ما رأيك في ما فعله زياد العليمي

[محمد عبدالعزيز]

طيب ما تيجوا نفكر فى عكس الاستفتاء ونفترض الآتى

واحد وقف فى مؤتمر زى بتاع بورسعيد ده وقال :

الكلاب تنبح والقافلة تسير

فواحد من اللى واقفين سأل : "مين الكلاب ؟"

رد اللى واقف على المنصة وقال : "الكلاب هم العليمى ومن ثاروا دفاعا عن قلة أدبه"

يبقى سؤال الاستفتاء

ما رأيك فيما قاله ذلك "الواحد"

- تجاوز حدود النقد وأساء الأدب

- لم يتجاوز حدود النقد

- لى رأى آخر سأوضحه

هم اتقال عليهم كلاب بس يا أستاذنا؟

على حد علمى كلاب دى أقل كلمة اتقالت عليهم, واتقال كمان جنس ومخدرات وتمويل خارجى وبلطجية وعملاء وخونة ومخربين...إلخ

وعادى مفيش حد اتحاسب ولا اتعاقب ولا اتفصل ولا ولا ولا.

[أبو محمد]

طيب ما تيجوا نفكر فى عكس الاستفتاء ونفترض الآتى

واحد وقف فى مؤتمر زى بتاع بورسعيد ده وقال :

الكلاب تنبح والقافلة تسير

فواحد من اللى واقفين سأل : "مين الكلاب ؟"

رد اللى واقف على المنصة وقال : "الكلاب هم العليمى ومن ثاروا دفاعا عن قلة أدبه"

يبقى سؤال الاستفتاء

ما رأيك فيما قاله ذلك "الواحد"

- تجاوز حدود النقد وأساء الأدب

- لم يتجاوز حدود النقد

- لى رأى آخر سأوضحه

هم اتقال عليهم كلاب بس يا أستاذنا؟

على حد علمى كلاب دى أقل كلمة اتقالت عليهم, واتقال كمان جنس ومخدرات وتمويل خارجى وبلطجية وعملاء وخونة ومخربين...إلخ

وعادى مفيش حد اتحاسب ولا اتعاقب ولا اتفصل ولا ولا ولا.

لا لا لا يا باشمهندس .. أرجوك خلينا فى ورقة الأسئلة .. هل تمتنع عن الإجابة مثلا منعا للإحراج أو أى شئ من هذا القبيل ؟

أرجوك .. جاوب .. أتمنى فعلا أن أعرف رأيك فى ذلك "الواحد" الذى قال المثل ثم أجاب على السؤال بشكل مباشر وحدد من يعنيه بالمثل

[محمد عبدالعزيز]

رأيى فيه إنه ألف النفاق والرياء للمستبد, كما قال عبدالرحمن الكواكبى

[أبو محمد]

المصيبة بقى يا باشمهندس إنك تكون فاكر ان الاستبداد لا يمارسه سوى الحاكم

سأعتبر أنك اخترت الاختيار الأخير "لى رأى آخر سأوضحه"

وذلك لأنك لم تقل إن ذلك الواحد "تجاوز حدود النقد وأساء الأدب"

وبالمناسبة هذا هو رأيى "الشخصى"

كما أنك لم تقل إن ذلك الواحد "لم يتجاوز حدود النقد"

[أبو محمد]

حتى الآن هناك 10 أصوات منقسمة بالتساوى بين مؤيد ومعارض لما "فعله" زياد العليمى .. وهى نسبة أقل من 25% من الأعضاء المسجلة أسماؤهم حتى الآن فى نهاية الصفحة (42 عضوا)

وهذا بالضبط هو حال "مصر" .. وهو حال وصفته فى مداخلة قديمة لى ردا على الأخ الفاضل abaomar الذى خالفته الرأى ولكنى لم أتطاول عليه

الاخوان و غيرهم من التيار الاسلامى هم فى حقيقه الامر

الغالبيه الساحقه من الشعب المصرى التى هى فى حقيقه الامر القوه الحقيقيه و الكبرى فى الشارع

لايوجد فى مصر أغلبية فكرية أو سياسية .. الأغلبية الوحيدة فى مصر هى الأغلبية الصامتة .. كل ما هنالك هو قوة تأثير أى من القوى السياسية على الأغلبية الصامتة .. وهم فى ذلك يتنافسون ..

