وفى لمح البصر ...................!!!!!

[عصام أبوالفتح]

أخوانى الكرام :

فتحت الموضوع ده وده أول موضوع لى بالمنتدى لتسجيل تجاربنا الفريدة من نوعها .. التى حدثت لنا ولم يملهنا القدر لحظة لمجرد التعليق عليها ..

ممكن تكون تجربة حدثت لك شخصياً أو مجرد مشاهدة معينة ..

أحيلكم عن حكاية غريبة حدثت لى وأول مرة أرويها على النت..

كنت صغير جدا وما زلت بالابتدائية ..

لكننى كنت شغوفا بالشهب .. ومنظر النجوم فى السماء ..

وكان النظر إليها ليلاً من أمتع متع حياتى .. وبدأ ذلك فى سن السادسة أو قبل ..

وكان من أجمل ما يحببنى فى زيارة القرية التى أنتسب إليها هو قلة ضوء الأرض مما يجعل السماء منيرة جميلة رائعة .. فكان من المعتاد أن أنام كلما ذهبت على سطح بيت خالى الذى يمتلئ بتشوينات الذرة وما أدراكم ما داخلها ( فيران وبلاوى ) ..

المهم أننى كنت أنسى كل شئ متطلعاً إلى السماء بشغف وترقب

وكلما رأيت شهاباً فرحت جدا جدا ..

وأنا بالمناسبة من هواة البرق والرعد وأنتظر الشتاء بفارغ الصبر

حتى استمتع بهما :lol: حيث الآن بالرياض لا يمكننى أن أرى السماء بسبب كثرة الإضاءة بالمدينة ..

وكانت مشاهدة السماء إدمانا لى .. حتى فى القاهرة بعد العودة أظل ماشياً فى الشارع شاخصا بصرى إلى السماء .. وحدثت لى حوادث كثيرة بسبب ذلك وأنا صغير ..

فى إحدى الأيام ليلاً كنت مع أصدقائى ( الصغار ) ماشياً فى الشارع وفجأة انقطع التيار الكهربائى وأظلم الشارع .. ووجدتها فرصة ممتازة للتطلع إلى السماء ..

وهنا ..

انخلع قلبى ولم اصدق عينى حين رأيت دائرة كبيرة من الضوء الأزرق تمرفى السماء فوقنا بطول الشارع بسرعة رهيبة .. وتبعتها بنظرى إلى الناحية الأخرى حيث ستختفى وأنا مدهوشاً مذهولاً فإذا بها تنقسم دائرتين ثم ثلاثة ثم أربعة بسرعة جبارة مع تغير ألوانها إلى الأخضر والأصفر والأحمر .. ووووو

اختفت خلف المبانى ...

----------------------

وله .. بص بص ...

فيه ايه ..

شفت البتاعة دى ..

بتاعة ايه ..

اللى كانت طايرة فى السما دلوقتى ..

تلاقيها طيارة ..

طيارة ايه يابنى .. دى صاروخ .. دى عدت فى لمح البصر

-----------------------------------

لكن الصاروخ وحتى الشهب لا تنقسم ولا تمشى بصورة موازية للأرض ولا تتغير ألوانها بهذه الطريقة أبدا أبدأ .. ولا ينقطع التيار الكهربى ( صدفة ) عند مرورها .. mc:

منذ هذه اللحظة ( 7-8 سنين ) وأنا مدمن أطباق طائرة وخيال علمى وأقرأ كل ما يأتى فى طريقى ومع علمى واستيعابى لأن الكثير من ذلك محض هراء إلا أننى لا أستطيع أن أكذب عينى

تعرفوا المصيبة ايه :

انه حتى الأطباق الطائرة لا تنقسم بالطريقة اللى شوفتها دى :rolleyes:

[yasovinas]

اخونا المهاجر صباح الخير

كل الحكايه انك وانت ماشي مع الولاد اصحابك وانقطع النور زغللت معاك الدنيا واتهيء لك موضوع الالوان والاقسامات دي او حد هبدك fsh:: بلحه اسكندراني على راسك من الولاد اللي كانوا معاك خلاها تنور وتقطع بالشكل الجميل ده

صباح الخيييييييييييير

[mwefy]

انا بحب الحاجات دي اوي وانا لسه لحد دلوقتي امنيه من اماني حياتي ان يكون عندي تلسكوب ابص بيه للنجوم مش عليز هابل طبعا بس حاجه اشوف بيها النجوم اوضح شويه :rolleyes:

[عصام أبوالفتح]

اخونا المهاجر صباح الخير

كل الحكايه انك وانت ماشي مع الولاد اصحابك وانقطع النور زغللت معاك الدنيا واتهيء لك موضوع الالوان والاقسامات دي او حد هبدك  fsh::  بلحه اسكندراني على راسك من الولاد اللي كانوا معاك خلاها تنور وتقطع بالشكل الجميل ده

صباح الخيييييييييييير

بيتهيألى .... :rolleyes:

ممكن برضو ...

