أقنعة مفيدة للبشرة.

[أنـفـــال]

بسم الله الرحمن الرحيم

أخواتي البنانيت الحلوين..

أخواتي المتزوجات..

إلى جنس حواء بأكمله..

:lol:

اخترت لكم هذه الماسكات المفيدة للبشرة..

هي فعلاً مفيدة.. بس ياريت تعمليها مرتين اسبوعياً و بانتظام و لا تستعجلي النتيجة..

الحفاظ على البشرة من الملوثات مطلوب.. و الماسكات الطبيعية تحفظ سلامة البشر الى حد بعيد.. و إليكم مافي جعبتي..

لتنظيف جميع انواع البشرة ( رائع و عن تجربة )

2 ملعقة ترمس مطحون + 1 ملعقة زبادى + 1 ملعقة عسل + 1 م صغيرة ماء ورد

تخلط المقادير و توضع على الوجه لمدة 15 دقيقة و تشطف بالماء البارد

لتفتيح لون البشرة

2 ملعة بودرة اطفال ( اى نوع ) + 2 ملعقة ماء ورد

تخلط و توضع على الوجه لمدة 20 دقيقة ( بجد تجنن )

لنضارة البشرة

موزة + 4 م كبيرة عصير فراولة

تهرس الموزة و يضاف اليها عصير الفراولة و يوضع على الوجة لمدة 15 دقيقة ثم تشطف بالماء البارد

لنقاء البشرة الدهنية :

نصف كوب بقدونس + 2 ملقة حليب

تفرمى البقدونس فى الخلاط و اثناء الفرم تضعين عليه الحليب ثم تدهنى و جهك لمدة 20 دقيقة ثم تشطف بالماء البارد ( يجنننن )

لتبييض البشرة

موزة + 1 بطاطس مسوقة

اهرسى الموزة مع البطاطس و ضعيهم على وجهك لمدة 20 دقيقة ثم يشطف بالماء

و يمكن اضافة الحليب

أقنعة التبيض

قناع العسل/

المكونات ملعقة عسل /-ماعقة خميرة/ ملعقة زبادي/ ملعقة زيت الورد/ ملعقة ليمون

الطريقة تخلط المكونات وتوضع على الوجة مباشرة قبل ان تذوب الخميرة جيدا ويترك على الوجة لمدة(25) دقيقة .ثم يزال بقطنة ويتعمل يوميا لمدة اسبوع .ثم مرة يوما

قناع الدقيق لتبيض البشرة

المكونات 3 ملاعق من الدقيق النقي / كمية من اللبن الطازج / وملعقة من عصير الليمون

الطريقة تخلط المكونات مع بعضها لبعض حتى تتكون عجينة لينة ويتم وضعها على البشرة ويترك القناع لمدة(20) دقيقة ثم يزال بالماء الدافى

و في كل مرة ..

اذا وجدت لكم شيء آخر جديد.. و مفيد هاكتبه هنا..:lol:

مع تمنياتي ببشرة صحيحة و نقية.

أنفال

[سهيلة]

بجد يا انفااال متشكرين جدااااا ليكى

وصفات سهلة وبسيطة

انا هجربهاااااا وان شاء اللة ادعى لك

مش العكس يعنى :lol:

[SilverSwan]

انا كمان هجربهم .. و اشكرك يا انفال

[فــيــروز]

أنفال .. :)

منوّره جدا :lol:

[Set_Amina]

تسلم ايدك وشكرا

اكيد هانجرب الوصفات المفيدة دي وهانقولك على النتيجة

[فــيــروز]

عارفه يا انفال ايه احسن حاجه فى الموضوع :)

انه من المنتجات المحليه المعروف اسمها بالنسبة لينا فى مصر

المنتديات الخليجيه و العربيه عموما بيستخدموا حاجات مش مفهوم اصلا اسمها ايه ولا بتتباع فين :lol:

تم تعديل 1 ديسمبر 2004 بواسطة فــيــروز

[Set_Amina]

باقترح عليكي يانفولة انك كل يوم تجربي ماسك من دول وتقولنا ايه احسن واحد شغال :lol:

[أنـفـــال]

شكراً لست أمينة و فيروز و سهيلة و سيلفر سوان..

على فكرة انا جربت معظمهم

و المفيد بجد ماسك الترمس الاولاني..

عشان بيحقق نتيجة سريعة شوية عن الباقيين..

هو هيكون في فرق بس تدريجي..

لكن ماسك الترمس من اول اسبوعين بيبان اثره.

و كمان ماسك العسل اللي مذكور كأنه ماسك تبييض مفيد و مغذي..