[YOUR BROTHER]

بدون التطرق الى أى مواضيع اخرى زى ما الزملاء بيقولوا ان فيه غيرو قالو كذا أو ان المشير عمل كذا وكذا أو زملاء تانيين افترضوا ان لو فى نفس المؤتمر كان حصل كذا وكذا

انا هاجاوب زى ماهو مطلوب فى التصويت

اللى قالو العليمى غلط ...بغض النظر مين اللى شتم ومين اللى اتشتم

على اساس ديننا وعلى أساس عاداتنا وتقاليدنا لازم الواحد مننا ينتقى كلامه حتى ولو مع أعداءه مش معارضيه

لو تقبلناموضوع الشتيمة دة زى ما حصل من العليمى ونوارة وغيرهم وماحدش استنكرهاهاتلاقى الشتيمة فى الفضائيات عينى عينك وفى كل مكان

مش بعيد هنافى المحاورات تلاقى أمثلة كالاتى

البهيم اللى كاتب المداخلة رقم ... ابن تيت و.....

الحيوان اللى مدينى تقييم سالب لو شفت شكلو ها...........

رايي ان النقد مطلوب والمعارضة مطلوبة علشان المسئول يحط عينيه فى وسط راسو قبل ما يتخذ أى اجراء

ولكن النقد والمعارضة لازم يكون بأدب

[وطني حر]

احيانا مواقفنا المبيته من بعض الاشخاص تكون سبب في ان نغض الطرف عن الحقيقه

لو اختصرنا قضيه العليمي فما هي . دون الدخول الي مواقف اخــرى

العليمي عضو مجلس الشعب المصري . اطلق لفض حمار على رئيس المجلس العسكري

لو من قال بهذا الوصف رجل عادي رجل الشارع انا اقبلها منه لا اري فيها الا نوع من الحريه التعبير وفضفضه

لو ان من قال بهذا عضو مجلس الشعب تجاه رجل مجهول دون التصريح باسمه نصا اوتلميحا لقبلنا هذا منه بصفته انفعال وحماس زائد

لكن ان يتلف عضو مجلس شعب بلفظ مسي ويجمع الناس على انه وصف مسئ وليس من قاموس الثورات او المظاهرات . ( فلو قال يسقط المشير . او اعدام المشيــر .. فهذه الفاظ ثوريــه مقبوله )

بحديث العليمي لو استمر الموضوع . سنجد مستوي الخطاب المصري في مستوي متدني من النقد والحضيض من العبارات السوقيه التي . لا يمكن لان انسان ان يصف الاخير بها .

لم نسمع لفظ خارج عن المالوف طيله الثوره ضد مبارك . لم نسمع بلفظ نابي من مواطن الشارع البسيط ..

لا اقبل ان يكون مستوي الخطاب ومستوي النقد بهذا الحضيض فمن لا يستطيع ان يتمالك نفسه وان يحتار كلماته بعنايه او ان يستغل بسطاء القوم بتلك الامثله الشعبيه الهدف منها النقد والاساءه الشخصيه .

رغم ما قيل وما يقال عن المشيــر.فلم بتضح الدور الهام والحساس الذي قام به في تلك الازمه الا بعد يبتعد عن كرسي المجلس ويتم اختيار رئيس . عندها سيدرك ذو الالباب ان المشير قاد السفينه بهدو رغم الاخطاء ورغم الاحداث . الا انه استطاع ان يعبر بمصر الى شاطي الامان بأقل قدر من الشهداء .

قد يكون ضعف شخصيته وهدوؤه ولكونه غير مفوه خطابيا . يذكرني هذا بالمستشار عبد الجليل اضفت هذه الشخصيه الي الثوره الهدوء رغم الصخب ورغم المظاهرات . فالمستقبل سيكشف الدور الكبير الذي لعبه المشير

[se_ Elsyed]

طيب ما تيجوا نفكر فى عكس الاستفتاء ونفترض الآتى

واحد وقف فى مؤتمر زى بتاع بورسعيد ده وقال :

الكلاب تنبح والقافلة تسير

فواحد من اللى واقفين سأل : "مين الكلاب ؟"

رد اللى واقف على المنصة وقال : "الكلاب هم العليمى ومن ثاروا دفاعا عن قلة أدبه"

يبقى سؤال الاستفتاء

ما رأيك فيما قاله ذلك "الواحد"

- تجاوز حدود النقد وأساء الأدب

- لم يتجاوز حدود النقد

- لى رأى آخر سأوضحه

بسم الله الرحمن الرحيم

- لي رأي اخر سأوضحه ...