المهم أنت حصلت لك حاجة زى كده :lol:

[yasovinas]

انا لو حد ضربني بلحه اسكندراني على دماغي اضحضحه

مش اخليها تنور معايا واشوف اقمار واطباق طائرة

ده احنا رجاله قويييييييييييييييييييي

[disappointed]

فى إحدى الأيام ليلاً كنت مع أصدقائى ( الصغار ) ماشياً فى الشارع وفجأة انقطع التيار الكهربائى وأظلم الشارع

وله .. بص بص ...

فيه ايه ..

شفت البتاعة دى ..

بتاعة ايه ..

اللى كانت طايرة فى السما دلوقتى ..

تلاقيها طيارة ..

واضح من هذا السرد إنك إنت الوحيد فى أصحابك اللى شفت هذه الظاهرة أمّا أصحابك فلم يلحظوها على الإطلاق

ظاهرة كبيرة و مثيرة و ذات أنوار ملوّنة فى ظلام دامس لابد و أن تثير إنتباه كل المتواجدين فى الحيّز المكانى الذى شهد الظاهرة... وهو مالم يحدث

يبقى أول جزئيّة وصلنا ليها إنك إنت الوحيد اللى حواسّك إستقبلت الظاهرة

يبقى قدّامنا حاجة من إثنين....

يا إمّا إن الظاهرة حدثت بالفعل... و هو شيئ مستبعد لأن الموجودين معك لم يلحظوها حتّى على الإطلاق رغم وجوب إنتباههم لها

أو

يا إمّا إن الظاهرة لم تحدث ( وهو الأرجح من باب أن الآخرين لم يلحظوها)

مممم...

الله...

طيب إيه اللى ممكن يكون إنت شفته ده؟؟؟

فى هذه الحالة إحنا أمام شيئ من الممكن أن تكون حواسّك أنت هى التى أبلغت مراكز الوعى و الإدراك عندك بأن هذه الظاهرة حدثت بينما هى لم تحدث.. ولذلك كنت أنت الوحيد الذى رأيتها

وهو الإحتمال الأرجح.... وله تفسير علمى :

فى بعض الأحيان يحدث بدون سبب ظاهر او معلوم و بصورة عشوائيّة زيادة مفاجئة (shooting) لنشاط المخ للحظات معدودة و سريعة , فى صورة دفعات سريعة و خاطفة من الشحنات الكهربائيّة التى تجتاح قشرة المخ بنفس الأسلوب الذى يمكن للفلكيين ملاحظته عندما يحدث إنفجار هيدروجينى على سطح الشمس.... هذه الشحنات الكهربيّة عند مرورها العاصف على مراكز الإدراك فإنها قادرة على تنبيهها نفس التنبيه الذى يمكن للمؤثرات الخارجيّة الحقيقية الواقعيّة أن تتسبب فيه... وحسب مركز الإدراك الذى ينال أكبر قدر من الشحنة الكهربيّة فإن الإنسان يخيّل له طبيعة المؤثّر الوهمى الذى إستقبله... لو كان مركز السمع ممكن الواحد يسمع فرقعه عالية جدّا...لو كان مركز البصر ممكن الإنسان يشوف فلاشات و ومضات قويّة و مفاجئة من النور أو الهالات الملوّنة... و هكذا

هذه الظاهرة تحدث فى الأساس لأشخاص طبيعيين و ليست ظاهرة مرضيّة , و ربّما تستثيرها إستثارات خارجيّة مفاجئة و قويّة كالضوء الباهر أو الصوت العالى أو الظلام الدامس ( ولهذا قمت بتظليل وصفك للظلمة التى حدثت فجأة فى تلك الليلة باللون الأحمر)... و هى ظاهرة طبيعيّة و إن كانت تدل على نشاط كهربى زائد قليلاً - و إن كان فى حدود الطبيعى still - فى الفص الصدغى بالذات للمخ.... و بسبب هذا النشاط للفص الصدغى فربّما يتعرّض هؤلاء الأشخاص لظاهرة أخرى تسمّى الـــ :

