أقنعة مفيدة للبشرة.

[فــيــروز]

انا اقترح ان اي حد يسمع او يقرا وصفة ماسك و فيهااسماء مكونات مش معروفه او عاوز يتاكد منها - بودرة لبن .. بودرة تلك    - يحطه هناو احنا نساعد بعض و نحاول نفسر المطلوب و خصوصا الاخوه الرداله ناس كتير منهم عايشين ف الخليج ممكن يساعدونا ف التفسير ..

:D

ايوه الله يكرمك يا سيلفر

مثلا كلمة "لبنه" !! اظن قراتها كده :D

وقلت دول اكيد يقصدوا الزبادى بس بيدلعوه

وبعدين اما سافرت مؤخرا اشتروا لى فطيره كده وقالوا هتعجبك اوى دى كلها لبنه !! قلت آكلها حرجا يعنى من حماس الناس اللى عازمينى ليها !! لقيتها شبه الجبنه الفيتا كده rs: نعرفيش ايه اللبنه دى؟ rs: غير الطوب طبعا :D

[yasovinas]

يا ساتر احححممممم دستور اللي كاشفه راسها تغطيها

رداله داخلين عندكم

اختنا العزيزة فيروز

طقم حريم النتدى الاعزاء

صباح الخير اولا اللبنة دي نوع من منتجات الالبان وطبعا هي ذي الكريمة بس بتكون مززة شويتين وفي لبنة بالزعتر ولبنة بحبة البركة وانواع كتير وهي اصل من الاكلات اللبنانية زي الروب في الخليج اللي هو الزبادي عندنا وكمان العيران اللي هو اللبن الرايب وعلى فكرة كلمة لبن هنا تطلق على اللبن الرايب اما اللبن اللي بيتشرب فهو اسمه حليب يعني اطنها عجبتك يا فيروز وللعلم الكريمه غير القشطه صح ولا انا غلطان

السؤال بقى اللي مجنني وعايز اعرف اجابته

هل تقومون بوضع هذه الاشياء على وجوهكن في البيت عادي ولا يعني الواحده تديها وش معجون وبتستخبى في الحجرة ولا تدرى في اي حته لغاية ما تسنفر الوش ده يعني انا عن نفسي عمري ما شفت المدام ممعجنه وشها اعرف انها بتعمل الحاجات دي وطبعا بحس بالفرق على طول لكن ما شفتهاش ابدا (الشك هيموتني)

[فــيــروز]

يعني اطنها عجبتك يا فيروز

فعلا كانت لذيذه طحن :D

على فكره انا باكره كلمة "طحن" دى طحن

بس مش عارفه ليه جايه على بالى دلوقت rs:

السؤال بقى اللي مجنني وعايز اعرف اجابته

هل تقومون بوضع هذه الاشياء على وجوهكن في البيت عادي ولا يعني الواحده تديها وش معجون وبتستخبى في الحجرة ولا تدرى في اي حته لغاية ما تسنفر الوش ده

مش فاهمه يعنى ايه المشكله rs: هو لو راجل حب يحلق دقنه مثلا ولا شنبه و ملا وشه معجون بيفضل محبوس جوه الحمام لغاية ما يشيله على العموم يعنى اظن انها هتستخبى فى اى حته لحد ما تشيل الماسك

تم تعديل 2 ديسمبر 2004 بواسطة فــيــروز

[SilverSwan]

انا اقترح ان اي حد يسمع او يقرا وصفة ماسك و فيهااسماء مكونات مش معروفه او عاوز يتاكد منها - بودرة لبن .. بودرة تلك  htr::  - يحطه هناو احنا نساعد بعض و نحاول نفسر المطلوب و خصوصا الاخوه الرداله ناس كتير منهم عايشين ف الخليج ممكن يساعدونا ف التفسير ..

:lol:

ايوه الله يكرمك يا سيلفر

مثلا كلمة "لبنه" !! اظن قراتها كده :rolleyes:

وقلت دول اكيد يقصدوا الزبادى بس بيدلعوه

وبعدين اما سافرت مؤخرا اشتروا لى فطيره كده وقالوا هتعجبك اوى دى كلها لبنه !! قلت آكلها حرجا يعنى من حماس الناس اللى عازمينى ليها !! لقيتها شبه الجبنه الفيتا كده rs: نعرفيش ايه اللبنه دى؟ ty:) غير الطوب طبعا :rolleyes:

صح صح يا فيروزه ,,,هيه شبه الجبنه الفيتا و انا شخصيا بحب طعمها ..

