إتجاة لإعلان حزب الوفد دعمه الرسمي لعمرو موسى

[se_ Elsyed]

إتلم تانتان على تنتن

حزب الوفد أبو ملايين إتصرفت على الدعاية ومتسقبل له تاريخ ومحمد نوح يغني الوفد الوفد وفي الأخر أخد كام رجل كرسي في مجلس الشعب ما جوش ربع كراسي حزب النور بتاع أول إمبارح

على العموم كده كويس عشان كل شيء يبان ونعرف مين الفلول من مين المعقول

يعقد حزب الوفد مؤتمراً صحفياً فى الثامنة مساء اليوم الأربعاء، للإعلان عن اسم المرشح الذى يحظى بدعمه فى الانتخابات الرئاسية.

وأكدت مصادر مطلعة بالحزب أن الهيئة العليا تفاضل بين عمرو موسى ومنصور حسن، فى الوقت الذى تشير فيه مصادر إلى التوصل إلى شبه اتفاق مع عمرو موسى لدعمه فى السباق الرئاسى.

وكشف مصدر رفيع المستوى عن قرب انتهاء المفاوضات بين حزب الوفد وعمروموسى، المرشح المحتمل لرئاسة الجمهورية، لتأييده فى انتخابات الرئاسة، وذلك خلال تقديم أوراق الترشح بعد العاشر من الشهر الجارى.

وأضاف المصدر فى تصريحات خاصة لـ"اليوم السابع"، أن حزب الوفد خصص فى جريدته مساحة تحريرية يومية لمتابعة نشاط "موسى"، مشيراً إلى أن الهيئة العليا لحزب الوفد شهدت انقساماً حاداً بشأن تسمية المرشح عن الحزب للرئاسة، حيث طرحت أسماء منصور حسن رئيس المجلس الاستشارى من قبل بعض قيادات الحزب، ولم يحدث توافق كامل على تسميته.

وأوضح المصدر أن السيد البدوى رئيس حزب الوفد يميل نحو تبنى حملة عمرو موسى من خلال جريدة الوفد وبوابة الحزب الإلكترونية.

وتشهد الساعات القادمة حسم تسمية المرشح عن الحزب للرئاسة، وكل المؤشرات تتجه نحو عمرو موسى

.

[raouf]

الناس بتوع الوفد عندهم هس هس

هم لم يعلنوا تايد عمرو موسى لله فى لله

تايد عمرو موسى تم لانهم بعد الاحصاءات حسوا انه اقرب المرشحين للفوز بسبب انقسام الناس والراجل بصراحة مش مضيع وقته

فكانت لعبة ذكية من الوفد لاستعادة جزء من بريقه عن طريق انه يكون اول من يؤيد ويدعم عمرو موسى وبالتالى ممكن يطرح اسمه كمرشح الوفد وده رفع لاسم الوفد طبعا

وعلى الاقل ينوبه جزء من الكطعكة السياسية اللى بالتاكيد هاتقوى موقفه فى اى انتخابات قادمة

يعنى لعبة مصلحة

[se_ Elsyed]

فكانت لعبة ذكية من الوفد لاستعادة جزء من بريقه عن طريق انه يكون اول من يؤيد ويدعم عمرو موسى وبالتالى ممكن يطرح اسمه كمرشح الوفد وده رفع لاسم الوفد طبعا

ولا كعكه ولا عيش بتاو من الصعيدي الحلو ده

لأنهم بالفعل اخدوا على دماغهم بتجربة علي السلمي المريرة

بالإضافة إلى النقطة الاهم ... وهي إن مليون المية النظام الجاي هايبقى رئاسي برلماني مختلط والبرلمان هو اللي هايشيل ليلة تشكيل الحكومة فمستحيل القوى الإسلامية تتخلى عن هذا الحلم .. وبالتالي الرئيس هايبقى راجل بركة إلى حد كبير

يبقى فين الإستفادة بقى ؟

[raouf]

فكانت لعبة ذكية من الوفد لاستعادة جزء من بريقه عن طريق انه يكون اول من يؤيد ويدعم عمرو موسى وبالتالى ممكن يطرح اسمه كمرشح الوفد وده رفع لاسم الوفد طبعا

ولا كعكه ولا عيش بتاو من الصعيدي الحلو ده

لأنهم بالفعل اخدوا على دماغهم بتجربة علي السلمي المريرة

بالإضافة إلى النقطة الاهم ... وهي إن مليون المية النظام الجاي هايبقى رئاسي برلماني مختلط والبرلمان هو اللي هايشيل ليلة تشكيل الحكومة فمستحيل القوى الإسلامية تتخلى عن هذا الحلم .. وبالتالي الرئيس هايبقى راجل بركة إلى حد كبير

