الملك عبد الله بن الحُسين يُعطي إستمارة ستة لأخيه

[se_ Elsyed]

تصدقوا بالله أنا ماكنتش هاكتب حاجة عن الموضوع ده الذي لا يعنينا من بعيد او قريب فهي أمور داخلية في العائلة الهاشمية ... حلو السجع ده ... لولاش الكلمتين اللي ظللتهم باللون الأزرق دول واللي فعلاً إستفزوني وخلوني اجري واتناول معجون السنان عشان ما يجليش هارت & هارد أتاك .... بجد حاجة تجيب العصبي ..

مصادر رسمية..في عمَّان:

لا مؤامرة..وراء إقالة ولي العهد الأردني

الملك عبدالله اتخذ القرار بشكل دستوري .. وبعد التشاور مع الأسرة الهاشمية

الأمير الحسين أكبر أبناء العاهل الأردني 9 سنوات يملك قدرات شخصية تؤهله لمهام المنصب قدرات خاصة إزاي يعني ؟ يعني زي ما حشيش بيقول هو يُجيد ألعاب الهواء وشغل الإبره .. ولا سنن وهو عنده ست شهور .. ولا أستطاع أن يستغنى عن البامبرز وهو إبن 10 شهور؟ ...... بطلوا بقى تخلف .. الناس طلعت القمر وإحنا لسه مزنوقين في إشارة ميدان رمسيس يا بشر ...

عمَّان وكالات الأنباء:

نفت مصادر رسمية أردنية في عمَّان وجود مؤامرة وراء إقالة ولي العهد الأردني الأمير حمزة.. قال صالح القلاب عضو مجلس الأعيان الأردني ووزير الإعلام الأسبق: إنه لا يوجد ما يسمي بصراع القصور في الأردن. وأن المجتمع الأردني بسيط والأمور فيه واضحة ولا يمكن إخفاء شيء عن الشعب.

أكدت المصادر الأردنية أن الملك عبدالله اتخذ قرار إقالة شقيقه من ولاية العهد بشكل دستوري وبعد التشاور مع الأسرة الهاشمية خاصة إخوته.

قالت المصادر: إن قرار الملك عبدالله قوبل باحترام وتقدير من كل أفراد الأسرة الهاشمية بعد أن أطلعهم الملك عبدالله علي خلفيات القرار في اجتماع موسع معهم.

أشارت المصادر إلي أنه طبقاً للدستور الأردني. فإن منصب ولي العهد يؤول للابن البكر للملك "الأمير الحسين" ما لم ير الملك شخصاً غير ذلك.

أكدت المصادر الأردنية أن الأمير الحسين الابن البكر للملك عبدالله 9 سنوات معروف عنه في الأوساط الأردنية أنه يملك رغم صغر سنه قدرات شخصية مهمة تؤهله لمهام هذا المنصب. كان العاهل الأردني الملك عبدالله قد أصدر مرسوماً ملكياً الليلة الماضية بإعفاء أخيه الأمير حمزة من منصب ولاية العهد. وتأتي الإقالة بعد خمس سنوات من وفاة الملك حسين بن طلال الذي كان قد اقترح تعيين الأمير حمزة لولاية العهد بعد أن كان قد أعفي شقيقه الأمير الحسن من تلك المهمة.

والأمير حمزة "23 سنة" هو الأخ غير الشقيق للملك عبدالله وهو الابن البكر للملكة نور الحسين. ثم يليه أخوه الأمير هاشم وشقيقتاه الأميرتان راية وإيمان.

الأمير حمزة يتابع منذ تعيينه ولياً للعهد دراسته الجامعية في الولايات المتحدة الأمريكية وكان قد تزوج في أبريل الماضي من ابنة الأخضر الإبراهيمي الدبلوماسي الجزائري الشهير.

وللملك عبدالله شقيق واحد من والدته الأميرة مني. هو الأمير فيصل بن الحسين. الذي تسلم مؤخراً منصب مساعد رئيس هيئة الأركان المشتركة للشئون الجوية وهو طيار محترف.. كما أن له أخاً غير شقيق آخر هو الأمير علي بن الحسين.. وهو ابن الملكة الراحلة علياء.. وهو برتبة عقيد بالجيش. وقائد الحرس الخاص بالملك.

[egyptforever]

من شابه اباه فما ظلم

ايه دنيا

هذا العبد الله من ذاك الحسين

قدرات خاصه

ربنا يسامح الجميع

قولتولي عنده كام سنه

19 سنه

ايه .....................

9!!!!!!!!!!!!!!!!!!!!!!!!!