بصي يا ستي ... تطلعي الدور التاني ف الهواري .. اول تلاجة جبنه و زبادي على اليمين غالبا ف الرف التاني من فوق هتلاقي اللبنه :lol: بس للاسف المنتجات المصريه مش على نفس المستوى زي العاده .. ممكن تجيبي نوع لبنه كويس من سعودي مثلا ,, بس لو للماسك لبنه الهواري ماشي حالها .. :lol:

السؤال بقى اللي مجنني وعايز اعرف اجابته

هل تقومون بوضع هذه الاشياء على وجوهكن في البيت عادي ولا يعني الواحده تديها وش معجون وبتستخبى في الحجرة ولا تدرى في اي حته لغاية ما تسنفر الوش ده

بص يا ياسوو .. احنا بنحطه و نقعد ف البيت عادي جدا و لمااخواتنا بيعترضوا صدقني بتكون عقوبتهم شديده جدا fsh::

مش احنا بنستحمل الدقون الطويله ايام الجمعه و السبت علشان تريحوا دقنكم شويه !! انتوا كمان تستحملوا ..و الطيب احسن ولا ايه؟؟

:rolleyes:

[yasovinas]

والله يا سلفر الطيب احسن اكيد

وفي مثل بيقول الجبن سيد الاخلاق

بس الحمد لله المدام عندي بتراعي اني مش بسيب ذقني تطول لاخميس ولا جمعه ولا اي يوم اول باول

وبالمناسبة دي ممكن اقول شوية حاجات عن خل التفاح لسة وصلاني طازة

لتخفيض الوزن

ملعقة طعام في كوب ماء تشرب عند الاستيقاظ يوميا ولا تتوقعوا انخفاض الوزن سريعا

وللحصول على نتائج افضل يُعمل مساج يومي بثلاث وحدات من خل التفاح +وحدة من زيت الزيتون وتدلك به الاماكن التي ينرسخ فيها الشحم

[yasovinas]

اما بقى اللي عايزة تزود وزنها

توضع ملعقه صغيرة عسل+ملعقه صغيرة خل التفاح + نقطتين من سائل اليود المستخرج من اعشاب البحر؟؟؟؟

في كأس من الماء وتؤخذ مع الوجبات لتامين الخمائر اللازمة لتمثل الغذاء

لعلاج حب الشباب

امزجي جزء من خل التفاح مع عشرة اجزاء ماء وبعد غسيل الوجه بشكل جيد ((بمنظف لا يحتوي على الصابون))توضع طبقه من محلول الخل دون الاقتراب من منطقة العين

وهذه المعالجه تعدل الPHفي الجلد وبالتالي تساعد على عدم تشكل حب الشباب

[yasovinas]

لغرض الجمال

2 فنجان اوراق ورد احمر (ما اعرفش تجيبوها منين) - 4 فنجان خل تفاح ساخن يغمس الورد في الخل الساخن ويحفظ لمدة اسبوع

سيكون للمحلول لون جميل يستعمل لغسل الشعر بعد الشامبو او كمعدل لل(PH) في الجلد او لعلاج الصداع

يللا اهو كله بثوابه

[yasovinas]

يعني مش شايف لا تصفيق حاد

ولا دعاء لي ربنا يعمر بيتي

ولا حتى حد جرب حاجه وقال راية

تفرقه عنصرية

طيب انا هقول الوصفات دي للرجاله وهيعملوها ونبقى حلوين وامامير ونجنن

[فــيــروز]

صح صح يا فيروزه ,,,هيه شبه الجبنه الفيتا و انا شخصيا بحب طعمها ..

بصي يا ستي ... تطلعي الدور التاني ف الهواري .. اول تلاجة جبنه و زبادي على اليمين غالبا ف الرف التاني من فوق هتلاقي اللبنه  :)  بس للاسف المنتجات المصريه مش على نفس المستوى زي العاده .. ممكن تجيبي نوع لبنه كويس من سعودي مثلا ,, بس لو للماسك لبنه الهواري ماشي حالها ..  :P

يا سلام سلم gt:

اهى دى فايدة ان الواحد يلاقى فى النتدى ناس جيرانه و عارفين المنطقه bnd5:: انا بجد سعيده جدا يا سيلفر بالصدفه الحلوه دى B) تسلمى على هذه المعلومات القيمه gt:

يعني مش شايف لا تصفيق حاد

ولا دعاء لي ربنا يعمر بيتي

ولا حتى حد جرب حاجه وقال راية

بس لماذا العجله؟ المواضيع دى بتحتاج وقت واحنا لسه ماجربناش حاجه mf( بس بردو

[yasovinas]

[س لماذا العجله؟ المواضيع دى بتحتاج وقت واحنا لسه ماجربناش حاجه  wst:: بس بردو

معلش يا فيروز احنا كده بنحب ناخد حقنا ناشف وسريع سريع

زي ما بيقولوا البكى على راس الميت

((وش واحد حانوتي وحدووووووووة))

تم تعديل 6 ديسمبر 2004 بواسطة yasovinas

[amir]

لتخفيض الوزن

ملعقة طعام في كوب ماء تشرب عند الاستيقاظ يوميا ولا تتوقعوا

شكلك كده بتشتغل فى دكان عطاره !