الرأي هو إني هاحاول أوضح للواحد ده إنه مش فاهم وإن في ناس مستحمرينة بقى لهم سنة وشوية زي طنطاوي اللي لابس لبس رئيس الجمهورية لكنة ............... عرفتوا طبعاً النقط مكانها إيه .. فلما تلاقي رئيس جمهورية يكلم رئيس جمهورية سابق زي جيمي كارتر رداً على سؤال قتل وسحل الناس في ميدان التحرير ويقول له دي صورة متفبركة ودي أساساً في اليونان .. يعني إغريق ... وأساساً البنت كانت لابسه ملابس غير لائقة ..... يبىقى نقول على الكائن ده إيه ؟

ولما يطلع ناس معاه مالهمش في البطيخ وبالفُم المليان يتهموا الثوار إنهم قابضين من الخارج وإن اللي حصل ده مؤامرة مش ثورة ومعانا اوراق تُبت ذلك وتعدي أسابيع وشهور ومافيش ورقة بفره واحده تطلع يخزوا بها العين .... يبقى زعيمهم إيه وهما إيه ؟

وفي الأخر إذا ما فهمش الواحد ده مين هما الكلاب اللي بينبحوا بالرغم من إن قافلة الثورة ستسير وتدهسهم لأن لا مكان للحمير والكلاب في قافلة الثورة .... يبقى عفواً هو حمار أساساً ومافيش فايدة إنه يفهم .

[se_ Elsyed]

لم نسمع لفظ خارج عن المالوف طيله الثوره ضد مبارك . لم نسمع بلفظ نابي من مواطن الشارع البسيط

إنت تقصد الثورة المصرية اللي كانت لمدة 18 يوم ؟

إزاي بقى إنت ما كنتش معانا ولا إيه ؟

إذا كان البتاع اللي إسمع مبارك لما أداهم الطرشة ... الملايين كلها رفعت وتيرة النداءات وبقى في حاجات من عينة " إرحل يعني إمشي ... ياللي ما بتفهمشي " غير كوكتيل من الشتائم الأخرى في حق كائن جلده تخين ما بيفهمش فعلاً

فالمستقبل سيكشف الدور الكبير الذي لعبه المشير

برافو عليك .. أتفق معك في دي الماشي والحاضر والمستقبل كشف الدور ده بالفعل

فالمشير وعصابة الـ 19 لعبوا دور سارق الفرح ... بل ووضعوا لمسات شخصية أخرى بقتل المئات من أبناء الشعب المصري وفي الأخر زعيمهم بيقول " اللي حصل في بورسعيد ده عادي وبيحصل في أي حته " .... شوفت الدور بقى اللي لعبوه بمنتهى القذارة ؟

تعرف أبعاد الدور ده إيه ؟

سر بسيط جداً جداً وكررناها قبل كده مئات المرات .. بكره سيُعلن الجنزوري عن قانون الحد الأدنى والحد الأقصى للأجور ... اتحدى من هنا للسنة الجاية لو تم تطبيق ده على المشير وعصابته .. وتحدي امام الجميع .. لان في الدول اللي لامؤخذه محترمة القانون ده بيتطبق على التخين في مؤسسات الدولة من أصغر عامل شاي لحدددددددددد رئيس الجمهورية ... وكل الدنيا عارفه أوباما بياخد كام ... تفتكر التاريخ هايكشف مرتب المشير والـ 19 اللي معاه في يوم من الأيام ؟

[أبو محمد]

على اساس ديننا وعلى أساس عاداتنا وتقاليدنا لازم الواحد مننا ينتقى كلامه حتى ولو مع أعداءه مش معارضيه

لو تقبلناموضوع الشتيمة دة زى ما حصل من العليمى ونوارة وغيرهم وماحدش استنكرهاهاتلاقى الشتيمة فى الفضائيات عينى عينك وفى كل مكان

مش بعيد هنافى المحاورات تلاقى أمثلة كالاتى

البهيم اللى كاتب المداخلة رقم ... ابن تيت و.....

