سعيدة

[عبير يونس]

- أنا سعيدة

0 - طب و ايه السبب؟

- كده من غير سبب

0- بلاش فلسفة ... انتي حتضحكي على نفسك و الا علينا؟!

هو في ايه في الدنيا عدل؟؟؟

واضح انك فايقة

- :blink:

الحوار ده بيحصل كتير

حتى لومن غير كلام

البعض لا يكتفي انه حزين

بل يسعون للتنكيد على الآخرين معهم

كالطفل عندما يغضب لا يحب أن يضحك من حوله

ويظل يبالغ في البكاء و الزن حتى لا ينعم غيره بالهناء مادام هو متكدر

نسبة ليست قليلة من الناس تنضج أجسادهم و تظل نفوسهم غير ناضجة

تغيير الذات صعب

ولكنه غير مستحيل

و لكن الأسهل دوما هوتغيير الآخرين ليكونوا مناسبين لنا و مريحين

قد يقضي البعض عمره في محاولات مستميتة لتغيير كل من و ما حوله ليستريح

والاستسلام لتلك الرغبة هو سبب الجرائم !!!

- اصمتوا أريد أن أنام

0- نم في مكان آخر

- لا انا مرتاح هنا انتم اذهبوا لمكان آخر

- ولكن الاضاءة هنا جيدة والمكيف هنا وانت تصر على اغلاقه

0- انا مرتاح هنا هيا اخرجوا (يصرخ فيهم)

يخرجون قبل أن يبدأ بالضرب

:blink:

هذا شخص غير قادرعلى التكيف

يفضل ما يعرفه ويألفه

و لا يتنازل عنه و لو أدى الأمر لاستخدام العنف للحصول على ما يريد!!!

- بطل يا ولد لعب اقعد ساكت

0- انا بحب العب

- يعني ايه يا قليل الأدب انت بتعارضني

مش كفاية مش بتذاكر

ولا بتصلي

وبتضايق فيا و في اخواتك

شفت ابن فلان

ياريتك فالح زيه والا في أدبه

و الا اخوك الاصغر منك ياريتك زيه

مش فالح غير في اللعب و قلة الأدب

صفعة -ركلة - طرد خارج الغرفة

الطفل يبكي و يعتبر ان اللعب غلط و التعبير عن الرأي قلة أدب!!!

:blink:

الأب يتحدث في التيلفون في موضوع هام

طفل و أخته بيلعبوا وبيتخانقوا على كوب من الشاي بالحليب

الأب ينزعج ولا يستطيع اكمال المكالمة

الطفل يصرخ و يدافع عن نفسه ان اخته أخذت منه الكوب

الأب يغضب فيلقي عليه بالشاي الساخن و يصيبه بحروق !!!

الطفل يرى انه غلطان وقليل الأدب و أخته البيبي مجرمة

والأب واجب احترامه حال حديثه في التيلفون و ان من يقاطع مكالمة عقابه الحرق!!!!

:blink:

الزوج: برضه ما عملتيش أكل النهاردة؟؟

الزوجة: انا تعبانة و كنت سهرانة بالبنت و الحمل تاعبني ونازلة الشغل بدري

الزوج: يا سلام

هوانتي اول واحدة حامل و عندها بنت

و الا تكونيش اول واحدة بتشتغل

مشفتيش مرات فلان و لا مرات علان

ماهم مخلفين وبيشتغلوا و مش مقصرين زيك في البيت والولاد

ياريتك حتى فالحة في شغلك

ده انتي بتروحي تتدلعي وتهزري و تاخدي فلوس آخر الشهر

انتي لا كان ليكي جواز و لا خلفة من أصله

متبعا كلامه ببرطمة وهوخارج من الغرفة

نفس الزوجة و الزوج

الزوجة: جبت الدواء من الصيدلية؟؟؟

الزوج: نسيت

الزوجة: البنت حرارتها عالية

الزوج: وانا اعمللك ايه؟ نسيت

الزوجة: طيب ...

الزوج : مقاطعا مش حا نخلص بقى

مش عايز كلام كتير انا تعبان وجاي من الشغل وعايز اروق شوية

اعملي لي شاي و يقوم برفع صوت التلفزيون

:blink:

الجارة 1- انتي و لا بتسالي

الجارة 2- مشاغل والله

الجارة 1 - مشاغل ايه بس هوانتي وراكي حاجة ؟؟؟

ماانتي قاعدة ومبتشتغليش زيي

وياريتك راعيتي الجيرة و خدتي ابني تقعدي بيه مع ولادك و انا في الشغل

هو انا كنت حاسيبهولك ببلاش يعني؟!!

:blink:

دي نماذج لناس عايزة تغيّر الآخرين

ومستحيل تفكر تغيّر أي شيء من أنفسهم!!!

دايما يشتكوا

يلوموا الآخرين

ينتقدوهم

ويقارونهم بغيرهم

و مؤكد لا يحبون أن يروا غيرهم سعداء

حولنا هذه النماذج

في كل مكان

في محيط الأسرة

في العائلة

في الأصدقاء

في الجيران

في العمل

لن نبحث عن الحل السهل ونحاول تغييرهم

ومجادلتهم

بل نسعى لتغيير انفسنا

ونشعر بالسعادة

مهما حاولوا احباطنا و تثبيطنا

و رغم كل السلبيات حولنا

أقول

أنا سعيدة

اوعوا تسمحوا لحد ينكد عليكوا

[White heart]

نسبة ليست قليلة من الناس تنضج أجسادهم و تظل نفوسهم غير ناضجة

صدقتي ...

مهما حاولوا احباطنا و تثبيطنا

و رغم كل السلبيات حولنا

أقول

أنا سعيدة

اوعوا تسمحوا لحد ينكد عليكوا

bv:-

وانا كمان ...أحسنتي

[moslemah]

أهلا أهلا بالسعداء...

ممكن أنضم لنادى السعداء والايجابيين...

دكتورأحمد عمارة كاتب مجموعه عبارات على الفيس بوك ...تنتهى معظمها بجمله مهمه جدا

" أنت السبب..قرر"

شكرا استاذة عبير على الموضوع المبهج ده...

[عبير يونس]

أهلا أهلا بالعزيز وايت هارت

والعزيزة مسلمة

نورتم الموضوع

و" أسعدني " تواجدكم هنا

[عبير يونس]

مش عارفة ليه الدبكة الشامية بتشعرني بالبهجة

بأحس فيها فرح و حماس

و لا أحلى من الدبكة مع الصبوحة

و سعيدة ليتلنا سعيدة

سعيدة دنيتنا سعيدة

http://www.youtube.com/watch?v=_MAXqk36eyY&feature=related

[عبير يونس]

سعيدة

ليس فقط لأنك في حياتي

بل لأني دوما

قادرة على اختلاق أسباب للسعادة