طاجن الارز المعمر

[أنـفـــال]

المقادير:

2كوب ارز

4 كوب حليب كامل الدسم

1 قطعة ورق لاوري (غار)

1 ملعقة صغيرة ملح

2 فص مستكة ، مطحون

4 – 6 فص هيل ، صحيح

2/1 كوب كريمة حامضة او قشطة

الطريقة

1) اغسلي الأرز جيدا، صفيه من الماء وضعيه في قدر ستانلس ستيل متوسط الحجم .

2) أضيفي الحليب ، ورق الغار، الملح، المستكة و الهيل ، اتركي الأرز منقوع في هذا الخليط لمدة 25 – 30 دقيقة .

3) ضعي القدر على نار متوسطة الحرارة.

4) سخني الأرز الى أن يغلي ، ثـــــــم خففي النار واتركيه يطهـى بهدوء 8 – 10 دقائق،، الى ان يتناقص مقدار الحليب الى حوالي النصف، مع التقليب بهدوء من وقت لآخر. تخلصي من ورق الغار و الهيل.

5) سخني الفرن لدرجة حرارة 350 ف، ثبتي الرف الشبكي الأوسط.

6) استعملي طبق فرن او طاجن فخاري حجم 1.5 لتر.

7) ضعي الأرز في الطاجن ، وزعي الكريمة او القشطة على سطح الأرز، غطي الطاجن بالغطاء او ورق فويل ( المنيوم ).

8) ادخلي الطاجن الى الفرن لمدة 20 – 25 دقيقة،، الى ان ينضج الأرز ويتشرب كافة مقدار الحليب.

9) شغلي شواية الفرن.

10) ابعدي غطاء الطاجن ، ادخليه تحت الشواية لبضع دقائق الى ان يصبح سطحه ذهبي اللون. قدميه ساخنا.

و بالهنا

أنفال

[yasovinas]

انا اعترض

يا انفال الرحمه انا بطني وجعتني وريقي جري وانالسه على الصبح طاجن رز معمر

وبعدين ايه العنصريه دي

كل الكلام اغسلي فصصي قطعي

طيب مافيش ولا مذكر واحد ولا حتى في الآخر( كُل بالهنا والشفا)

[ragab2]

شكرا

يا أنفال على هذا الطبق الشهى

والدتى رحمة الله عليها كانت تعمله لنا ولكن بسكر قليل وليس بالملح

وزوجتى ليس لديها خبرة فى عمله

تحياتى

[homer]

والله يا شيف أنفال انت رجعتنى سبعين سنة للزمن الجميل.

انا طبعا الكبير بتاعى انى أسلق بيض بس نويت والنية خير انى أعمل الطاجن ده. السؤال بأه وما تضحكش على : ما هو الغار؟

أنا عارف أكاليل الغاربتاعت صلاح الدين وريتشارد قلب الأسد.

ريتشارد: الفلاحين فى المزارع والحطابين فى الجبال والعجائز حول نار المدفأة فى ليالى الشتاء ينتظرون عودتى وعلى رأسى أكاليل الغار.

صلاح الدين: انك تجرى وراء مجدك أنت.

[se_ Elsyed]

إيه يا homer عمرك ما شربت شوربه ؟

الغار ده هو ورق اللاوري وده عامل زي ورق الشجر الصغير اللي بتلاقيه واقع في الشارع بس بيتحط على الشوربة .. إنت روح للعطار او أي محل بهارات وهو هايعرف ...

أنسة أنفال .. إسمحيلي أقولك شكراً على الذكريات الجميلة دي .. فأنت كده فكرتيني بأيام زمان . أيام الريف وخيره لما كانوا بيبعتولنا مصر طواجن الرز المعمر اللي معموله في الفرن البلدي.... إوعىىىىىىىىىىىىىىى

زوجتي بتعرف تعمله برضوا .. بس طعم بتاع البلد كان حاجة تانية ...

وعلى فكره من حوالي سنة بس لسه عارف إن الرز المعمر ممكن يبقى مالح .. لكن إحنا في الشرقية مانعرفش غير المسكر .. واعتقد بتوع المنوفية هما أصحاب الإختراع ده .

[homer]

ماشى كده يا ريس س س اللاورى ده عارفينه - وش واحد عامل فيها طباخ أرارى.

شكرا يا زعيم وأنا لسه لغاية النهارده كنت فاكر انه بيكون بسكر بس. شوفت بقى فوائد العولمة.

[yasovinas]

ابو السيد الكفاروة كمان بيعملوه مالح (كفر الشيخ) اكلته مره هناك بس ايه خرافه وجواه لحمه بتلوولا حتة موزه "انسى يا عمرو"

وعلى فكرة برضه جمال بتاع زمان سواء الحلو او المالح انه كان بيتعمل في طواجن فخار وانه بيستوي في افران فلاحين بالحطب يعني

[أنـفـــال]

السلام عليكم و رحمة الله و بركاته..

الأعزاء جداً.. جداً..:lol:

الحمدلله ان الطبق عجبكم.

yasovinas

معلش بقى اصل عادة الرجال مش بتدخل القاعة دي قلت خليها حريمي.

ragab2

اشكر لك مرورك الطيب يا سيدي الفاضل.. جزاكم الله خيراً.

معلش انا معرفش موضوع السكر دة. انا معلوماتي انه بالملح. :lol:

homer

ورق الغار دة اسمه الشائع ورق لاوري..

تروح عند العطار و تجيب ب 2 جنيه

و تخليهم عندك و ممكن تضيفهم الى مياه سلق اللحوم و الدواجن و الشوربة مع الهيل او الحبهان.

و اي خدمة.:lol:

سي السيد ..

شكراً على التوضيح..

و اسمحلي اعبر عن اعجابي بأسلوبك الخفيف..wst::

و تحت أمركم..wst::

أنفال