إصابة أبو الفتوح بعد هجوم ملثمين أثناء عودته من مؤتمر بالمنوفية

[madoskin]

ربنا يقومه بالسلامة ويوفقه

[ماستر]

الحمد لله المرة دى عدت على خير, اول ما سمعت الخبر خطر فى بالى انتقاد ابو الفتوح لشفيق من كام يوم,

اظن انة المرحلة القادمة هيكون فيها تخويف واغتيال لنشطاء ومرشحين رئاسة,

ربنا يستر

[se_ Elsyed]

تعرض الدكتور حسن البرنس لمحاولة اغتيال و نقل على اثرها للمستشفى في حالة حرجة

يذكر ان الدكتور حسن البرنس وكيل لجنة الصحة وصاحب اقتراح نقل المخلوع لطرة و قد تعرض

لتهديد بالقتل قبل ذلك

كان معروف مسبقاً موعد المحاضرة اللي هايُلقيها في إسكندرية ... والتريلا كانت منتظراه في كفرر الدوار وطلعت قفلت الطريق بالعرض عشان يصطدموا بها .... الغريب إنها خبطتهم وجريت ... والناس أخدوا نمرتها ... والشرطة أخدت النمرة

وقالت

ههههههههههههههههه رقم fake بطيخة يعني رقم أي كلام ... وكل سنة وإنتم طيبين

[se_ Elsyed]

الكلام اللي قاله الدكتور محمد البلتاجي كلام مهم جداً

الراجل قال إن دي نفس المنطقة اللي تعرض فيها من شهور قليلة للإعتداء وسرقة سيارتة أيضاً ... ومع ذلك تاني يوم الشرطة قالت له تعالى خد عربيتك إحنا ظبطناها أثناء قيام شخص ببيعها في سوق سيارات مدينة نصر وكنا عاملين كمين هناك ... لكن الراجل هرب ههههههههههههههههههههههههه

صباحو أمن وقط معاه مفتاح الكرار

[se_ Elsyed]

قال يا قاعدين يكفيكو شر الهجامين

والله حاجه تحزن وتضحك وتخلي الواحد مزبهل .. كله مع بعضه في نفس الوقت

الدكتور أبو الفتوح عربيته بايظة عند الميكانيكي .. فأستلف عربية واحد صاحبة يروح بها المؤتمر الجماهيري عشان كان مترتب له مسبقاً ... والراجل اهو عربيتة إتسرقت وهو مالوش ذنب ....

[se_ Elsyed]

سؤال يا جماعة

مش كل يوم بيتأكد لكم كلامنا من أول ظهور ما يُسمى بشبح الإنفلات الأمني اللي السبب فيه أولاً وأخيراً المجلس العسكري ؟

بالله عليكم .... إنتخابات مجلس الشعب قعدت قد إيه ؟؟؟؟ اكتر من شهر .. صح ؟

سمعنا عن حادث سرقة أو سطو مسلح أو خطف أو أو أو ..... تفتكروا ليه ؟

وتفتكروا ليه بعدها إتفتحت حنفية الأنفلات لدرجة الناس بقت تاخد حقها بإيدها وتعمل حوادث لم تحدث يمكن من عهد مينا موحد القطرين ... عمركم سمعتم في مصر عن حرق بلطجية ناس تمسكهم وهما أحياء وتحرقهم من الغيظ ؟ طب حاد من أقوياء القلوب شاف الفيديو بتاع اهالي مشتول السوق وهي مدينة قريبة من بنها .. شوفتوا عملوا إيه في البلطجية اللي مسكوهم وقطعوهم حتت ؟

أنا عارف إن في ناس هاتقول إن سين سين عنده فوبيا المجلس العسكري ... أبداً والله وهاثبت لكم

مش الأخ مشمش لغى قانون الطواريء إلا في حالات البلطجة .. صح ؟

طبب يا ناس يا هو ياللي إنتوا عاقلين وأنا الوحيد اللي مجنون ... هل هناك حالات بلطجة اكتر مما حدث في ستاد بورسعيد ؟