بس البشرة الدهنية بلاش الزبادي كتير .. عشان مش مناسب ليها..

بس عشان الشتا ماسك الزبادي بيبقى مرطب لجميع انواع البشرة حتى الدهنية.

و النور نوركم يا حبيبات قلبي..:lol:

سعدت بلقائكن..:)

أنفال

[Lighthouse]

ح نجرب ونشوف

والنتيجة بقى انتم وحظكم

بس بجد بقى وبعيدا عن الهزار مهم جدا انها كلها مواد طبيعية حتى إذا لم تفيد فلن تضر البشرة

والجميل زي ماقالت فيروز انها اسماء مواد معروفة لنا مش محتاجة بحث في المعاجم :lol:

[Sharkiah]

لتنظيف جميع انواع البشرة ( رائع و عن تجربة )

2 ملعقة ترمس مطحون + 1 ملعقة زبادى + 1 ملعقة عسل + 1 م صغيرة ماء ورد

تخلط المقادير و توضع على الوجه لمدة 15 دقيقة و تشطف بالماء البارد

طبعا أنا دخلت هنا بالغلط ومش بعيد تطلبوا لى الأمن

بس والله ياأخت أنفال هو سؤال سريع بيفرض نفسه ، وبعد مايتحط على الوش ممكن يتاكل ؟ أنا بصراحه ريقى جرى

[ماجد]

2 ملعة بودرة اطفال ( اى نوع )

اذا وجدت لكم شيء آخر جديد.. و مفيد هاكتبه هنا..:)

rs: rs: rs:

بودرة أطفال ازاى يعنى ........ مش فاهم

و كمان اى نوع ... يعنى ولد ولا بنت و هاتطحونه :lol:

:P :D

تم تعديل 1 ديسمبر 2004 بواسطة ماجد

[ragab2]

سمعت وشاهدت

نجوى ابراهيم فى برنامجها من الحياة فى قناة دريم

تنصح بمعجون الجراد للبشرة

[فــيــروز]

لتنظيف جميع انواع البشرة ( رائع و عن تجربة )

2 ملعقة ترمس مطحون + 1 ملعقة زبادى + 1 ملعقة عسل + 1 م صغيرة ماء ورد

تخلط المقادير و توضع على الوجه لمدة 15 دقيقة و تشطف بالماء البارد

طبعا أنا دخلت هنا بالغلط ومش بعيد تطلبوا لى الأمن

بس والله ياأخت أنفال هو سؤال سريع بيفرض نفسه ، وبعد مايتحط على الوش ممكن يتاكل ؟ أنا بصراحه ريقى جرى

هو ايه ده اللى ممكن يتاكل؟ rs:

2 ملعة بودرة اطفال ( اى نوع )

اذا وجدت لكم شيء آخر جديد.. و مفيد هاكتبه هنا..:P

:P :D ;)

بودرة أطفال ازاى يعنى ........ مش فاهم

و كمان اى نوع ... يعنى ولد ولا بنت و هاتطحونه flrt:

:o :o

لا المقصود لبن بودرة من بتاع الاطفال مش الاطفال نفسهم يعنى :angry:

[أنـفـــال]

حبيبتي لايتهاوس

جربي و مش هتخسري بس خليكي صبورة :angry:

يعني استني شهر بانتظام عشان تحسي الفرق

ماتستعجلوش.

العزيز شرقية..

عموماً.. لأ..

بس لو انت عاوز تجرب جرب!!

ياللا ماعلينا.. اصلاً الشباب بياكلوا اي حاجة برة البيت مش مشكلة دي كمان دي حتى من جوة البيت!

ماجد..

معلش بقى انت عارف ان الواحدة ممكن تعمل ايحاجة عشان الجمال..

و عشان ماعنديش اطفال.. ياريت بس يا ماجد لو عندك تخبيهم..

ماشي؟flrt:

السيد الفاضل رجب..

ايه يعني معجون جراد.. البنات ممكن يعملوا اي حاجة..

بنات بقى!rs:

شكراً..

أنفال

[أنـفـــال]

لأ يا فيروز..

مش لبن اطفال يا بنتي بودرة تلك..

:angry:

أنفال

[فــيــروز]

لأ يا فيروز..

مش لبن اطفال يا بنتي بودرة تلك..

