ياحلولى . وفى الاخر ياحلولو

[متعب]

مجلس الشعب

مين زعلان مع مين . ومين غلط فى مين ومين يعتذر لمين

لاء وزياد غلط فى رمز من رموز القوات المسلحه وتعدى بالقول . انما مبارك مكنشى رمز للقوات المسلحه ولا حاجه ولاكان رمز لمصر . هو مش كانوا بيقولوا كده برده على مبارك .

هى رموز مصر دايما فى الاخر كده

وابو حامد قال ايه على زعبله . وبكرى قال ايه على البرادعى .

وحسنين قال ايه على عوضين وهل ابو حامد هيطلق ام حامد ولا هيرجعوا لبعض ؟

النائب أنور البلكيمى . حصله حادث فعلا ولا ده نصب

هى دى قضايا الامه الصح .

وياحلولى

العسكر

مخطط لتقسيم مصر ومخطط اخر لحرق مصر

وياحلولى

بنحاكم مبارك على قتل المتظاهريين ونقتل احنا المتظاهريين ونسممهم ونضرب السلميه بالغاز المحرم دوليا .

وياحلولى

قطع الطرق والسكك الحديديه واضراب عمال الشركات المنتجه عن العمل والمظاهرات الفئويه . بس التحرير هو ال بيعطل الانتاج . وياحلولى

حرق المجمع العلمى ومبنى الضرايب وال حرقهم طبيب وكمان هو ال وراء احداث مجلس الوزراء وفى الطريق للطبيب احداث ماسبيروا واحتمال كبير يكون هو ال وراء موقعه الجمل .

وياحلولى

مذبحه بور سعيد وراها النظام السابق وعارفينهم كويس جدا بس مش هنحقق معاهم لاننا مخاصمينهم وزعلنين منهم .

وياحلولى

6 ابريل عميله وبتتلقى التعليمات والتبرعات من منظمات مشبوهه بس هنعديها ليهم المرة دى وهنطنش .

وياحلولى

والدنيا كلها عميله وبتتلقى التعليمات والتدريبات من الاخرة .

وياحلولى

احنا عملنا برلمان يمثل الشعب والشرعيه لينا احنا .

وياحلولى

حكمنا على الثوار من تلاته لسته سنوات سجن وحكمنا على رموزالنظام السابق بالتأجيل .

وياحلولى

الفلوس المتهربه من رموز النظام السابق فلوس حرام ولذالك مش هنجيبها ولموا لينا تبرعات .

وياحلولى

وفلوس الصناديق الخاصه ال بالمليارات دى فلوس ربا اصلا وحرام ندخلها فى الدخل لان التبرعات حلال .

وياحلولى

احنا حققنا مع سوزان عاوزين ايه تانى . اه . جهات سياديه ال حققت معاه . انتوا كمان عاوزين تعرفوا الجهه السياديه ال حققت مع سوزان . دى مصيبه ايه دى

وياحلولى

احنا وقفنا بجانب الثورة بس مش هنحقق اهدافها .

وياحلولى

عملنا لجان تقصى الحقائق وقالت مفيش حقائق هنعمل ايه يعنى .

وياحلولى

حكمنا على حسين سالم بعشرميت سنه سجن وجبنا نسيبه مسكناها الوزارة .

وياحلولى

الاخوان

المظاهرات بتوقف عجله الانتاج وحرام شرعا بس المظاهرات لطرد السفير السورى حلال شرعا .

وياحلولى

استدعينا رئيس الحكومه وزير الداخليه للتصفيق لهم فى مجلس الشعب على مذبحه بور سعيد .

وياحلولى

السلفيين

الخروج على الزعبله فى القله حرام شرعا وكفر رسمى بس الخروج على حاكم سوريا مش كفر .

وياحلولى

المظاهرات ضد الحاكم حرام شرعا بس لطرد السفير حلال ثم حلال .

وياحلولى

الشعب

ياكل معاكم نطلب تأشيرات لكندا .

وياحلولو