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ )

وقال تعالى

( {{ فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ * فَوَقَاهُ اللَّهُ سَيِّئَاتِ مَا مَكَرُوا وَحَاقَ بِآلِ فِرْعَوْنَ سُوءُ الْعَذَابِ }} غافر ) [غافر: 44 ، 45]

[Abu Reem]

بالضبط زي ما قال ميدو ، ممكن تاريخ النطق بالحكم يتأجل او حتى انتخاب الرئيس الجديد يتم قبل الموعد الاقصى المحدد

او يمكن ربنا ياخده...وبصراحة هو الخطأ من البداية زي ماقال سين سين ان الثورة لم تقتص من مبارك مثلما فعل مع القذافي

لكن برده تنحيه بعد 18 يوم وعدم خضوع الجيش لاوامره بقمع الثورة يقدر يخلينا نتوقع هذا المط والتطويل في محاكمته

وكما ذكرت اعدام مبارك او سجنه ليس هو نهاية المطاف ما يهمنا الان هو رئيس يأتي بارادة الشعب وننتهي الى الابد من حكم العسكر ونطوي هذه الصفحة ولا نتوقف كثيرا امام الماضي

[shawshank]

الأن على برنامج ناس بوك المحامي الشهير ناصر أمين بيشرح إجراءات النقض والأستئناف والطعن على الحكم اللي هايصدر يوم 2 يونيو ..حتى لو صدر بالإدانة ..

كله يمسك أعصابة ... واللي عنده ضغط دم او هُسهس ... لو سمحت يبعد عن التوبيك ده بسرعة

المهم الراجل بيقول حسب إجراءات قانون التقاضي ... بالصلاتو عالحبيب ومن الاخر الإجراءات دي كلها على بعضها هاتخلص على 2015 ... اه وكتاب الله .. وكله بالأنون

مفيش استئناف في الجنايات. الحكم لو كان سجن يبقى هيتنفذ فورًا، وأثناء التنفيذ هيطعن مبارك بالنقض وهو بيقضي المدة عادي. ومحكمة النقض تاخد راحتها خالص في نظر الطعن أثناء ما هو مسجون بالبدلة الزرقاء. ولو قضت بإعادة المحاكمة (زي هشام طلعت مصطفى)، فهو برضه محبوس زي وضعه دلوقتي. ولو كان الحكم إعدام، يبقى هيفضل محبوس برضه لحد ما يتحكم في الطعن بالنقض. وبس كده. يعني كده كده هو محبوس أو مسجون، إلا لو خد براءة.

[shawshank]

ثانيا بالنسبة لموضوع الاعدام قانونا واؤكد قانونا لان المحاكمة تستند فقط الى القانون فطبقا للقانون تسقط عقوبة الاعدام لمن تجاوز ال 80 م العمر

مش بتسقط، بتبدل بالمؤبد كنوع من الرأفة. وحسب معلوماتي مفيش سن محدد. (مادة 17 هنــــا).