De Javu , وهى ظاهرة تتميّز بكثرة تكرار المواقف التى عندما يشاهدها الشخص فى حياته اليوميّة فإنه يخيّل له أنه قد رآها من قبل ليجد نفسه يقول تلقائيّا :

أنا شفت الموقف ده قبل كده

أو

أنا شفت الموقف ده فى الحلم

فهل تتعرّض لهذه الظاهرة بكثرة؟؟؟

تم تعديل 1 ديسمبر 2004 بواسطة disappointed

[عصام أبوالفتح]

تحليل منطقى وعلمى ممتاز يا أستاذ محبط ..

لكن الموقف كله أخذ ثانيتين أثنين .. بس

ثانية منهم .. كنت باصص للسماء واصحابى بيشوطو فى طوب الارض ولو عربية جاية فى اتجاهنا كانت خبطتنا كلنا لأن كل واحد مننا مكنش باصص ادامه :)

والثانية التانية لفيت بجسمى كله 180 درجة عشان اتابع اللى انا شفته ..

يعنى الموضع مش زغلله rs: .. ومش تهيؤات .. :)

وبعدين ....

محدش حكى اى حكاية برضووووووو ... :)

يعنى انا الوحيد اللى بتجيلى تهيؤات فى المحاورات ... rs:

[disappointed]

محدش حكى اى حكاية برضووووووو

طب خذ دى

أيّام الجامعة كنت بأذاكر مع واحد صاحبى فى عز شتاء يناير و راجع بالليل على الساعة 1 الفجر (وكانت والدتى و أختى مسافرين الأقصر و أسوان تبع شغل و الدتى فى وزارة التربية و التعليم و انا قاعد مع والدى أسبوع كده لوحدينا)... أنا داخل العمارة لقيت عربيّة غريبة 127 سبورت برتقالى فيها 3 شباب و مكان السوّاق فاضى و راكنة بطريقة مريبة جنب البيت... دخلت العمارة..... العمارة 4 أدوار..كل دور شقّة..... و إحنا بيتنا فى الدور الرابع... و سطح البيت أساساً عبارة عن ملحق فوق شقتنا و ملك لينا و عاملين فيه تكعيبة عنب و خزّانات مياه و صومعة شتويّة أوضة بصالة بأوضة سفرة و حمّام ميّه للّى ييجى ليه مزاج.. و الملحق ده أساساً له باب و بعدين سلّم خشب داخلى على أوضة السيرفيس فى شقّتنا.... يعنى اللى عايز يحط إيريال أو دش ما يقدرش إلاّ لو تفاهم معانا .... واخد بالك إنت من وصف العمارة؟؟؟

المهم....

و انا فى الدور الثالث و داخل على الدور الرابع (بتاعنا)... لقيت شاب ضخم لابس بنطلون إسود و قميص إسود على بليزر أبيض و بشنب كبير نازل و ريحته كلّها خمرة من الدور بتاعنا ( يعنى مش ممكن يكون جاى غير من عندنا إحنا ) من غير لا سلام و لا كلام و خد فى وشه و عدّانى و نزل على تحت

انا تنّحت ثانيتين كده , وبعدين و أنا بأفكّر إيه ده و مين ده و طالع كمان خطوتين على السلّم بأضرب بعينى على باب شقّتنا لاقيت واحدة لابسة جيبه سوداء ستريتش بتاع 10 قوووول 20 سنتى فوق الركبة ( أو أسهل نقول بتاع 5 سنتى تحت الوسط) على شراب "شبك" لونه إسود و جزمة حمراء ملعلعة بكعب ولا أطول على بلوفر أحمر نارى (الحقيقة كان بلوفر طويل و حشمه يعنى) , وضاربه وشّها 2 قوووول 3 طن بودرة على روج على مسكره على آى لاينرز على آى شادوز.... هيصه... حاجه كده زى بتوع الكابوكى

:) :)

ممممم....

