مظاهر مرفوضة..!بس ليه؟

[بنت شعنونة]

كنت اوصل اخي للمطار

واحنا هناك شفت حاجتين عجججججججججب

اولا..

شباب مصري "عاشق" يودع شابات اجنبيات او شايبات اجنبيات الأتنين موجودييييييين

ودااااااااااااااع حااااااااااااااار

اشي قبلات واشي احضاااااااان واشي بلاوي زرقة لما انا خلالالالالالاص معدتي قلبت عليا من كتر المناظر!

العجيب انه كل واحد منهم يوصل الست الخواجايا من هنا الاقيه "انكج" واحدا تانية مصرية على باب المطار!!!!!!!

يالا العااااااااااااار..

المشهد التاني..

فوج اجنبي مروح بلدهم " مع الف سلامة"

ولابسين برااااااحتهم خااااااااااااااااااااااااااااااااالللللللللللص

لدرجة ان اخويا لقيته بيقول

انا حاسس اني واقف ع البحر مش في المطار!! rs: :lol:

المهم

مجموعة من الشباب المصريين بيوصلوا صاحبهم انبهروا هما كمان ب الملابس اللي من غير هدوم دي

واحد منهم معاه موبايل بكاميرا

راح مصور واحدا

حظة النحس انها شافته

اشتكته

عملوله محضر

وخدوا الموبايل

وعلى مدى الساعتين اللي قعدناهم في المطار

كان الولد متشحطط رايح جاي ورا الظابط اللي سمعه احلللللللللللى كلام الصراحا

ولحد ما مشينا ما اعرفش عملوا فيه ايه!

مش مفروض يبقى عندنا قوانين للكلام دا!

يعني دي بلدنا

احنا حريين مين يلبس ايه فين

مش سداااااااح مداااااااااااااااااح هيا يعني :)

والا ايه؟

[ماجد]

احد المرات و انا جاى من بره مصر...

واحد قعد جنبى ....

كلمته عربى ... رد على مايعرفش عربى ..

طول الرحله اكلمه انجليزى ..

طلب خمره من المضيفه ....

و شرب مرتين ....

و خد كارت من بتوع الأجانب

وقع منه الكارته...

باديهوله ....

لقيته مصرى ....

و مسلم ....

و من شبرا ....

[Cleo]

يا شعنونة انت متضايقة انك شوفتيهم قالعين هدومهم فى المطار...

أنا مرة كنت فى جامع محمد على و الدنيا حررررررررررر .... قاموا الأجانب قالعين الروب الأخضر ده اللى بيدوهلهم فى الجوامع يستروا نفسهم... و لفينه على سمانة رجلهم بس... وطبعا من فوق مفيش هدوم...

وعااااااااااااااااادىىىىىىىىى........ ولا كأنه جامع ولا أى حاجة...

مع إنى فاكرة لما كنت فى إيطاليا وجيت داخلى الفاتيكان، الأمن كان بيوقف أى ولد صغير لابس شورت فوق الركبة و يمنعه من الدخول إلا لو لبس حاجة تغطى رجليه.... :angry:

[Cleo]

مش هانسى أبدا منظر الأميرة ديانا زوجة ولى عهد بريطانيا و أم ولى العهد اللى بعده وهى مغطية راسها فى زيارة للسعودية...

[egyptforever]

الجماعه اللبنانيين عندهم نفس العاده بس مش بس مع الاجانب لا مع بعض و مع غيرهم

تلاقوا ناس مسافرين شباب و بنات و شباب و بنات تانيين بيوصلوهم و هوب تلاقي العمليه بقت سداح مداح

كله بيودع كله على طريقه افلام زمان قبلات حاره جدا و احضان ساخنه

وللاسف المصريين اتعلموا منهم فتلاقي واحد جاي يوصل واحد و مراته يقوم مديها قبلات و احضان و للاسف الراجل جوزها واقف و بيشارك في وداع مرات صاحبه

ولا عزاء للرجوله

[فــيــروز]

لدى امران اريد ان اتحدث عنهما فى هذا الموضوع اللى جاى فى وقته flrt:

اولها هو رغبتنا فى ان يسير من ينزل ضيفا علينا من السياح تبعا لقواعدنا نحن و لما يتفق مع قيمنا و تقاليدنا نحن .. لكن هل يمكن تحقيق هذا وهذه القواعد منتهكه من قبل فتياتنا و نسائنا !! طيب ازاااااااااى !! وكمان يا ترى هل نحن نتقبل المعامله بالمثل؟ بمعنى ان نلتزم نحن ايضا بكل قواعد الحياه فى اى بلد نزوره؟ طيب فى الحاله دى يا ترى ماذا سيكون وضع المسلمات فى البلاد الاوربيه التى بدات الآن فى منع ارتداء الحجاب؟ هل سيكون من حقهم ان يعترضوا على منعهم من ممارسة شعائر دينهم بحريه حتى لو كان المجتمع الذى يقيمون فيه لا يتقبل هذا؟

الموضوع ده شاغلنى من فتره بسبب مداخله قراتها فى موضوع آخر بالمنتدى ولم ارد ان اعلق عليها تجنبا للمشاحنات .. لكن لو نحن قلنا "من حق كل دوله ان تضع ما ترى من قوانين وليس لاحد ان يعترض" كما حدث مثلا فى موضوع الموبيل اللى فيه كاميرا سنجد ان المسلمين المقيمين بالغرب ربما يضاروا لو طبق هذا المبدا عليهم بدون النظر الى اى اعتبارات خاصه

مش عارفه هل الموقفين متماثلين ام ان هناك اختلاف غير واضح بالنسبة لى وانا خلطت الامور ..

النقطه الاخرى التى احببت ان اعلق عليها هى داخل الموضوع ذاته والمتعلقه بقيام شخص بتصوير فتاه ترتدى ملابس خليعه .. ليس هناك جدال على ان الملابس الخليعه مرفوضه .. لكن مرفوض كذلك التطفل على الآخرين بتصويرهم دون استئذانهم و موافقتهم !! بل انه امر يقع تحت طائلة القانون لان المبدأ نفسه مرفوض وهو التعدى على الغير بهذه الصوره .. بس كده :angry:

[amir]

مظاهر مرفوضه !!

بس من مين ؟

مين اللى قال أن المظاهر دى مرفوضه ؟

يعنى احنا اللى وضعنا قواعد معينه لتصرفتنا و لكن مش ممكن نطلب من الجميع الالتزام بها الا اذا وافقنا كما قالت فيروز على مبدأ التعامل بالمثل

وحد بيودع صديقته و قام بتقبيلها فى لحظة الوداع ... ايه المشكله ؟ هل هناك قانون فى البلد بيقول ممنوع القبلات ؟

واحده لابسه من غير هدوم ... طيب انا اعمل ايه ؟ هى حره مع نفسها و لكن من غير المقبول ان استغل الفرصه و اقوم بتصويرها بدون موافقتها

اذا وضعنا شروط معينه لقواعد التصرف و طريقة ارتداء الملابس على طلب الحصول على تأشيرة زيارة مصر كما تفعل بعض الدول عندها فقط نستطيع محاسبة المخالف ... محاسبته عن طريق السلطات المختصه و ليس عن طريق افراد يقومون بالتصوير و استغلال هذه الصور .

[egyptforever]

على فكره متهيألي دي نفس مشكله الليدي ديانا مع الصحافه

واحده مش لابسه هدوم طب بيصوروها ليه ؟؟؟

القضاء الانجليزي رفض دعوى كانت اقامتها ديانا لمنع تصويرها

و قال ان وجود الشخص في مكان عام يعطي الحريه لاي كائن كان ان يلتقط له صوره

و كان هذا القرار حتى بعد ان تحولت من شخصيه عامه الى شخصيه عاديه بعد طلاقها من الامير تشارلز

اما بالنسبه لموضوع انت حر يا عم امير

كل بلد في العالم ليها قيد على الحريات

فكندا على سبيل المثال تمنع الشخص ( ذكر او انثى ) انه يمشي في الشارع عاريا تماما

اما مصر فتمنع القبلات في الشارع ( طبعا ) و اسمها في القانون فعل فاضح في الطريق العام

اما اللي مش لابسه هدوم ففيه شئ اسمه المحافظه على الاداب العامه و الذوق والا لو قلنا واحده مش لابسه هدوم و احنا مالنا هنلاقي بكره اللي بيلبوا نداء لطبيعه في الشارع و الله بيطفوا لهيب الشوق في الشارع برضه

انما فكرتك عن وضع شروط معينه للتصرف عند طلب التأشيره جيده و ياريت تطبق

و لو اني مره قريت ان دبي عايزه تمنع الخمور و الجنس في المدينه و تنقلهم لجزيره قدام دبي