ممكن تفهمنى يعنى ايه احط معلقة طعام فى كوباية ميه ؟؟

يعنى حشرب الميه و المعلقه جواها ؟؟

[yasovinas]

امير انا اللي بشتغل في دكان عطارة

تحط ملعقة خل

مش عارف ابطل ضحك

مساء الهنا هشوفك يوم الجمعه باذن الله

[amir]

مساء الهنا هشوفك يوم الجمعه باذن الله

ماشى يا سيدى حشوفك يوم الجمعه

بس انت اللى قلت بالحرف الواحد :

لتخفيض الوزن

ملعقة طعام في كوب ماء تشرب عند الاستيقاظ يوميا ولا تتوقعوا انخفاض الوزن سريعا

يعنى اشيل المعلقه ولا اخليها لغايه يوم الجمعه ؟

[homer]

كنت بافاكر هانعرف بعض ازاى يوم الجمعة وجاتلى فكرة حيث ان مجموعة الامارات كلها مشرفة هنا فى الموضوع ده وانا دايخ عليكوا فى الساسة الداخلية - أقترح بدل الوردة الحمرا ان كل واحد ييجى حاطط ماسك من اللى فوق دول.

[yasovinas]

والله فكره حلوه حكاية الماسكات دي

تخيل خمس ولا ست شنبه طوال عراض داخلين كافيه محترم وكل واحد حاطط اشي ماسك زبادي وايشي ماسك حمص واهو تبقى تقليعه وتطلع صورنا في الخليج والاتحاد وتاني يوم تلاقي الجماعه ناقلين الخبر على اهل المنتدى كله واللي ما يشترى يتفرج

[أنـفـــال]

طبعاً .. شكراً لفيرزو على تعليقاتها المميزة..

و ماجد.. انا قلت لك خبي العيال!!

ياسوفيناس.. باقولك ايه.. الوصفات اللي حضرتك جبتها دي جبها منين؟؟:D

أنفال

[yasovinas]

ياسوفيناس.. باقولك ايه.. الوصفات اللي حضرتك جبتها دي جبها منين؟؟:D

أنفال

انفال صباح الخير

الوصفات دي يا ستي من كتيب صغير بيتوزع مع زجاجة خل تفاح (معتق) هنا في جمعية ابو ظبي التعاونية وهو مقتطفات من كتاب واحد خواجه لما اروح اجيب لك اسمه

وعلى فكرة انا شخصيا ماشي على موضوع ملعقة الطعام في كوب ماء (ملعقة خل احمر يا امير) وفي نتايج بس بطيئة شويه

وكمان موضع الخل الدافي للقضاء على القشرة رائع

[حشيش]

إلحقينى ياااااااااأنفاااااال :)

هرست الموز والبطاطس والترمس والبقدونس والفراولة والخس والجزر وعملت بيهم ماسك بس شكلى بقى شبه نيلسون مانديلا (بقيت عبد اسود وحواجبى وقعت وعينيه الإتنين قفلوا ومش عايزين يفتحوا تانى mf) )

تم تعديل 13 ديسمبر 2004 بواسطة حشيش

[ragab2]

على فكرة

كثير من المسؤولين عاملين أقنعة

وبيظهروا بوش تانى

[Lighthouse]

ياسوفيناس.. باقولك ايه.. الوصفات اللي حضرتك جبتها دي جبها منين؟؟:angry:

أنفال

انفال صباح الخير

الوصفات دي يا ستي من كتيب صغير بيتوزع مع زجاجة خل تفاح (معتق) هنا في جمعية ابو ظبي التعاونية وهو مقتطفات من كتاب واحد خواجه لما اروح اجيب لك اسمه

وعلى فكرة انا شخصيا ماشي على موضوع ملعقة الطعام في كوب ماء (ملعقة خل احمر يا امير) وفي نتايج بس بطيئة شويه

وكمان موضع الخل الدافي للقضاء على القشرة رائع

طيب ياياسو

ينوبك ثواب قول لنا وصفة الخل للقضاء على القشرة

انا جربت خل التفاح بخلطه مع ماء الشطف وماجابش نتيجة قوي يعني

<_<