الحيوان اللى مدينى تقييم سالب لو شفت شكلو ها...........

بحديث العليمي لو استمر الموضوع . سنجد مستوي الخطاب المصري في مستوي متدني من النقد والحضيض من العبارات السوقيه التي . لا يمكن لان انسان ان يصف الاخير بها .

لم نسمع لفظ خارج عن المالوف طيله الثوره ضد مبارك . لم نسمع بلفظ نابي من مواطن الشارع البسيط ..

لا اقبل ان يكون مستوي الخطاب ومستوي النقد بهذا الحضيض فمن لا يستطيع ان يتمالك نفسه وان يحتار كلماته بعنايه او ان يستغل بسطاء القوم بتلك الامثله الشعبيه الهدف منها النقد والاساءه الشخصيه .

الفاضل YOUR BROTHER

الفاضل "وطنى حر"

خالص تحياتى لاهتمامكما بمستوى الخطاب والحوار فى مصر عموما وفى المحاورات خصوصا

وأتوقع معكما أن ينحدر مستوى الخطاب أكثر مما انحدر إليه

[وطني حر]

الفاضل سي سيد . كانت الثوره الــ 18 يوم من اجمل ايام الموده والاتفاق علي كره رجل واحد والحب ساد بين اوساط المصريين علي اختلاف طبقاتهم وثقافاتهم واديانهم .

عزيزي سي سيد دائما النادر لا عبره له ولا تقاس عليه الاحكام او تضرب به الامثال . فهل سمعت او سمع احد الاخوه عباره نابيه في قناه فضائيه او علي منصه في التحرير ؟؟؟؟ او في اسكندريه . هذا هو المعول عليه اما ما خلا ذلك فلا عبره فيه فهو نادر

لاتعتقد ان الثوره تقوم اليوم وتاتي اكلها غدا . فلا بد للمخاض ولا بد من ضحيا . ولكن الحمد لله في مصر اعتقد كانت اقل والاقل من الضحايا والشهداء رغم كل الفوضي .

لا اعتقد ان تقارن بين مجتمعين مختلفين مثل مظاهرات مصر بــما يحدث باوربا . فالمقارنه هنا صعبه ومستحيله .

قارن الثوره المصريه بما حصل في تونس واعتقد تونس كانت نموذج افضل من مصر في الثوره رغم استكمال منظومه مؤسسات الدوله حصل خروقات امنيه كثيره . ولا زالت تواجه العديد من النقد

قد اختلف معاك في عده رؤي . ولكنها في الاخر تصب في مصلحه مصر مثل

انا لا يعنيني محاسبه المشير او محاسبه مبارك او محاكمته في الوقت الحاضر . بقدر ما يهمني الوصول الي بر الامان برئيس وبرلمان منتخب

[se_ Elsyed]

وأتوقع معكما أن ينحدر مستوى الخطاب أكثر مما انحدر إليه

وانا معك يا عمنا اتوقع ذلك وبقوة ... بسبب ان الجميع سيفقدون عقولهم ويهزون بكل الكلام الغير مفهوم عندما يشاهدون من بينهم من ينتفض ويحمر وجهة وتنفر عروقه لمجرد سماعة للفظ حمار يوصف به مجرم وقاتل ...

في حين هما أنفسهم يحتسون شاي الساعة الخامسة مع إنجليش كيك عندما يرون المئات وهم يُذبحون على الهواء مباشرة

وبما إننا لسه في مجال طرح الأسئلة اللي بتدور على إجابة وأرجو من الجميع أن يكون أمين مع نفسه ويجاوبني .... : تفتكروا نحاسب مين ونحبس مين ونعدم مين يا جماعة في مقتل الشباب المصريين من بعد 11 فبراير حتى تاريخه ؟

مع العلم إن المجلس نفسه أعترف إن اغلبية هؤلاء شهداء وصرف لهم فلوس ... إيه الشهيد ده مش بيبقى في أحدد محدد قتله برضوا ولا كله هايُقيد ضد مجهول ؟