ففيه واحد صاخبي انجليزي لما قلتله كده قالي يبقى الناس مش هتروح دبي و هتلاقي الزحمه كلها على الجزيره دي

[فــيــروز]

هناك نقطه هامه ينبغى ملاحظتها

انه لابد ان يكون للبلد قواعد و لوائح معروفه تطبق على ابنائها قبل ان تفكر فى تطبيقها على الاجانب .. امر لا يتحقق للاسف فى مصر

الخطوه الاولى فى رايى هو التفكير فى هذه القواعد و اعلانها وتطبيقها على الجميع رجالا ونساء بدون اى تمييز ومن ثم فرضها على الزائرين ايضا

[se_ Elsyed]

وحد بيودع صديقته و قام بتقبيلها فى لحظة الوداع ... ايه المشكله ؟ هل هناك قانون فى البلد بيقول ممنوع القبلات ؟

مين قال كده يا أمير ؟

طبعاً ده في القانون إسمه " فعل فاضح في الطريق العام " ويُعاقب كل من يقوم بأفعال من هذا القبيل حتى لو ثبت إن الست دي زوجته على سنة الله ورسوله .. فالطريق العام والاماكن العامة لها إحترامها ويجب على الجميع ان يراعوا تصرفاتهم فيا ..مش انا اللي بأقول كده ده القانون المصري الوضعي كمان .

وعندهم البيوت يعملوا فيها اللي هما عايزين ...

أما مشكلتنا فتكمُن في عدم تطبيق القانون .. او تطبيقه على البعض والبعض لا .. أو تطبيقه في اماكن معينه واماكن تانية لأ ...

وللأسف اللي وصلنا للدرجة دي هو التقليد الأعمى لكل ما هو غربي .. وتخلينا عن ديننا وتقاليدنا وعادتنا الشرقية الأصيلة التي تستنكر مثل تلك الممارسات القذرة التي ليست موجودة حتى عند الحيوانات ...

ولو إحنا إتمسكنا بها فبالتأكيد الاجانب أو الزوار هايلتزموا بها ويحترموها كمان ويحترمونا ...

[Sharkiah]

وكمان يا ترى هل نحن نتقبل المعامله بالمثل؟ بمعنى ان نلتزم نحن ايضا بكل قواعد الحياه فى اى بلد نزوره؟ طيب فى الحاله دى يا ترى ماذا سيكون وضع المسلمات فى البلاد الاوربيه التى بدات الآن فى منع ارتداء الحجاب؟ هل سيكون من حقهم ان يعترضوا على منعهم من ممارسة شعائر دينهم بحريه حتى لو كان المجتمع الذى يقيمون فيه لا يتقبل هذا؟

الموضوع ده شاغلنى من فتره بسبب مداخله قراتها فى موضوع آخر بالمنتدى ولم ارد ان اعلق عليها تجنبا للمشاحنات .. لكن لو نحن قلنا "من حق كل دوله ان تضع ما ترى من قوانين وليس لاحد ان يعترض" كما حدث مثلا فى موضوع الموبيل اللى فيه كاميرا سنجد ان المسلمين المقيمين بالغرب ربما يضاروا لو طبق هذا المبدا عليهم بدون النظر الى اى اعتبارات خاصه

طب ما كنتى تعلقى وهو والله لا بتاع مشاحنات ولاأى شئ زى ده لاسمح الله ، مش يمكن إللى كتب المداخله إلى صرخ فيها من قانون منع الحجاب وإنتى مرضيتيش تعلقى عليها يكون واحد يادوب بيحط رأيه ويمضى لحال سبيله rs:

أنا بس نفسى المره دى إنتى إللى يتسع صدرك للمشاحنه الصغيره دى ،

الحجاب مش شعيره ، ده جزء من العقيده ، يعنى بأمر الله عزوجل وفقا للعقيده الإسلاميه من لاترتديه فى أى لحظه أمام أجنبى عنها هى عاصيه لأمر ربها ، ويختلف الحجاب شكلا ومضمونا عن أى رمز دينى لديانه أخرى

هو ده كان سبب صراخ من لم تعلقى على مداخلته rs: من تصريح شيخ الأزهر الشهير ، فليته صمت كأضعف الإيمان ، وببننا وبينه الله

[فــيــروز]