قدرات شخصيه في السيجه و رمي الزلط

اللهم اني لسه فاطر

[فــيــروز]

الملك عبدالله اتخذ القرار بشكل دستوري .. وبعد التشاور مع الأسرة الهاشمية

أكدت المصادر الأردنية أن الملك عبدالله اتخذ قرار إقالة شقيقه من ولاية العهد بشكل دستوري

أنا شخصيا اعجبتنى هذه الجمل

فكرتنى بجملة محمد صبحى الشهيره

كله بالدستور lo::

الالذ الذ الذ فعلا بقى دى fr1::

وتأتي الإقالة بعد خمس سنوات من وفاة الملك حسين بن طلال الذي كان قد اقترح تعيين الأمير حمزة لولاية العهد بعد أن كان قد أعفي شقيقه الأمير الحسن من تلك المهمة.

اصل تخيلوا لو كان تهور و عين ابنه ولى العهد من ساعتها !! كان يبقى ولى العهد عنده اربع سنين :)

[Tafshan]

يا جماعة اللي خذ استمارة 6 ده ابن الملكة نور ، و طبعاً معروف ان الملكة نور من اصل يهودي و يقال انها قريبة رابين يعني كنتم عايزين ملك الاردن يبقى نصفه من نسل النبي و نصفه من نسل رابين ؟؟

[Arabisc]

يا جماعة اللي خذ استمارة 6 ده ابن الملكة نور ، و طبعاً معروف ان الملكة نور من اصل يهودي و يقال انها قريبة رابين  يعني كنتم عايزين ملك الاردن يبقى نصفه من نسل النبي و نصفه من نسل رابين ؟؟

هاتفرق يعني ???

:)

[El-Masri]

يا جماعة فكروا فى الموضوع بمنطق مبارك.

سبب إن مبارك مش معيين نائب هوه سبب إن الملك مش عايز ولى عهد عنده أربعة وعشرين سنه، يعنى من خمس سنين كان ولى العهد لسه فى الكلية وبيقف على الناصية يعلق بنات ومش فى الدماغ، دلوقتى الراجل إتجوز وبيدورله على شغلانه محترمة، يعنى ممكن يعملة إنقلاب وللا يدبرله موته ويبقى هوه الملك.

دلوقتى ولى العهد عنده تسع سنين، يعنى شوف بقى لما يخلص الإبتدائية والإعدادية ويمكن يسقط وللا يجيب ملحق فى الثانوية، يعنى عبل ما يخلص دراسة تكون عدتلها خمساتشر سنه على الأقل.

وساعتها طبعا حيكون الملك جابله بيبى تانى، ويحول الخلافة عليه.

شفتوا بقى كل العرب إتعدوا مننا.

[sad_swing2000]

حكاية ال 9 سنين دس أعتقد إنها يا إما خطأ مطبعي يا إما مبالغة ، لأن ولي العهد الأردني (الأمير حمزة) - اللي خد استمارة 6 - أعتقد إنه من الصور واضح إنه قرب العشرين - بزيادة أو بنقص - مش 9 سنين يا سي السيد.

أتأكد من المعلومة دي و أجيلكم بالمرجع ، إن شاء الله.

[sad_swing2000]

أهو ، تاريخ ميلاد الأمير حمزة 29 مارس سنة 1980 ، يعني عنده دلوقت 24 سنة وماشي ف ال 25.

المرجع

و ابحث عن كلمة "hamzah" في الصفحة.

أو مباشرة من هذه الوصلة.

تم تعديل 29 نوفمبر 2004 بواسطة sad_swing2000

[emmyyy]

يا sad الي عنده 9سنين ده الامير الحسين ابن الملك عبد الله الي عينه والي العهد مكان اخوه الامير حمزه

[linux]

و طبعاً معروف ان الملكة نور من اصل يهودي و يقال انها قريبة رابين

معروف لمين بالظبط؟

و ممكن حضرتك تذكر المصدر (أو المصادر)؟

[El-Masri]

حد هنا يعرف أصل حكاية إستمارة 6؟

يعنى الإستمارة دى أساسا كانت بتاعة إيه؟

[Cleo]

حد هنا يعرف أصل حكاية إستمارة 6؟

يعنى الإستمارة دى أساسا كانت بتاعة إيه؟

إستمارة 6 دى فى المؤسسات المصرية هى الاستمارة اللى بيوقعها الموظف عند انتهاء أو إنهاء خدمته بالعمل (يمضى استمارة 6 يعنى ياخد السكة يعنى) :D

وعموما لما الأمير حمزة ياخد استمارة 6 من ولاية "العهد" أحسن ما كان ياخد استمارة 6 من الدنيا كلها...!!! :lol:

[se_ Elsyed]

حد هنا يعرف أصل حكاية إستمارة 6؟

يعنى الإستمارة دى أساسا كانت بتاعة إيه؟

إنتوا هاتخرجونا بره الموضوع ليه ...

شوف يا المصري أفندي ... سيادتك لما تكون من الموعودين وتتعين في الحكومة ويحبوا يستغنوا عنك .. فقرار الإستغناء ده في العرف الحكومي وحسب المصطلحات البيروقراطية إسمه إستمارة 6 ... فاكر نموذج 26 جُند ؟ :lol:

Sad_swing 2000

روحي إشربي النسكافية ... إحنا عايزين ناس مصحصحه معانا ... يا مودمازيل ده شال حمزه وجاب ألدو .. قصدي جاب إبنه ... وهو واد صغير كده شكله زي العسل ولابس نظارات وبودي خالص ..