سؤال اخر وأستحملوني : لو إنت شاب أو كبير في السن أو أي مصري مهما كان .. ومعاك مجموعة من الأصدقاء كلكم كنتم بتنادوا بالتغيير وخرجتم يوم 25 يناير في منتهى الادب والوداعة عشان تقولوا لأ للظلم ... ثم شاء القدر ان تلتفت حولك فلم تجد كل هؤلاء الأصدقاء .. لأنهم ببساطة إتقلتوا غدر من كلاب السُلطة .... تفتكر هاتلبس سموكن وبابيون وجوانتي أبيض في يدك وستتكلم لغة عربية فصحى وتتصرف كنبيل من نبلاء القرون الوسطى وقد مرت سنة بدون أن تعرف من قتل أصدقاءك الأبرياء ؟

وتكملة السؤال ... مش بس كده ... إنت هو نفس الشخص المصري اللي لا ترضى الظلم ... وقفت امام ماسبيرو ولم تقول حتى لفظ مسيء ضد أحد او تُرمى حجر واحد ... ثم فجاة ألتفت حوليك برضوا لقيت 27 واحد مهروسين زي البفتيك تحت مدرعات الجيش .... ثم بعدها وفي ميدان التحرير يوم 19 نوفمبر شاهدت عشرات الشباب يذبحهم رجال المشير ويلقونهم في القمامة اكوام اكوام فوق بعض .... وتمر الأيام والحوادث وتتساقط مئات الأرواح ثم تجد شباب بل أطفال قرايبك كل ذنبهم إنهم راحوا يشجعوا فريقهم في ماتش كرة قدم وكلهم ما رجعوش وأندبح منهم 75 في ظل الحكم الرشيد .... هل ستظل مرتدي البابيون والردينجوت ويُطالبك البعض أن تكون جنتلمان .. ومش مهم يا عم الدم .. اهم حاجه أوعى تقول يايا يايا ألفاظ بسيئة زي حمار وكلب وغبي على كل من تسبب في كل هذا ... وتذكر دائماً النصائح .... حافظ على هدوءك .. وأنتظر دورك في الذبح بمنتهى الإستسلام ... وزي ما قولنا اهم حاجه ألفاظك عشان ماحدش يمسك عليك حاجه وخليك لاخر نفس تتكلم اللغة العربية الفُصحى عشان تبقى ضحية مؤدبة لأخر نفس .... ... طب لو أخوك أو إبنك هو اللي إتقتل ..... كنت هاتعيط وتبكي باللغة العربية الفُصحى برضوا ؟

تصبحوا على خير وأدب ....

[se_ Elsyed]

انا لا يعنيني محاسبه المشير او محاسبه مبارك او محاكمته في الوقت الحاضر . بقدر ما يهمني الوصول الي بر الامان برئيس وبرلمان منتخب

والله الذي لا إله إلا هو ... لن نصل إلى بر الامان إلا إذا تحقق العدل ..... العدل في كل شيء .... لأن أول شيء يا عزيزي يحكم فيه الله عز وجل يوم القيامة هو الدماء

هل بعد ذلك كله لن يعنيك محاسبة القتلة امثال مبارك وطنطاوي ؟

[se_ Elsyed]

سمعت او سمع احد الاخوه عباره نابيه في قناه فضائيه او علي منصه في التحرير

لأ إنت كده هاتشككني فيك وفي إنك كنت بتتابع أحداث الثورة اللي إتلعن سلسفيل اللي نزلوا فيها وقاموا بها على فضائيات كتيرررررررررررررررررررة

[se_ Elsyed]

على فكرة أنا باحترم الأراء اللي بتشوف إن ده خروج عن اللياقة .. أو ماحدث مع عدو نفسه وعدو البشر القذافي يعتبر حاجه سوفاج خالص ..... لأن اللي إيده في الميه مش زي اللي إتقتل من حواليه الاف

بالله عليكم وحاجه خاصة بموضوع القذافي ... لو بشار الأسد ده وقع في إيد حد من حمص او ادلب او حماه .. تفتكروا هايتكلموا عن عدالة والقانون ياخد مجراه والكلام ده ؟

كذلك نحن هنا امام مثال أخر ... ليس دفاعاً عن العليمي فأنا لا أعرفه ... لكن كل ما اعرفه عنه إن تم إعتقاله في عهد المخنوع عدة مرات ... وما اعرفه أن له أصدقاء كثيرون مقربون تم قتلهم في الثورة سواء في عهد مبارك او المشير وكلاهما وجهان لعُملة واحدة ..