وكمان يا ترى هل نحن نتقبل المعامله بالمثل؟ بمعنى ان نلتزم نحن ايضا بكل قواعد الحياه فى اى بلد نزوره؟ طيب فى الحاله دى يا ترى ماذا سيكون وضع المسلمات فى البلاد الاوربيه التى بدات الآن فى منع ارتداء الحجاب؟ هل سيكون من حقهم ان يعترضوا على منعهم من ممارسة شعائر دينهم بحريه حتى لو كان المجتمع الذى يقيمون فيه لا يتقبل هذا؟

الموضوع ده شاغلنى من فتره بسبب مداخله قراتها فى موضوع آخر بالمنتدى ولم ارد ان اعلق عليها تجنبا للمشاحنات .. لكن لو نحن قلنا "من حق كل دوله ان تضع ما ترى من قوانين وليس لاحد ان يعترض" كما حدث مثلا فى موضوع الموبيل اللى فيه كاميرا سنجد ان المسلمين المقيمين بالغرب ربما يضاروا لو طبق هذا المبدا عليهم بدون النظر الى اى اعتبارات خاصه

طب ما كنتى تعلقى وهو والله لا بتاع مشاحنات ولاأى شئ زى ده لاسمح الله rs: ، مش يمكن إللى كتب المداخله إلى صرخ فيها من قانون منع الحجاب وإنتى مرضيتيش تعلقى عليها يكون واحد يادوب بيحط رأيه ويمضى لحال سبيله rs:

أنا بس نفسى المره دى إنتى إللى يتسع صدرك للمشاحنه الصغيره دى ،

الحجاب مش شعيره ، ده جزء من العقيده ، يعنى بأمر الله عزوجل وفقا للعقيده الإسلاميه من لاترتديه فى أى لحظه أمام أجنبى عنها هى عاصيه لأمر ربها ، ويختلف الحجاب شكلا ومضمونا عن أى رمز دينى لديانه أخرى

هو ده كان سبب صراخ من لم تعلقى على مداخلته :D من تصريح شيخ الأزهر الشهير ، فليته صمت كأضعف الإيمان ، وببننا وبينه الله

ليه بس كده يا استاذ شرقيه

انا لم اقصد حضرتك .. انا كنت باتكلم على مداخلة الاستاذ سى فود

هو قال فى الموضوع ان كل دوله حره ان تفرض ما تشاء من القوانين .. فى معرض الحديث عن تحريم استخدام الموبيل ذو الكاميرا .. فهل يا ترى المبدا سارى على كل الدول؟ ان تفرض ما تشاء من قوانين !! هذا هو سؤالى .. هل يمكن ان نتقبل هذا من دوله اسلاميه ولا نقبله من دوله علمانيه؟

لكن لم يكن قصدى ابدا ان اتحدث عن فرضية الحجاب او وضعه فى الدين الاسلامى

[ابو يوسف]

على فكره متهيألي دي نفس مشكله الليدي ديانا مع الصحافه

بمناسبة الحديث عن الليدى ديانا ...

على حد علمى أنها ارتدت حجاباً عندما كانت فى زيارة للسعودية مع الأمير شارلز ..

أعتقد أن على الضيف احترام عادات و تقاليد المضيف دون أن يضع المضيف لائحة بذلك ..

الأمر ليس له علاقة بالحرية الشخصية .. و الا – كما قلت - سنسمح لأى أحد أن يسير عارياً تماما ... من منطلق أن تلك حريته الشخصية !!!

أما بخصوص وضع لوائح منظمة لذلك الأمر ...

فأعتقد أنه ليس سهلاً لأنها أمور تتعلق بالفطرة السليمة ..

فالجنس البشرى – منذ آدم – هو ضد العرى و التعرى .. بدون أن يوضع قانون يجرم من تتعرى (أو يتعرى) !!

