إنهاء قضية التمويل الأجنبى سياسيا

[se_ Elsyed]

نعم وحياة خالتك ؟؟؟؟

فايزة أبو النجا: الهجوم على شخصي أثبت أن قرار سفر المتهمين كان في الاتجاه الصحيح

قالت فايزة أبو النجا، وزيرة التعاون الدولي، أن قضية التمويل الأجنبي وسفر المتهمين فيها، أحدث جدلا واسعا، وأثار كثيرا من اللغط، وأثار العديد من الأسئلة، حتى طالها هي شخصيا الهجوم، وهو ما أثبت لها أن قرار سفر المتهمين كان في الاتجاه الصحيح.

جاء ذلك خلال تعقيب الحكومة على الأسئلة الموجهة من نواب مجلس الشعب بجلسة اليوم حول القضية

[ام سلمي]

سحب الثقة إستناداً إلى أي مادة في الدستور يا فندم ؟

ويا ترى اللي كل مساءلات وزير الداخلية .. برضوا سببها القضاء ؟

يا أم سلمى ما يحدث الأن هو فيلم هندي طالما سايبين الحمار اللي هو المشير والمجلس العسكري وبندور ونلف حوالين بعضينا

حضرتك مقتنعة إن اللي عمل العملة السودا بتاعت الأمريكان هو عبد المعز إبراهيم من نفسه ومن عندياته ؟

استاذ سي السيد حضرتك بتقول اهه ، المجلس العسكري بيماطل و عايزين الحكومة تفضل و بيستندوا للاعلان الدستوري ، والبرلمان لقي فساد مالي و اهمال

ده غير مدبحة بورسعيد وكل المشاكل الاخري اللي حصلت في وجودها ومصرين يسحبوا الثقة منها،

ليه نتخيل انها تمثيلية ونلومهم بدل ما نقف معاهم ضد المجلس العسكري ؟

وبالنسبة للامريكان طبعا عبد المعز مش حيعمل كدة من "عندياته" ولا حاجة و اكيد المجلس العسكري مسئول ، بس البرلمان حنلومه ليه دلوقتي هو مالوش

صفة يسحب الثقة من العسكر

العسكر كدة كدة فاضل لهم كام شهر باذن الله وحيمشوا ، انما لو البرلمان قدر يضغط علي العسكر ويشكل حكومة محترمة مش حتسمح للمجلس العسكري يتدخل في شئونهابعد كدة لحد تسليم السلطة،

و اسقاط الحكومة ده راي معظم اعضاء البرلمان امبارح اسلاميين وليبراليين يعني مش تمثيلية ولا حاجة

تحياتي

[ام سلمي]

جميلة جدا الحدوتة الشعرية دي

بلغني أيها الشعب التعيس .. ذو البلد اللي من غير رئيس ..

أنه في أحد الأيام الانتقالية .. ووسط أجواء الاعتزاز بالشرعية ..

أن حاكم أحد البلاد (نقحت) عليه الوطنية .. وقرر مداهمة جمعيات المجتمعات المدنية ..

وجمّع شيوخه وعلماءه ليُحرموا التمويل الأجنبي .. فرد الشعب قائلا : والنبي ؟!! ..

وأمر الحكم بأنه لا معونات بعد اليوم وها أنا قد صرّحت .. ولا لأموال الغرب ماعدا اللي بناخده من تحت لتحت ..

فأقتحموا المنظمات والجمعيات .. و(نفضّوا) المكاتب من مافيها من أموال وأوراق و(سيدهات) ..

ووقف الحاكم يتبارى بتحديه لدولة الدولارات .. وقال شيخ : فلنتبرع جميعا لعسكرنا وننسى اللي فات ..

ونادى منادي في الإذاعة .. قبضنا على ممولين من الخارج يا جماعة ..

وخرج الحاكم في فشخرة .. سننظف البلاد من التمويل ومش عايز (نقورة)..

ولن نركع لأي قوى خارجية .. وسنحاكم المُتهمين محاكمة حقيقية ..

وبعدها بأسبوع .. أنتشر الخبر في كل الربوع ..

فسأله أحد الأشخاص : وبالنسبة لعدم الركوع اللي سمعناه كل ساعة ؟..

رد الحاكم : أنا قلت كده لأني بصلي وأنا قاعد .. حكم السن يا جمـــــاعـــة

[eslam elmasre]

مجلس الشعب يوافق على السير فى إجراءات سحب الثقة من الحكومة

لم اجد افضل من هذا المشهد لكي يعبر بصدق عن الحالة التي نعيشها ويعيشها وهمها معنا مجلسنا الموقر

http://www.youtube.com/watch?v=9tEBx1mXqc0&feature=related

نلاحظ هنا ان احمد حلمي عندما صدم السائق سيارته انه توجه الى الراكب واللذي ليس له اي علاقة بما فعله السائق اللذي صاحب الخطأ الوحيد

احمد حلمي هو مجلس الشعب

السائق هو المجلس العسكري

الراكب هو الوزارة