يبقى فين الإستفادة بقى ؟

لا يا باشا فيه استفادة وكبيرة

اولا ان تكون حزب ومرشحك هو اللى فاز فى الرئاسة يفرق

دعم عمرو موسى والمصاريف والدعاية ده جميل عليه وهايرده فى صورة اخرى

موضوع نوع الدولة لسه لم يحدد

حتى لو كانت برلمانية رئاسية لكن الرئيس فى يده سلطات وواسعة كمان هو اللى هايكلف حزب بتشكيل الحكومة ووظيفة الشخص ده انه يجيب حكومة بموافقة البرلمان

[se_ Elsyed]

هو اللى هايكلف حزب بتشكيل الحكومة ووظيفة الشخص ده انه يجيب حكومة بموافقة البرلمان

لو بالشكل ده ... الاخوان يقفلوها ويروحوا وبلاها برلمان

مش هايحصل يا عزيزي ... تذكر هذا الكلام .. مليون المية إن أغلبية البرلمان هي اللي هاتشكل الحكومة

إذا كان يا مؤمن من دلوقت بيرموا كعب وبيسنوا سنانهم على الجنزوري يوم الأحد الجاي وهايظبطوه لما ييجي المجلس عشان فضيحة جمعيات المجتمع المدني وحالفين يسحبوا من حكومتة الثقة ويشكلوا هما الحكومة وتخيل إنهم بدأوا بالفعل مفاوضات لتوزيع التورتة .. قصدي الحقائب ...

بعد ده كله عاوزهم يتخلوا عن هذا الحلم .. ولو نجح مرشح الوفد أبو 30 كرسي .. يخلوا الرئيس يقول له شكل يابني الحكومة على مزاجك يا وفد مكافأة لك على دعمي ؟

[engmido]

يا س س باشا

هو مش الريس اللى بيختار رئيس الحكومة وبيكلفه بتشكيلها ؟؟؟

يبقى بأى حق التيار الاسلامى يقول اشكل او لا .. النظام لحد دلوقتى مش برلمانى ولا حتى برلمانى رئاسى

النظام رئاسى واعتقد انه سيظل رئاسى لكن مع تقليل صلاحيات الرئيس يعنى مش زى مبارك هو كان كل حاجة

يبقى رئيس الحكومة يختار فلان ...علان هو حر دى مش كحكة او شركة وكل واحد ياخد على قد اسهمه

تم تعديل 7 مارس 2012 بواسطة engmido

[raouf]

هو اللى هايكلف حزب بتشكيل الحكومة ووظيفة الشخص ده انه يجيب حكومة بموافقة البرلمان

لو بالشكل ده ... الاخوان يقفلوها ويروحوا وبلاها برلمان

مش هايحصل يا عزيزي ... تذكر هذا الكلام .. مليون المية إن أغلبية البرلمان هي اللي هاتشكل الحكومة

إذا كان يا مؤمن من دلوقت بيرموا كعب وبيسنوا سنانهم على الجنزوري يوم الأحد الجاي وهايظبطوه لما ييجي المجلس عشان فضيحة جمعيات المجتمع المدني وحالفين يسحبوا من حكومتة الثقة ويشكلوا هما الحكومة وتخيل إنهم بدأوا بالفعل مفاوضات لتوزيع التورتة .. قصدي الحقائب ...

بعد ده كله عاوزهم يتخلوا عن هذا الحلم .. ولو نجح مرشح الوفد أبو 30 كرسي .. يخلوا الرئيس يقول له شكل يابني الحكومة على مزاجك يا وفد مكافأة لك على دعمي ؟

لا يا حج

فى كل دول العالم اللى حكمها برلمانى رئاسى الرئيس بيكلف حد من الحزب الفائز بتشكيل الحكومة

بيتعمل مشاورات للاتفاق على تشكيل الحكومة من تجمع احزاب تضمن اغلبية 50+1

طيب اذا فشل الحزب مثلا محدش عايز يتحالف معاه

وعلى فكره مش شرط يكلف الحزب الفائز ممكن يكلف حد من بره الاحزاب اصلا بس يقدر يجمع النسبة تحت جناحه بمعنى مثلا يكلف حد من حزب النور بتشكيل الحكومة فيتحالف مع الوفد والكتله ويحصل على 50+1

وصلت المعلومة يا ريس ؟

بمعنى اهم شىء عند الرئيس تشكيل الحكومة فى المدة المحددة دستوريا

بس العرف جرى ان الحزب الفائز يشكلها منعا لتضييع الوقت