[Sharkiah]

وكمان يا ترى هل نحن نتقبل المعامله بالمثل؟ بمعنى ان نلتزم نحن ايضا بكل قواعد الحياه فى اى بلد نزوره؟ طيب فى الحاله دى يا ترى ماذا سيكون وضع المسلمات فى البلاد الاوربيه التى بدات الآن فى منع ارتداء الحجاب؟ هل سيكون من حقهم ان يعترضوا على منعهم من ممارسة شعائر دينهم بحريه حتى لو كان المجتمع الذى يقيمون فيه لا يتقبل هذا؟

الموضوع ده شاغلنى من فتره بسبب مداخله قراتها فى موضوع آخر بالمنتدى ولم ارد ان اعلق عليها تجنبا للمشاحنات .. لكن لو نحن قلنا "من حق كل دوله ان تضع ما ترى من قوانين وليس لاحد ان يعترض" كما حدث مثلا فى موضوع الموبيل اللى فيه كاميرا سنجد ان المسلمين المقيمين بالغرب ربما يضاروا لو طبق هذا المبدا عليهم بدون النظر الى اى اعتبارات خاصه

طب ما كنتى تعلقى وهو والله لا بتاع مشاحنات ولاأى شئ زى ده لاسمح الله rs: ، مش يمكن إللى كتب المداخله إلى صرخ فيها من قانون منع الحجاب وإنتى مرضيتيش تعلقى عليها يكون واحد يادوب بيحط رأيه ويمضى لحال سبيله rs:

أنا بس نفسى المره دى إنتى إللى يتسع صدرك للمشاحنه الصغيره دى ،

الحجاب مش شعيره ، ده جزء من العقيده ، يعنى بأمر الله عزوجل وفقا للعقيده الإسلاميه من لاترتديه فى أى لحظه أمام أجنبى عنها هى عاصيه لأمر ربها ، ويختلف الحجاب شكلا ومضمونا عن أى رمز دينى لديانه أخرى

هو ده كان سبب صراخ من لم تعلقى على مداخلته :D من تصريح شيخ الأزهر الشهير ، فليته صمت كأضعف الإيمان ، وببننا وبينه الله

ليه بس كده يا استاذ شرقيه

انا لم اقصد حضرتك .. انا كنت باتكلم على مداخلة الاستاذ سى فود

هو قال فى الموضوع ان كل دوله حره ان تفرض ما تشاء من القوانين .. فى معرض الحديث عن تحريم استخدام الموبيل ذو الكاميرا .. فهل يا ترى المبدا سارى على كل الدول؟ ان تفرض ما تشاء من قوانين !! هذا هو سؤالى .. هل يمكن ان نتقبل هذا من دوله اسلاميه ولا نقبله من دوله علمانيه؟

لكن لم يكن قصدى ابدا ان اتحدث عن فرضية الحجاب او وضعه فى الدين الاسلامى

آه ، كده يبقى وجب عليا التأسف وبشده ، طلعت منى أوت

أنا فهمت بالخطأ ، معلهش أصلى مداخلتى فى موضوع نفسى أقول له أنا أعترف إنى كتبتها بمداد عصاره أعصابى وعظامى ودمى ونخاعى الشوكى ، يعنى بأعترف بالبلدى إنى كتبتها بإنفعال هائل لأن الموضوع ده عامل زى جمره محبوسه بداخلى ولأول مره ألاقى فرصه زى موضوع الأخ إسو علشان أحاول أطفيها أو أخرجها

بس أنا متأكد إنك ستغفرى سوء فهمى

وبرصه أخونا وحبيبنا سى فود كان سيسعد بأى تعليق لكى على أى مداخله له ، كلنا بنعتز بكى وبأرآئك ، وهو رجل نحسبه أخ فاضل يشاركنا نفس الإعتزاز

[yasovinas]

احنا كلنا تركنا الموضوع الرئيسي ومسكنا في موضوع هل يجب ان يلتزم السائح بافكارنا طيب المشكلة او القصه الل حكيتها شانا كانت عن اجانب ومصريين ل

المشكلة يا ساده مش في الاجنبي اللي جاي يتفسح عندنا ويدفع عمله صعبة احنا محتاجين لها ولو انها ما فيهاش بركة والله وبتاخد الحلال معاها

المشكله في الشباب المصري او المجتمع المصري طيب ما الاجانب موجودين في بلادنا من زمان والانحلال عندهم عادي بس لان احنا كنا ملتزمين ومحترمين نفسنا كانو بيحترمونا وبيحترموا تقاليدنا لكن لما التقاليد راحت من اهل البيت يبقى الضيف لا يلام على ما يفعلة

[فــيــروز]

آه ، كده يبقى وجب عليا التأسف وبشده ، طلعت منى أوت

أنا فهمت بالخطأ ، معلهش أصلى مداخلتى فى موضوع نفسى أقول له أنا أعترف إنى كتبتها بمداد عصاره أعصابى وعظامى ودمى ونخاعى الشوكى ، يعنى بأعترف بالبلدى إنى كتبتها بإنفعال هائل لأن  الموضوع ده عامل زى جمره محبوسه بداخلى ولأول مره ألاقى فرصه زى موضوع الأخ إسو علشان أحاول أطفيها أو أخرجها