هل هناك حالات بلطجة أكتر مما يحدث كل ساعة في مصر ؟

هل هناك حالات بلطجة أكتر من معرفة المباحث والشرطة لأسم كل بلطجي في مصر وهم متروكون احرار يرزقون وعايشين معانا وسطنا وفي اماكن وأوكار معروفة لكل مصري وما فيش حد لمس شعره منهم ؟

أما ان حالات البلطجة تطبق على الثوار فقط ويحكموا على 12 الف شاب والمحاكمة لا تستغرق اكتر من 48 ساعة ويتشيع على السجن الحربي على طول .. بينما من يستحقون الرمي بالرصاص مازالوا تحت حماية الدولة بمؤسساتها ؟

[أحمد محمد]

مش الأخ مشمش لغى قانون الطواريء إلا في حالات البلطجة .. صح ؟

طبب يا ناس يا هو ياللي إنتوا عاقلين وأنا الوحيد اللي مجنون ... هل هناك حالات بلطجة اكتر مما حدث في ستاد بورسعيد ؟

هل هناك حالات بلطجة أكتر مما يحدث كل ساعة في مصر ؟

هل هناك حالات بلطجة أكتر من معرفة المباحث والشرطة لأسم كل بلطجي في مصر وهم متروكون احرار يرزقون وعايشين معانا وسطنا وفي اماكن وأوكار معروفة لكل مصري وما فيش حد لمس شعره منهم ؟

أما ان حالات البلطجة تطبق على الثوار فقط ويحكموا على 12 الف شاب والمحاكمة لا تستغرق اكتر من 48 ساعة ويتشيع على السجن الحربي على طول .. بينما من يستحقون الرمي بالرصاص مازالوا تحت حماية الدولة بمؤسساتها ؟

يا أخي ما هو دا المطلوب علشان محدش يتكلم تاني عن ألغئ قانون الطورائ اللي لا يطبق غير علي الثوار و المساندين للثورة

حد سمع عن بلطجي أتقبض علية تباع قانون الطورائ

دا حتي الحمبولي خط الصعيد الجديد قدر يهرب بعد اقبض علية

[ام سلمي]

الداخلية عرفت شخصية اللي اعتدوا علي عبد المنعم ابو الفتوح و عثروا علي السيارة

أمن القليوبية ينجح في تحديد شخصية الجناه في حادثة السطو على "أبوالفتوح"

تمكنت أجهزة الأمن بالقليوبية من تحديد شخصية الجناه في حادثة الاعتداء على الدكتور عبد المنعم أبوالفتوح - المرشح المحتمل لرئاسة الجمهورية ومن المنتظر سقوط أفراد التشكيل العصابي , والقبض عليهم في غضون الساعات القادمة بعد تحديد أماكن اختبائهم وسط حدائق الموالح بمنطقة "المثلث الذهبي " أحد أشهر المناطق للاتجار بالمخدرات في مصر - حيث تحاصر قوات "العمليات الخاصة " وأجهزة الشرطة وضباط البحث الجنائي وكر المتهمين ..وتم العثور على 7 سيارات مسروقة ..بعد تبادل إطلاق النار بين الطرفين .

كما عثرت أجهزة الأمن على سيارة الدكتور عبد المنعم أبوالفتوح وهي ماركة "تويوتا برادو " ذهبية اللون وذلك على أطراف قرية "الغوريري " بالمثلث الذهبي وتحمل ارقام 573 ب ط و.

وكشفت التحريات عن أن المتهمين في الحادث هم ماهر قاسم نجم , وهشام حمدي الجندي , وحسام كرم الجندي وسلامة شوقي هليل وجميعهم من منطقة شبين القناطر ..وبينهما اثنان هاربين من السجون خلال الأحداث الأخيرة ..وتوجهوا بسيارة ابوالفتوح عقب الحادث صوب شبين القناطر , واتخذوا من حدائق الموالح وكرا لهم , حيث تتميز هذه المنطقة بأنها تقع على مساحة كبيرة من الموالح ..ثم تركوا السيارة بأحد الطرق الفرعية قرب قرية "الغوريري " كما كشفت التحريات أيضا أن الحادث لم يكن يستهدف شخص الدكتور عبد المنعم أبوالفتوح , وأن الجناه استوقفوا سيارة الدكتور ابوالفتوح بغرض سرقتها وعندما قاومهم السائق اعتدوا عليه وبحوزتهم الأسلحة ولدى نزول الدكتور ابوالفتوح لاستطلاع الامر ومنعهم من الاعتداء علي سائقه اعتدوا عليه دون ان يعرفوا شخصيته .