شوفي كده وقولي رأيك

وشال ده ( أخر واحد عالشمال )

أنا عايز اظبط حاجة للواد عمر إبني قبل ما اموت .. إن شالله ييجي يفتح المنتدى الصبح ويرش ميه قدام الباب .... الواد عنده 3 سنين ونص لكن ما شاء الله عليه أظهر قدرات عجيبة في التخريب وتكسير اللعب وبطح العيال التانين .. شكله كده ينفع وزير دفاع .

[sad_swing2000]

Sad_swing 2000

روحي إشربي النسكافية ... إحنا عايزين ناس مصحصحه معانا ... يا مودمازيل ده شال حمزه وجاب ألدو

أولا يا يافندم النسكافيه مطلوب لن إحنا الاتنين ، حيث أن (الجنس) الذي يبدو في بياناتي من غير جونلة ، يعني (ذكر).

ثانيا أنا هابطل أعمل مداخلات بالليل و أنا جعان ، لأن الواضح إني إتهيألي حاجات غريبة. :lol:

أعتذر يا جماعة عن المداخلتين بتوع امبارح اللي اتهيألي فيها إن الكلام عن الأمير حمزة مش الحسين.

[yasovinas]

طبعاً موضوع انه يملك قدرات خاصة دي اكيد من تلميذ من تلاميذ سمورة ابو زمورة المصري

فاكرين نكتة النبوي لما راح يظبط الانتخابات في امريكا علشان كارتر يكسب

ولما رجع السادات بيساله ايه الاخبار قال له تمام يا ريس

قال له عملت ايه

قال له تمام يا افندم انت كسبت 99.99%

المهم ان المشكله دلوقت في البنيه بنت الاخضر الابراهيمي اظن من حقها دلوقت تخلع حمزة لعدم التكافؤ البنيه اتجوزته وهو ولي عهد لكن دلوقت اصبح ولي عهد سابق

اجمل ما في الموضوع الصورة بتاعته هو والملك عبد الله ياريت حد يقول لهم ما يبصوش لفوق تاني احسن يحصل لهم اللي حصل للراحل انور :rolleyes:

تم تعديل 30 نوفمبر 2004 بواسطة yasovinas

[Cleo]

اجمل ما في الموضوع الصورة بتاعته هو والملك عبد الله ياريت حد يقول لهم ما يبصوش لفوق تاني احسن يحصل لهم اللي حصل للراحل انور :rolleyes:

:lol: mc: حلوةةةةةةةةةةةةةةةةةةةةةةةةةةةةةةةةة............

[Tafshan]

Sad_swing 2000

روحي إشربي النسكافية ... إحنا عايزين ناس مصحصحه معانا ... يا مودمازيل ده شال حمزه وجاب ألدو

أولا يا يافندم النسكافيه مطلوب لن إحنا الاتنين ، حيث أن (الجنس) الذي يبدو في بياناتي من غير جونلة ، يعني (ذكر).

س س :rolleyes: :lol: mc:

شوفت ،

بتلف تلف و ترجع لصاحبها

المهم يعني ،

انا مش فاهم ح تفرق في ايه طالما الموضوع كله تعين في تعين ، و بعدين موضوع ولى العهد ده ، المفروض يعمل ايه ؟؟؟

[فــيــروز]

شوف يا المصري أفندي ... سيادتك لما تكون من الموعودين وتتعين في الحكومة ويحبوا يستغنوا عنك .. فقرار الإستغناء ده في العرف الحكومي وحسب المصطلحات البيروقراطية إسمه إستمارة 6 ... فاكر نموذج 26 جُند ؟  mc:

مش استماره 6 دى اللى خاصه بالتأمينات الاجتماعيه و المعاشات !! :lol: :rolleyes:

[mwefy]

يا جماعة اللي خذ استمارة 6 ده ابن الملكة نور ، و طبعاً معروف ان الملكة نور من اصل يهودي و يقال انها قريبة رابين  يعني كنتم عايزين ملك الاردن يبقى نصفه من نسل النبي و نصفه من نسل رابين ؟؟

في اي معلومات مؤكده عن الموضوع ده لو اكيد او اي حد عنده معلومات يريت يفيدنا

[se_ Elsyed]

ده إعتذار واجب بعد ما اتلخبطت في نوعية اخونا Sad_swing 2000 اللي كنت فاكره اختنا SilverSwan ... بس يظهر أنا بدل ما ادخل صوان أم مختار .. دخلت صوان عمو باخ .... وأهي كلها صوانات أهم حاجة الواحد ياخد واجبه ويتنو مروح .

وما نجيلكومش في حاجة وحشه .