:P

أنفال

يا لهوىىىىىىى :P

منظرى وحش موت :D flrt: شكرا على التوضيح .. rs:

يعنى يا استاذ ماجد مش واضح انها بودرة تلك :angry:

[Sharkiah]

لتنظيف جميع انواع البشرة ( رائع و عن تجربة )

2 ملعقة ترمس مطحون + 1 ملعقة زبادى + 1 ملعقة عسل + 1 م صغيرة ماء ورد

تخلط المقادير و توضع على الوجه لمدة 15 دقيقة و تشطف بالماء البارد

طبعا أنا دخلت هنا بالغلط ومش بعيد تطلبوا لى الأمن

بس والله ياأخت أنفال هو سؤال سريع بيفرض نفسه ، وبعد مايتحط على الوش ممكن يتاكل ؟ أنا بصراحه ريقى جرى

هو ايه ده اللى ممكن يتاكل؟

فيروز

الزبادى بعسل النحل بميه الورد rs: يمكن بودره الترمس إللى بس نشزت شويه rs:

عدى النهارده على أبوذكرى وإنتى مروحه وهاتى كام زبديايه بلدى وبرطمان عسل نحل وجربى وإدعيلى :D

الأخت الفاضله أنفال

ألف شكر على تعليقك ، حاضر ها أجرب وأقول لحضرتك :D

على فكره والله ما بأهرج

بعد ماريقى جرى إمبارح رحت داخل على توبك المطبخ وهاتك ياقراءه ، وبعدين رحت متصل بأمى وبدأت معاها الأعداد لقائمه الأكلات إللى هاتعمالهالى لما أنزل مصر :D

أجمل حاجه شدتنى تانى للموقع هى ريحه مصر وناس مصر وأكل مصر (وماسكات البشره بتاعت مصر) ، الله عليكى يامصر ، بحبك قوى يامصر ، منقدرش نستغنى عنك يامصر

[ماجد]

rs: rs:

بصراحه الموضوع ده شكله مريب جدا من الأول ...

اقنعه للوجه ... يعنى تنكر ... يعنى شغل من بتاع ميشن امبوسبول :o

و بعدين لما العضو الذكى :D ماجد هرش الموضوع و طلع فيه عمليه كبيره اختلفوا مع بعض

فمره يقولك ....

لا المقصود لبن بودرة من بتاع الاطفال

و مره يقولك ...

لأ يا فيروز..

مش لبن اطفال يا بنتي بودرة تلك..

وواضح طبعا ان ده سيم بين العضوات .

و علشان يلموا الموضوع كان لابد من احتواء العضو / ماجد و السيطره عليه بكل الوسائل عشان مايصّيحش و يفتش الملعوب فتم توجيه انذار شديد اللهجه له ....

ماجد..

معلش بقى انت عارف ان الواحدة ممكن تعمل ايحاجة عشان الجمال..

و عشان ماعنديش اطفال.. ياريت بس يا ماجد لو عندك تخبيهم..

ماشي؟

و لذلك انا استنجد بجميع الرجاله هنا لانقاذى و حماية اطفالى :o و لازم نكون رداله و نقف وقفة رداله .

الحققققققققققققونى

ياحششششششششششششيش....

:D

انت فين ياحشششششششششششششيش

:D

[SilverSwan]

عارفه يا انفال ايه احسن حاجه فى الموضوع  rs:

انه من المنتجات المحليه المعروف اسمها بالنسبة لينا فى مصر

المنتديات الخليجيه و العربيه عموما بيستخدموا حاجات مش مفهوم اصلا اسمها ايه ولا بتتباع فين  rs:

انا اقترح ان اي حد يسمع او يقرا وصفة ماسك و فيهااسماء مكونات مش معروفه او عاوز يتاكد منها - بودرة لبن .. بودرة تلك - يحطه هناو احنا نساعد بعض و نحاول نفسر المطلوب و خصوصا الاخوه الرداله ناس كتير منهم عايشين ف الخليج ممكن يساعدونا ف التفسير ..

:D

[فــيــروز]

فيروز

الزبادى بعسل النحل بميه الورد :D  يمكن بودره الترمس إللى بس نشزت شويه :o

آآآآآآآآآآه :D

الاول افتكرت حضرتك بتتكلم على الترمس :D

وكنت داخله اقول لك ده بيبقى مطحون لقيتها مكتوبه بالفعل فى المداخله الاصليه rs: قلت امال ايه ده اللى هيتاكل بعد ما يتحط على الوش

عدى النهارده على أبوذكرى وإنتى مروحه وهاتى كام زبديايه بلدى وبرطمان عسل نحل وجربى وإدعيلى   :o

فى الحقيقه انا مش من هواة الزبادى اوى .. وباحب اكله بسكر قليل ويكون حمضان "بايت يعنى" :D دى قصه يطول شرحها واتكلمت عنها قبل كده فى موضوع "أى كلام" rs:

تم تعديل 2 ديسمبر 2004 بواسطة فــيــروز