وعندك كمان مرشح وصلحه ... أحمد المسلماني يرشح نفسه هو الأخر

[se_ Elsyed]

انا شكلي كده هاراجع نفسي لحد يوم 10 ديسمبر واديها .. اه إشمعنى أنا ؟ أنا كفايه عليه أهلي وحبايبي في المنتدى .. والله لو كسبت لهاسنجفكو وهافتح منتدى خاص لكل مواطن

القاهرة- قال الكاتب الصحفي والإعلامي أحمد المسلمانى، مقدم برنامج ''الطبعة الأولى'' على قناة ''دريم''، إن الباب مفتوح لترشحه لمنصب رئاسة الجمهورية، وأن أحد الأحزاب الممثلة في البرلمان وعده بتوفير 30 توكيلاً من النواب لتأييده في الترشح.

وقال ''المسلمانى'' إن كل الخيارات مفتوحة، خاصة بعد تراجع الدكتور محمد البرادعى، والدكتور أحمد زويل، عن فكرة الترشح، وإن عدداً كبيراً من الحركات السياسية، وطلاب الجامعات المختلفة طالبوه بالترشح.

[hOuSsAm]

مش واسعة شوية الحكاية دى؟

[hanzalah]

لا يعجبني احمد المسلماني ولا تعجبني طريقته ولا يعجبني آراؤه في كثير من الامور

اعتقد ان الرئاسة كمان واسعه عليه قوي قوي

لو طالت هذه الظاهرة سنجد مرشح رئاسي لكل مواطن

شيء غريب

:protest:

[وطني حر]

لو طالت هذه الظاهرة سنجد مرشح رئاسي لكل مواطن

:protest:

وسيفوز بالرئاسه صاحب الاربع زوجات . .

[hanzalah]

لو طالت هذه الظاهرة سنجد مرشح رئاسي لكل مواطن

:protest:

وسيفوز بالرئاسه صاحب الاربع زوجات . .

طب والله قوية وملعوبه

:)

bv:-

خُد دي بقى

جديده نوفي

ممدوح قطب المدير السابق بالمخابرات يعلن ترشحه لانتخابات الرئاسة

ابسط ياعم

النظام السابق كله هيلعب انتخابات سينجل والشعب المصري واقف نكست

المصدر من جريدة الشروق

يا جدعان حد يفهمنا فيه ايه لحسن ابطح نفسي واجيب لكم مصيبه

:P

[elzahraa]

و انا كمان عايزة ارشح نفسي اشمعنى بقى :waving:

اطالب بتنزيل سن الترشح لعشرين سنة

خلينا نجدد الدماء

[Alshiekh]

بيوزعوا ايه على اللي يرشح نفسه؟

[mamdowh]

بيوزعوا ايه على اللي يرشح نفسه؟

بيقولوا المرشح بياخد نص مليون جنيه للدعايه بيعمل بجزء منها صوان وشويه كراسى وبيجيب بالباقى عيش

[shawshank]

لا يعجبني احمد المسلماني ولا تعجبني طريقته ولا يعجبني آراؤه في كثير من الامور

اعتقد ان الرئاسة كمان واسعه عليه قوي قوي

آراوه؟!

أنا أعتقد إنه مالوش رأي أساسًا. أنا شايف إنه بيتحرك بالريموت كنترول. كل ما يقوله على الشاشة أو على صفحات الجرائد مُمْلى عليه. أو بالكتير بيتحرك ضمن التوجيهات العامة والخطوط العريضة. فيبدو إن التوجيه الحالي: "شوشر وارمي أكبر عدد ممكن من المرشحين".

وبعيدًا عن كده، هو سطحى جدًا ولا أراه صالحًا لإدارة شركة، مش دولة، زي ما حضرتك بتقول.

[عبيد الله]

أحمد المسلماني له جمهور واسع بين الشباب.. وهكذا مشاهير الإعلام والسياسة في العالم كله.. وقد قرأت للتو على بوابة الوفد ترشح سيدة اسمها الروائية منى برنس..

عموماً حتى لو وصل عدد المترشحين إلى 100 مرشح.. المهم أن يصل إلى هذا المنصب الرفيع من يستحقه في هذه المرحلة الفاصلة في تاريخنا..

على المستوى الشخصي أؤمن بالحكمة البريطانية التي تقول: "الاقتصاديين أنجح الساسة".. لذلك أتمنى صادقاً أن أرى رئيس مصر شاب في بداية الأربعينات.. متعلم تعليم راقي، لديه خبرة اقتصادية كبيرة، متدرب تدريب سياسي عالي، يفهم الواقع المصري بماله وما عليه، يعيد لمصر العزيزة قدرها الذي تستحقه بين العالمين..

[أحمد محمد]

هو في أية يا جماعة !!!

هو كل واحد يصاحي من النوم و يلاقي نفسة زهقان شوية يقوم يرشح نفسة للرئاسة

دا معظم المرشحين مينفعوش حتي لأدارة مركز شباب كفر البطيخ مش حكم أهم بلد في المنطقة

[ابراهيم عبد العزيز]

مرتضى منصور أعلن أيضا منذ قليل عزمه الترشح لرئاسة الجمهورية

والله مهزلة !

[moamana]

احلى تعليق قراته : هو صحيح فيه غرامه 500 جنيه على اللى ميرشحش نفسه فى انتخابات الرئاسه

[مصطفى يونس]

خدو الجديدة بقى

مقدم فى الدفاع المدنى بالجيزة كمان مرشح نفسه

[ام سلمي]

ضابط مطافئ يعلن ترشحه لانتخابات رئاسة الجمهورية

تعليق : اهو دة جاى يطفى نار الشعب

منقول