بس أنا متأكد إنك ستغفرى سوء فهمى

وبرصه أخونا وحبيبنا سى فود كان سيسعد بأى تعليق لكى على أى مداخله له ، كلنا بنعتز بكى وبأرآئك ، وهو رجل نحسبه أخ فاضل يشاركنا نفس الإعتزاز

أستاذ شرقيه rs:

حضرتك اخ عزيز وليس بين الاخوه اعتذارات انا كنت فقط امزح مع حضرتك ..

المشكله في الشباب المصري او المجتمع المصري طيب ما الاجانب موجودين في بلادنا من زمان والانحلال عندهم عادي بس لان احنا كنا ملتزمين ومحترمين نفسنا كانو بيحترمونا وبيحترموا تقاليدنا لكن لما التقاليد راحت من اهل البيت يبقى الضيف لا يلام على ما يفعلة

تمام كده

لهذا قلت اننا لو عرفنا ما هى قواعدنا اصلا التى نريد ان يلتزم بها زائرونا وطبقناها بكل حياد و صرامه علي انفسنا هيكون لنا عين نقول للاجانب افعلوا ولا تفعلوا

[بنت شعنونة]

معلش استحملوا خطرفتي..

العين زي الكاميرا

صور مطبوعة في الذاكرة وربماتكون اسوأ

هل لو الناس اللي مش لابسه حاجا دي معدية في الشارع كدا وكان فيه برنامج تلفزيوني بيصور وهما عدوا قدام الكاميرا واتصوروا

هل ممكن يرفعوا قضية على التلفزيون عشان اتصوروا من غير اذنهم!!!!!!!

المصريين 70% محترم

مش معنى انه في 30% او حتى 40% مش ملتزم منهم يبقى نحكم على الكل!!

سؤال كمان

هل لو واحدةمصرية هيا اللي كانت اتصورت كانوا مسكوا الشاب! والا كانوا اتريقوا عليها وقالولها انتي اللي جبتيه لنفسك!

بلاش

لو واحدا فلبينيه او هندي هيا اللي كانت اتصورت كان ها يكون نفس رد الفعل؟

[Lighthouse]

فيه فرق بين الحالتين ياشعنونة

يعني واحدة معدية بدون قصد امام كاميرا

غير واحد تعمد يصور واحدة

بغض النظر بقى عن لابسة ولا مش لابسة

يعني سعادته انتهك حقها وصورها بدون رغبتها

ولو اللى اتصورت مصرية ولا من بلاد تركب الافيال اعتقد الامر واحد

يعني لو المصرية اشتكت ان حد صورها اكيد ح يتعمل له محضر

الحكاية مش سايبة وكل واحد نفسه يصور حد يصوره وخلاص

المفروض الناس تكون على قدر من المسؤولية اكتر من كده

وبعدين يعني لامؤاخذة

هو مش لاقي مكان يجيب منه صور غير صور حية من المطار ويلقطها بنفسه

العالم مقطعة نفسها وبتوزع صور مصايب على بعض

بجد بقى عالم عايزة قطم رقبتها :unsure:

[عقل حر]

ولو اللى اتصورت مصرية ولا من بلاد تركب الافيال اعتقد الامر واحد

يعني لو المصرية اشتكت ان حد صورها اكيد ح يتعمل له محضر

أشك بشدة في هذا الكلام....

في حالة المصرية سيبتسم الضابط في سماجة و يقول بنبرة موحية "أعملله إيه يعنى" ثم يستطرد "انتوا اللي بتجيبوه لنفسيكوا"

و بعد أن تمشي الفتاة مقهورة سيلتفت لأقرب معاونية ناعتا الفتاه باللفظ الأثير و قائلا أنه لو كان لديها أهل ما كانوا تركوها لتخرج بهذا الشكل.......

نحن مجتمع يمارس قهر "الأنثى" لأنه لا يريد النظر إليها إلا بإعتبارها أنثى

[بنت شعنونة]

الله ينور عليك يا فري مايند

هوا دا تمام اللي كنت عاوزا اقوله فعلا htr::

كان فيه كلام عاوزة اقوله

ونسسسسسسسسسسيته! ty:)

اصبروا اما افتكر rs: