هل القضاء فعلا نزيه

[wahed_masry]

السلام عليكم

سؤالى بسيط

هل القضاء الذي نثق به ثقة شبه مطلقة يستحق هذه الثقة

لن أتكلم عن انحرافات وغيره

وب\لكنى أتكلم في

1- قضية المدعو حسني السبد مبارك

ليس فقط بالتأجيل المستمر ولكن بعدم الأمر بنقله إلى طرة برغم تقرير مجلس الشعب الذي أحيل للنائب العام ومنه إلى القاضي المختص

2- عدم صدور أي أحكام حتى الأن في قضايا قتل المتظاهرين عدا الحكم على أمين الشرطة الهارب

3-تهريب المتهمين الأمريكيين (لا أحد يعلم هل هو بأمر من السلطة الحاكمة أم كيف)

ومن هنا نعدل السؤال إلى هل القضاء حر؟

تحياتى

[hanzalah]

القضاء المصري باختصار ليس حر .. ليس نزيه .. ليس فوق الشبهات

من غير المعقول ان يتم تجريف مصر وافساد مصر وتلويث مصر بشكل منهجي لعشرات السنوات

ويظل القضاء جزيرة نائيه بمعزل عن كل ذلك

بالتأكيد قد اصابه ما أصاب كل اوجه الحياة في بر مصر

اسأل ياسيدي أي محامي أو قاضي أو وكيل نيابه في أية دائرة

سيحدد لك وبالاسماء من هو القاضي المرتشي وسعره ووكيل النيابه الفاسد وعنوانه

شكرا

[mohamedECL]

بلاش تكونوا حنبليين كدا وهيا جت على القضاء

ما احنا بنثق فى الشرطه وبنسلمهم البلطجيه وتانى يوم نقابل نفس البلطجيه فى الشارع وكأننا فى فيلم ماتركس

الواحد بقت اقصى امانيه ان يومه يخلص وهوا بنفس مقدار الاحباط اللى فى بدايه اليوم ولكن المجلس العسكرى دئما له رأى اخر

[mamdowh]

لأ مش نزيه

[ابراهيم عبد العزيز]

من الوهم أن نعتقد أن هناك مؤسسة حكومية ظلت بمنأى عن الفساد الذي إستشرى في الدولة المصرية خلال السنوات الماضية

الفساد طال كل مؤسسات الدولة ولكن بدرجات متفاوتة فقط

نستطيع القول أن القضاء هو أنزه مؤسسة مقارنة بباقي مؤسسات الدولة المصرية

تم تعديل 5 مارس 2012 بواسطة ابراهيم عبد العزيز

[ابراهيم عبد العزيز]

دكتور معتز بالله عبد الفتاح :

نظام مبارك لم يفسد الثمار (القرارات) فقط، ولا السيقان (المؤسسات) فقط، ولا الجذور (القوانين) فقط، ولكن التربة (الثقافة) وهو أخطر من كل ما سبق.

[ذهبية]

اللى بيجننى فى عصر مبارك و مازال حتى الان متوارث هو العند و الغرور و الصلف و الفرعنة

يعنى فية فساد ايوة فية فساد مش بطريقة عادية بطريقة تكاد تكون جهرية و استفزازية و ان كان عاجبكم

تيجى بقى تعترف بدة

تلاقى الف قلم قام عليك ازاى لية يعنى اية ؟؟؟

القضاء منزة ؟؟

الجيش خط احمر ؟؟؟

الرئيس ممنوع الاقتراب او التصوير دة مثال يحتذى بية ؟؟؟

الشيوخ دة بقى موال تانى لو حاولت بس تقرب تتهم فى ايمانك و اسلامك و ممكن كمان يقام عليك الحد كان الشيوخ ملائكة لا تخطى؟؟

احنا اللى بايدنا بنحط فرعون علينا كاننا نفرح ان يكون علينا فرعون و ان نصبح نحن عبيد

وهل ميراث 30 سنة ممكن يخلص فى سنة لا اعتقد

[magna]

القضاء المصرى يعتبر ثالث اكبر منظومة فساد فى مصر بعد الجيش والشرطة

واساطة ومحسوبية-رشاوى-ارهاب الناس بالسلطة

[التونسى]

القضاء المصرى يعتبر ثالث اكبر منظومة فساد فى مصر بعد الجيش والشرطة

واساطة ومحسوبية-رشاوى-ارهاب الناس بالسلطة

فيه ثوره بتنضف وبتقوم يا مان .. ولو ان ده بيتم بالتصوير البطئ .. اووووى .... وبعدين كل جهه من الجهات الثلاثه فيها الصالح والطالح .. والشريف والفاسد .. التعميم ده ((على قياسك)) ممكن يطالنا جميعا ..وتبقى مصر كلها بمؤسساتها وناسها فاسدين .. وده مش صحيح طبعا