إيه النظام؟؟؟

يكونش الحاج إفتكر إنى مبيّت عند صاحبى و إستغل الموقف و قرّر يتشاقى على كَبَر؟؟؟

brth) brth)

(كل ما أفكّره بالحكاية دى و أقول له الكلمتين دول يقول لى : يا واد عيب إحترم نفسك rs: )

ما أطوّلش عليك:

فركت عينى , لقيت إن اللى شايفه صحيح.... قلت ليها : إنتى مين و بتعملى إيه هنا؟؟؟

و جاء الرد الجهنّمى :

أنا ساكنه هنا و دى شقّتى؟؟

:D

لا بقى....ده موضوع الحاج ده ماطلعش شقاوة...ده إتجوّز على أمّى باين عليه مادام بتقول شقّتها

brth)

فقت من الصدمة و طلبت منها تعيد اللى قالته , فقالت لى بمنتهى البجاحه : أيوه...دى شقتى

فما كان منى إلاّ إنى طلّعت مفتاح الشقة من جيبى و حطّيته فى الكالون , وبصّيت لها وقلت ليها :

هاااااا...شقّة مين بقىىىىى؟؟؟

rs:

وهنا قالت لى إنها كانت ماشية فى الشارع وإن الشباب اللى فى العربيّة اللى تحت حاولوا يخطفوها و إفتكرتنى واحد جايبينه علشان يضحك عليها و ينزّلها.... و بمزيد من الضغط من وكيل النيابة (اللى هوّه انا) إنهارت... و إعترفت المتهمة بما يلى (تلميحاً و ضمنيّاً يعنى مش بالمفتشر) : إنها "لا مؤاخذة يا منعم" و إنه حصل خلاف بينها و بين الشباب دول اللى كانت حتروح معاهم

قلت لها إستنّى هنا.... ونزلت الشارع...رحت للعربيّة اللى فيها الشباب .... وقلت لهم : بصّوا بقى..... شوشرة و وجع دماغ مش عايزين.... هيّه بنت ليل و إختلفتم على السعر....تاخدوا بعضكم و تمشوا من سكات فوراً بدل ما آخذ نمرة العربيّة , وبعدين بندهة واحدة منّى حتلاقوا الشارع كلّه فى البلكونات , والشارع ده أساسا ملغّم لواءات و دوريّات و عربيّات شرطة و حراسات أمن (كان زكى بدر وزير الداخليّة ساكن فى ثانى شارع ورانا)... قلتوا إيييييه؟؟؟؟

دوّروا العربيّة و مشيوا من سكات

المهم.... طلعت أخذتها و وصّلتها لغاية محطّة المترو فى أوّل الشارع و وقّفت ليها تاكسى و قلت ليها وهيّه بتركبه : إحترمى نفسك بقى و إتقى ربّنا و كفاياكى (مش عارف أوصف تعبيرات الخجل و الإنكسار و الكسوف اللى كانت على وشّها)

ألذ مافى الموضوع إنى لمّا جيت راجع البيت , و أنا داخل لقيت والدى نازل و كان خارج من باب العمارة.......طلع إنه شافنى من العين السحريّة قدّام باب الشقّة فراح البلكونة وشافنى و أنا واخدها وماشى فإفتكرنا مع بعض , فكان نازل علشان يلحقنى و يضربنى قلمين و يسحب منى مفاتيح العربيّة... بس الحمد للّه... طلعت براءة (بس برضه سحب مفاتيح العربيّة :) )

تم تعديل 1 ديسمبر 2004 بواسطة disappointed

[عصام أبوالفتح]

بأضرب بعينى على باب شقّتنا لاقيت واحدة لابسة جيبه سوداء ستريتش بتاع 10 قوووول 20 سنتى فوق الركبة ( أو أسهل نقول بتاع 5 سنتى تحت الوسط) على شراب "شبك" لونه إسود و جزمة حمراء ملعلعة بكعب ولا أطول على بلوفر أحمر نارى (الحقيقة كان بلوفر طويل و حشمه يعنى) , وضاربه وشّها 2 قوووول 3 طن بودرة على روج على مسكره على آى لاينرز على آى شادوز.... هيصه... حاجه كده زى بتوع الكابوكى

:)  :)

الظاهر مش انا اللى جاتلى زغلللللللللللللللللله brth)

:) rs: rs:

[الباشمهندس ياسر]

تصدق

ملكش حق يا محبط

بقي يا راجل تعمل كده برده