[وطني حر]

<br style="font-size: 18px; line-height: 27px; ">هل بعد ذلك كله لن يعنيك محاسبة القتلة امثال مبارك وطنطاوي ؟

في الوقت الحاضــــــــــر

[Alshiekh]

السلام عليكم

الموضوع تم فتحه كإستطلاع للرأي حول مافعله زياد العليمي أو بالأحرى حول ماقاله بخصوص المشير

الغالبية رأت خطأ النائب الشاب زياد العليمي في عدم كياسته في إختيار الفاظه وعدم تقديره للمسئولية التي وقعت عليه عندما دخل مجلس الشعب نائبا عنه.

البعض رأي أن زياد على حق ومن حقه يشتم المشير، لو كان أمر هؤلاء البعض قد انتهى بإبداء رأيهم في تصرف زياد العليمي لانتهى الأمر عند ذلك الحد.

ولكن الاستاذ سي السيد يصر إصرارا على أن يثبت أنه على حق وأن باقي الآراء على خطأ ، نفس منطق السيدة " إكرام يوسف " في لقائها مع حافظ الميرازي وهي بالمناسبة والدة زياد التي أصرت على أن إبنها لم يخطأ ولم يعجبها بالطبع رأي المتصلين بالحلقة والذين كانوا غالبية ترى بخطأ زياد في تصرفه ، وصارت توجد له اسباب غير مقنعة من انه كان مجهد وانه تم استدراجه ليقول أن المشير حمار وانه لم يكن يقصد وانه عندما رد على رئيس المجلس بعبارة الاعتذار الغير صريح إنما قال ماكتبه له الدكتور البلتاجي و و و و باقي الأعذار.

أستاذ سي السيد،

دعني أقتبس عبارة الدكتور سعد الكتاتني ولكن بما يناسب موقفنا هنا،

لست أكثر وطنية من أي واحد من الأعضاء ، ولو كان رأي غالبية الأعضاء هو أن زياد قد أخطأ فيجب عليك أن تتفهم أن رأيهم هو الأصوب.

محاولتك ومحاولات السيدة إكرام يوسف بالدخول في طريق آخر حول المسئول عن قتل المتظاهرين ومسئولية المجلس والمشير عن ذلك وعما يحدث في البلاد ليس لها معنى في مناقشة موضوع زياد حيث لا واحد من الاعضاء المعترضين على تصرف زياد قد صفق للمشير أو المجلس العسكري أو الحكومة، بل يحملونهم كامل المسئولية تماما كما ترى أنت ذلك فلا تزايد على من رأوا أن زياد مخطئا في تلفظه بتلك الألفاظ حيث انه أصبح عضوا بالبرلمان وبناءا عليه فكل كلمة يتلفظها سوف تحسب عليه.

[ابو محمود]

الأعزاء .. الاخوة المحترمين .. زملائى

بعد ان تشاهدو هذا المشهد الرجاء المقارنة بين الفتاة التى تسب داخل المقطع ومن اخذت المايك من العضو ذياد العليمى فى موقعة بور سعيد

اننا امام مشهد يراه العالم ويتحدث عنه اننا كشعب لا نرضى ان تزهق روح الثورة وتضيع دماء الشهداء بكلمات سافله وايحاءات خادشه ويتم استدراج الشباب الى معارك ساقطه من اجل اعلان ان فلان يقف ضد العسكر

من الممكن ان انتقد بل واهاجم بكل قسوة العسكر فليس عليهم او لهم حصانه على النقد او التشهير بهم بحق وليس كأتهام بدون دليل ومن يشتم ويتهم بغير دليل موثق فمكانه قفص الاتهام والعسكر كذلك لكننا نعيش فى تبعات او توابع زلزال الثورة التى يريد البعض اختزالها فى عدد من الشباب وتركو الباقى اما لحزب الكنبه او الفلول وكأن الشعب المصرى لم يساند ولم يضحى ياسادة اعزكم الله اليس الشهيد هذا له اب وام واخ ساهمو بالصبر والتحمل فراق فلذة كبدهم الرجاء الا تختذلو الثوره فى اشخاص انها ثوره امه تسمى مصر قام بها كل الطوائف من شباب صغير الى رجال وحتى كنا نرى الكهول تنزل الى الشوارع والميادين فالثوره ليست حكرآ على فئه من المصريين حتى نشاهد تلك السفالات وتنتهى الى ان عضو ينتسب الى مجلس يدافع عن حقوق المصريين ويعمل على تغيير تشريعات وقوانين لتنقيه حياه شعب يظهر به عضو منفلت اللسان فيسب وبعدها يقول انا أسف

عزيزى ابو محمد الاخوة الكرام يجب علينا جميعآ ان نعزي انفسنا على انهيار الاخلاق بالشارع المصرى وان نرمى كل فضائحه على الغير ونترك حساب انفسنا ونستمر فى الغرق والغي .. يا سادة ان شعبنا تعلم بل تقدم فى العلم فى مجالات عدة اولها الغش والنفاق والكذب ومن يريد ان يثبت عكس ذلك فليأتى بمعامله مع او فى اي مجال كان هندسه او طب او تعليم او حرفه وصل فيها الأتقان او العمل السليم وعندها لابد ان نتسائل هل مافعله العضو المحترم خطأ ام هو تعود واخلاق ونترك الصدام والدفاع عن فعلته المشينة ونعترف اننا امام مصيبه كبرى ومن يتعامل ويمشى بالشارع المصرى فى كل مكان به يدرك كلامى ومعناه

http://www.youtube.com/watch?v=HjATpegeRPg

المشهد به بعض الكلمات الغير مهذبه الرجاء اخذ الحيطه اثناء الأستماع

[se_ Elsyed]

ولكن الاستاذ سي السيد يصر إصرارا على أن يثبت أنه على حق وأن باقي الآراء على خطأ

هذا من حقي يا كبني ادم يا أ محمد ...

نحن هنا لسنا امام قضية كفر واخرى إيمان وبالتالي في معسكر هايدخل الجنة واخر سيدخل النار ...

أنا ادافع عن رأيي ولا اتهم الأخرون بانهم مخطئون وانني أنا الوحيد اللي على صواب ..... والدليل إن 33 % ولا اعرف من هم شاركوني نفس الرأي ...

[abaomar]

انا لا يعنيني محاسبه المشير او محاسبه مبارك او محاكمته في الوقت الحاضر . بقدر ما يهمني الوصول الي بر الامان برئيس وبرلمان منتخب

والله الذي لا إله إلا هو ... لن نصل إلى بر الامان إلا إذا تحقق العدل ..... العدل في كل شيء .... لأن أول شيء يا عزيزي يحكم فيه الله عز وجل يوم القيامة هو الدماء

هل بعد ذلك كله لن يعنيك محاسبة القتلة امثال مبارك وطنطاوي ؟

السلام عليكم

يا احمد الله يباركلك ...قول أمين :) !!و انا كمان

و هل تعتقد انه سيتحقق العدل مع هؤلاء و هل بالعصبيه و السباب سيتحقق ذلك

و هل يخالفك احد اساسا فى ما تقول ...لكن كيف و متى ؟؟

الا يوجد قواعد مثل فقه الواقع او قل فن الممكن

انا و انت نعرف من هو طنطاوى و من معه و لو تغافلنا عن ما يمكن ان يحدث منه

بحكم موقعه و السلطه التى معه نكون ضاحكين على انفسنا

إذن العقل يقول ان ما لا استطيع اخذه بالقوه ..أأخذه بالعقل مع الصبر

هذا لو كنت صادقا فى ذلك

اما لو كنت افتعل مشكله لأهداف اخرى فهذا شئ اخر .

..

الاغرب اننى حاولت فهم دوافع من رأى ان كلمه حمار عند إطلاقها على انسان اى كان هو

ممكن ان تندرج تحت بند النقد بأى شكل و هل سيتقبلها هو شخصيا لو اطلقها عليه

اى احد اخر تحت مسمى النقد ..

لا يا اعزائى كلمه حمار حسب ما نعلم و نرى كلمه سباب واضح و صريح و يعاقب عليها القانون

و اقل ما يوصف قائلها انه انسان غير مهذب او بالبلدى مش متربى و فى الاماكن الراقيه ...بيئه .

و لو ان الثوره و الثوار سيسمح لهم بقولها و غيرها تحت هذا المسمى

فبئس الثوره و الثوار