افتتاح مقهى للحزن في شرق الصين

[التونسى]

ذكرت تقارير صحفيه إنه تم افتتاح مقهى للحزن في شرق الصين يتيح لرواده

التعبير عن حزنهم بالبكاء، وتبلغ تكلفه إرتياد المقهى 50 يوان "6 دولارات" لكل

ساعة، مع تقديم أفضل المشروبات للزبائن الذين يذهبون للبكاء.

وذكرت صحيفه (تشاينا ديلي) في طبعتها الصادره في هونغ كونغ أن المقهى يوفر أيضًا المناديل وزيت النعناع لتخفيف آلامهم، كما يقدم البصل والفلفل الأحمر لمساعده الذين يرغبون في ذرف الدموع.

وتعزف الموسيقى الحزينة داخل المقهى الذي يوفر لأصحاب العلاقات العاطفية المحطمة دمى على شكل نساء ليدفعونها جانبا أو يضربونها للتنفيس عن غضبهم أيضا.

وقالت الصحيفة إن المقهى حقق نجاحًا كبيرًا ويجتذب أعدادًا كبيرة من الرواد المكتئبين يوميًا.

فكره جديده وظريفه .. لكن هل تنفع تتطبق فى مصر .. ويبقى عندنا مقاهى من هذا النوع .. ونشغل فيها بقى المسسلات العربى اياها اللى كلها كرب وهم ومط وملل .. مع اغانى مصطفى كامل وعبد الباسط حموده اللى كلها جراح وألام ووجيعه ... وغيرها من أغانى العياط والشحتفه .. وطبعا قنوات الاخبار دى شئ اساسى .. عشان جرعة الكأبه تزيد .. ويسيل معاها الدمع يجرى من عيون مرتادى المقهى .. ويا سلام بقى لو المقهى ده يتفتح جنب المشرحه .... مش حيلاحق على الزباين ....

والا انتو ايش رايكوا:closedeyes:

[التونسى]

http://www.youtube.com/watch?v=dyPcryfg7EU

[se_ Elsyed]

طب والله ده احنا نكسب دهب لو فتحنا مشروع زي ده في مصر

وإليك صديقي محمود بعض الأفكار

ممكن نسمي القهوة دي مثلاً

" جسر الآهات "

" كل يوم دمعة "

" آنين "

و

المشروب الرسمي في القهوة

وفي الخلفية اغنية تقطع القلب

http://www.youtube.com/watch?v=qp00IeeIwOo

وطبعاً ما ننساش الأستاف .... أجدع معددات فيكي يا جمهورب مصر العربية ( وكتاب الله هاخلي اللي يدخل برجله المكان ده ما يخرجش تاني )

[mamdowh]

انا أقترح يكون النشيد الرسمى للقهوه أغنية بكره النكد والمناديل مجانا لجذب الزباين

[se_ Elsyed]

وممكن نقدم مأكولات سريعة ( فاست ساد فوود )

واخترت منيو هايلة تُعبر عن حالة الحزن والغم

ومنهم

كومبو الخُبيزة

بس أنا مش عاوز أدلع الزباين الحزانا وأقدم لهم الخبيزة بطريقة ظريفة .. مش عاوز أي حاجة تُدخل على قلبهم السرور

أنا هاقدمها لهم بالطريقة دي ( خد في حجرك وأجري )

أما الحلو ..

فعبارة عن " بودنج القلقاس ) واوووووووووو

حزن حزن على أبوه يعني