من ناحية أخرى أكد مصدر أمني مسئول بمديرية أمن القليوبية أنه لاعلاقة بالتشكيل العصابى الذي تم ضبطه مؤخرا وبحوزته 11 سيارة مسروقة , بالتشكيل الذي ارتكب واقعة الاعتداء على الدكتور أبوالفتوح , مشيرا إلى أن التشكيل الأول يتزعمه كلا من : عاطف ابورواش وأمين موسى أحد كبار تجار المخدرات وهارب في قضية قتل احد ضباط الأمن المركزي قبل الثورة ..أما مرتكبو حادث الدكتور ابوالفتوح فيتزعمه هاربان من السجون ويتخذان من حداق الموالح بشبين القناطر وكرا لهما ..وانه وقعت مواجهات بالرصاص أمس اسفرت عن اصابة احد المتهمين ويدعى : عاطف ابورواش واحد المواطنين وألقي القبض على زعيم التشكيل ويدعى : أمين موسى وعثر على 7 سيارات مسروقة و20 كيلو بانجو ونصف كيلو حشيش.

يأتي هذا فيما تواصل النيابة الكلية بشبرا الخيمة برئاسة المستشار محمد عبد الله المحامي العام لنيابات جنوب القليوبية تحقيقاتها في حادثة السطو المسلح على الدكتور ابوالفتوح وسائقه ..حيث طلبت النيابة الاستماع لسائق ابوالفتوح الذي لم يمثل للنيابة حتي الآن ..فيما لم يتم تحديد موعد للاستماع الي ابوالفتوح حتى الآن ..كما أمرت النيابة بسرعة ضبط وإحضار المتهمين وتحريات المباحث حول الواقعة

[hanzalah]

سؤال

هو ليه عربيات الناس المهمين المعروفين بترجع بسرعه

والفاعل المجهول بيعملوا فيه ايه .. مش عارف

طب ليه عربيات الغلابه اللي زي حالاتنا الشرطة بتقول لنا روحوا اتفاهموا معاهم

وتضطر تدفع شاي الافاضل البلطجية - طبعا من عشرين الف وانت طالع على حسب موديل وقيمة السيارة

يعني الشرطة بتقسم معاهم مثلا .. والا انا ابقى ثورجي وحش وشكاك وسليط اللسان لو غلطت في الداخلية

فعلا

اللي كلف ما ماتش

[ام سلمي]

ايه يا جماعة اللي بيحصل ؟

لا حول ولا قوة اللا بالله

نادر بكار : تعرض نائب حزب النور أنور البلكيني لمحاولة إغتيال أثناء سفره من القاهرة إلى الإسكندرية، حيث تعرض له ملثمون برشاشات وأسلحة بيضاء واصاباته بالغة

تم تعديل 29 فبراير 2012 بواسطة ام سلمي

[se_ Elsyed]

ايه يا جماعة اللي بيحصل ؟

لا حول ولا قوة اللا بالله

نادر بكار : تعرض نائب حزب النور أنور البلكيني لمحاولة إغتيال أثناء سفره من القاهرة إلى الإسكندرية، حيث تعرض له ملثمون برشاشات وأسلحة بيضاء واصاباته بالغة

لأ مش إغتيال ولا حاجه .. دي ضريبة الطريق ... أصل الطرق السريعة دلوقت أصبحت تحت سيطرة البلطجية والعصابات 100 % .. هما الناس طلعوا عليه وقفوا العربية وضربوة وأخدوا منه 100 الف جنيه كانت معاه